WITH LOVE 🖤: ഭാഗം 27

എഴുത്തുകാരി: ആൻവി

"എന്നെ കുറിച്ച് ഇവിടെ ആരോടെങ്കിലും ഒരക്ഷരം നീ മിണ്ടിയാൽ....…""" ധീരവിന്റെ ഗൗരവമേറിയാ സ്വരവും കഴുത്തിൽ അമർന്ന ഗൺ പോയിന്റും ശ്രീയെ ഭയത്തിലാഴ്ത്തി.... നെറ്റിയിൽ വിയർപ്പ് പൊടിഞ്ഞു.. "ആ.... ആരാ.. നീ... എന്തിനാ.." അവന്റെ ശബ്ദം പുറത്തേക്ക് വന്നില്ല.... ധീരവിന്റെ ചാര നിരമേറിയ കണ്ണുകളിൽ ദേഷ്യവും മറ്റെന്തൊക്കെയോ ഭാവമായിരുന്നു..... "ഒരുപാട് നാൾ ഞാനിവിടെ കാണില്ല....അതിനിടയിൽ എന്നെ കുറിച്ച് മാറ്റാരോടേലും പറഞ്ഞാൽ... കൊന്ന് കളയും ഞാൻ...." അവൻ പറഞ്ഞത് കേട്ട്.. ശ്രീയുടെ കണ്ണുകൾ പേടിയോടെ തുറിച്ചു വന്നു... ധീരവ് ചിരിച്ചു... "നിന്നെയല്ല.... ഇവിടെ വേറെയും ആളുണ്ടല്ലോ..." "No.... പ്ലീസ്...." ദയനീയമായി തന്നെ നോക്കിയ ശ്രീയുടെ കവിളിൽ ധീരവ് മേലെ തട്ടി... "Good..." പറയുമ്പോഴും അവന്റെ കണ്ണുകൾക്ക് ആദ്യം കണ്ട ശാന്തഭാവമല്ലെന്ന് ശ്രീ ശ്രദ്ധിച്ചു... ആ കണ്ണുകളെ നേരിടാൻ കഴിയാതെ ശ്രീ കണ്ണുകൾ ഇറുക്കി അടച്ചു.... ദേഹം പൊള്ളി നീറി അന്ന് ആ തെരുവിൽ കിടന്നപ്പോൾ കണ്ണടയും മുന്നേ താൻ കണ്ട അതേ കണ്ണുകൾ....

അന്ന് ആ കണ്ണുകൾ വല്ലാത്തൊരു ക്രൂരഭാവംമായയിരുന്നു... ധീരവിന്റെ കാലടികൾ അകന്ന് പോകുന്നത് പോലെ തോന്നി... കണ്ണുകൾ ഇറുക്കി അടച്ചു തന്നെ കിടന്നു..... വാതിലിന്റെ സാക്ഷ അഴിയുന്നതും അറിഞ്ഞു.. ധീരവ് പോയെന്ന് അറിഞ്ഞതും ആശ്വാസത്തോടെ കണ്ണുകൾ തുറന്നു... _____________ "കഴിക്കാൻ ഇങ്ങനെ മടികാണിച്ചല്ലോ വാപ്പി.... ഇത് കഴിഞ്ഞിട്ട് വേണം മരുന്ന് കഴിക്കാൻ...." മടി കാണിച്ചിരിക്കുന്ന വാപ്പിച്ചിയേ കണ്ണുരുട്ടി കൊണ്ട് മുന്ന സ്പൂണിൽ കഞ്ഞി കോരി നീട്ടി.... ക്യാമറ ക്ലിക്ക് ആവുന്ന ശബ്ദം കേട്ട് അവൾ മുഖം ചെരിച്ചു നോക്കി... കുസൃതിയോടെ ക്യാമറയിലൂടെ തങ്ങളെ നോക്കി ധീരവിനെ കണ്ടപ്പോൾ അവളുടെ ചുണ്ടിൽ പുഞ്ചിരി വിരിഞ്ഞു... "മ്മ്....??" അവൾ പുരികം ഉയർത്തി ചോദിച്ചു... അവൻ ക്യാമറ മാറ്റി അവളെ നോക്കി കണ്ണിറുക്കി കാണിച്ചു.. പിന്നെ അവൾക്ക് അടുത്ത് വന്നിരുന്നു... പതിയെ ചെവിയിലൊന്ന് ഊതി.... "I need a kiss...." അവൻ പറഞ്ഞത് കേട്ട് അവൾ കൂർപ്പിച്ചു നോക്കി... "എന്റെ വാപ്പിച്ചിയാണ് ഈ ഇരിക്കുന്നത്... That mean my father... അവൻ കിസ്സ് ചോദിക്കുന്നു... പോടാ..." അവൾ കള്ള ദേഷ്യത്തിൽ അവനെ നോക്കി...

അവൻ ചുണ്ട് ചുളുക്കി... "ഞാനിവിടെ ഒരാളെ ഫുഡ്‌ കഴിപ്പിക്കുന്നത് കാണുന്നില്ലേ നീ..." ധീരവ് അവളോട് ചേർന്നിരുന്ന്... പ്ലേറ്റ് വാങ്ങി വാപ്പിക്ക് കൊടുക്കാൻ തുടങ്ങി... അവൻ കൊടുക്കുന്നത് അനുസരണയോടെ വാപ്പി കഴിക്കുന്നത് കണ്ട് മുന്നക്ക് അതിശയം തോന്നി... ധീരൻ ഭക്ഷണവും മരുന്നുമൊക്കെ കൊടുത്ത് അദ്ദേഹത്തെ ബെഡിലേക്ക് കിടത്തി... സ്നേഹത്തോടെ ആ നെറ്റിയിൽ തലോടി.... മുന്ന അവന്റെ ചെയ്തികൾ നോക്കി പുഞ്ചിരിയോടെ പുറകിലെ ടേബിളിലേക്ക് ചാരി നിന്നു... ഇരു കയ്യും മാറിൽ കെട്ടി നിന്നു.... തന്റെ ജീവനും ജീവിതവും...... അവളുടെ ഹൃദയം ആർദ്രമായി... എത്ര കണ്ടിട്ടും മതിയാവാത്ത പോലെ അവൾ അവരെ നോക്കി നിന്നു.... വാപ്പിയെ നന്നായി പുതച്ചു കൊടുത്തു കൊണ്ട് ധീരവ് മുഖം ചെരിച്ച് മുന്നയെ നോക്കി... അവൾ പുരികം ഉയർത്തി എന്തെ എന്ന് ചോദിച്ചതും... അവൻ കാറ്റ് പോലെ വന്ന് അവന്റെ പിടിച്ചു ചെറുമരിലേക്ക് ചേർത്ത് നിർത്തി....

ഒരു കൈ അവളുടെ കവിളിലും മറു കൈ ചുമരിലും അമർത്തി വെച്ചവൻ അവളുടെ കണ്ണുകളിലേക്ക് നോക്കി.... അവളത് പ്രതീക്ഷിച്ചത് പോലെ പുഞ്ചിരിച്ചു.... അവനും ചിരിച്ചു.... വീണ്ടും അവളിലേക്ക് മുഖം അടുപ്പിച്ചു കൊണ്ട് കാതിൽ മെല്ലെയൂതി... അവന്റെ ആവശ്യം അറിഞ്ഞെന്ന പോലെ അവൾ മെല്ലെ കണ്ണുകളടച്ചു.... ധീരവ് ചുണ്ടിൽ ചിതറിയ ചിരിയോടെ അവളുടെ നെറ്റി തടത്തിൽ ചുംബിച്ചു... നീണ്ട മൂക്കിൻ തുമ്പിലും.... നേർത്തു ചുവന്ന അദരങ്ങളിലും ചുംബിച്ചു.... കിതച്ചു കൊണ്ട് അകന്ന് മാറുമ്പോൾ രണ്ട് പേരുടെയും ചുണ്ടിൽ പുഞ്ചിരിയുണ്ടായിരുന്നു.... ധീരവ് അവളെ നെഞ്ചോട് അമർത്തി പിടിച്ചു... ടേബിളിൽ ഇരുന്ന അവളുടെ ഫോൺ എടുത്ത് അവളെ ചേർത്ത് പിടിച്ച് ഫോട്ടോ എടുത്തു.. അവളെ ചുംബിക്കുന്നതും... അവളുടെ ചുംബനം ഏറ്റു വാങ്ങുന്നതുമെല്ലാം.... "ഇതെന്തിനാ ധീരവ്...." അവന്റെ നെഞ്ചോരം ചേർന്ന് നിന്നവൾ ചോദിച്ചു...

"ചുമ്മാ.... ഈ നിമിഷങ്ങളൊക്കെ എപ്പോഴും കണ്ട് കൊണ്ടിരിക്കാൻ...." അവൻ ചിരിയോടെ പറഞ്ഞു... ഒരിക്കൽ കൂടെ അവളുടെ നെറ്റിയുടെ ഓരത്ത് ചുംബിച്ചു.. "വന്നപ്പോൾ രണ്ട് ശ്രദ്ധിക്കുവാ... നിനക്ക് എന്ത് പറ്റി മോനെ.... വയ്യാത്തത് കൊണ്ടാണോ അതോ... എന്തേലും സങ്കടം ഉണ്ടോ എന്റെ കുട്ടിക്ക്...." ഭക്ഷണം കഴിച്ചു കൊണ്ടരിക്കെ ശ്രീയുടെ കണ്ണുകൾ ഒന്നുമറിയാത്തത് പോലെ കഴിച്ചു കൊണ്ടിരിക്കുന്ന ധീരനിലേക്ക് പോയി.... "നീ എന്റെ മോനോട് ഒന്നും സംസാരിച്ചില്ലേ ശ്രീക്കുട്ടാ.... സാധാരണ ധീരൻ ഭക്ഷണം കഴിക്കുമ്പോൾ വായടക്കില്ല...." ധീരവിന്റെ മുടിയിൽ തലോടി വാത്സല്യത്തോടെ പറയുന്ന അമ്മയെ ശ്രീ മിഴികൾ ഉയർത്തി നോക്കി... അവന്റെ മുഖം ചുവന്നു....ഇഷ്ടക്കേടോടെ ധീരനെ നോക്കി... അവനെ പോലെ ഒരാളെ തന്റെ അമ്മ തൊടുന്നതും വാത്സല്യത്തോടെ ചേർത്ത് പിടിക്കുന്നതും കണ്ട് നിൽക്കാൻ ശ്രീക്ക് കഴിയുന്നില്ലയിരുന്നു.... "നീയെന്താ ശ്രീ കുട്ടാ കഴിക്കാത്തെ... നിനക്ക് വേണ്ടിയാ ഇതൊക്കെ ഉണ്ടാക്കിയെ.. വാ അമ്മ വരി തരാം..." ധീരനെ നോക്കി ഇരിക്കുന്ന ശ്രീയോട് ഗൗരിയമ്മ പറഞ്ഞു....

ശ്രീ മറ്റെല്ലാം മറന്ന് അമ്മയിലേക്ക് നോട്ടമിട്ടു... ആ കയ്യിൽ നിന്ന് നീളുന്ന ചോറുരുള അവൻ വയിലേക്ക് വാങ്ങി... അപ്പോഴും ധീരവ് അവന്റെ ഉള്ളിൽ അസ്വസ്ഥത പരത്തി... ഒരു പെൺകുട്ടിയും കൂടെ ഉള്ള ഈ വീട്ടിൽ ധീരവ് നിൽക്കുന്നത് കൊണ്ടുള്ള ആശങ്കകൾ മനസ്സിൽ നിറഞ്ഞു.... "ധീര ... വാ തുറക്കട....." ഗൗരിയമ്മയുടെ വാത്സല്യം നിറഞ്ഞ ശബ്ദമാണ് ശ്രീയെ ചിന്തകളിൽ നിന്നുണർത്തിയത്... ഭക്ഷണം കഴിച്ചു കൊണ്ടിരുന്ന ധീരവ് ഞെട്ടി മുഖം ഉയർത്തി... അമ്മ തനിക്ക് നേരെ നീട്ടിയ ചോറുരുള വാങ്ങി കഴിക്കുമ്പോൾ അവന്റെ കണ്ണുകൾ നനവ് പടർന്നു.... ഹൃദയത്തിനുള്ളിൽ എവിടെയോ ഒരു വിങ്ങൽ... എന്നും ഈ വാത്സല്യചൂടിൽ ഒതുങ്ങി കഴിയാൻ വല്ലാത്ത മോഹം തോന്നി ധീരന്.... ഇതൊക്കെ കണ്ട് ശ്രീ ദേഷ്യത്തിൽ മുഷ്ടി ചുരുട്ടി പിടിച്ചു.... ധീരവിനെ എങ്ങനെ വീട്ടിൽ നിന്ന് പറഞ്ഞയക്കണം എന്ന് അവൻ ചിന്തിച്ചു കൊണ്ടിരുന്നു....

തന്റെ ധീരൻ അവൻ അനുഭവിക്കേണ്ടത്... ഏതോ ഒരുത്തൻ വന്ന് അവന് കിട്ടേണ്ട സ്നേഹവും കരുതലും അനുഭവിക്കുന്നു... ശ്രീ എന്തെല്ലാമോ ആലോചിച്ചു കൂട്ടി.... ധീരവ് ശ്രദ്ധിക്കുന്നുണ്ടായിരുന്നു ശ്രീയുടെ മുഖത്തെ ഭാവങ്ങൾ... അവന്റെ ചുണ്ടിൽ പുച്ഛത്തോടെ ഒരു പുഞ്ചിരി വിരിഞ്ഞു.... ഗൗരിയമ്മയുടെ കൂടെ അകത്തേക്ക് പോകുന്നവനെ ധീരവ് നോക്കി ഇരുന്നു... _____________ റൂമിൽ ഇരുന്ന് ശ്രീ വാതിക്കലേക്ക് നോക്കി.... ഗൗരിയമ്മ വാതിൽ ചാരി പോയെന്ന് ഉറപ്പായപ്പോൾ... അവൻ ദൃതിയിൽ ബെഡിൽ കിടന്ന ഫോൺ എടുത്തു.... ഒരു പഴയ ഫോണാണ്... പുതിയ ഫോൺ കിട്ടിയപ്പോൾ ഉപേക്ഷിച്ചതാണ്... പക്ഷെ ഉണ്ടായിരുന്ന ഫോൺ അന്ന് ഡൽഹിയിൽ വെച്ച് നഷ്ടമായതാണ്.... ശ്രീ ഫോൺ ഓൺ ചെയ്ത് അതിൽ ഫീഡ് ചെയ്ത നമ്പറിലേക്ക് വിളിച്ചു... "ഹലോ...." മറുവശത്ത് കാൾ എടുത്തതും മറുപടി പറയും മുന്നേ ആരോ അവന്റെ കയ്യിൽ നിന്ന് ഫോൺ പിടിച്ചു വാങ്ങിയിരുന്നു................ (തുടരും).................

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...