WITH LOVE 🖤: ഭാഗം 16

എഴുത്തുകാരി: ആൻവി

ഗൗരിയമ്മ പുഞ്ചിരിയോടെ കവറുകൾ അവർക്ക് രണ്ട് പേർക്കുമായി നൽകി.. മുന്നയും ധീരവും പരസ്പരം ഒന്ന് നോക്കി.. പിന്നെ അത് വാങ്ങി... "തുറന്ന് നോക്ക്....." ഗൗരിയമ്മ അവർക്ക് ഒപ്പമിരുന്നു... മുന്ന ആകാംഷയോടെ ആ കവർ തുറന്നു നോക്കി...ഒരു സെറ്റ് സാരി... മുന്നയുടെ കണ്ണ് മിഴിഞ്ഞു... "ഇ.. ഇതെനിക്കാണോ...??" അവൾ അമ്പരപ്പോടെ ചോദിച്ചു.. "അല്ലാതെ ആർക്കാ....ആദ്യം കണ്ണിലുടക്കിയത് ഇതാ.. കണ്ടപ്പോൾ ഇഷ്ടപ്പെട്ടു.... മോൾക്ക് ഇഷ്ടായില്ലേ...?" ഗൗരിയമ്മയുടെ വാക്കുകൾ നേർത്തു... മുന്ന മുഖം ചെരിച്ചു ധീരനെ നോക്കി.. അവൻ കയ്യിലിരിക്കുന്ന മുണ്ടും ഷർട്ടും നോക്കി ഇരിപ്പാണ്... ആ മുഖത്ത് വല്ലാത്തൊരു സന്തോഷം കണ്ടു അവൾ. മുന്ന ചിരിയോടെ ഗൗരിയമ്മയെ നോക്കി തലയാട്ടി.... "ഒത്തിരി ഇഷ്ടായി..." അവൻ അമ്മയെ ചേർത്ത് പിടിച്ചു... ആ മുഖം വിടർന്നു... "മോനോ..?? ഇഷ്ടായോ..??" ധീരവ് മുഖം ഉയർത്തി നോക്കി പിന്നെ ചിരിയോടെ തലയാട്ടി...... അവരെ ചേർത്ത് പിടിച്ചു നെറുകയിൽ മുകർന്നു....

"അല്ല എന്താപ്പോ സ്പെഷ്യൽ ആയിട്ട് ഡ്രസ്സ്‌ ഒക്കെ.. മ്മ്...." അവൻ ചോദിച്ചു... "നാളെ തുടങ്ങും ഉത്സവം.... രണ്ടുപേരും ഇതിടണം.... എന്താ ഇടില്ലേ...." അവർ രണ്ട് പേരെയും മാറി മാറി നോക്കി... മുന്ന ആ സാരിയിൽ ഒന്ന് തഴുകി പിന്നെ തലയാട്ടി,.. "എന്റെ ഗൗരിയമ്മ ആദ്യായിട്ട് തന്ന ഗിഫ്റ്റ് അല്ലെ.,. ഉറപ്പായും ഇടും.... ഞാൻ മാത്രമല്ല ധീരവും ഇടും.. അല്ലെ...." അവൻ ധീരവിനെ നോക്കി... "പിന്നല്ല....." ധീരവ് ചിരിച്ചു.. "എന്താ ഇവിടെ ചിരിയും കളിയുമൊക്കെ...??" വാതിൽക്കൽ നിന്ന് സംസാരം കേട്ടപ്പോൾ മൂന്ന് പേരും അങ്ങോട്ട് നോക്കി... വിജയ്യും നിഥിനുമാണ്.... മുന്നയുടെ മുഖം മാറി...ചിരി മങ്ങി ദേഷ്യവും വെറുപ്പും നിറഞ്ഞു... നിതിൻ അവളെ നോക്കി ഒന്ന് ചിരിച്ചു....പിന്നെ അവർക്ക് ഓപ്പോസിറ്റ് ഉള്ള സോഫയിൽ ചെന്നിരുന്നു.... വിജയ് ധീരവിന്റെ കയ്യിലേക്ക് നോക്കി.... "ആഹാ ഇതെന്താ ഷർട്ടോ..??" ഗൗരിയമ്മ സന്തോഷത്തോടെ തലയാട്ടി.... "മക്കൾ വരുമെന്ന് നേരത്തെ അറിയാത്തത് കൊണ്ട് ഞാൻ വാങ്ങിയില്ല...." ഗൗരിയമ്മ സങ്കടത്തോടെ പറഞ്ഞു.... വിജയ് ചിരിച്ചു.. "അത് സാരമില്ല ഗൗരിയമ്മേ...." അവൻ അമ്മയെ നോക്കി ചിരിച്ചു കൊണ്ട് പറഞ്ഞു.. "നാളായാണ് ഉത്സവം അത് കഴിഞ്ഞിട്ട് പോയാൽ മതി രണ്ടാളും...."

"വേണ്ട.,..." ഗൗരിയമ്മ പറഞ്ഞു തീർന്നതും ധീരവിന്റെ ശബ്ദം അവിടെ ഉയർന്നു.. "ഇവർ രണ്ട് പേരും നാളെ തന്നെ പോകും....ഇപ്പൊ തന്നെ പാക്കിങ് തുടങ്ങിക്കോ രാവിലെ ട്രെയിനിന് ഞാൻ ബുക്ക്‌ ചെയ്തിട്ടുണ്ട്....." ധീരവ് ഗൗരവത്തോടെ പറഞ്ഞു കൊണ്ട് അവിടെന്ന് എഴുനേറ്റ് പോയി... "ഞാനും പോകുവാ ഗൗരിയമ്മേ....പിന്നെ വരാം...." മുന്നയും എഴുനേറ്റ് കൊണ്ട് പറഞ്ഞു... "നാളെ നേരത്തെ ഒരുങ്ങി നിൽക്കണം കേട്ടോ മോളെ.... ഉത്സവപറമ്പിലൊക്കെ നമുക്ക് പോണം..." ഗൗരിയമ്മ പറഞ്ഞു...മുന്ന ചിരിയോടെ തലയാട്ടി... വിജയേയും നിഥിനെയും ഒന്ന് നോക്കിയവൾ വീടിന് പുറത്തേക്ക് ഇറങ്ങി...  "ലൈല......." റൂമിലേക്ക് ഉള്ള പടികൾ കയറാൻ തുടങ്ങവേ ധീരവിന്റെ വിളി കേട്ടതും പിടിച്ചു കെട്ടിയത് പോലെ അവളുടെ കാലുകൾ നിന്നു... അല്ലേലും ആ സ്വരമൊന്നു കേട്ടാൽ തന്നെ ഹൃദയമിങ്ങനെ മിടിക്കും... പേരറിയാത്ത വികാരം വന്ന് മൂടും... ആ സ്വരം.... ഗന്ധം... സ്പർശനം... എല്ലാമിപ്പോൾ പുതുമയുള്ളതാണല്ലോ... അവളുടെ ചുണ്ടുകൾ ചിരിച്ചു....

എന്തെന്നറിയാൻ കൊതിയോടെ തിരിഞ്ഞു നോക്കി... "എന്താ ധീരവ്...??" അവൾ കണ്ണുകൾ വിടർത്തി ചോദിച്ചു.... "അവന്മാർ നാളെ പോകും.... ഇനി അവർ ശല്യത്തിന് വരില്ലട്ടോ...." ആദ്യത്തെ പടിയിലേക്ക് കയറി നിന്നവൻ പറഞ്ഞു... "ശല്യത്തിന് വന്നാൽ രണ്ടിന്റെയും കണ്ണ് ഞാൻ കുത്തിയെടുക്കും അത്രേയൊള്ളൂ...." അവൾ അവനെ നോക്കി പേടിപ്പിച്ചു കൊണ്ട് പറഞ്ഞു... അവൻ ചിരിച്ചു.. "വേണ്ട മേഡം.. അവര് നാളെ പോകും....." ദേഷ്യം കൊണ്ട് ചുവന്ന അവളുടെ മുഖത്തേക്ക് ചിരിയോടെ അവൻ നോക്കി.... അവൾക്കും അറിയാതെ ചിരി വന്നു.... "ഞാൻ കരുതി ധീരവ് അവരുടെ കൂടെ പോകുമെന്ന്...." കോണിപടിയുടെ കൈവരിയിൽ ചാരി നിന്നവൾ പറഞ്ഞു... "അങ്ങനെ പോകാൻ തോന്നുന്നില്ല... ഈ വീടും അമ്മയെയും പിന്നെ തന്നെയുമൊക്കെ വിട്ട് പോകാനൊരു മടി... എനിക്ക് ഒരുപാട് ഇഷ്ടമാണ്...." അവളുടെ കണ്ണുകളിലേക്ക് നോക്കി പറഞ്ഞു.... ആ പെണ്ണിന്റെ കണ്ണുകൾ അറിയാതെ പിടച്ചു പോയി... "എന്... എന്താ....??" "അല്ല എനിക്ക് ഇവിടെയൊക്കെ ഒരുപാട് ഇഷ്ടമാണെന്ന്...." ചുണ്ടിലൊരു ചിരിയൊളിപ്പിച്ചവൻ പറഞ്ഞു.... "മ്മ്....." അവളൊന്ന് അമർത്തി മൂളി.... അവൻ ചിരിച്ചു കൊണ്ട് മുഖം താഴ്ത്തി....

ജനൽ വാതിൽക്കൽ ചാരി നിന്ന് കയ്യിലെ ക്യാമറയേ കൗതുകത്തോടെ നോക്കുകയായിരുന്നു മുന്നയുടെ വാപ്പിച്ചി...വല്ലാത്തൊരിഷ്ടത്തോടെ അദ്ദേഹം അതിനെ നെഞ്ചോട് ചേർത്ത് പിടിച്ചു.... അന്തിചുവപ്പ് ആകാശത്തിന്റെ ഒരു കോണിൽ കാണമായിരുന്നു... . അദ്ദേഹം ക്യാമറ ഉയർത്തി ആ ദൃശ്യത്തിലേക്ക് നോട്ടം പതിപ്പിച്ചു.... അപ്പോഴാണ് കോണിപടിയിൽ നിന്ന് സംസാരിക്കുന്ന മുന്നയെയും ധീരവിനെയും അദ്ദേഹം കണ്ടത്... ക്യാമറ അവരിലേക്ക് ചലിച്ചു...മുന്നയെ പുഞ്ചിരിയോടെ ഉറ്റു നോക്കുന്ന ധീരവ്... ആ ദൃശ്യം അദ്ദേഹത്തിന്റെ ക്യാമറ കണ്ണുകളിൽ പതിഞ്ഞു കഴിഞ്ഞിരുന്നു....  മുന്നയുമായി സംസാരിച്ച് വീട്ടിലേക്ക് കയറാൻ നേരമാണ് ധീരവ് വീടിനോട് ചേർന്ന തൊടിയിൽ നിൽക്കുന്ന ഗൗരിയമ്മയെ കണ്ടത്.... അവൻ സംശയത്തോടെ അങ്ങോട്ട്‌ ചെന്നു നോക്കി.... മുന്നിലെ കല്ലറക്ക് മുന്നിൽ കണ്ണ് നിർച് നോക്കി നിൽപ്പാണ് അവർ.... കണ്ണുനീർ ഇറ്റിറ്റ് വീഴുന്നുണ്ട്.. അവൻ മെല്ലെ അവർക്ക് അടുത്തേക്ക് നീങ്ങി... മെല്ലെ അവരുടെ തോളിൽ കൈ ചേർത്തു... "അമ്മേ...??" അവൻ മെല്ലെ വിളിച്ചു... പെട്ടെന്ന് അവർ കണ്ണുകൾ അമർത്തി തുടച്ചു... സാരി തുമ്പ് കൊണ്ട് മുഖം അമർത്തി തുടച്ച് അവനെ നോക്കി ഒന്ന് ചിരിക്കാൻ ശ്രമിച്ചു...പക്ഷേ പരാജയത്തോടെ അവർ അവന്റെ നെഞ്ചിലേക്ക് വീണു കരഞ്ഞു ധീരവ് ഞെട്ടി പോയി............. (തുടരും).................

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...