🌸വാകപൂത്ത വഴിയോരം🌸 : ഭാഗം 6

രചന: അനാർക്കലി

അച്ചുന്റെ നോട്ടം കണ്ടു കിച്ചു അവളെ നോക്കി നിന്നു.. "10 മിനിട്ട്സ് അതിനുള്ളിൽ റെഡി ആയി വന്നോണം" അവൻ പറഞ്ഞു തീർന്നതും സന്തോഷം കൊണ്ട് അവനു നേരെ ഓടിച്ചെന്നു കെട്ടിപിടിച്ചു ഒരു ഉമ്മയും കൊടുത്തു അകത്തേക് ഓടിപ്പോയി.. 'ഓഹ് ഇന്ന് എന്തോ ഭാഗ്യത്തിന് രാവിലെ കുളിക്കാൻ തോന്നി' ഷെൽഫിൽ നിന്നും കയ്യിൽ കിട്ടിയൊരു ചുരിദാർ എടുത്തു കൊണ്ട് ഡ്രസിങ് റൂമിലേക് കയറി.. ✦✦✦ "നമ്മൾ എങ്ങോട്ടേക്കാ??" കിച്ചുനേ നോക്കി ചോദിച്ചു.. അവൻ ആയിരുന്നു ഡ്രൈവ് ചെയ്തിരുന്നത്.. ഒന്നും മിണ്ടാതെ പോകുന്നത് കൊണ്ട് അവൾക് നന്നേ ചടച്ചു.. അപ്പൊ തന്നെ അശ്വി കാണാതെ അവന്റെ ഒരു പിക് എടുത്തു അവൾ അവരുടെ ഗ്രൂപ്പിലെക് ഇട്ടു.. അത് കണ്ടത് അടങ്ങി ഇരുന്ന ആറിന്റെയും മെസേജ് ചറപറ വരാൻ തുടങ്ങി.. ഒരു സമാധാനം തരുന്നില്ല എന്നുകണ്ടതും അവൾ ഇന്ന് നടന്നത് എല്ലാം പറഞ്ഞു.. അപ്പോഴേക്കും കിച്ചു കാർ നിർത്തി.. ആശ്രയംഅവൾ പതിയെ മൊഴിഞ്ഞു.. പുറത്തെ വലിയ ബോർഡ് കഴിഞ്ഞു അവർ ഉള്ളിലേക് കയറ്റി കാര് പാർക്ക് ചെയ്തു "മ്മ്.. ഇറങ്ങുന്നില്ലേ??"

അവന്റെ ചോദ്യം കേട്ട് അവൾ അവനെ ഒന്നു നോക്കി ഫോണ് ഓഫ് ആക്കി കയ്യിൽ ഒതുക്കി പിടിച്ചു.. പുറത്തേക് ഇറങ്ങിയതും അവൾ ചുറ്റും വീക്ഷിക്കാൻ തുടങ്ങി.. വലിയ ഒരു കെട്ടിടം..ചുറ്റും ചെടികൾ കൊണ്ട് മനോഹരമായ ഒരു ഉദ്ധ്യാനം തന്നെ ഉണ്ട്..കാണുമ്പോൾ കണ്ണിനു കുളിരേകും പോലെയാണ് ഉള്ളിലോട്ട ഒരു ചെറിയ നടപ്പാത.. "വാ.." അശ്വിയുടെ സൗണ്ട് കേട്ട് അവൾ തലച്ചേരിച്ചു അവനെ നോക്കി.. കയ്യിൽ നിറയെ കവറും ആയി അവൻ അവളെ നോക്കാതെ മുന്നോട്ട് നടന്നു.. അവന്റെ ഒപ്പം തന്നെ എന്തക്കയോ പറഞ്ഞു കിച്ചുവും.. അവൾ അവരുടെ പുറകിൽ തനിക്ക് ചുറ്റും ഉള്ള സ്ഥലം വീക്ഷിച്ചു നടന്നു.. "അഹ് മോൻ വന്നോ??" ഒരു സ്ത്രീയുടെ ശബ്‌ദം..അവൾ മുന്നേക്ക് നോക്കി.. തന്റെ അമ്മയുടെ പ്രായം കാണും..ചിലപ്പോ കൂടിയേക്കാം.. "എല്ലാരും എന്തേ ചേച്ചിയമ്മേ??" അശ്വി ചുറ്റും നോക്കി കൊണ്ടു ചോദിച്ചു..

"അവരൊക്കെ അകത്തു ഉണ്ട്..ഇന്ന് നീ വരും എന്നവർക് അറിയാമല്ലോ.." അവർ പറഞ്ഞു,, അച്ചുന്റെ കണ്ണുകൾ കുറുകി.. കിച്ചു എന്തൊക്കയോ ചോദിക്കുന്നുണ്ട്.. "ഇത്??" അവർ സംശയത്തോടെ ഉറ്റുനോക്കി.. "എന്റെ അനിയത്തിയാ" കിച്ചു ആയിരുന്നു ഉത്തരം പറഞ്ഞത്.. "അക്ഷിത അല്ലെ??" അവരുടെ ചോദ്യം കേട്ട് അവൾ ആശ്ചര്യത്തോടെ അവരെ നോക്കി.. അവർ അവളെ നോക്കി നിറപുഞ്ചിരി നൽകി... അവരുടെ കണ്ണുകൾ അശ്വിയിൽ ചെന്നു ഉടക്കി..അവൻ അവളെ നോക്കി നില്കുവായിരുന്നു.. "ഞാൻ പാർവതി..എല്ലാരും ചേച്ചിയമ്മ എന്നു വിളിക്കും..കുട്ടിയും അങ്ങനെ വിളിച്ചോളൂ" അവൾ തലയാട്ടി "അകത്തേക് വാ" അവർ മുന്നേ നടന്നു പുറകിൽ കിച്ചുനേ തോണ്ടി കൊണ്ടു അവളും.. "അവര്ക് എങ്ങനെ എന്റെ പേര് അറിയാം??" "ഞാൻ പറഞ്ഞിട്ടുണ്ട്" കിച്ചു വേഗം ഉത്തരം നൽകി ദൃതിയിൽ നടന്നു.. ✦✦✦

കുട്ടികൾ മുതൽ വൃദ്ധർ വേറെ ഉള്ള ഒരു സ്ഥാപനമാണ് ആശ്രയം.. പണ്ടൊക്കെ അച്ഛനൊപ്പം അശ്വി തന്റെ പിറന്നാളിന് ഇങ്ങോട്ടേക് വരുമായിരുന്നു.. അവന് ഏറെ പ്രിയപ്പെട്ടവർ ആണ് ഇവിടെ ഉള്ളവർ..അവർക്കും അവൻ അങ്ങനെ തന്നെ.. അച്ഛൻ മരിച്ചതിൽ പിന്നെ ഇടക്കൊക്കെ വരും.. എന്നാലും പിറന്നാൾ ദിനം ഇവിടെ വന്നു ഇവർക്ക് ഒപ്പം ചിലവഴിച്ചില്ലേ അവൻ നെഞ്ചിൽ ഒരു പിടച്ചിൽ ആണ്.. വരുമ്പോ അവർക്കായി അവൻ എന്തേലും കരുത്തതിരികില്ല.. "ഇത് ഏതാ ഈ ചേച്ചി??" അഞ്ചു വയസുകാരി ചാരു അവന്റെ ഒപ്പം ഇരുന്നു കൊണ്ടു അച്ചുനേ ചൂണ്ടി ചോദിച്ചു.. "കിച്ചുചേട്ടന്റെ അനിയത്തിയാ" അവൻ പറയുന്നത് കേട്ട് അവൾ അച്ചുനെ നോക്കി ചിരിച്ചു.. കളങ്കമില്ലാത്ത അവളുടെ ചിരി കണ്ടു അച്ചു അശ്വിയോട് ചേർന്നു നിലത്തിരുന്നു.. "എന്താ മോൾടെ പേര്??" "ചാരുത..എല്ലാരും ചാരു എന്നാ വിളികാ...ചേച്ചിയുടെയോ??"

"അക്ഷിത..അച്ചു" ചാരു അവളുടെ കുഞ്ഞു കയ്യികൾ അച്ചുന്റെ കവിളിൾ വെച്ചു തഴുകി.. "എനിക്ക് ഇഷ്ടമായല്ലോ.." അവൾ ചിരിക്കാൻ തുടങ്ങി.. "നിങ്ങൾ തമ്മിൽ ചേരും" പറഞ്ഞു കൊണ്ട് അവൾ കുറച്ചു പുറകിലേക് മാറി നിന്നു അടുത്ത അടുത്ത ഇരിക്കുന്ന അവരെ ഇരുവരെയും അടിമുടി വീക്ഷിച്ചു.. അപ്പോഴാണ് ഒരു മൂന്നു വയസുകാരി കുറച്ചു വാക പൂക്കളുമായി അങ്ങോ വന്നത്.. "എനിക്ക് ഇത് വലിയ ഇഷ്ട്ടമാ"ചാരു കണ്ണുകൾ വിടർത്തി പറഞ്ഞു അച്ചുന്റെ കണ്ണിൽ ഒരു തിളക്കം ഉണ്ടായിരുന്നു.. "തരൂല്ല"മൂന്ന് വയസുള്ള അമ്പു എന്ന ആമ്പൽ പറയുന്നത് കേട്ട് ചാരു അവളെ നോക്കി ചുണ്ടു കടിച്ചു പിടിച്ചു.. അച്ചു അവരുടെ അരികിലേക് ചെന്നു മുട്ടുകുത്തി ഇരുന്നു.. "എനിക്ക് തരുമോ??" അച്ചുന്റെ ചോദ്യം കേട്ട് ആദ്യം അമ്പു അവളെ കണ്ണെടുക്കാതെ നോക്കി ഇരുന്നു "ന്നാ" അമ്പു അവൾക് നേരെ ആ പൂക്കൾ നീട്ടി.. അതിൽ ഒരെണ്ണം അവൾ ചാരു നൽകി രണ്ട് എണ്ണം കയ്യിൽ ഒതുക്കി..ബാക്കി അമ്പുന്റെ കയ്യിൽ തന്നെ വെച്ചു.. "സഖാവേ സഖാവിന്റെ വാക" ചാരു വിളിച്ചു പറഞ്ഞു കയ്യിലുള്ള പൂവിലേക് നോക്കി എന്നിട്ട് അച്ചുനേ നോക്കി

അവളുടെ കവിളിൽ ചുംബിച്ചു അത് കണ്ടു അമ്പുവും.. അത് കേട്ടതും അവളുടെ മനം നിറഞ്ഞു.. ചൊടിയിൽ മനോഹരമായി പുഞ്ചിരി വിരിഞ്ഞു.. "ഇതേ ഞങ്ങളുടെ സഖാവിന്റെ വാക മരത്തിലെ വാകയ.."ചാരു പറഞ്ഞു കൊണ്ട് അശ്വിയുടെ അരികിലേക് നടന്നു.. അവൻ അവളെ എടുത്തു..നെറ്റിയിൽ നെറ്റി മുട്ടിച്ചു നിന്നു അപ്പൊ തന്നെ താഴെ നിന്നും അമ്പു അവളുടെ പാവാടയിൽ പിടിച്ചു വലിച്ചു കൊണ്ടിരുന്നു... അതുകണ്ട് അച്ചു ചെറുചിരിയോടെ അമ്പുനെ എടുത്തു നെറ്റിയിൽ ചുംബിച്ചു.. "അമ്പു,, ചാരു.." അവിടുത്തെ ഒരു സ്ത്രീയുടെ വിളി കേട്ടതും രണ്ടും ചാടിയിറങ്ങി ഓടി.. "പിറന്നാൾ ആശംസകൾ" കുലുങ്ങി കുലുങ്ങി ഓടുന്ന അമ്പുനെ നോക്കി നിൽക്കെ അശ്വിയുടെ മുന്നിലേക് കയറി നിന്നു അവൾ പറഞ്ഞു.. തന്റെ മുന്നിൽ വാകപൂ നീട്ടി നിൽക്കുന്ന അവളെ കണ്ടു അവനൊന്നു ചിരിച്ചുകൊണ്ട് അത് വാങ്ങി..

"Thank you" അവൻ മൊഴിഞ്ഞതും അവൾ എന്തോ ഒന്ന് ചോദിക്കാൻ ആഞ്ഞു.. "അശ്വി!!" കിച്ചുന്റെ വിളി കാതുകളിലേക് വന്നു പതിച്ചതും അശ്വി അവന്റെ അരികിലേക് നടന്നു.. അവൾ മുഖം കോട്ടി അവന്റെ പിന്നാലെയും.. ✦✦✦ ഉച്ചക്കത്തെ സദ്യ ഒക്കെ കഴിച്ചു കുറെ നേരം അവരുടെ കൂടെ ചിലവഴിച്ചു.. "എങ്കിൽ ഞങ്ങൾ ഇറങ്ങട്ടെ??" അശ്വിയുടെ ചോദ്യം കേട്ട് പാർവതി അടക്കം എല്ലാരും തലയാട്ടി.. ഇറങ്ങുന്നതിന് മുമ്പ് ചാരു വന്നു അച്ചുന്റെ കവിളിക് മുത്തമിട്ടു.. തിരിച്ചു അവളും.. കാർ ആ കോംപൗണ്ട് കടങ്ങുന്നത് വരെ അവിടെ ഉള്ളവർ അവരെ യാത്രയാക്കി കയ്യ് വീശി നിന്നു... തിരിച്ചു അശ്വി ആയിരുന്നു ഡ്രൈവ് ചെയ്തിരുന്നത്.. "നീ കയറാതെ പോകുവാണോ??" "അമ്മ വിളിച്ചു..പോട്ടെ പിന്നൊരികൽ വരാം"കിച്ചുനേ നോക്കി പറഞ്ഞു..അച്ചു നോക്കുന്നത് കണ്ടു അവൻ തലയാട്ടി.. തിരിച്ചു അവളും.. അവൻ പോയതും നോക്കി നിന്നു.. "നിനക്ക് ക്ഷേത്രത്തിൽ പോകണം എന്ന് പറഞ്ഞിട്ട്??" കിച്ചുന്റെ ചോദ്യം കേട്ട് അവൾ സ്വയം തലക്കൊരു കൊട്ടും കൊടുത്ത അകത്തേക് ഓടി.. ✦✦✦

"അശ്വിക്‌..ആയില്യം നക്ഷത്രം.. ഒരു പുഷ്പാഞ്ജലി"കൗണ്ടറിൽ നിന്നും റെസീപ്പ്റ്റും വാങ്ങി ക്ഷേത്രത്തിന്റെ അടുത്തേക് നടന്നു.. വണ്ടിയിൽ ഇരുന്നു മയത്തിൽ ചൂന്നു എടുത്തതാണ് അശ്വിയുടെ നാൾ.. നടക്ക്‌ മുന്നിൽ ദേവിയെ കയ്യികൂപ്പി അവൾ പ്രാർത്ഥിച്ചു.. അവളുടെ ഉള്ളുമുഴവൻ അവനായിരുന്നു.. ഇന്ന് അവന്റെ പിറന്നാൾ ആണെന്ന് അറിഞ്ഞപ്പോ മുതൽ ഇവിടെ വരാൻ അവൾ ആഗ്രഹിച്ചിരുന്നു.. ക്ഷേത്രത്തിന് ചുറ്റും വലം വെച്ചു വന്നു തീർത്തവും പ്രസാദവും വാങ്ങി ഒന്നൂടെ ദേവിയെ കയ്യ് കൂപ്പി.. "എനിക്ക്,,എനിക്കൊരുപാട് ഇഷ്ട്ടമാ ദേവി അവനെ.. മരണത്തിന് പോലും അവനിൽ നിന്നും എന്നെ പിരിക്കാൻ ആകരുതെ" അവൾ പ്രാർത്ഥിച്ചു "സഖാക്കൾ ക്ഷേത്രത്തിൽ ഒക്കെ വരുമോ??" ആരോ ചോദിക്കുന്നത് കേട്ട് അവൾ കണ്ണുകൾ വലിച്ചു തുറന്നു.. പിറകിലേക്ക് നോക്കിയതും കണ്ടത് റെഡ് ഷർട്ട് ഇട്ട് തന്നെ നോക്കി നിൽക്കുന്ന അശ്വിയെ ആണ്.. അവളുടെ കാണുകൾ വിടർന്നു.. "അമ്മയ്ക് നിർബന്ധം.." അയാൾക്കു മറുപടി കൊടുത്തു പുറത്തേക് ഇറങ്ങി.. അവൾ ക്ഷേത്രത്തിൽ നിന്നും പുറത്തു ഇറങ്ങി

ആദ്യം നോക്കിയത് അവനെ ആയിരുന്നു.. ആൽത്തറയിൽ ഫോണിൽ നോക്കി ഇരിക്കുന്ന അവനെ കണ്ടപ്പോ കാലുകൾ യാദൃച്ഛികമായി അങ്ങോട്ടെക് ചലിച്ചു.. അവൾ മുന്നിൽ വന്നത് അറിഞ്ഞു അവൻ തലയുർത്തി നോക്കി.. "പിറന്നാൾ ആയത് കൊണ്ട് അമ്മ പൊക്കി കൊണ്ടു വന്നതാണ്..അമ്മെയുടെ ഇഷ്ട്ട ദേവീക്ഷേത്രമാണ്" ക്ഷേത്രത്തിലെക് നോക്കി അവൻ പറഞ്ഞു..അവളൊന്നു മൂളി.. എന്തു പറയണം എന്നറിയാൻ പാടില്ലാത്ത അവസ്ഥ.. "ഒറ്റകണോ??" അവൻ ചോദിച്ചു.. അവൾ തലയാട്ടി "സമയം ഒരുപാടായില്ലേ..പോയിക്കോ" അവൾ പോകുവാ എന്നു പറഞ്ഞു അവിടുന്നു നടന്നു.. അവൾ പോകുന്നതും നോക്കി അവൻ ആ ആൽത്തറയിലും.. ✭✭✭ "ഇത്രേയൊക്കെ നടന്നോ?" അവൾ പറഞ്ഞത് എല്ലാം ഒരു കഥപോലെ കേട്ടകൊണ്ടിരിക്കുവായിരുന്നു ആറും.. റിയയുടെ ചോദ്യം കേട്ട് അവൾ ചിരിച്ചുകൊണ്ട് അവളുടെ കവിളിൽ പിടിച്ചു വലിച്ചു.. "ശോ.. നീ ഇത്രെയും ഡേയ്സ് ഫുൾ പറയാതെ ഞങ്ങളെ ഇട്ട് വട്ടകളുപ്പിച്ചു.. പിശാശ്" ദീപു അവൾ ഇളിച്ചു കൊണ്ടു കയ്യിൽ ഇരിക്കുന്ന വട കഴിച്ചു..

"യ്യോ തീർന്നു.. നമ്മക് ഏഴ് വട കൂടെ വാങ്ങിയലോ??"അനു ചോദിക്കുന്നത് കേട്ട് അച്ചു തലയാട്ടി അവളുടെ കൂടെ എഴുന്നേറ്റ.. "എനിക്ക് സമൂസ മതി" സന "എനിക്കും.." ഐറ "എങ്കിൽ പിന്നെ ഞങ്ങൾക്കും" കുഞ്ഞു,, റിയ ദീപു ഒരുമിച്ചു പറയുന്നത് കേട്ട് അവർ ഇരുവരും തലയാട്ടി.. "എടി ഐറയുടെയും സനയുടെയും ബർത്ഡേ വരുവല്ലേ.." "ഇത് ഞാൻ അങ്ങോ ചോദിക്കാൻ വന്നത്.. എങ്ങനെയാ കാര്യങ്ങൾ??" അച്ചു ചോദിക്കുന്നത് കേട്ട് അനു ചിന്തിക്കാൻ തുടങ്ങി.. "രണ്ട് പേരുടെയും ബെർത്ഡേ ഒരു ഡേ അല്ലെ സോ നമ്മക് അതങ്ങ് ആഘോഷിക്കാം.."അനു "എന്താ മക്കളെ വേണ്ടേ??" പറഞ്ഞു കൊണ്ടിരിക്കെ ക്യാന്റീനിലേ ചേട്ടൻ ചോദിക്കുന്നത് കേട്ട് അനു അച്ചുനേ നോക്കി.. "രണ്ട് പരിപ്പ് വട,,അഞ്ചു സമൂസ" അച്ചു പറഞ്ഞു "അഹ്.. അപ്പോ നമ്മക് കോളേജിൽ വെച്ചു ആഘോഷിച്ചാലോ??" അച്ചു അതിന് അനു തമ്പ്സ് അപ് കാണിച്ചു പരിപ്പ് വടയും വാങ്ങി അവരുടെ അടുത്തേക് നടന്നു....... തുടരും🍃

നോവലുകൾ ഇനി വാട്സാപ്പിലും വായിക്കാം. ഗ്രൂപ്പിൽ ജോയിൻ ചെയ്യാൻ ഇവിടെ ക്ലിക്ക് ചെയ്യുക.

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...