🌻സൂര്യകാന്തി 🌻: ഭാഗം 67

രചന: മിഴി

ഈ ജന്മം ഇതാണെന്റെ നിയോഗം... ഇതിലേക്ക് എത്തിച്ചേരാനുള്ള വഴികളിലെ പരീക്ഷണങ്ങളായേ ദയയും......... പിന്നെ ജിത്തേട്ടനുമായുള്ള വിവാഹവുമൊക്കെ കരുതുന്നുള്ളൂ.. വിദ്യ ഓർത്തു.. ജോലി കഴിഞ്ഞു കുറച്ചേറെ സമയം എന്നുമിവിടെ ചിലവഴിക്കാറുണ്ട് വിദ്യ... രാത്രി പക്ഷേ വീട്ടിലേയ്ക്ക് പോകും .. ഹോസ്പിറ്റലിലെ ജോലി റിസൈൻ ചെയ്തു സ്നേഹതീരത്തിൽ കൂടുതൽ സമയം ചിലവഴിക്കാൻ പ്ലാൻ ചെയ്യുന്നുണ്ട്.. അതിന്റെ ഭാഗമായി അവിടെയുള്ള അമ്മമാരുടെ സഹായത്തോടെ എന്തേലും ചെറിയ കൈത്തൊഴിൽ തുടങ്ങാനുള്ള പരിപാടിയുമുണ്ട്.. വെറുതെ നാല് ചുവരുകൾക്കുള്ളിൽ തളച്ചിടും പോലൊരു ജീവിതം വർദ്ധക്യത്തിൽ തികച്ചും അസ്സഹനീയമാണ്.. മേരി ചേച്ചി എന്നാൽ ഞാൻ ഇറങ്ങുവാട്ടോ.. നാളത്തെ കാര്യം പ്രത്യേകിച്ച് പറയണ്ടല്ലോ അല്ലേ... അപ്പോൾ നാളെ വൈകിട്ട് കാണാം.. സ്നേഹതീരത്തിലെ ഓൾ ഇൻ ഓൾ ആണ്.. മേരി... ആൾ ഇവിടെത്തന്നെയാണ് താമസം.. എന്റെ പൊന്നു കുഞ്ഞേ... നീയ്യ് ഇറങ്ങാൻ നോക്ക്..

നേരം വെളുത്തപ്പോ ജോലിക്ക് പോയതല്ലേ... അവിടുന്ന് വന്നേച്ചു ഇവിടെ.. ഇനിപ്പോ വീട്ടിൽ ചെന്നിട്ടു വേറേം ണ്ടല്ലോ... ഇങ്ങനെ ദേഹം നോക്കാണ്ട് ഓടിയാൽ എവിടേലും വീണ് പോകും പറഞ്ഞേക്കാം .. മേരി ശാസനയോടെ അവളെ നോക്കി.. വിദ്യയുടെ എല്ലാ കാര്യങ്ങളും അറിയുന്ന ആളാണ് മേരി.. മേരിയും നേഴ്സ് ആയിരുന്നു.. ഹോസ്പിറ്റലിൽ വെച്ചുള്ള പരിചയമാണ്. ഇപ്പോൾ റിട്ടയെർഡ് ആയി.. അതിനുശേഷം ആണ് ഇവിടെക്കു വന്നത്.. അങ്ങനൊന്നും ഈ വിദ്യ വീഴത്തില്ല എന്റെ മേരി കുഞ്ഞേ... ജീവിതത്തിൽ കുറേ വീണില്ലേ.. ഇപ്പോൾ ഉള്ളത് ഒരു ഓട്ടമാണ്.. നല്ല മാരതോൺ ഓട്ടം... അതും എനിക്ക് വേണ്ടിയല്ല.. ഇവിടെയുള്ള ഓരോ ജീവനും വേണ്ടി. പിന്നെ ഒരു കണക്കിന് ഈ തിരക്കും അനുഗ്രഹമാണ്.. പിന്നോട്ടുള്ളതൊന്നും അധികം ഓർക്കാൻ സമയം കിട്ടില്ല.. മുഖത്തൊരു പുഞ്ചിരിയുടെ മൂടുപടമണിഞ്ഞു നിൽക്കുമ്പോഴും ഉള്ളിൽ തെളിമയോടെ സത്യം നിറഞ്ഞു.. എന്റെ കുഞ്ഞിനെ ദൈവം കാക്കും.. നിന്റെ ഈ മനസ്സുണ്ടല്ലോ അത്‌ കർത്താവ് കാണാതിരിക്കില്ല..

മനുഷ്യത്വമാണ് കുഞ്ഞേ ഏറ്റവും വലുത്.. സ്വന്തം സഹജീവിയെ തിരിച്ചറിയാനും സഹായിക്കാനുമുള്ള മനസ്സിനെക്കാൾ വലുത് വേറൊന്നുമില്ല.. പറയുമ്പോൾ മേരിയുടെ മനസ്സിൽ തന്റെ ജീവിതം തെളിഞ്ഞു.. നഴ്സിംഗ് ഇഷ്ടപ്പെട്ടു തിരഞ്ഞെടുത്തതാണ്... വിവാഹം കഴിഞ്ഞു... ആണായും പെണ്ണായും ഒറ്റൊരുത്തൻ... ഒന്നേയുള്ളൊണ്ട് താഴത്തും തലേയും വെയ്ക്കാണ്ട് വളർത്തി. ഒന്നിനും കുറവ് വരുത്തിട്ടില്ല.. വിദ്യാഭ്യാസം നൽകി.. നല്ലൊരു ബന്ധം കണ്ടെത്തി വിവാഹോം കഴിപ്പിച്ചു.. ഇപ്പോൾ അവനും പെണ്ണിനും അപ്പനേം അമ്മേനേം വേണ്ട.. ഭർത്താവ് മരിക്കും വരെ ആളെയും നോക്കി കഴിഞ്ഞു. ശേഷം ഒറ്റപ്പെടൽ സഹിക്കാൻ വയ്യാഞ്ഞപ്പോൾ എടുത്ത തീരുമാനമാണ് സ്നേഹതീരത്തിലെ ഈ റോൾ.. തോളിൽ ചേർന്ന വിദ്യയുടെ കൈകളാണ് ഓർമയിൽ നിന്നും മേരിയെ ഉണർത്തിയത്.. വിദ്യയുടെ കൈകൾ തന്റെ കവിളിനെ തഴുകി പോയപ്പോഴാണ് മിഴികൾ നിറഞ്ഞിരുന്നെന്നും അത്‌ കവിളിനെ നനച്ചെന്നുമവർ അറിഞ്ഞത്. എന്താ മേരി കുഞ്ഞേ... വെറുതെ എന്തിനാ ഓരോന്ന് ഓർത്തു സങ്കടപ്പെടുന്നേ..

ഹേ... ഏയ്... ഇല്ലെടി... എത്ര ഓർക്കേണ്ടെന്നു കരുതിയാലും ഒക്കത്തില്ല കുഞ്ഞേ.. നീ പോകാൻ നോക്ക് മോളേ.. ഒന്നുകണ്ണുചിമ്മി കാട്ടിയവൾ ബാഗ് തോളിലേയ്ക്ക് ഒന്നുകൂടി ചേർത്തുപിടിച്ചു തിരിഞ്ഞു നടന്നു.. മോളേ... പിന്നിൽ നിന്നുള്ള മേരിയുടെ വിളിയിൽ അവളൊന്നു തിരിഞ്ഞു നിന്നു.. അതേ... വീട് നോക്കാൻ ഇന്നും ഒരു കൂട്ടര് വന്നിരുന്നു.. ആ കണാരന്റെ ഏർപ്പാടാ.. തരക്കേടില്ലാത്ത റേറ്റ് പറയുന്നുണ്ട്.. കൊടുത്താലോന്നാ... അത്‌ വേണോ മേരി കുഞ്ഞേ... ഇപ്പോൾ ഈ ചെയ്യുന്നതൊക്കെ തന്നെ വല്യ സഹായമാണ്.. ഒരു രൂപാ പോലും ആഗ്രഹിക്കാതെ എന്റെ ഈ സ്വപ്നത്തിനൊപ്പം രാപ്പകൽ കൂട്ടിരിക്കുന്നില്ലേ.. ഇനി ആ വീടും കൂടി വിറ്റു സ്നേഹതീരത്തിനു തരണോ...? എല്ലാം മേരിയമ്മയുടെ നല്ല മനസ്സാ.. അറിയാം.. പക്ഷേ... വേണ്ടാട്ടോ.. അതങ്ങു ജോയിച്ചന് കൊടുത്തേക്കു... ആൾക്ക് അവകാശപ്പെട്ടതല്ലേ.. ഇപ്പോൾത്തന്നെ അമ്മച്ചിയെ ഞാൻ പിടിച്ചു വെച്ചേക്കാന്നു ആൾക്ക് പരാതിയുണ്ട്.. മേരിയുടെ മകൻ ജോയിയെക്കുറിച്ച് ഓർക്കേ വിദ്യ അവരെ പിന്തിരിപ്പിക്കാൻ ശ്രമിച്ചു.

ഇതെന്റെ ആഗ്രഹമാണ്.. എന്റെ മാത്രമല്ല ഇച്ചായന്റേം.. ജോയിച്ചന് ആവശ്യമുള്ളതിലും അധികം കൊടുത്തിട്ടുണ്ട്.. പണമായും സ്വത്തായും.. പിന്നെ ഇപ്പോഴും അളക്കാൻ ആകാത്തത്ര സ്നേഹവും... പക്ഷേ.... അവനു ഈ അമ്മച്ചിയെ വേണ്ട.. അപ്പനേം അമ്മച്ചിയേം വേണ്ടാത്തോന് സ്വത്തു എന്തിനാ... ആ വീട്ടിൽ അവൻ ഏർപ്പാടാക്കിയ വേലക്കാരിയ്‌ക്കൊപ്പം നിൽക്കുന്നതിനേക്കാൾ സമാധാനവും സന്തോഷവും എനിക്കിവിടെ കിട്ടുന്നുണ്ട്.. അത്‌ മതി... ഈ വില ഞാൻ ഉറപ്പിക്കാൻ പോകാ.. എന്റെ കൂടെ വരണം എഴുത്തിന്.. പ്രായം കുറേ ആയില്ലേ.. പൈസയൊക്കെ ഇത്രെയും കൈകാര്യം ചെയ്യാൻ അത്ര ധൈര്യമില്ല അതോണ്ടാ.. പറഞ്ഞുകൊണ്ടവർ അകത്തേയ്ക്ക് പോയി.. അവരെക്കുറിചോർത്തുതന്നെ അവൾ നടന്നു.. 💫💫💫💫💫💫💫💫💫💫💫💫💫 വിഷ്ണു... ഒന്നു താഴോട്ടു വാ... സ്വാതിയാണ് വിളിച്ചത്.. വൈകുന്നേരം വന്നിട്ടേയുള്ളു വിച്ചു.. ജിത്തേട്ടന്റെ പാത തുടരാനാണ് പ്ലാൻ.. ഇപ്പോൾ ട്രെയിനിങ് കോളേജിൽ ഗസ്റ്റ്‌ ലെക്ചറർ ആണ്.. ഒപ്പം പി എച്ച് ഡി ജോയിൻ ചെയ്തിട്ടുണ്ട്.. ഇപ്പോൾ തറവാട്ടിലാണ് താമസം..

സ്വാതിയെ വിവാഹം ചെയ്തതിൽപ്പിന്നെ ഇങ്ങോട്ട് മാറി.. കോണിയിറങ്ങി വരുമ്പോഴേ കണ്ടു നടുത്തളത്തിൽ നിലത്തു പായ വിരിച്ചു കിടത്തിയിരിക്കുന്ന കുഞ്ഞു സോനു.. ഒരു മാസം ആയതേയുള്ളൂ ആൾക്ക്.. ആഹാ.. വാവക്കുട്ടൻ ഇവിടെ കിടക്കാണോ..? വിച്ചു അവനൊപ്പം നിലത്തേയ്ക്കിരുന്നു.. ആ കുഞ്ഞു കാലിലും വിരലിലുമൊക്കെ തൊട്ടു തലോടി.. വിഷ്ണു.. കുറച്ചു നേരം മോനടുത്തിരിക്കുവോ..? തല കുലുക്കുന്നതിനൊപ്പം ഒന്നു കണ്ണുരുട്ടിയവളെ പേടിപ്പിച്ചു.. എന്താ...? അതേ ഗൗരവത്തിൽ അവളും തിരക്കി.. ഒന്നു സ്നേഹത്തോടെയൊക്കെ വിളിക്കടി.. ഒന്നുമില്ലേലും പ്രായത്തിൽ മൂത്തതല്ലേ ആ ബഹുമാനമെങ്കിലും താ... ചെറുചിരിയോടെ പറയുമ്പോൾ സ്വാതിയിലും ആ ചിരി പകർന്നിരുന്നു... ആണോ... എന്റെ വിഷ്ണു ഏട്ടാ... മുത്തേ... മതിയോ.. ഒപ്പം ആ കവിളിൽ ഒന്നമർത്തി മുത്തിയിരുന്നു. മ്മ്.... ഇഷ്ടായി.... പക്ഷേങ്കി... ഇനിം വേണം.. അവൻ കുറച്ചു കൂടി ചേർന്നിരുന്നുകൊണ്ട് പറഞ്ഞു.. ആയ്ക്കോട്ടെ... ഇങ്ങട് വന്നല്ലേയുള്ളൂ... നമ്മക്ക് വിശദമായി സ്നേഹിക്കാം. ഇപ്പോ മോൻ കുഞ്ഞനെ നോക്കൂട്ടോ..

അവിടെ വെള്ളം തിളപ്പിച്ച്‌ വെച്ചെയ്ക്കാ ചൂട് പിടിയ്ക്കാൻ.. അതിന്റെ ചൂട് പോകും.. ഒന്നുകൂടി അമർത്തി ചുംബിച്ചവൾ അവനെ വിട്ടകന്നു.. ഉള്ളം നിറഞ്ഞവൻ കുഞ്ഞനരികിലേയ്ക്ക് ചാഞ്ഞു.. റൂമിലേയ്ക്ക് കയറി ഡോർ ലോക്ക് ചെയ്തു ബാത്റൂമിലേയ്ക്ക് കയറി വെള്ളം ചൂട് ഉണ്ടോയെന്നു ഒന്നുകൂടി ഉറപ്പാക്കി. ബെഡിലായിരിക്കുന്ന ട്രീസയെ പിടിച്ചു എഴുന്നേൽപ്പിച്ചു.. വാ അമ്മച്ചി... ഇന്നലെ ഞാൻ ചോദിച്ചതല്ലേ വേദന ഉണ്ടോന്നു അപ്പോഴ് മിണ്ടാണ്ട് ഇരുന്നു.. സ്വാതി അമ്മയെ നോക്കി കണ്ണുരുട്ടി.. പറയുന്നതിനൊപ്പം ബാത്‌റൂമിൽ സൈഡിലായി ഇട്ടിരുന്ന സ്റ്റൂൾ നീക്കിയിട്ടു. ഇല്ലടി കൊച്ചേ... ചെറിയൊരു വേദന അത്രേയുള്ളൂ.. പിന്നെ മാസം ഒന്നായില്ലേ ഇനിം നിന്നെ എങ്ങനാ ബുദ്ധിമുട്ടിയ്ക്കുന്നെ.. ട്രീസ ഡ്രസ്സ്‌ മാറ്റിക്കൊണ്ട് പറഞ്ഞു.. പിന്നേ.. ബുദ്ധിമുട്ട്... എന്റമ്മിച്ചിയെ ഞാൻ അല്ലയോ നോക്കേണ്ടേ.. കുഞ്ഞന്റെയും എല്ലാം എനിക്ക് ചെയ്യണമെന്നാരുന്നു.. അവൻ കുഞ്ഞല്ലേ കൈയിൽ എടുക്കുമ്പോ പോലും പേടിയാ.. അതാ അവന്റെ കാര്യം നോക്കാൻ ഒരാളെ വെയ്ക്കാൻ സമ്മതിച്ചത്.. ചൂട് വെള്ളത്തിൽ മുക്കി പിഴിഞ്ഞ തോർത്ത്‌ തോളിലും കൈയിലുമൊക്കെ വെച്ചു ആവി കൊടുക്കുന്നതിനിടയിൽ സ്വാതി പറഞ്ഞു. മ്മ്...

എന്നാലും.... ഈ പ്രായത്തിൽ.. ഈ പ്രായത്തിനെന്നതാ ട്രീസാക്കൊച്ചേ കൊഴപ്പം.. എനിക്ക് ഒരു അനിയനെയോ അനിയത്തിയേയോ വേണമെന്ന് വല്യ ആശയാരുന്നു.. കുഞ്ഞിലേ എന്റെ പ്രസവ സമയത്ത് ആരുമില്ലാണ്ടു നിങ്ങള് കഷ്ടപ്പെട്ടതൊക്കെ കേൾക്കുമ്പോ മിണ്ടാണ്ട് മൂടി വെച്ചതാ.. ദൈവം തമ്പുരാൻ വൈകി ആണേലും നമ്മുടെ കുഞ്ഞനെ തന്നില്ലേ അനിയനായിട്ട്.. ആ സന്തോഷത്തിൽ ഇരിക്കുമ്പോഴാ ഓരോന്ന്.. എന്റെ അമ്മിച്ചി അമ്മയാകാൻ ഇന്ന പ്രായം എന്നൊന്നും ബോർഡർ വെച്ചിട്ടില്ല.. പിന്നേ സിസേറിയൻ ആയതിന്റെ കുറച്ചു റസ്റ്റ്‌ ഒക്കെ വേണം.. അതുകൊണ്ട് ഓരോന്ന് ഓർത്തു ബിപി കൂട്ടാണ്ട് ഹാപ്പി ആയിരിക്ക്.. ഇവനൊന്നു പിച്ചവെയ്ക്കുമ്പോ അടുത്ത ആളെ ഈ കൈയിലോട്ടു വെച്ചു തരും ഞാൻ.. ഈ പെണ്ണിന്റെ ഒരു കാര്യം.. ട്രീസ അവളുടെ വർത്താനം കേട്ടു ചിരിച്ചു. തമാശയല്ല അമ്മിച്ചി...

നെക്സ്റ്റ് ചാൻസ് ഞങ്ങക്കല്ലേ.. തമാശയിൽ പറഞ്ഞിറങ്ങുന്നവളെ സ്നേഹത്തോടെ അതിലേറെ അഭിമാനത്തോടെ അവർ നോക്കിയിരുന്നു.. ഈ വൈകിയ പ്രായത്തിൽ ഒരു കുഞ്ഞു വരുന്നെന്നു അറിഞ്ഞപ്പോൾ സന്തോഷത്തോടൊപ്പം സ്വാതിയും വിഷ്ണുവുമൊക്കെ എങ്ങനെ പ്രതികരിക്കുമെന്ന ഭയമായിരുന്നു. എന്നാൽ അതൊക്കെ ഞൊടിയിടയിൽ മായ്ച്ചു അവരുടെ പ്രതികരണം.. കുഞ്ഞന്റെ വരവ് തങ്ങളെക്കാൾ കാത്തതും ആഘോഷിച്ചതും അവർ രണ്ടു പേരുമായിരുന്നു.. ഇരുവരുടെയും വിവാഹം കഴിഞ്ഞു മാസങ്ങളെ ആയുള്ളായിരുന്നു.. തനിച്ചവിടെ എന്നെ നിർത്തിപ്പോകുന്നതും പ്രസവം കഴിഞ്ഞുള്ളതൊക്കെ ഇച്ചായന് ആധിയായിരുന്നു.. എന്നാൽ ഇരുവരും തറവാട്ടിലോട്ട് താമസം മാറി എന്നെയും ഇങ്ങോട്ട് കൊണ്ടു വന്നു.. പ്രായത്തിന്റെ കുറച്ചു പ്രശ്നങ്ങൾ കാരണം സിസേറിയൻ ആയിരുന്നു..

അപ്പോഴും സ്വന്തം അമ്മമാർ ചെയ്യും പോലെ കൂടെനിന്ന് നോക്കി.. കുഞ്ഞിനെ നോക്കാൻ ഒരാളെ ഒരുമാസം നിർത്തിയതല്ലാതെ തന്റെ കാര്യങ്ങൾ അവളൊറ്റയ്ക്കാണ് ചെയ്തത്.. അല്ലെങ്കിലും പ്രസവത്തിനും മറ്റുമൊക്കെ സഹായത്തിനു ആളെ വെച്ചെന്നു പറഞ്ഞാലും സ്വന്തം ആയൊരാൾ നോക്കും പോലെ ആകില്ലല്ലോ... ആദ്യ പ്രസവത്തിൽ ആധിയായിരുന്നെങ്കിൽ ഇത്തവണ എല്ലാം ആസ്വദിച്ചു... എല്ലാം ദൈവം സ്വാതിയിലൂടെയും വിഷ്ണുവിലൂടെയും നൽകിയ അനുഗ്രഹം.. ഈ അമ്മിച്ചി ഇപ്പോഴും അവിടിരിക്കുവാന്നോ... വന്നേ... വന്നു ഡ്രസ്സ്‌ മാറിയെച്ചു കുറച്ചു നേരം കിടക്ക്.. ഓരോന്നോർത്തിരിക്കുന്നവളെ നോക്കി സ്വാതി പറഞ്ഞു..... കാത്തിരിക്കുക...💕

നോവലുകൾ ഇനി വാട്സാപ്പിലും വായിക്കാം. ഗ്രൂപ്പിൽ ജോയിൻ ചെയ്യാൻ ഇവിടെ ക്ലിക്ക് ചെയ്യുക.

എല്ലാ പാർട്ടുകളും വായിക്കാൻ ഇവിടെ ക്ലിക്ക് ചെയ്യുക