WITH LOVE 🖤: ഭാഗം 24

എഴുത്തുകാരി: ആൻവി

അസ്വസ്ഥതമായ മനസ്സോടെ മുന്ന വാപ്പിയുടെ അടുത്ത് ഇരുന്നു...ആ രാത്രി ഉറങ്ങാൻ കഴിഞ്ഞില്ല.... ഡോക്ടർ പറഞ്ഞ വാക്കുകളായിരുന്നു മനസ്സ് മുഴുവൻ..... തളരാൻ പാടില്ല.... താനിവിടെ തളർന്നു പോയാൽ.... പിന്നെ ഉയർത്തെഴുനേൽക്കാൻ കഴിയാതെ പോകും... അവളുടെ ഹൃദയം ഓർമിപ്പിച്ചു കൊണ്ടിരുന്നു..... വാപ്പിയെ ഒന്നൂടെ പുതച്ചു കൊടുത്തവൾ.. ജനക്കൽ വന്ന് നിന്നു... കർട്ടൻ വകഞ്ഞു മാറ്റി പുറത്തേക്ക് നോക്കി... മുറ്റത്ത്‌ കിടക്കുന്ന ബുള്ളറ്റിലേക്ക് നോക്കി കുറച്ചു നേരം നിന്നു.. വാപ്പിച്ചിയേക്കാൾ വലുതല്ലല്ലോ... ഇതൊന്നും..... അവളൊന്ന് നിശ്വസിച്ചു.... തിരിഞ്ഞ് ടേബിളിൽ ഇരിക്കുന്ന ക്യാമറയെ കൂടി നോക്കി.... റൂമിലിരുന്നു ശ്വാസം മുട്ടുന്നത് പോലെ.... മുറ്റത്തേക്ക് ഇറങ്ങി.... ബൈക്കിനടുത്തേക്ക് ചെന്ന് അതിനെ ഒന്ന് തലോടി..... മനസ്സിൽ പലതും കണക്ക് കൂട്ടുന്നുണ്ടായിരുന്നു.... കാതിലേക്ക് ഒരു ചുടു നിശ്വാസമടിച്ചു.... ധീരവ്.....!!!! അവൾ മെല്ലെ വിളിച്ചു... അപ്പോഴേക്കും അവൻ കാതിൽ മെല്ലെ ഊതിയിരുന്നു...

ഇക്കിളി കൊണ്ട് അവൾ കഴുത്ത് ഒന്ന് വെട്ടിച്ചു.... ധീരവ് അവളെ പിടിച്ച് തനിക്ക് നേരെ നിർത്തി..... "എന്ത് പറ്റി ധീരവ്... നിന്റെ മുഖമെന്താ വല്ലാതെ..." അവൾ അവന്റെ കവിളിൽ കൈ ചേർത്തു.. "നിനക്ക് എന്ത് പറ്റി.....??" അവൻ മറുചോദ്യമെറിഞ്ഞു.... "മനസ്സിന് ഒരു സുഖമില്ല....ഞാനിപ്പോൾ വല്ലാത്തൊരു പ്രതിസന്ധിയിലാണ്.. എനിക്ക് അത് എങ്ങനെ തരണം ചെയ്യണമെന്ന് അറിയില്ല... വാപ്പിയുടെ ജീവൻ വെച്ച് കളിക്കാൻ എന്നെ കൊണ്ട് കഴിയില്ല..... " അവൾ സങ്കടത്തോടെ പറഞ്ഞു... ധീരവ് അവളെ അവന്റെ നെഞ്ചിലേക്ക് ചേർത്ത് പിടിച്ചു.... "നീ ഒരിക്കലും തളരരുത്....ഇതുവരെ എത്താൻ സാധിച്ച നിനക്ക് ഇനിയും മുന്നോട്ട് പോകാൻ കഴിയും..... എന്നെ കൊണ്ട് ആകുന്നത് ഞാൻ ചെയ്യും.... നിനക്ക് വേണ്ടി... നിനക്ക് വേണ്ടി മാത്രം.... ഒത്തിരി സ്നേഹത്തോടെ.... എന്റെ ജീവൻ വേണമെങ്കിലും തരും ഞാൻ....." അവന്റെ കണ്ണുകൾ തിളങ്ങുന്നുണ്ടായിരുന്നു.... "ജീവൻ വേണമെങ്കിലും തരുമോ നീ...." അവളുടെ ശബ്ദം ഇടറി... "തരും...."

സ്വരമിടാറാതെ... പതറാതെ... അവളുടെ കണ്ണിലേക്കു നോക്കി അവൻ പറഞ്ഞു..... അവൾ അവനെ നോക്കി നിന്നതേ ഒള്ളൂ.... "പക്ഷേ നീയെന്നെ സ്നേഹിച്ചാൽ മതി... സ്നേഹിച്ചു കൊണ്ടിരുന്നാൽ മതി....." അവൻ പറഞ്ഞത് കേട്ട് അവളുടെ ചുണ്ടുകളിൽ പുഞ്ചിരി വിരിഞ്ഞു... "Stay for me....." അവൻ അവളുടെ ചുണ്ടിൽ മുത്തി.... അവൾ അപ്പോഴും പുഞ്ചിരിക്കുന്നുണ്ടായിരുന്നു....അവനും ചിരിച്ചു... "Your smile is a key, to my unlock happiness...." അവന്റെ വിരലുകൾ അവളുടെ ചുണ്ടുകളെ തഴുകി.... പിന്നെ കുസൃതിയോടെ അവളുടെ ഇടം കാതിൽ ഊതി.. "ധീരവ്...." അവൾ അവനെ കൂർപ്പിച്ചു നോക്കി കൊണ്ട് വിളിച്ചു.. കാതിലേക്ക് അവന്റെ ചുടുനിശ്വാസമടിച്ചപ്പോൾ കഴുത്തൊന്ന് വെട്ടിച്ചു.... "ഇതെന്തിനാണ് എന്നറിയാമോ..??" അവൻ ചോദിച്ചു... "എന്തിനാ...??" "ഇതൊരു സിഗ്നലാണ്... ഐ നീഡ് എ ഡീപ് കിസ്സ്.... എന്ന്...." വീണ്ടും അവൻ അവളുടെ കാതിലേക്ക് ഊതി... പിന്നെ പതിയെ അവളുടെ ചുണ്ടുകളെ നുണഞ്ഞെടുത്തു.....

"ലൈല....." ജോലിക്ക് പോകാനായി ബൈക്കിലേക്ക് കയറി ഇരുന്നപ്പോഴാണ് പുറകിൽ നിന്ന് ധീരവിന്റെ വിളി കേട്ടത്.... അവനെ കണ്ടപ്പോൾ ഉള്ളിലൊരു മഞ്ഞു വീണ സുഖം..... "ഞാനുമുണ്ട്...." അവളോട് അങ്ങനെ പറയും മുന്നേ പുറകിൽ കയറി ഇരുന്നിരുന്നു അവൻ.... "എങ്ങോട്ടാ ധീരവ്...??" "ഒരു ഫ്രണ്ടിനെ കാണാനാ..." അവളുടെ തോളിലേക്ക് താടി മുട്ടിച്ചു കൊണ്ട് അവൻ പറഞ്ഞു... അവൾ ചിരിയോടെ ബൈക്ക് മുന്നോട്ട് എടുത്തു.... കുറച്ചു മുന്നോട്ട് പോയതും പോലീസ് മുന്നിൽ നിന്ന് കൈകാട്ടി... "പടച്ചോനെ..?? ഇനി ഇതെന്ത് കുരിശാവോ...??" അവൾ ബൈക്ക് സൈഡ് ആക്കി..... ധീരവ് സൈലന്റ് ആയിരുന്നു... അവന്റെ കണ്ണുകൾ കുറുകി.... "എങ്ങോട്ടാ രണ്ടു പേരും....??" പോലീസ് അവരോട് ചോദിച്ചു... "ജോലിക്ക് പോകുവാണ് സർ.. പിന്നെ ഇവൻ ഒരു ഫ്രണ്ടിനെ കാണാനാ...." മുന്ന പറഞ്ഞു.... അയാൾ ധീരവിനെ നോക്കി.. "എന്താടാ നിന്റെ പേര്..??" "ധീരവ്... ധീരവ് മാധവ്...." ധീരൻ ഭാവവ്യത്യാസമില്ലാതെ പറഞ്ഞു..... "ഐഡി കാർഡ് എടുക്ക്....??" അയാൾ ചോദിച്ചു..

അവന്റെ ചെന്നിയിൽ നിന്ന് വിയപ്പൊഴുകി.... ഭയം കണ്ണുകളിൽ നിന്ന് മറച്ചവൻ പോക്കറ്റിൽ നിന്ന് ഐഡി എടുത്ത് അയാൾക്ക് നീട്ടി... ഐഡി ശെരിക്ക് നോക്കി അയാൾ അവന് തിരികെ കൊടുത്തു... "മ്മ്.... പൊക്കോ....??" അയാൾ പറഞ്ഞതും അവന്റെ ഉള്ളിൽ ആശ്വാസം നിറഞ്ഞു... മുന്ന ബൈക്ക് മുന്നോട്ട് എടുത്തു.... മുന്നോട്ട് പോകും നേരം അവനൊന്നു തിരിഞ്ഞു നോക്കിയിരുന്നു... ഇടക്ക് അവന്റെ ഫോൺ റിങ് ചെയ്തു.... ഇർഫാൻ.... എന്ന് സേവ് ചെയ്ത നമ്പറിൽ നിന്ന്.... അവൻ കാൾ എടുത്തില്ല... കട്ടാക്കി സ്വിച്ചഡ് ഓഫ് പോക്കറ്റിൽ ഇട്ടു... ഇതേ സമയം.... ലൈലക്കൊപ്പം ബൈക്കിൽ പോകുന്ന ധീരവിനെ ഫോൺ ചെവിയിൽ നിന്ന് മാറ്റി ദേഷ്യത്തോടെ നോക്കി നിന്നു ധീരവ്... "വഹ് ദോഖാ ദേക...." (അവൻ ചതിക്കും....) ഇർഫാൻറെ ചുണ്ടുകൾ മന്ത്രിച്ചു.... അവൻ ഉടനെ തന്നെ മറ്റൊരു നമ്പറിലേക്ക് വിളിച്ചു.............. (തുടരും).................

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...