WITH LOVE 🖤: ഭാഗം 25

എഴുത്തുകാരി: ആൻവി

"അപ്പൊ ശെരി സാറേ...ഞാൻ പോട്ടെ ...." ബൈക്കിൽ നിന്നിറങ്ങാതെ ഇരിക്കുന്ന ധീരനോട് അവൾ പറഞ്ഞു.... അവനൊരു ചിരിയോടെ അവളെ ഒന്നൂടെ മുറുക്കെ ചുറ്റി പിടിച്ചു.... അവളുടെ ചുണ്ടുകൾ ചിരിച്ചു... "എന്താണ് ...." അവൾ മുഖം ചെരിച്ചവനെ നോക്കി... "പോകാൻ തോന്നുന്നില്ല ലൈല... ഇങ്ങനെ അങ്ങനെ ഇരിക്കാൻ തോന്നുവാ...." "ആഹാ...അങ്ങനെയാണോ...??" അവൾ കുസൃതിയോടെ ചോദിച്ചു... "മ്മ്... അങ്ങനെ തന്നെ.... ലവ് യു... സോ much.. " അവളുടെ കവിളിൽ അവന്റെ ചുണ്ടുകൾ അമർന്നു... "ധീര... ഇത് പബ്ലിക് പ്ലേസ് ആണ്...." "സോ വാട്ട്‌...." "പ്രശ്നമുണ്ട് മഹനെ... ഇപ്പൊ ഇറങ്ങിയാട്ടെ...." അവൾ ചിരിച്ചു കൊണ്ട് പറഞ്ഞു... അവൻ ഒന്ന് നിശ്വസിച്ചു കൊണ്ട് ബൈക്കിൽ നിന്നിറങ്ങി... "അപ്പൊ ശെരി .. മഹതി പോയാട്ടെ..." പാന്റ്സിൽ ടാഗ് ചെയ്തിട്ട ക്യാപ് എടുത്ത് തലയിലേക്ക് വെച്ചവൻ പറഞ്ഞു.. അവൾ തലയാട്ടി കൊണ്ട് ബൈക്ക് മുന്നോട്ട് എടുത്തു.. അപ്പോഴും ചുണ്ടിൽ ഒരു പുഞ്ചിരിയുണ്ടായിരുന്നു.... അവൾ പോയതും അടുത്ത നിമിഷം അവന്റെ ഫോൺ റിങ് ചെയ്തു....

അവന്റെ മുഖത്ത് ഗൗരവം നിറഞ്ഞു.... "ഹലോ....." അവൻ കാൾ അറ്റൻഡ് ചെയ്തു... "ആപ് കാഹാൻ ഹേ?? " (നീ എവിടെയാണ് ).. ഗൗരവം നിറഞ്ഞ ശബ്ദം അവന്റെ കാതിലേക്ക് എത്തി.. ധീരവ് മറുപടി പറഞ്ഞില്ല... "മുജേ കുച്ച് പെയ്സൺ കീ ജരൂറത്ത് ഹൈ...." ( എനിക്ക് കുറച്ചു പണം വേണമായിരുന്നു...) നിമിഷങ്ങൾക്ക് ശേഷം അവനത് ചോദിക്കുമ്പോൾ മറുവശത്ത് തീർത്തും മൗനം.... "ഹെലോ....??" അവൻ ഒന്നൂടെ വിളിച്ചു നോക്കി... ""ഐസ നഹീഹോനേ വാല ഹൈ." ( നടക്കില്ല ) "Why.....??" ധീരവ് ദേഷ്യത്തോടെ ചോദിച്ചു... മറുവശത്ത് നിന്ന് ഫോൺ കട്ടായി.. ധീരവ് ദേഷ്യം അടക്കാൻ കഴിയാതെ മുഷ്ടി ചുരുട്ടി പിടിച്ചു... ... അവൻ ഫോൺ പോക്കറ്റിലേക്ക് ഇട്ടു.... ചുറ്റും ഒന്ന് നോക്കിയ ശേഷം അവിടെ അവിടെന്ന് നടന്നു നീങ്ങി...  "ഞാൻ പറഞ്ഞില്ലേ...അവൻ നമ്മളെ ചതിക്കുവാണ്..."ഉസേ അകേല മത് ചോടോ..." (അവനെ വെറുതെ വിടരുത്..) കൂടെയുള്ള ആൾ പറഞ്ഞത് കേട്ട് അയാൾ കയ്യിലെ ഫോൺ മുറുകെ പിടിച്ചു.... അയാളുടെ ഉള്ളിലും സംശയങ്ങൾ നിറഞ്ഞു....

"മേ ജാൻത ഹൂൻ ക്യാ കർണ ഹൈ " (എനിക്ക് അറിയാം എന്ത് ചെയ്യണമെന്ന്..) അയാളുടെ കണ്ണുകൾ കുറുകി..... ധീരവ് വീട്ടിലേക്ക് വന്ന് കയറുമ്പോൾ ഗൗരിയമ്മ ഉമ്മറത്ത് ഇരുന്ന് നിലവിളക്കുകൾ തുടച്ചു വെക്കുവാണ്.. അവൻ ചെറു ചിരിയോടെ അവർക്ക് അടുത്ത് ചെന്നിരുന്നു... "അമ്മ ഏറ്റവും ഇഷ്ട്ടമെന്താ....??" അവന്റെ പെട്ടന്നുള്ള ചോദ്യം കേട്ട് ഗൗരിയമ്മ മുഖം ചുളിച്ചു... "പറ... അമ്മക്ക് എന്തൊക്കെയാ കൂടുതൽ ഇഷ്ടം...." അവൻ ഒന്നൂടെ ചോദിച്ചു... "എനിക്ക് കുറേ ഇഷ്ട്ടങ്ങളുണ്ട്... എന്താപ്പോ എന്റെ മോനത് അറിഞ്ഞിട്ട്..." അവർ വാത്സല്യത്തോടെ അവന്റെ നെറുകയിൽ തലോടി... "പറയന്നേ...." അവൻ ചിരിച്ചു.. "എന്റെ ഇഷ്ട്ടം.. എന്റെ ശ്രീക്കുട്ടനും ഈ വീടും നാടും... ഒക്കെയാണ്...ഇതിലൊക്കെയാണ് ഞാനെന്റെ സന്തോഷങ്ങളും ഇഷ്ടങ്ങളും....." "അപ്പൊ ഞാനോ.... ഞാൻ അമ്മയുടെ മോനല്ലേ...." ഗൗരിയമ്മ ചിരിച്ചു.. "അതേലോ.... എന്റെ മോൻ തന്നെയാ....." ധീരവും ചിരിയോടെ അവരുടെ തോളിലേക്ക് ചാഞ്ഞു... അവന്റെ മനസ്സ് പിടിവലികളിൽ ഉഴറി...

നേരെയിരുന്ന് ആ അമ്മയെ അവന്റെ നെഞ്ചിലേക്ക് ചേർത്ത് പിടിച്ചു... "എന്ത് പറ്റി...??" ഗൗരിയമ്മ അവന്റെ കവിളിൽ തലോടി... "ഒന്നുമില്ല.. ഗൗരിക്കുട്ടി..." അവൻ ചിരിയോടെ അവരുടെ നെറ്റിയിൽ ചുംബിച്ചു... "എനിക്ക് തിരിച്ചു പോകാനായി...ഈ അടുത്ത് ഞാൻ ചിലപ്പോൾ പോകും...." ഒരൽപ്പം നേരത്തെ നിശബ്ദതക്ക് ശേഷം അവൻ പറഞ്ഞത് കേട്ട് ഗൗരിയമ്മ ഒന്ന് ഞെട്ടി.. "പോവ്വേ... എങ്ങോട്ട്...??" "എവിടെന്നാണോ വന്നത് അങ്ങോട്ട്‌ തന്നെ...." അവൻ ഒരു ചിരിയോടെ പറഞ്ഞു... ഗൗരിയമ്മയുടെ മുഖം വാടി... "ശ്രീക്കുട്ടൻ വരുമെന്നല്ലേ കത്തിൽ പറഞ്ഞെ... അപ്പൊ നീ പോവാണോ കുട്ടീ... രണ്ട് പേരെയും ഒരുമിച്ച് കാണണം എനിക്ക്....." "അത് നടക്കുമെന്ന് തോന്നുന്നില്ല... എനിക്ക് പോയെ പറ്റൂ... പിന്നെ ശ്രീ...." ധീരൻ ഒന്ന് പറഞ്ഞു നിർത്തി. "ശ്രീ.... വരും...അമ്മയുടെ കുട്ടൻ എന്റെ ഗൗരികുട്ടിയുടെ അടുത്തേക്ക് തന്നെ വരും...." നേർത്ത നിശ്വാസത്തോടെ അവൻ പറഞ്ഞു... "അമ്മയുടെ കൂടെ രണ്ട് പേരും വേണം...."

പുറകിലൂടെ വന്ന് ആരോ ചുറ്റി പിടിച്ചപ്പോൾ അവനൊന്നു ഞെട്ടി.... വിരലിനിടയിലെ സിഗരറ്റ് എടുത്ത് വലിച്ചെറിഞ്ഞു... "ആഹാ അത് കൊള്ളാലോ.... ഈ പരിപാടിയും ഉണ്ടല്ലേ...??" മുന്ന അവനെ അവൾക്ക് നേരെ തിരിച്ച് നിർത്തി ഗൗരവത്തോടെ ചോദിച്ചു.... അവനൊന്നും മിണ്ടിയില്ല.... അവളുടെ മുഖത്തേക്ക് വീണു കിടന്ന മുടിയിഴകളെ മാടി ഒതുക്കിയവൻ കവിളിൽ വെറുതെ തലോടി കൊണ്ടിരുന്നു... "Why do you like me?.." അവൻ അവളെ ഉറ്റു നോക്കി കൊണ്ടോ ചോദിച്ചു... മുന്ന ആദ്യം മുഖം ചുളിച്ചു... പിന്നെ ചിരിയോടെ അവന്റെ നെഞ്ചിലേക്ക് പറ്റി ചേർന്നു... "നീ... നീയൊരു പാവമായത് കൊണ്ട്.... പിന്നെ.. ഏറ്റവും കൂടുതൽ ഇഷ്ടവും വാത്സല്യവും.. എന്താ പറയാ നിന്നോടുള്ള സ്നേഹം അത്ര ടോപിൽ വന്നത് ഏത് നിമിഷത്തിലാണെന്ന് അറിയാവോ..?" അവൾ വിടർന്ന കണ്ണുകളോടെ അവനോട് ചോദിച്ചു... അവൻ ഇല്ലെന്ന് തലയനക്കി... "അന്ന് വാപ്പിക്ക് വയ്യാതെ ആയപ്പോൾ നിന്റെ കണ്ണ് നിറഞ്ഞില്ലേ . ഞാൻ കരഞ്ഞപ്പോൾ കൂടെ കരഞ്ഞില്ലേ... എന്നെ ചേർത്ത് പിടിച്ചില്ലേ.. അപ്പോൾ...." അവളുടെ ആർദ്രമായ സ്വരം ഒരിക്കൽ കൂടെ അവന്റെ കണ്ണുകളെ നനയിച്ചു... "എനിക്ക് നിന്നേ എന്തിഷ്ട മാണെന്നറിയുമോ... ഒരുപാട് ഒരുപാട് ഇഷ്....."

ബാക്കി പറയും മുന്നേ അവൻ അവളെ വാരി പുണർന്നു.... "കുറച്ചു ദിവസങ്ങൾ കൂടെ കഴിഞ്ഞാൽ തിരിച്ചു പോകണമെനിക്ക്....." അവളുടെ കൈകൾ അയഞ്ഞു.... പെട്ടെന്ന് തന്നെ അവനിൽ നിന്ന് അകന്ന് മാറി.... "പോകാനോ....??" "മ്മ്..." അവൻ അവളുടെ കൈക്കുള്ളിൽ മുഖം അമർത്തി... "എന്താ പെട്ടെന്ന്...." "പോകണം....." അവൻ മുഖം ഉയർത്തി അവളെ നോക്കി... "പെട്ടെന്ന് വരണം...." അവൾ കുറുമ്പോടെ പറഞ്ഞു.... "വന്നില്ലേൽ ഈ ലൈല അങ്ങോട്ട്‌ വരും എന്റെ മജ്നുവിനെ തേടി...." അവൾ അവന്റെ ഷർട്ടിൽ കുത്തി പിടിച്ചു.... "മജ്നു.... ഭ്രാന്തൻ... ലൈലയെ ഭ്രാന്തമായ് പ്രണയിച്ചവൻ...." അവൻ ചിരിച്ചു.... "ഞാൻ വന്നില്ലേൽ നീയെന്നെ മറക്കുമോ ലൈല....??" ഇടക്ക് അവൻ ചോദിച്ചു.... പെട്ടന്നൊരു കാർ മുറ്റത്ത്‌ വന്ന് നിന്നു..... രണ്ട് പേരും അങ്ങോട്ട് നോക്കി.... കാറിൽ നിന്നിറങ്ങി വന്നയാളെ മുന്നക്ക് മനസിലായില്ല..... പക്ഷേ ധീരവ് ഞെട്ടി.... ശ്രീഹരി...!! അവന്റെ ചുണ്ടുകൾ മന്ത്രിച്ചു............... (തുടരും).................

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...