WITH LOVE 🖤: ഭാഗം 19

എഴുത്തുകാരി: ആൻവി

നിമിഷങ്ങൾക്ക് ധൈർഖ്യം ഏറിയത് പോലെ..... അവളുടെ നീളൻ വിരലുകളിൽ അവൻ മുത്തി..... തേടി വന്നത് ഇവളെയല്ല.... പക്ഷേ ഹൃദയം നേടി എടുത്തത് ഇവളെയാണ്..... മുന്നയവന്റെ ഹൃദയത്തിൽ വീണു കിടന്നു.... ഹൃദയം താളം കാതിലേക്ക് ഏറ്റു വാങ്ങി... പുഞ്ചിരിയോടെ അവളുടെ കണ്ണുകൾ അടഞ്ഞു.... വാപ്പിച്ചിയുടെ കൈകൾക്കുള്ളിൽ ഒതുങ്ങി നിൽക്കുമ്പോൾ അനുഭവിച്ചിരുന്ന സ്‌നേഹം... സുരക്ഷിത ത്വം.... "ലൈല......" അവന്റെ സ്വരം കാതിലെത്തി... നെറുകയിൽ നിശ്വാസമേറ്റപ്പോൾ മെല്ലെ അവൾ കണ്ണ് തുറന്നു... പുഞ്ചിരിക്കുന്ന അവന്റെ മുഖം ഒരു ചെറുവിരൽ ദൂരത്തിൽ തനിക്ക് മുന്നിൽ..... അവൾ അവനെ ഉറ്റു നോക്കി.... ആ കണ്ണുകൾ എന്തോ മറക്കും പോലെ.... അവൾ കൈകൾ ഉയർത്തി ആ മിഴിയിൽ ഒന്ന് തൊടാൻ ആഞ്ഞു....ധീരവ് ആ കൈകളെ തടഞ്ഞു.... പുഞ്ചിരിയോടെ അവ ചുണ്ടിലേക്ക് ചേർത്തു... കണ്ണുകൾ തമ്മിൽ പ്രണയത്തിലേർപെട്ട നിമിഷം... സൂര്യൻ കടലിൽ ആഴ്ന്നതറിഞ്ഞില്ല.....ഇരുൾ വീണതറിഞ്ഞില്ല...

കൈകൾ തമ്മിൽ പിരിയാതെ കെട്ടു പിണഞ്ഞു.... "ധീര..... മോനെ......" താഴെ നിന്നെപ്പോഴോ കേട്ട ഗൗരിയമ്മയുടെ ശബ്ദം ഇരുവരേയും ഞെട്ടിച്ചു... നിമിഷങ്ങൾ കൊണ്ട് അടർന്നു മാറി പിൻതിരിഞ്ഞു നോക്കി.... ഉമ്മറത്ത് നിന്നുമാണ് വിളി... ഒരുനിമിഷം ഉള്ളൊന്ന് ആളി....പിന്നെ ആശ്വാസമായി... ധീരവ് അവളെ നോക്കി പുഞ്ചിരിയോടെ വിട വാങ്ങി..... അവളും ചിരിച്ചു.... റൂമിലേക്ക് ഓടി ക്കേറി കണ്ണാടിക്ക് മുന്നിൽ നിൽക്കുന്ന... തന്റെ ചുവന്ന കവിളുകൾ അവളെ വീണ്ടും ചിരിപ്പിച്ചു.... ഉറങ്ങി കിടക്കുന്ന വാപ്പിക്ക് അടുത്തേക്ക് ചെന്ന് ആ കവിളിലൊന്ന് മുത്തി.... മനസ്സിൽ ഒന്നും മറച്ചു വെക്കാറില്ല.. എല്ലാം വാപ്പിച്ചിയോട് തുറന്നു പറയാറ പതിവ്..... ആദ്യമായ് ഒരാളെ പ്രണയിച്ചതും.. പിന്നെ അത് പൊലിഞ്ഞതും..അങ്ങനെ എല്ലാം.... ധീരവ്...... ഞാൻ അവനെ പ്രണയിക്കുന്നു വാപ്പി., ഒരുപാട് ഒരുപാട്... എനിക്ക് അവനെ ഒത്തിരി ഇഷ്ടമാണ്....ഇതിൽ ഞാൻ തോൽക്കില്ലെന്ന് വിശ്വസിക്കുന്നു.....

അവളുടെ ഹൃദയം അദ്ദേഹത്തോടെ പറഞ്ഞു..... അദ്ദേഹം മുറുകെ പിടിച്ചിരുന്ന ക്യാമറ എടുത്തു മാറ്റി അവൾ പുതച്ചു.....  കയ്യിലൊരു ചോറിന്റെ പൊതിയുമായി ആ റൂമിലേക്ക് അയാൾ കടന്നു ചെന്നു.. രക്തം പുരണ്ട തറ ശൂന്യമായി കിടക്കുന്നത് കണ്ടപ്പോൾ അയാളുടെ കണ്ണുകൾ വെപ്രാളത്തിൽ ആ റൂം മുഴുവനോടി... അരയിൽ വെച്ചിരുന്ന പിസ്റ്റോൾ എടുത്തു കയ്യിൽ പിടിച്ചു.... "ആപ് കാഹാ ഹൈ ? ബിന ഖേലെ ബാഹാർ ആ ജാവോ.." (നീ എവിടെയാണ് കളിക്കാതെ പുറത്ത് വരൂ,..) എന്തോ ഓർമയിൽ അയാൾ സൈഡിലേക്ക് നോക്കി.... ഇല്ല അവനെ കാണാനില്ല..... പെട്ടെന്ന് അയാൾ ഫോൺ എടുത്ത് ആരെയോ വിളിച്ചു... "വഹ് ബച് ഗയ , സാഹബ് ....!!!" (അവൻ രെക്ഷപെട്ടു സർ..) അത് പറയുമ്പോൾ അയാളുടെ ചെന്നിയിൽ നിന്ന് വിയർപ്പ് പൊടിഞ്ഞു.... മറുവശത്ത് എന്തോ വീണുടയുന്ന ശബ്ദം കേട്ടു... കാലുകൾ വലിച്ച് നടക്കുമ്പോൾ ദേഹത്ത് മുഴുവൻ എന്തോ കുത്തി കയറുന്ന വേദന തോന്നി അവൻ.... ആഹ്...... കാലിനടിയിലെ മുറിവിൽ ചരൽ കുത്തി കയറുമ്പോൾ ദേഹം തളരും.... നെറ്റിയിൽ നിന്ന് ഒഴുകി ഇറങ്ങുന്ന വിയപ്പ് തുള്ളികൾ ദേഹത്തെ പൊള്ളിയ പാടുകളിൽ വീണുടയുമ്പോൾ ഒന്ന് മരിച്ചു പോയിരുന്നെങ്കിൽ എന്ന്....

സ്വയം മരിക്കാൻ ഭയമാണ്.... എന്തെ അവരെന്നെ കൊന്നില്ല.... സൂര്യൻ ഉച്ചിയിൽ ഉദിച്ചു നിൽക്കുന്ന സമയം.... തൊണ്ടയിൽ വെള്ളം നനഞ്ഞിട്ട് മണിക്കൂറുകളായി...... സൂര്യന്റെ ചൂട് നെറുകയിൽ പതിച്ച് ഗോതമ്പ് പാടത്തിന്റെ ഓരത്തേക്ക് അവൻ കുഴഞ്ഞു വീണു... അപ്പോഴും അവന്റെ ചുണ്ടുകൾ മന്ത്രിക്കുന്നുണ്ടായിരുന്നു.... അമ്മേ എന്ന്...!!!!  "മുന്ന.... നിന്റെ കസ്റ്റമർ വന്നിട്ടുണ്ട് ട്ടൊ..." തനുവിന്റെ ആക്കിയ ചിരിയോടെയുള്ള പറച്ചിൽ കേട്ടപ്പോൾ മുന്ന ദേഷ്യത്തോടെ അവളെയൊന്ന് നോക്കി.... പിന്നെ ഗ്ലാസ്‌ ചുവരിലൂടെ.... റെസ്റ്റോറന്റിന്റെ ഓപ്പൺ സെക്ഷനിലേക്ക് വെറുതെ ഒന്ന് മിഴികൾ പായിച്ചു..... ചൊടികൾ വിടർന്നു... ഫോണിൽ കാര്യമായി എന്തോ നോക്കി കൊണ്ട് ടേബിളിൽ ഇരിക്കുന്നവനെ കണ്ടപ്പോൾ മെല്ലെ മുഖം താഴ്ത്തി.... അവന്റെ ഫേവറിറ്റ് കോൾഡ്കോഫി ബംഗിയുള്ള ഗ്ലാസ്സിലേക്ക് പകർന്നെടുത്ത് മുന്നോട്ട് ചെന്നു.... "One coffee pleas....." ആരുടെയോ സാന്നിധ്യം അറിഞ്ഞെന്ന പോലെ മുഖം ഉയർത്താതെ പറയുന്നവനെ അവനൊന്നു കൂർപ്പിച്ചു നോക്കി.... അതേ നിൽപ്പ് നിന്നു... അവളുടെ അനക്കമൊന്നും ഇല്ലാതെ വന്നപ്പോൾ ചുണ്ടിലൂറിയാ ചിരിയോടെ മുഖം ഉയർത്തി നോക്കി...

മുന്നിൽ സെർവിങ് പ്ലേറ്റ് പിടിച്ച് അവനെ കൂർപ്പിച്ചു നോക്കുന്നവളെ കണ്ടപ്പോൾ പിടിച്ചു വെച്ച ചിരി പുറത്തേക്ക് വന്നു... വേഗം അവളുടെ കയ്യിൽ നിന്ന് കോഫി വാങ്ങി... അവൻ തലയിൽ വെച്ചിരുന്ന ക്യാപ് ഊരി ടേബിളിൽ വെച്ച് ഗ്ലാസ്‌ ചുണ്ടിലേക്ക് അടുപ്പിച്ചു.... കുടിക്കുമ്പോഴും മിഴികൾ അവളെ നോക്കി. അവളും അവനെ നോക്കി നിൽപ്പാണ്.... "ഡ്യൂട്ടി എപ്പോ കഴിയും ലൈല..??" "3.30... എന്തേയ്...??" അവൾ പുരികം ഉയർത്തി കൊണ്ട് ചോദിച്ചു... അവളുടെ ചുണ്ടിൽ ഒരു ചിരി മൊട്ടിട്ടിരുന്നു.... "വിരിഞ്ഞ പൂവിനെക്കാൾ ഭംഗി.... വിടരാൻ തുടങ്ങുന്ന മൊട്ടുകക്കാണത്രേ. അവർക്കാണല്ലോ...അവരാണല്ലോ അണിഞ്ഞൊരുങ്ങുന്നത് പുതു പ്രതീക്ഷകളിലേക്ക് കാലെടുത്തു വെക്കാൻ....." അവളെ നോക്കി പറയുമ്പോൾ അവളുടെ കണ്ണുകൾ അത്ഭുതത്താൽ വിരിയുന്നത് അവൻ കണ്ടു.... അടുത്ത ടേബിലേക്ക് മെനുകാർഡുമായി നടക്കുമ്പോൾ അവന്റെ കണ്ണുകൾ അവളുടെ പിന്നാലെ പോയിരുന്നു.... ബിൽ കൊടുക്കാൻ അവൾ അടുത്തേക്ക് ചെന്നപ്പോൾ അവളുടെ വിരൽ ഉരസി അവൻ നടന്നു നീങ്ങിയപ്പോൾ രണ്ട് പേരും പുഞ്ചിരിക്കുന്നുണ്ടായിരുന്നു...

ജോലി കഴിഞ്ഞിറങ്ങുമ്പോൾ പാർക്കിങ്ങിൽ തന്റെ വണ്ടിക്കരുകിൽ ചാരി നിൽക്കുന്നവനെ കണ്ടപ്പോൾ കാലുകൾ വേഗത്തിൽ അവന്റെ അടുത്തേക്ക് ചലിച്ചിരുന്നു... "പോകാം..." മുന്നിൽ വന്ന് നിന്നവൾക്ക് ബൈക്കിനടുത്തേക്ക് വഴി ഒരുക്കി കൊണ്ട് അവൻ ചോദിച്ചു... പാന്റിന്റെ പോക്കറ്റിൽ നിന്ന് കീഎടുത്ത് ബൈക്കിൽ കയറി അവൾ അവനെ നോക്കി...... അവനും പുറകിൽ കയറി.... അവളെ ചുറ്റി പിടിച്ചിരുന്നു.... മുഖത്തേക്ക് പാറി വീണു കൊണ്ടിരുന്നു അവളുടെ ചെമ്പൻ മുടിയിലേ മുല്ലപൂവിന്റെ ഗന്ധം അവൻ ആശ്വാസദിച്ചു..... വീട്ടിലേക്കുള്ള ദൂരമേറിയിരുന്നെങ്കിൽ എന്ന് വല്ലാതെ കൊതിച്ചു പോയി ഇരുവരും....."ഗൗരിയമ്മേ.....!!" ഉമ്മറത്ത് വിളിക്ക് വെച്ച് തിരിഞ്ഞു നടക്കുമ്പോഴാണ് പുറകിൽ നിന്ന് മുന്നയുടെ ശബ്ദം കേട്ടത്... "എന്താ മോളെ....??" അവർ പുഞ്ചിരിയോടെ ചോദിച്ചു... മുന്ന പടിക്കെട്ടുകൾ കയറി അവർക്ക് അരുകിലേക്ക് ചെന്നു... കയ്യിൽ ഉണ്ടായിരുന്ന നോട്ടുകൾ അവർക്ക് നേരെ നീട്ടി...... "ഇതെന്താ കുട്ടീ..??" ബസ്‌മം നീട്ടി വരച്ച അവരുടെ നെറ്റിയൊന്ന് ചുളിഞ്ഞു... "വാടക.... എന്റെ സാലറി കിട്ടി.... വേണ്ടെന്ന് പറയരുത്....അന്യയായി കണ്ടത് കൊണ്ടൊന്നുമല്ല... ഇതാ അതിന്റെ ശെരി....."

അവൾ ചിരിയോടെ ആ അമ്മയുടെ കൈകളിലേക്ക് നോട്ടുകൾ മുറുകെ പിടിപ്പിച്ചു... "ഇതിന്റെ ആവശ്യമൊന്നുമില്ല കുഞ്ഞേ...." "ആര് പറഞ്ഞു... ബാങ്കിൽ വലിയൊരു തുക കടമില്ലേ മോനെ പഠിപ്പിക്കാനും ജോലിക്കും മറ്റും വേണ്ടി എടുത്തത്.... എനിക്കറിയാം... ഇതിരിക്കട്ടെ...കഴിഞ്ഞ മാസത്തേയും കൂട്ടിയുണ്ട്..." "എന്തിനാ മോളെ ഞാൻ ചോദിച്ചില്ലല്ലോ... സന്തോഷത്തോടെയാ മോളെ ഞാൻ ഇവിടെ താമസിപ്പിച്ചത്.. ന്റെ മോളെ പോലെ....." ആ അമ്മയുടെ ചുണ്ടുകൾ വിറച്ചു... "അതേ സന്തോഷത്തോടെയാ ഞാനിത് തരുന്നത്....ഇതെന്റെ ഗൗരിയമ്മക്ക് അവശകാശപ്പെട്ടതാ...." അവരുടെ കണ്ണുകൾ തുടച്ചു കൊടുത്തവൾ...കവിളിൽ ഒരുമ്മ കൊടുത്തു.... ഗൗരിയമ്മ ചിരിച്ചു.. "അതാണ്... എന്റെ ഗൗരിക്കുട്ടി ഇങ്ങനെ ചിരിച്ചോണ്ട് ഇരിക്കണം.... അമ്മേടെ ശ്രീക്കുട്ടൻ വന്നാൽ ഇല്ലേൽ ഞങ്ങളെ വഴക്ക് പറഞ്ഞാലോ...." അവൾ കുറുമ്പോടെ പറഞ്ഞു.... ഗൗരിയമ്മയുടെ മുഖത്തെ സന്തോഷം മങ്ങി.... "എന്ത് പറ്റിയെന്റെ അമ്മക്ക്...??മ്മ്..."

"ഒരു ചീത്ത സ്വപ്നം കണ്ടു.... ദേഹം മുഴുവൻ പൊള്ളി അനങ്ങാൻ വയ്യാതെ കിടക്കുന്ന ഒരു രൂപം ഇരുട്ട് ആയത് കൊണ്ട് മുഖം തെളിഞ്ഞില്ല....പിന്നെ കിടന്നിട്ട് ഉറക്കം വന്നിട്ടില്ല.... ഉള്ളിലൊരു വിങ്ങലാ... ന്റെ ശ്രീക്കുട്ടന്റെ അമ്മേ എന്നുള്ള കരച്ചിലാണ് ചെവിയിൽ കേൾക്കുന്നത്......" ആധിയോടെ ഓരോന്ന് പറയുന്ന ആ അമ്മയെ അവൾ അനുകമ്പയോടെ ചേർത്ത് പിടിച്ചു... "ന്റെ ശ്രീകുട്ടനെന്തേലും പറ്റിയാൽ... പിന്നെ ഞാൻ ജീവിച്ചിരുന്നിട്ട് എന്താ കാര്യം.... അവനു വേണ്ടിയല്ലേ ഞാൻ ജീവിച്ചത്......." പറഞ്ഞു നിർത്തുമ്പോൾ അതെല്ലാം കേട്ട് തിണ്ണയിൽ ഇരുന്ന് ഫോണിൽ നോക്കി കൊണ്ടിരുന്ന ധീരവിന്റെ കൈകൾ അറിയാതെ ഒന്ന് വിറച്ചു.....ഫോൺ താഴേക്ക് വീണു............. (തുടരും).................

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...