SOULMATES_💙: ഭാഗം 14

എഴുത്തുകാരി: SAHALA SACHU

【വിക്രം】 ഒരു കള്ള ചിരിയോടെ അവളെ നോക്കി അത് പറഞ്ഞതും പെണ്ണ് Nooo എന്ന് പറഞ്ഞോണ്ട് പിന്നിലേക്ക് വലിഞ്ഞു.... പക്ഷെ ഞാൻ അവളെ പൊക്കി എടുത്ത് എന്റെ ബെഡ്റൂമിലേക്ക് നടന്നു.... 🔹🔹🔹🔹🔹🔹🔹🔹🔹🔹🔹🔹🔹🔹 【ഗൗതം】 ഗൗരി ആ സമയത്ത് കയറി വരുമെന്ന് ഞാൻ ഓർത്തത് പോലും ഇല്ല.... സ്വന്തം പെങ്ങളുടെ മുന്നിൽ ഇങ്ങനെ ചൂളി നിൽക്കുന്ന അവസ്ഥ ഉണ്ടല്ലോ,,,, പറഞ്ഞാൽ മനസിലാവില്ല.... എന്നാലും അവളെന്ത് കരുതി കാണും.... ഛെ.... എനിക്ക് മുന്നേ കാറിന് അടുത്തേക്ക് നടക്കുന്നുണ്ട് അനു.... അവൾക്ക് ഇപ്പൊ എന്നെ കൊല്ലാൻ ഉള്ള ദേഷ്യം ഉണ്ടാവും എന്ന് എനിക്ക് അറിയാം....കാറിന് അടുത്ത് എത്തിയപ്പോ ഞാൻ അവൾക്ക് ഡോർ തുറന്ന് കൊടുത്തതും എന്നെ ഒന്ന് ഉറ്റുനോക്കി കൊണ്ട് പെണ്ണ് കാറിലേക്ക് കയറി.... ഡോർ അടച്ച് ഒന്ന് ശ്വാസം വലിച്ച് വിട്ടുകൊണ്ട് ഞാനും ഡ്രൈവിങ് സീറ്റിലേക്ക് കയറി ഇരുന്നു.... "അനു...." "നീയൊന്നും പറയേണ്ട....ഛെ.... നീ ഒരുത്തൻ കാരണം ഞാൻ നാണംകെട്ടു... ഞാൻ ഇനി എങ്ങനെ ഗൗരിയെ നോക്കും.....?" "കണ്ണുകൊണ്ട് നോക്കണം..."

"ദെ....ചളി അടിച്ചാൽ ഞാൻ നിന്നെ ചവിട്ടി പുറത്തിടും....പറഞ്ഞില്ലെന്ന് വേണ്ട.....എന്നെ നാണംകെടുത്തിയത് പോരാഞ്ഞിട്ട് ഇപ്പൊ അവൻ തമാശ പറയുവാ...." "ആഹാ....നീ പറയുന്നത് കേട്ടാൽ തോന്നുമല്ലോ ഞാൻ മനപ്പൂർവ്വം അവള് വരുന്നത് നോക്കി നിന്ന് നിന്നെ നാണംകെടുത്തിയത് ആണെന്ന്.... ഞാൻ അറിഞ്ഞോ അവൾ വരുമെന്ന്.... ഇതിപ്പോ നീ മാത്രമല്ലല്ലോ,,,,ഞാനും കൂടെ അല്ലെ നാണംകെട്ടത്...." "അതിന് കാരണം എന്താ....? നിന്റെ ആക്രാന്തം അല്ലെ....?" "എന്തോ....? എങ്ങനെ....? ഞാൻ കിസ് തന്നപ്പോ കണ്ണടച്ച് നിന്ന് അത് ആസ്വാദിച്ചതും പോരാ,,,,എന്നെ തിരിച്ച് കിസ് ചെയ്യുകയും ചെയ്തിട്ട്,,,,എനിക്ക് ആക്രാന്തം അല്ലെ....?" അത് ഞാൻ പറഞ്ഞപ്പോ പെണ്ണിന്റെ മുഖത്ത് നിറഞ്ഞു നിന്ന ചമ്മൽ കാണാൻ നല്ല ഭംഗി ഉണ്ടായിരുന്നു.... കണ്ടപ്പോ എനിക്ക് ചിരിയാണ് വന്നത്... "ആഹ്....വണ്ടി വിട്..." "ഇപ്പൊ ഒന്നും പറയാൻ ഇല്ലേ....?" "ആഹ്...ഉണ്ട്....പക്ഷെ അത് ഞാൻ ഇപ്പൊ പറയുന്നില്ല....ഗൗരി ഇതെല്ലാം ദിയയോടും ആമിയോടും പറയുമോ എന്ന് നോക്കട്ടെ....എന്നിട്ട് ഞാൻ ബാക്കി പറയാം..." "ഹേയ്...അവൾ പറയില്ല....എന്റെ പെങ്ങൾ അല്ലെ...." എന്ന് ഞാൻ പറഞ്ഞെങ്കിലും ഗൗരി പറയുമെന്ന് എനിക്ക് നല്ല ഉറപ്പായിരുന്നു.....വിക്രമിന്റെ കാര്യം ദീക്ഷിയോട് പറഞ്ഞത് ഞാൻ അല്ലെ.... ആ എന്റെ പെങ്ങൾ അല്ലെ അവൾ....

അപ്പൊ അവൾ തീർച്ചയായും പറഞ്ഞിരിക്കും.... "നിന്റെ പെങ്ങൾ ആയത് കൊണ്ട് പറയുമെന്ന് എനിക്ക് നല്ല ഉറപ്പാണ്..." എന്നവൾ പറഞ്ഞപ്പോ ഞാൻ അവളെ നോക്കി ചിരിച്ചോണ്ട് വണ്ടി വിട്ടു... 🔹🔹🔹🔹🔹🔹🔹🔹🔹🔹🔹🔹🔹🔹 【വിക്രം】 ഞാൻ അവളെയും എടുത്ത് ബെഡ്റൂമിലേക്ക് പോയി....അവളെ ഞാൻ ബെഡിലേക്ക് ഇട്ടതും പെണ്ണ് എന്നെ കണ്ണ് മിഴിച്ചു നോക്കി....ഞാൻ അവളെ നോക്കി ചിരിച്ചോണ്ട് ഒന്ന് താടി തടവിയപ്പോ അവള് എന്നെ നോക്കി വേണ്ടെന്ന രീതിയിൽ തലയാട്ടി..... അതിന് മറുപടി ഒന്നും കൊടുക്കാതെ ഞാൻ ഷർട്ടിന്റെ ബട്ടൻസ് അഴിച്ച് അവളുടെ അടുത്ത് ഇരുന്നു.... അവൾ കിടന്നിടത്ത് നിന്ന് എഴുന്നേൽക്കാൻ പോയതും ഞാൻ അവളെ അവിടെ തന്നെ പിടിച്ചു കിടത്തി അവൾടെ തൊട്ട് അടുത്തായി ഞാനും കിടന്നു.... അവളുടെ മുഖത്തേക്ക് വീണ് കിടന്ന മുടി ചെവിയുടെ പിന്നിലേക്ക് ഒതുക്കി വെച്ച് കൊടുത്ത് മുഖം ഒന്ന് തലോടിയതും അവളെന്റെ കയ്യിൽ പിടിച്ചു വെച്ചു..... "എന്താടി....പേടിക്കേണ്ട....കല്യാണത്തിന് മുന്നേ നിന്നെ ഞാൻ എന്റെ കൊച്ചിന്റെ മമ്മി ആക്കില്ല...."

എന്ന് ഞാൻ പറഞ്ഞപ്പോ അവൾ എന്റെ നെഞ്ചിനിട്ടൊരു കുത്ത് തന്നു.... "സത്യമാണ് പറഞ്ഞത്.... നീ എന്റെ പെണ്ണ് ആണ്....എങ്കിലും,,,, നിന്നിലെ പെണ്ണിനെ ഞാൻ സ്വന്തമാക്കുന്നത് എന്റെ കൈ കൊണ്ടൊരു താലി നിന്റെ കഴുത്തിൽ കെട്ടിയതിന് ശേഷം മാത്രം ആയിരിക്കും..... അതിന് മുന്നേ അങ്ങനൊരു അപരാധം ഞാൻ ചെയ്യില്ല..... നിനക്കോ നിന്റെ വീട്ടുകാർക്കോ ആരുടെയും മുന്നിൽ തല കുനിച്ച് നിൽക്കേണ്ട അവസരം ഞാൻ ഉണ്ടാക്കില്ല..... ഇത് വിക്രം നിനക്ക് തരുന്ന വാക്കാണ്..." എന്ന് ഞാൻ പറഞ്ഞപ്പോഴേക്ക് അവളുടെ കണ്ണ് നിറഞ്ഞിരുന്നു.... "എന്തിനാ കരയുന്നത്......" "എനിക്ക്,,,,എനിക്ക് അറിയില്ല വിക്രം.... നിന്നെ കണ്ടപ്പോൾ ഞാൻ കരുതിയില്ല,,,, നീ എന്റെ ജീവൻ തന്നെ ആയി മാറുമെന്ന്....ഓരോ നിമിഷവും നിന്നോടുള്ള ഇഷ്ടം കൂടുന്നു എന്നല്ലാതെ ഒരു തരി പോലും കുറയുന്നില്ല.... ഒരിക്കലും അങ്ങനെ കുറയുകയുമില്ല.... ഇപ്പൊ എനിക്ക് എന്നെക്കാൾ വിശ്വാസമാണ് നിന്നെ....ഒരുപാട് ഇഷ്ടമാണ്....അതുകൊണ്ട് തന്നെയാ നീ എന്നോട് ഇഷ്ടം ആണെന്ന് പറഞ്ഞപ്പോ രണ്ടാമതൊന്ന് ഞാൻ ആലോചിക്കാതിരുന്നതും...."

എന്നവൾ പറഞ്ഞപ്പോ ഞാൻ അവളുടെ നെറ്റിയിൽ ഒരു മുത്തം കൊടുത്തു.... "ലവ് യൂ ദിയ....ലവ് യൂ സോമച്ച്...." "ലവ് യൂ റ്റൂ...." "ആഹ്,,,,ഇങ്ങനൊക്കെ പറഞ്ഞെന്ന് കരുതി നിന്നെ ഞാൻ ഒന്ന് തൊടുക പോലുമില്ലെന്ന് തെറ്റിദ്ധരിക്കരുത്.... എനിക്ക് കിസ് ചെയ്യാൻ തൊന്നുമ്പോൾ കിസ് ചെയ്യും....ഹഗ് ചെയ്യാൻ തോന്നുമ്പോൾ ഹഗ് ചെയ്യും....പക്ഷെ അതിര് വിടില്ല....അത്രമാത്രം...." "മിണ്ടാതിരിക്ക്...." "അല്ലേലും ഇനി മിണ്ടുന്നില്ല...." എന്ന് പറഞ്ഞു ഒന്നൂടെ അവൾടെ നെറ്റിയിൽ ഞാൻ മുത്തം കൊടുത്തു.... പതിയെ ചുണ്ടുകൾ താഴേക്ക് ഉരസി ഇറങ്ങി.... എന്റെയും അവളുടെയും ചുണ്ടുകൾ തൊട്ടുരുമ്മി നിന്നപ്പോൾ അവളുടെ കണ്ണുകളിലെ പിടപ്പും ചുണ്ടിലെ വിറയലും കണ്ടതും അവളുടെ അധരം എന്റെ അധരത്തിനുള്ളിൽ ഒതുക്കി വെച്ചു...... പതിയെ പതിയെ തുടങ്ങിയ ചുംബനത്തിന് വേഗത കൂടാൻ തുടങ്ങിയപ്പോൾ എന്റെ കൈകൾ അവളുടെ ദേഹത്തൂടെ ഓടി നടന്നു....

ഇടയ്ക്ക് അവളുടെ ടോപ്പിന് ഇടയിലൂടെ എന്റെ കൈകൾ കടത്തി അവളുടെ ആലില വയറിലൂടെ വിരലോടിച്ചു.... ആ സമയം പെണ്ണൊന്ന് കുറുകി..... ആ ചോര ചുണ്ടുകൾ എത്ര നുണഞ്ഞിട്ടും മതിയാവാത്തത് പോലെ ഞാൻ വീണ്ടും വീണ്ടും ആവേശത്തോടെ അത് സ്വന്തമാക്കി.....ചുംബനത്തിന് വേഗതയും ആവേശവും കൂടുന്നതിന് അനുസരിച്ച് അവളുടെ വയറിൽ ഉള്ള എന്റെ പിടിയും മുറുകി.... അധരങ്ങൾ തമ്മിൽ വേർപെടുത്തിയപ്പോൾ ഒട്ടും താമസിയാതെ എന്റെ മുഖം അവളുടെ കഴുത്തിലേക്ക് അമർന്നു.... അവളുടെയും എന്റെയും നെഞ്ചിടിപ്പ് ഒരുപോലെ വർധിക്കുന്നത് എനിക്ക് മനസിലാവുന്നുണ്ടായിരുന്നു.... എന്റെ ചുണ്ട് അവളുടെ കഴുത്തിൽ ഓടി നടന്നതും പെണ്ണ് എന്നെ മുറുകെ പിടിച്ചു....ചെറിയ ഒരു നോവ് ഉണർത്തുന്ന രീതിയിൽ എന്റെ പല്ലുകൾ അവളുടെ കഴുത്തിൽ അമർന്നതും അവളൊന്നു പിടച്ചു..... കഴുത്തിൽ നിന്ന് മുഖം ഉയർത്തി ഞാൻ അവളുടെ ചെവിയിൽ ഒരുമ്മ കൊടുത്തപ്പോൾ അവൾ ഇക്കിളി ആയത് പോലെ തല വെട്ടിച്ചു... ഒന്നൂടെ ആ ചോരചുണ്ടിലെ തേൻ നുകരാൻ വേണ്ടി ഞാൻ വീണ്ടും അധരം സ്വന്തമാക്കി.....

ഇനിയും ഇത് തുടർന്നാൽ ഞാൻ കുറച്ച് മുന്നേ കൊടുത്ത വാക്ക് ഞാൻ തന്നെ തെറ്റിക്കും എന്ന് തോന്നിയപ്പോൾ ഞാൻ പതിയെ അവളുടെ അധരത്തിൽ നിന്ന് എന്റെ അധരം വേർപെടുത്തി.... ഒരു കിതപ്പോടെ രണ്ടുപേരും പരസ്പരം നോക്കി..... അവളുടെ വയറിൽ നിന്ന് കൈ എടുത്ത് മാറ്റി ഞാൻ അവളുടെ കണ്ണിലേക്ക് നോക്കി.....ആ നോട്ടം പോലും താങ്ങാൻ ആവാത്തത് കൊണ്ട് ഒന്നൂടെ അവളുടെ കവിളിൽ ഒരു മുത്തം കൊടുത്ത് ഞാൻ അവളിൽ നിന്ന് അല്പം നീങ്ങി കിടന്നു.... ഞാൻ അവളെ ഒന്ന് പാളി നോക്കിയപ്പോ പെണ്ണ് എന്തോ ആലോചിച്ച് കിടക്കുവാണ്.... ഇത്തിരി നേരം കൂടെ കഴിഞ്ഞിരുന്നെങ്കിൽ ഇന്നിവിടെ ഞങ്ങളുടെ ഫസ്റ്റ് നൈറ്റ് കഴിഞ്ഞേനെ.... അവളെ നോക്കിയപ്പോൾ എന്റെ പല്ലുകൾ കൊണ്ടുള്ള അഭ്യാസത്തിന്റെ ഫലമായി അവളുടെ കഴുത്ത് ചുവന്നിരിക്കുന്നത് കണ്ടതും എനിക്ക് ചിരി വന്നു.... പെട്ടെന്ന് എന്തോ ഓർത്തെടുത്തത് പോലെ അവൾ എഴുന്നേറ്റ് ഇരുന്നു.... "ഞാൻ പോകുവാ വിക്രം..." എന്നും പറഞ്ഞു അവൾ എഴുന്നേറ്റ് പോകാൻ ഒരുങ്ങിയപ്പോ ഞാൻ അവളുടെ കൈ പിടിച്ചു വലിച്ചതും അവളെന്റെ നെഞ്ചിലേക്ക് വന്നു വീണു...

"എന്താടി..." "ഒന്നുമില്ല...ഇനി ഇവിടെ നിന്നാൽ ശരി ആവില്ല...." "Why....?" "കുന്തം...." "നീയൊന്ന് മിററിൽ പോയി നോക്ക്..." "എന്താ....?" "പോയി നോക്ക്...." എന്ന് ഞാൻ പറഞ്ഞപ്പോ അവൾ എഴുന്നേറ്റ് പോയി മിററിന് മുന്നിൽ നിന്നു....ഞാനും അവളുടെ പിന്നിൽ പോയി നിന്നതും അവൾ മിററിലൂടെ എന്നെ നോക്കി.... "കഴുത്ത് നോക്ക്....അവരൊക്കെ കണ്ടാൽ നീയെന്താ മറുപടി പറയുന്നത്...?" എന്ന് ഞാൻ ചോദിച്ചപ്പോ ആണ് പെണ്ണ് കഴുത്ത് ശ്രദ്ധിച്ചത്.... "ങേ....ഇതെന്താ വിക്രം...." ചുവന്ന പാടിലൂടെ തടവി എന്നെ നോക്കി കണ്ണ് കൂർപ്പിച്ച് അവൾ ചോദിച്ചപ്പോ ഞാൻ അവളെ പിന്നിൽ നിന്ന് ഹഗ് ചെയ്ത് അവളുടെ പിൻ കഴുത്തിൽ ഒരുമ്മ കൊടുത്തു.... "ആവേശം കൂടി പോയപ്പോ പറ്റി പോയതാണ്....സോറി...." "ഓഹ്....ആവേശം...ഓരോന്ന് കാണിച്ച് കൂട്ടിയിട്ട്....ഛെ.... ഇന്നലെ ചുണ്ടിന് പൊട്ടൽ കണ്ടപ്പോ തന്നെ അവളുമാര് വട്ടം കൂടി നിന്ന് എന്നെ ചോദ്യം ചെയ്തതാണ്...

.ഇനിയിപ്പോ ഇത് കണ്ടാൽ...." എന്നവൾ പറഞ്ഞതും ഞാൻ അവളെ നോക്കി പല്ലിളിച്ചു കാണിച്ചു.... "ചിരിക്കെണ്ടാ....നീ എന്റെ കയ്യിൽ നിന്ന് നല്ലത് വാങ്ങും..." "ഓഹോ...ഇത്രയും നേരം തന്നത് കൂടാതെ ഇനിയും നല്ലത് വേറെ ഉണ്ടോ....? ഉണ്ടെങ്കിൽ വാങ്ങാൻ ഞാൻ റെഡി ആണ് കേട്ടോ...." "ഛീ....ഇടിയറ്റ്....ഞാൻ പോകുവാ..." "ലഞ്ച് കഴിച്ചിട്ട് ഞാൻ കൊണ്ടു വിടും നിന്നെ....അതുവരേ ഇവിടെ നിൽക്ക്.... ഇപ്പൊ അവിടെ പോയിട്ട് തനിച്ച് നിൽക്കാൻ അല്ലെ...." "എങ്കിൽ വാ...നമുക്ക് ഒരുമിച്ച് ഫുഡ് ഉണ്ടാക്കാം..." എന്നവൾ പറഞ്ഞു എന്റെ കൈ പിടിച്ച് വലിച്ച് കിച്ചനിലെക്ക് പോയപ്പോ ഞാൻ ഒരു ചിരിയോടെ അവളെ നോക്കി.... 🔹🔹🔹🔹🔹🔹🔹🔹🔹🔹🔹🔹🔹🔹 【ദീക്ഷിത്】 ഓഫീസിൽ എത്തിയപ്പോഴാണ് വിക്രമിന്റെ മെസേജ് കണ്ടത്.... ദിയയ്ക്ക് ഇന്ന് ലീവ് വേണം എന്ന് പറഞ്ഞു മെസേജ് വിട്ടതാണ്.... അതിന് ഓകെ ബ്രോ എന്നൊരു റിപ്ലൈ കൊടുത്തു.... സത്യത്തിൽ ഇപ്പോഴാണ് എനിക്ക് മനസമാധാനം കിട്ടിയത്....എന്റെ വിക്രമിനെ എനിക്ക് പഴയത് പോലെ കിട്ടിയപ്പോൾ ആണ് ഞാൻ മനസ് നിറഞ്ഞു സന്തോഷിക്കാൻ തുടങ്ങിയത്....

അതിന്റെ കൂടെ ഗൗരിയോട് എന്റെ മനസ് തുറന്നപ്പോൾ വലിയൊരു ഭാരം ഇറക്കി വെച്ചത് പോലെ തോന്നി.... ഞാൻ ലാപ്പിലേക്ക് ഫോക്കസ് ചെയ്തപ്പോ ആണ് ആരോ ഡോറിൽ നോക്ക് ചെയ്തത്.....കണ്ണുയർത്താതെ തന്നെ ഞാൻ കമിൻ പറഞ്ഞപ്പോൾ വന്നയാൾ എന്റെ ഓപ്പോസിറ്റ് ഇരുന്നതിന് ശേഷമാണ് ഗൗതം ആണെന്ന് ഞാൻ കണ്ടത്.... "ഹാ....നീയോ....നീയെന്താടാ,,,,ഇന്ന് ഓഫീസിൽ പോയില്ലേ....?" "പോകുന്ന വഴിയാണ്....ഇവിടെ ഒരാളെ ഡ്രോപ്പ് ചെയ്യാൻ ഉണ്ടായിരുന്നു....പിന്നെ ഇവിടം വരെ എത്തിയ സ്ഥിതിക്ക് എന്റെ അളിയനെ ഒന്ന് കണ്ടിട്ട് പോകാമെന്ന് കരുതി....." "അളിയനെ കാണുന്നത് അവിടെ നിൽക്കട്ടെ....ആരെയാ ഡ്രോപ്പ് ചെയ്‍തത്....?" "അനുവിനെ..." "ഓഹോ...അപ്പൊ എന്റെ ഊഹം ശരി ആയിരുന്നു.... എനിക്ക് ആദ്യമേ ഒരു ഡൗട്ട് ഉണ്ടായിരുന്നു നീയും അവളും ഇതിനിടയിൽ ലൈൻ വലിക്കുന്നുണ്ടോ എന്ന്....." "നിന്നോടൊക്കെ പറയാമെന്ന് കരുതിയതാണ്....പിന്നെ നീയും അവനും നിങ്ങളുടെ പ്രോബ്ലം സോൾവ് ചെയ്തിട്ട് പറയാമെന്ന് കരുതി.... ഇപ്പൊ എല്ലാം സോൾവ് ആയല്ലോ...."

"ആഹ്...ആയി...." "അതൊക്കെ പോട്ടെ....നിനക്കെന്താടാ പെട്ടെന്ന് എന്റെ പെങ്ങളോടൊരു സ്നേഹം....ഇത്രയും നാൾ അവൾ പിന്നാലെ നടന്നിട്ടും നിനക്ക് നല്ല ജാഡ ആയിരുന്നല്ലോ...." "അതുപിന്നെ...." "എന്ത് പിന്നെ....ടാ....നിനക്ക് അവളെ ഇഷ്ടം ആണെന്ന് എനിക്ക് അറിയാമായിരുന്നു.... പിന്നെ,,,നീ നിന്റെ ഈഗോ കാരണം പറഞ്ഞില്ല..." "ഹേയ്...ഈഗോ ഒന്നുമല്ലെടാ.... അതിന്റെ കാരണം ഞാൻ അവളോട് പറഞ്ഞിട്ടുണ്ട്...." ഹ്മ്മ....എന്തായാലും ഞാനും ഹാപ്പി... നീയും ഹാപ്പി....അവളും ഹാപ്പി.... പാവമാണ്....നീയെന്ന് വെച്ചാൽ ജീവനാണ്.....നിന്നെ ഒരുപാട് ഇഷ്ടമാണ് അവൾക്ക്...." "എനിക്കറിയാം....അതുകൊണ്ട് ആണല്ലോ ഇത്രയും നാൾ ഞാൻ നൊ പറഞ്ഞിട്ടും അവൾ എന്നെ വിടാതെ പിന്നാലെ വന്നത്.... അല്ല,,,,വിക്രം എന്താ ദിയക്ക് ലീവ് വേണമെന്ന് പറഞ്ഞത്....? അവര് എവിടെയെങ്കിലും പോയോ....?" "ആഹ്...പോയത് അവന്റെ ഫ്‌ളാറ്റിലേക്ക് ആണ്....ഇനിയിപ്പോ കല്യാണത്തിന് മുന്നേ രണ്ടും ഡാഡി മമ്മി ആവുമോ എന്ന് തമ്പുരാനറിയാം...." അവൻ ചിരിച്ചോണ്ട് പറഞ്ഞു.... "ഹേയ്....അങ്ങനൊരു അപരാധം അവൻ ചെയ്യില്ലെടാ..."

"ചെയ്യാതിരുന്നാൽ കൊള്ളാം..." ചിരി അടക്കി പിടിച്ച് അവൻ പറഞ്ഞപ്പോ ഞാനും പൊട്ടി ചിരിച്ചു.... 🔹🔹🔹🔹🔹🔹🔹🔹🔹🔹🔹🔹🔹🔹 "അവനെന്ത് പറഞ്ഞു....?" ഫോണ് വെച്ചതും അച്ഛനെ നോക്കി വിവേക് ചോദിച്ചു.... "വരാമെന്ന് പറഞ്ഞു...." എന്ന് അദ്ദേഹം പറഞ്ഞപ്പോൾ വിവേകിന്റെ മുഖത്തൊരു ചിരി വിടർന്നു..... "പക്ഷെ നീ സന്തോഷിക്കേണ്ട.... അവൻ ഇതൊക്കെ അറിഞ്ഞാൽ അതോടെ നിന്റെ നാശം ആണ്..." "അവനെന്നെ എന്ത് ചെയ്യാനാ....ഒരു ചുക്കും ചെയ്യില്ല....അവനെ എങ്ങനെ ഒതുക്കണം എന്ന് എനിക്ക് നന്നായി അറിയാം...." "അങ്ങനെ നീ ഒതുക്കാൻ നിന്നാൽ ഒതുങ്ങി പോകുന്നവൻ അല്ല എന്റെ വിക്രം....നീ സഞ്ചരിക്കുന്ന വഴികൾ മോഷമാന.... അവൻ നല്ലവനാണ്.... അതുകൊണ്ട് അവൻ തന്നെ വിജയിക്കും...." "ഹ്മ്മ...വിജയം... നമുക്ക് കാണാം വിജയം ആർക്കാണെന്ന്.....അവനെ തകർക്കാൻ ഉള്ള വഴി എനിക്ക് അറിയാം....

എനിക്ക് എതിരെ തിരിയാൻ ആണ് അവന്റെ ഉദ്ദേശം എങ്കിൽ,,,, അവൻ കുറെ നരകിക്കും...." "നന്മ ചെയ്യുന്നവരുടെ കൂടെ ദൈവം ഉണ്ടാവും....അവന്റെ കൂടെ ദൈവം ഉണ്ടാവും.... " "ഓഹ്...കിളവന് സ്വന്തം മകനേക്കാൾ താൽപ്പര്യം വളർത്തു മകനോട് ആണ്..." "എന്റെ ചോര അല്ലെങ്കിലും അവൻ എന്റെ മകൻ ആണ്....ഞാൻ വളർത്തിയ എന്റെ മകൻ....നിന്നെയും അവനെയും ഒരുപോലെ സ്നേഹിച്ച് തന്നെയാണ് ഞാൻ വളർത്തിയത്....പക്ഷെ,,,, ആ ഗുണം കിട്ടിയത് അവന് മാത്രമാണ്.... നീ വഴി തെറ്റി നടന്നു..... ഇപ്പൊ നീ എനിക്ക് നൽകാത്ത സ്നേഹം അവൻ നൽകുന്നുണ്ട് നമുക്ക് എല്ലാവർക്കും....കൊടുത്തതിന്റെ നൂറിരട്ടി ആയി തിരികെ നൽകുന്നുണ്ട് അവൻ..." "മതി കിളവാ.....ഇനി ഒന്നും പറയേണ്ട.... അവൻ നാട്ടിൽ വരുമോ ഇല്ലയോ എന്ന് നോക്കട്ടെ.... വന്നില്ലെങ്കിൽ എന്ത് വേണമെന്ന് എനിക്കറിയാം..." അത്രയും പറഞ്ഞു അവൻ ഇറങ്ങി പോയി...........................തുടരും…………

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...