WITH LOVE 🖤: ഭാഗം 2

എഴുത്തുകാരി: ആൻവി

മുറ്റത്ത്‌ ഒരു ഓട്ടോ വന്ന് നിൽക്കുന്നത് കേട്ടാണ് ഗൗരിയമ്മ പുറത്തേക്ക് വന്നത്.... ന്റെ ശ്രീക്കുട്ടനാണോ...?? അവർ ഒരു നിമിഷം ചിന്തിച്ചു.... നെഞ്ചിലേക്ക് കരം അമർത്തി സന്തോഷത്തോടെ മുറ്റത്തേക്ക് ഉറ്റുനോക്കി.... ഓട്ടോയിൽ നിന്നിറങ്ങി വരുന്ന ചെറുപ്പക്കാരനെ കണ്ട് അമ്മയുടെ മുഖം ചുളിഞ്ഞു... "ആരാ....??" കോലായിലേക്ക് ഇറങ്ങി നിന്നവർ ചോദിച്ചു... "ഞാൻ ധീരവ്.., ധീരവ് മാധവ്... ശ്രീയുടെ ഫ്രണ്ട്....." തോളിൽ ഇട്ടിരുന്നു ബാഗ് താഴേക്ക് ഇറക്കി വെച്ച് തലയിൽ വെച്ചിരുന്ന തൊപ്പിയവൻ ഊരി കൊണ്ട് പറഞ്ഞു.... ഗൗരിയമ്മയുടെ മുഖം വിടർന്നു.. "ധീ... ധീരനാണോ..?? എന്റെ മഹാദേവ.. നിക്ക് മനസിലായതേ ഇല്ല..." സന്തോഷത്തോടെ മുറ്റത്തേക്ക് ഇറങ്ങി.. അവന്റെ തലയിൽ മുഖത്തും തൊട്ട് നോക്കി ഗൗരിയമ്മാ... ധീരവൊന്ന് പുഞ്ചിരിച്ചു... !ശ്രീക്കുട്ടനെന്താ വരാത്തെ... ഇപ്പൊ കത്തും കുറവാ... " അവർ ആശങ്കയോടെ തിരക്കി... "അവനു ഇപ്പൊ ഫുൾ ബിസിയാണ്...എന്റെ കൂടെ ഇങ്ങോട്ട് വരാൻ നിന്നതാണ് പക്ഷേ എംഡി അവനെ വിട്ടില്ല...."

"സാരല്യ... അവനു സുഖണല്ലോ.. മോനെ പറ്റി എപ്പഴും പറയും... നാട്ടിലേക്ക് മോൻ വരുന്നുണ്ടെന്ന് പറഞ്ഞു... ഞാൻ ഇത്തിരിയുള്ളപ്പോൾ കണ്ടതല്ലേ...." അവന്റെ മുഖത്താകെ ഗൗരിയമ്മ വിറക്കുന്ന കൈകളോടെ തഴുകി..... "നീണ്ടു മെലിഞ്ഞിരുന്ന ചെക്കനാ.... വിദേശത്തൊക്കെ പോയി നന്നായി... പഴയ ധീരനെ പോലയെ അല്ല... മുടി വളർന്നത് കൊണ്ടാവും...." ധീരൻ ആ വിറക്കുന്ന കൈകളിൽ അമർത്തി പിടിച്ചു.... ആ കണ്ണുകളിൽ നോക്കി പുഞ്ചിരിച്ചു... "ശോ.. ഞാൻ എന്താ ഈ കാട്ടണേ... മോൻ അകത്തേക്ക് വാ....." ഗൗരിയമ്മ അവന്റെ കയ്യിൽ പിടിച്ച് അകത്തേക്ക് കയറി.... ധീരൻ ആ വീടിനകം ആകെയൊന്ന് കണ്ണോടിച്ചു.... ചുമരിനോട്‌ ചേർന്നിരുന്ന ഷെൽഫിൽ ശ്രീഹരിയെന്ന ശ്രീയുടെ ഒരു ഫോട്ടോയുണ്ടായിരുന്നു.... സോഫയിലേക്ക് ഇരിക്കാനായി ഒരുങ്ങിയപ്പോഴാണ് സൈഡിലെ റൂമിൽ നിന്ന മുന്ന ഇറങ്ങി വന്നത്.... ഇരിക്കും മുന്നേ ധീരനവളെ നോക്കി... അലസമായി പാറി പറക്കുന്ന മുടിയും.. ചുവന്നു കലങ്ങിയ കണ്ണുകളും... ഇട്ടിരുന്ന ഷർട്ടിന്റെ കൈകൾ കൈമുട്ടിന് മേലേക്ക് തെരുത്തു വെച്ചിരുന്നു....

"മോളിത് എങ്ങോട്ടാ...??" കുടിക്കാൻ സംഭാരവുമായി വന്ന ഗൗരിയമ്മ ചോദിച്ചു.. "ഞാൻ പോകുവാണ്...." അവൾ പുറത്തേക്ക് നോക്കിയാണ് പറഞ്ഞത്.... "എങ്ങോട്ടാ മോളെ.... തീരെ വയ്യാലോ..." "സാരമില്ല അമ്മേ.... ഞാനിപ്പോ ഓക്കേയാണ്..." മുന്ന നന്ദി പൂർവ്വം ആ അമ്മയുടെ കയ്യിൽ പിടിച്ചു... ധീരൻ അവരുടെ സംസാരം കെട്ടിരിക്കുകയാണ്... "എവടാ കുഞ്ഞേ വീട്....? അടുത്ത് എങ്ങാനും ആണോ..." "വീട്...വീട് ഇവിടെ അല്ല....ഹോസ്റ്റലിൽ.." അവൾ നിന്നൊന്ന് പരുങ്ങി.... ഗൗരിയമ്മ അവളെയൊന്ന് സൂക്ഷിച്ചു നോക്കി.... മുന്ന വേഗം അവരിൽ നിന്ന് മുഖം തിരിച്ചു.... ഗൗരിയമ്മ അവളുടെ കയ്യിൽ പിടിച്ചു.... "ദേ...ഇതിന്റെ മോളിലൊരു റൂമുണ്ട്... രണ്ട് കോളേജ് പിള്ളേരായിരുന്നു താമസം പെൺകുട്ട്യോളാ.... ഇപ്പൊ അവരൊക്കെ പോയി... മോള് വേണേൽ അവിടെ താമസിച്ചോ... ആ റൂമിലേക്ക് അകത്തൂടെയും പുറത്തൂടെ കോണിയുണ്ട്.. ഇന്നലെ കൂടെ ഞാൻ കേറി വൃത്തിയാക്കി ഇട്ടതാ.... അത് ചിലപ്പോൾ മോൾക്ക് വേണ്ടി ആയിരിക്കും..." ആ അമ്മ പറഞ്ഞു നിർത്തി അവളെ നോക്കി നോക്കി പുഞ്ചിരിച്ചു... മുന്ന അവരെ അവളിലേക്ക് ചേർത്ത് പിടിച്ചു..

"താങ്ക്യൂ...." അവളുടെ ശബ്ദം ഇടറി.... ധീരവരെ നോക്കി ഒന്ന് മുരടനക്കി... ഗൗരിയമ്മ മുന്നയെ ചേർത്ത് പിടിച്ചു... "ലൈല മോളെ... ഇത് എന്റെ ശ്രീകുട്ടന്റെ കൂട്ടുകാരനാ ധീരവ്....." മുന്ന ധീരനെ ഒന്ന് നോക്കി.... ചെറുതായൊന്നു പുഞ്ചിരിച്ചു...  "ഇത് ശ്രീക്കുട്ടന്റെ റൂമ.... അവന്റെ കൂട്ടുകാരനല്ലേ മോൻ ഇവിടെ താമസിച്ചോ...." ഗൗരിയമ്മ മുന്നിലെ വാതിൽ അവനായി തുറന്നു കൊടുത്തു... "അച്ഛനും അമ്മയും മരിച്ചത് ഞാൻ അറിഞ്ഞു.... പക്ഷേ... ഇവിടെ ഇരുന്ന് ഞാൻ...." റൂം മുഴുവൻ കണ്ണോടിക്കവേ ഗൗരിയമ്മയുടെ സംസാരം കേട്ട് ധീരവ് അവരെ ചേർത്ത് പിടിച്ചു... "സാരമില്ല അമ്മേ... എനിക്ക് ഇനി അമ്മയും ശ്രീയും മാത്രമേ ഒള്ളൂ...." "ആഹ്... മോൻ കുളിച്ചിട്ട് വാ ഞാൻ കഴിക്കാൻ എടുത്തു വെക്കാം..." സാരി തുമ്പ് കൊണ്ട് കണ്ണ്നീര് ഒപ്പി കൊണ്ട് പുറത്തേക്ക് ഇറങ്ങി..... ധീരൻ അവർ പോകുന്നത് നോക്കി ഒന്ന് നിശ്വസിച്ചു... 

മുറ്റത്ത്‌ ഇരിക്കുന്ന ബുള്ളറ്റിന്റമേൽ അവനൊന്നു തഴുകി..... കണ്ടപ്പോൾ ഇരിക്കാനൊരു കൊതി.... വീടിന്റെ ഉമ്മറത്തേക്ക് ഒന്ന് നോക്കിയവൻ ആ ബുള്ളറ്റിലേക്ക് കയറി.... ഒന്ന് നിവർന്നിരുന്നതേ കണ്ടത് മുന്നിൽ ദേഷ്യത്തോടെ തന്നെ നോക്കി നിൽക്കുന്ന മുന്നയെ ആണ്.... "ഇറങ്ങടോ..." അവൾ മുറുകിയ ശബ്ദത്തോടെ പറഞ്ഞു.... "ഇറങ്ങാൻ...." അലറി പറയുന്നതിനൊപ്പം അവന്റെ നെഞ്ചിൽ ഇടിച്ചു അവൾ.... "ആഹ്...." വേദന കൊണ്ട് അവൻ ബുള്ളറ്റിൽ നിന്ന് ചാടി ഇറങ്ങി.... അവനെ ദേഷിച്ചു കൊണ്ട് ബൈക്കിന്റെ കീയും ഊരി അവൾ അകത്തേക്ക് ഒരു പോക്ക് ആയിരുന്നു.... ധീരന് നന്നേ ദേഷ്യം വന്നിരുന്നു.... മുഷ്ടി ചുരുട്ടി പിടിച്ചവൻ സ്വയം നിയന്ത്രിച്ചു... "അഹങ്കാരി......" അവന്റെ കണ്ണുകൾ അവൾക്ക് പിറകെ പോയി............... (തുടരും).................

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...