WITH LOVE 🖤: ഭാഗം 14

എഴുത്തുകാരി: ആൻവി

"എന്താ നിന്റെ ഉദ്ദേശം....." വിജയ് ചുമരിലേക്ക് ചാരി നിന്ന് ധീരവിനെ നോക്കി....പിന്നെ ആ മനുഷ്യനെയും.. "എന്ത് ഉദ്ദേശം...??" ധീരവ് സംശയത്തോടെ ചോദിച്ചു.... "സമയം അധികം ഇല്ലെന്ന് നിനക്ക് അറിയാലോ... ഇവിടെ അങ്ങ് കൂടാനോ തീരുമാനം...." വിജയ് ദേഷ്യത്തോടെ ചോദിച്ചു... അവൻ മറുപടി പറയാതെ വാപ്പിയെ നോക്കി.. അദ്ദേഹം അപ്പോഴും മറ്റൊരു ലോകത്താണ്.... മെല്ലെ പുറത്തേക്ക് ഇറങ്ങി.പിന്നാലെ വിജയും ഇറങ്ങി... ധീരവ് ഡോർ അടച്ചു... "നിന്നോട് ചോദിച്ചത് കേട്ടില്ലേ..?? എന്താ നിന്റെ ഉദ്ദേശം എന്ന്..." മൗനമായ് നിൽക്കുന്നവനെ കണ്ട് വിജയ് ശബ്ദം ഉയർത്തി..ധീരനും ദേഷ്യം വന്നു "കുട്ടിക്കളിയല്ല ഇത് അ...." ബാക്കി പറയും മുന്നേ വിജയ് അവനെ തടഞ്ഞു... "വിജയ്.. നീ ധീരവ് ആണേൽ ഞാൻ വിജയ്..." വിജയ് അവനെ രൂക്ഷമായി നോക്കി... ധീരവ് അവനിൽ നിന്ന് മുഖം വെട്ടിച്ച് നിന്നു... "കുട്ടികളിയല്ലെന്ന് എനിക്കും അറിയാം.... അപകടം പിന്നാലെയുണ്ട്... നീ ഇവിടെ സുഖവാസത്തിന് വന്നതല്ലെന്ന് ഓർമ വേണം...." വിജയ് അവനെ ഒന്നുഴിഞ്ഞു നോക്കി.. "ഏതാ ആ പെണ്ണ്....??" "ഏത്....." ധീരൻ അലസമായി ചോദിച്ചു... "ഈ റൂമിൽ താമസിക്കുന്നവൾ.....രാവിലെ ബാൽക്കണിയിൽ നിന്ന് നീ നോക്കുന്നുണ്ടായിരുന്നു...??"

"So what.... എന്റെ പേർസണൽ കാര്യങ്ങളിൽ നീ തലയിടാൻ വരണ്ട...." ധീരവ് അവനെ ഇടഞ്ഞൊന്ന് നോക്കി.. "ഇല്ല.. ഞാൻ പറയുന്നില്ല..... പക്ഷേ നമ്മുടെ ലക്ഷ്യം വേറെയാണ്.... അതിനിടക്ക് അനാവശ്യമായ കാര്യങ്ങളിൽ ചെന്നു തല വെക്കേണ്ട അത്രേ പറഞ്ഞൊള്ളൂ...." ധീരവിന് അവൻ പറയുന്നത് ഒന്നും തീരെ ഇഷ്ടപ്പെട്ടില്ല.... അവന്റെ കണ്ണുകൾ കുറുകി.... വിജയേ ഒന്ന് തുറിച്ചു നോക്കിയവൻ താഴേക്ക് ചെന്നപ്പോൾ ഗൗരിയമ്മയുടെ കൂടെ ഇരുന്ന് സംസാരിക്കുന്ന നിതിനെ കണ്ടു.... "ആഹ്.. കണ്ടോ ധീര... ഇവൻ ആളൊരു തമാശക്കാരനാ... ഞാൻ ഓർക്കുകയായിരുന്നു... ശ്രീക്കുട്ടനാണെ ഇങ്ങനെ എപ്പോഴും തമാശ പറയാറ്....." ഗൗരിയമ്മ പറഞ്ഞത് കേട്ട് അവനൊന്നു ചിരിക്കാൻ ശ്രമിച്ചു.... ഉള്ളിൽ അസ്വസ്ഥത നിറഞ്ഞു... നിതിൻ അമ്മയെ ചേർത്ത് പിടിച്ചത് കണ്ടപ്പോൾ ദേഷ്യം തോന്നി.... "ശ്രീയുടെ തമാശ കേട്ട് പഠിച്ചതാ ഞാൻ... അവൻ ഭയങ്കര തമാശക്കാരനല്ലേ.... അല്ലെ ധീര...." നിതിൻ ധീരവിനെ നോക്കി ഒന്ന് ചിരിച്ചു..... ധീരവ് ഒരു വിളറിയ ചിരി ചിരിച്ചു... അമ്മക്ക് ഇപ്പുറത്തു ചെന്നിരുന്നു..... "അമ്മ എനിക്ക് ചായ വേണം.." അവൻ പറഞ്ഞു.. "ഇതെന്താ ഈ നേരത്തു പതിവില്ലാത്ത ഒരു ചായ.... ഹ്മ്മ് ഞാനിപ്പോ കൊണ്ടോരാം...." അമ്മ അതും പറഞ്ഞു എഴുനേറ്റ് അകത്തേക്ക് പോയി...

ധീരവ് അവരെ രണ്ട് പേരെയും രൂക്ഷമായി നോക്കി.. "എപ്പോഴാ രണ്ട് പേരും തിരിച്ചു പോകുന്നത്...." "ഞങ്ങൾ നാളെ പോകും.. അതികം വൈകാതെ നീ അങ്ങോട്ടേക്ക് വന്നേക്കണം..."നിതിൻ അതും പറഞ്ഞ് എഴുനേറ്റു പോയി..  "മുന്നാ......." വാപ്പി മെഡിസിൻ വാങ്ങാൻ ഷോപ്പിൽ കയറി തിരികെ വരുമ്പോഴാണ് ആരോ പുറകിൽ നിന്ന് വിളിച്ചത്... അവൾ തിരിഞ്ഞു നോക്കി... "ആര്യ.....??" അവളുടെ കണ്ണുകൾ വിടർന്നു.... ആര്യ ഓടി വന്ന് അവളെ കെട്ടിപിടിച്ചു.... "സോറി ഡീ....." ആര്യ തേങ്ങി കൊണ്ട് പറഞ്ഞു.... മുന്ന കണ്ണുകൾ ചുരുക്കി അവളെ നോക്കി. "എന്തിന്...??" "അ.... അന്ന് അമ്മ അങ്ങനെ ഒക്കെ...." അവളുടെ ചുണ്ടുകൾ വിതുമ്പി... മുന്ന ചിരിച്ചു... "ഞാൻ അതൊക്കെ അപ്പഴേ വിട്ടു... എന്നെ നിന്റെ അമ്മക്ക് പണ്ടേ കണ്ണിൽ പിടിക്കാറില്ലല്ലോ..." മുന്നയൊന്ന് കണ്ണ് ചിമ്മി കാണിച്ചു... "ഞാൻ ഇവിടെ ഒരു വീട്ടിൽ താമസിക്കുവാ.. നല്ല സ്നേഹമുള്ള അമ്മയാണ്.. വാപ്പിയെ ഞാൻ കൂടെ കൂട്ടി.." "അല്ല നീയിത് എങ്ങോട്ട് ഇറങ്ങിയത...??" "ഞാൻ ഹോസ്പിറ്റലിലേക്ക് വന്നതാ... അച്ഛനെ ഇവിടെ അഡ്മിറ്റ്‌ ആക്കിയേക്കുവാ.. ഡ്രസ്സ്‌ ഒക്കെ എടുക്കാൻ പോയി വരുന്ന വഴിയ.." ആര്യ ചെറു ചിരിയോടെ പറഞ്ഞു.. "അച്ഛനെന്ത് പറ്റി..??" "ആ പഴയ ശ്വാസം മുട്ടൊക്കെ തന്നെ... നീ വരുന്നോ കണ്ടിട്ട് പോകാം...??"

മുന്ന ചിരിച്ചു.. "വേണ്ട... നിന്റെ അമ്മക്ക് ചിലപ്പോൾ ഇഷ്ടാവില്ല...നീ കേറു ഇത്തിരി കൂടെ ഇല്ലേ ഹോസ്പിറ്റലിലേക്ക്...ഞാൻ കൊണ്ടാക്കാം...." ആര്യ പിന്നെ ഒന്നും പറഞ്ഞില്ല.... ബുള്ളറ്റിന്റെ പുറകിൽ കയറി അവളെ ചുട്ടിപിടിച്ചിരുന്നു.. "എത്രനാളായി നിന്റെ കൂടെ യാത്ര പോയിട്ട്...." ആര്യ ഒന്ന് നിശ്വസിച്ചു.. "ഇതെന്താ പതിവില്ലാത്തൊരു തിരക്ക്..." പോകുന്ന വഴിയിൽ ബ്ലോക്കിൽ പെട്ടപ്പോൾ മുന്ന ഈർഷ്യയോടെ പറഞ്ഞു.. "ഇന്നല്ലേ മന്ത്രി വരുന്നെന്ന് പറഞ്ഞത്..അതാവും..." ആര്യ മറുപടിയായി പറഞ്ഞു... മുന്ന മുന്നോട്ട് നോക്കി.. ചുമ്മാ കണ്ണുകൾ ചുട്ടുമോടിച്ചപ്പപ്പോൾ കണ്ടു...ഫുട്ട്പാത്തിലൂടെ ഫോണിൽ നോക്കി നടന്നു പോകുന്ന ധീരവിനെ.. മിഴികൾ ഒന്ന് വിടർന്നു.... ദേഹം കുളിര് കോരും പോലെ..... സിഗ്നൽ വന്നപ്പോൾ മുന്ന ബൈക്ക് സൈഡിലേക്ക് ഒതുക്കി.... "ധീരവ്....." അവൾ ഉറക്കെ വിളിച്ചു... അവൻ തിരിഞ്ഞു നോക്കി.. അവളെ കണ്ടപ്പോൾ അവൻ പുഞ്ചിരിച്ചു... അവൾക്ക് നേരെ കൈകാട്ടി... അവൾ അവനെ അടുത്തേക്ക് വിളിച്ചു. "ആരാ അത്...??" ആര്യ ചോദിച്ചു... "അ... അത്.... അതെന്റെ ഫ്രണ്ട്...." അവളൊന്നു പതറി പോയിരുന്നു... "മ്മ്......" ആര്യ ഒന്ന് അമർത്തി മൂളി.... "ധീരവ്... എന്താ ഇവിടെ..?" അടുത്തേക്ക് വന്നവനോട്‌ അവൾ ചോദിച്ചു... അവൻ മറു കയ്യിലുള്ള ഷോപ്പർ കാണിച്ചു കൊടുത്തു...

"ഗൗരിയമ്മ കുറച്ചു സാധങ്ങൾ വാങ്ങാൻ പറഞ്ഞിരുന്നു...." അവനൊന്നു കണ്ണ് ചിമ്മി കാണിച്ചു... അവൾ ചിരിച്ചു.... "ധീരവ്... ഇതാണ് ആര്യ...." അവൾ ആര്യയെ പരിജയപെടുത്തി. "ഓഹ്... മനസിലായി.. Your one and only frnd... Am i correct..." അവൻ പറഞ്ഞത് കേട്ട് അവൾ തലയാട്ടി... "ഹായ് ആര്യ ..ധീരവ്..." "വെറും ധീരവ് അല്ല... ഡോക്ടർ ധീരവ്...." മുന്ന ചിരിയോടെ തിരുത്തി.. "ധീരവ് വീട്ടിലേക്ക് അല്ലെ.... നമുക്ക് ഒന്നിച്ചു പോകാം... ഇവളെയൊന്ന് ആ കാണുന്ന ഹോസ്പിറ്റലിൽ ഡ്രോപ്പ് ചെയ്തിട്ട് വരാം...." "Ya.. Sure...." "വെറും ഫ്രണ്ട് ആണോ..??" ഹോസ്പിറ്റലിന് മുന്നിൽ ഡ്രോപ്പ് ചെയ്തപ്പോൾ ആര്യ ചോദിച്ചു.... "ആ ഫ്രണ്ട് തന്നെ..." മുന്ന അവളെ ഒന്ന് കൂർപ്പിച്ച് നോക്കി... "മ്മ്... മനസിലായി... അവനെ എന്നാ നോട്ടായിരുന്നെടി....." ആര്യ കള്ളചിരി ചിരിച്ചു.. "നീ .. നീ പോയെ...." മുന്ന അവളുടെ മുഖത്തേക്ക് നോക്കാതെ വേഗം ധീരവിന്റെ അടുത്തേക്ക് പോയി... അവളുടെ ചുണ്ടിൽ ഒരു പുഞ്ചിരി വിരിഞ്ഞു..... "ധീരവ് ആയെങ്കിലും പ്രണയിച്ചിട്ടുണ്ടോ..?" യാത്രക്കിടയിലുള്ള ചോദ്യത്തിൽ അവൻ നിശബ്ദനായിരുന്നു.... മിററിലൂടെ അവൾ അവന്റെ മുഖത്തേക്ക് ചെരിഞ്ഞൊന്ന് നോക്കി...സങ്കടമാണോ ദേഷ്യാമാണോ ആ മുഖത്ത് എന്ന് പറയാൻ കഴിയുന്നില്ല.... അവൾ ഒന്ന് നിശ്വസിച്ചു കൊണ്ട് ബൈക്ക് മുന്നോട്ട് എടുത്തു...

"വാപ്പി......" മുന്ന റൂമിലേക്ക് ചെല്ലുമ്പോൾ അദ്ദേഹം നല്ല ഉറക്കമായിരുന്നു..... അവൾ ആ നിരകയറിയ മുടിയിഴയിലൂടെ വിരലോടിച്ചു.... എന്നിട്ട് ഡ്രെസ്സുമെടുത്തു കുളിക്കാൻ കയറി... ബാത്‌റൂമിൽ നിന്ന് ഇറങ്ങി വന്ന് തല തൂവർത്തുമ്പോഴാണ് ജനൽ പാളിയിലൂടെ തന്നെ ഉറ്റു നോക്കുന്ന രണ്ട് മിഴികളെ അവൾ കണ്ടത്... പേടിയോടെ പുറകിലേക്ക് ഒന്ന് നീങ്ങി... "ആരാ അത്...." ഒന്ന് കൂടെ സൂക്ഷിച്ചു നോക്കി അവൾ ചോദിച്ചു.... വേഗം പുറത്തേക്ക് ചെന്ന് നോക്കിയപ്പോൾ കണ്ടു ദൃതിയിൽ ഇറങ്ങി പോകുന്ന നിതിനെ... അവളുടെ മുഖത്ത് ദേഷ്യം നിറഞ്ഞു നിന്നു....തൊട്ട് അപ്പുറത്ത് നിന്ന് വിജയും അവളെ നോക്കി വല്ലാത്തൊരു ചിരി ചിരിക്കുന്നുണ്ട് ലാപ്പിൽ എന്തോ കാര്യമായ് ചെയ്യുകയായിരുന്നു ധീരവ് . "ധീരവ്......" മുന്ന അൽപ്പം ഉറക്കെ വിളിച്ചു... അവൻ മുഖം ഉയർത്തി നോക്കി.. ദേഷ്യം കൊണ്ട് ചുവന്ന അവളുടെ മുഖം കണ്ടപ്പോൾ അവൻ കണ്ണുകൾ ചുരുക്കി... "എന്താ ലൈല...??" അവൻ ചോദിച്ചു... "അവന്മാർ ആരാ തന്റെ...??" "ഏത്.. വിജയും നിതിനുമാണോ....??" അവൻ സംശയത്തോടെ ചോദിച്ചു... "ആരായാലും.... വിളച്ചിലുമായി എന്റെ അടുത്തേക്ക് വരരുത് എന്ന് പറയണം.... കത്തിയും സ്പ്രേയും മാത്രമല്ല വേണേൽ അരിവാൾ എടുക്കും ഞാൻ. " അവൾ ദേഷ്യത്തോടെ പറഞ്ഞു... ധീരവ് തിരിഞ്ഞു നടന്നവളുടെ കയ്യിൽ പിടിച്ചു....

"എനിക്ക് ഒന്നും മനസിലായില്ല....' അവൾ മറുപടി പറയാതെ കൈ വലിച്ചെടുത്തു പുറത്തേക്ക് നടന്നു.. ധീരവ് അവളെ നോക്കി നിന്നു.... പിന്നെ എന്തോ ഓർത്ത പോലെ പുറത്തേക്ക് ഇറങ്ങി... "നിങ്ങൾ ലൈലയോട് മോശമായി പെരുമാറിയോ...??" വാതിൽ തള്ളി തുറന്ന് അകത്തേക്ക് കയറി അവൻ ആദ്യം ചോദിച്ചത് അതായിരുന്നു വിജയ് പുച്ഛത്തിൽ ചുണ്ടൊന്ന് കോട്ടി കൊണ്ട് സിഗരറ്റ് വലിചൂതി വിട്ടു... "ഇവിടെ സിഗരറ്റ് യൂസ് ചെയ്യാൻ പാടില്ല...." അവൻ മുറുകിയ ശബ്ദത്തിൽ പറഞ്ഞു... അവർ രണ്ട് പേരും അത് പുച്ഛിച്ചു... "ലൈലയോട് നിങ്ങൾ എന്താ പറഞ്ഞത്....??" ധീരവ് ദേഷ്യം അടക്കി നിർത്തി കൊണ്ട് ചോദിച്ചു.... "ആ.. പറഞ്ഞൊന്നുമില്ല.. ഇവൻ ആ കൊച്ചിന്റെ റൂമിലേക്ക് ഒന്ന് നോക്കി.. അത്രതന്നെ..." വിജയ് അലസമായി പറഞ്ഞു... "അല്ല നിനക്ക് എന്താ അവളെ പറഞ്ഞാൽ ഇത്ര പൊള്ളാൻ...ഇതിന് മാത്രം ആരാ അവൾ നിന്റെ...." നിതിൻ സിഗരറ്റ് കത്തിച്ച് ചുണ്ടിനിടയിൽ വെച്ച് കൊണ്ട് ചോദിച്ചു.... ധീരവ് അവന്റെ ചോദ്യത്തിന് മുന്നിൽ ഒരു നിമിഷം നിശബ്ദനായി ............... (തുടരും).................

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...