WITH LOVE 🖤: ഭാഗം 4

എഴുത്തുകാരി: ആൻവി

"What you think about me..??" അവൻ അവളെ ഉറ്റു നോക്കി കൊണ്ട് ചോദിച്ചു... അവൾ അവനെ നോക്കി പേടിപ്പിച്ചു... ധീരവ് നേർത്ത നിശ്വാസത്തോടെ ഇരു കയ്യും മാറിൽ കെട്ടി നിന്നു... "വല്ലാതെ വിളച്ചിലെടുക്കല്ലേ മോളെ.... എന്റെ ഒരു കൈക്കില്ല നീ...." അവന്റെ ശബ്ദം മുറുകി... "പോടാ...." അവളൊന്നു ചുണ്ട് കോട്ടി... അവന്റെ കണ്ണുകൾ ചുരുങ്ങി... "ഈ പേനകത്തിയും കുരുമുകുപൊടിയുമാണോ നിന്റെ ധൈര്യം.... കൊള്ളാം..." അവന്റെ ചുണ്ടിൽ ഒരു പരിഹാസചിരി വിരിഞ്ഞു.. കുറുകിയ കണ്ണുകളോടെ അവൾ അവനെ ഉറ്റു നോക്കി.. "എന്നേ കണ്ടപ്പോൾ തൊട്ട് നോക്കി പേടിപ്പിക്കാൻ തുടങ്ങിയതാണല്ലോടി നീ.... എന്താ നിനക്ക് എന്നേ കണ്ണിൽ പിടിക്കുന്നില്ലേ..." അവൻ ഒന്നൂടെ അവൾക്ക് അടുത്തേക്ക് ചെന്നു.. "ആഹാ മോള് വന്നോ....?" പെട്ടെന്ന് ഗൗരിയമ്മയുടെ ശബ്ദം കേട്ടതും ധീരവ് പുറകിലേക്ക് നീങ്ങി നിന്നു...

"അമ്മയോട് എന്തോ പറയാൻ വന്നതാ.. എന്താന്ന് ചോദിച്ചപ്പോൾ കുട്ടിയൊട്ട് മിണ്ടുന്നുമില്ല....." ധീരവ് ചിരിയോടെ മുന്നെയേ നോക്കി... "ആഹാ.. എന്നാ രണ്ടാളും വാ... ഞാൻ ചായയും കപ്പ പുഴുങ്ങിയതും എടുത്തു വെച്ചിട്ടുണ്ട്...ബാക്കി അവിടെ ഇരുന്ന് സംസാരിക്കാം.."അവരോടായി പറഞ്ഞു.. പിന്നെ മുന്നയുടെ കൈ പിടിച്ച് അകത്തേക്ക് കയറി... "ലൈല......" അവന്റെ വിളി കേട്ട് ഗൗരിയമ്മയും മുന്നയും തിരിഞ്ഞു നോക്കി... അവളുടെ മുഖത്തെ ചോദ്യഭാവം കണ്ട് അവനൊന്നു പുഞ്ചിരിച്ചു... പിന്നെ അവന്റെ വിരൽ തുമ്പിൽ തൂങ്ങിയാടുന്ന സ്പ്രൈ ബോട്ടിൽ കണ്ടപ്പോൾ അവളുടെ മുഖം ഇരുണ്ടു... വേഗം ചെന്നവൾ അത് കയ്യിൽ വാങ്ങി കാറ്റ് പോലെ അകത്തേക്ക് പോയി... അവളുടെ പോക്ക് കണ്ട് ചിരിച്ചു കൊണ്ട് ധീരൻ നോക്കിയത് ലക്ഷ്മിയമ്മയെയാണ്... സംശയത്തോടെ തന്നെ നോക്കി നിൽക്കുന്ന അമ്മയെ കൊണ്ട് അവനൊന്നു കണ്ണ് ചിമ്മി കൊണ്ട് അവരെ ചേർത്ത് പിടിച്ച് മുന്നയുടെ പുറകെ അകത്തേക്ക് കയറി... മുന്നിലേക്ക് വെച്ച കപ്പ പുഴിങ്ങിയതും ഉള്ളിചമ്മന്തിയും കണ്ടപ്പോഴേ ധീരവിന്റെ നാവിൽ വെള്ളമൂറി.....

മുന്നയുടെ അവസ്ഥയും മറിച്ചായിരുന്നില്ല.... ഗൗരിയമ്മ രണ്ട് പേരെയും നോക്കി പുഞ്ചിരിച്ചു കൊണ്ട് ഏലക്കയിട്ട ചായ ഗ്ലാസുകളിലേക്ക് പകർന്നു.... ധീരവ് ഒരു കഷ്ണം കപ്പയെടുത്ത് ചമ്മന്തിയിൽ മുക്കി വായിലേക്ക് വെച്ചു..... "എങ്ങനെയുണ്ട് മോനെ...??" അമ്മ ആകാംഷയോടെ ചോദിച്ചു.. "മ്മ്.. അടിപൊളി...." അവൻ വീണ്ടും കഴിക്കാൻ തുടങ്ങിയിരുന്നു.... മുന്നയും കഴിച്ചു തുടങ്ങി... അവളുടെ മുഖം വിളിച്ചു പറയുന്നുണ്ടായിരുന്നു അവൾക്ക് ഒത്തിരി ഇഷ്ടായി എന്ന്... "അമ്മേ നാളെ മുതൽ ഞാൻ ജോലിക്ക് പോയി തുടങ്ങും...രാവിലെ പോയാൽ രാത്രി 7 മണി ആവുമ്പോഴേ വരൂ..." ചായ കുടിച്ചോണ്ട് ഇരിക്കുന്നതിനിടയിൽ മുന്ന പറഞ്ഞു.... "ആണോ മോളെ ചോറ് കൊണ്ട് പോകണോ... അല്ല ഉച്ചക്ക് വല്ലതും കഴിക്കാൻ.." അമ്മ ആകുലതയോടെ ചോദിച്ചു.. മുന്ന പുഞ്ചിരിച്ചു.. "അവിടെന്ന് കഴിച്ചോളാം... അവിടെ അതിനുള്ള സൗകര്യമുണ്ട്..." അവൾ അതും പറഞ്ഞ് മെല്ലെയൊന്ന് പുഞ്ചിരിച്ച് കൊണ്ട് എഴുനേറ്റ് പോയി...  "വാപ്പി...!!!!!!" ഒരു ദുസ്വപ്നം കണ്ട് മുന്ന ഞെട്ടിഎണീറ്റു... ആകെ വിയർത്തു പോയിരുന്നു... കിതപ്പടക്കാൻ കഴിയാത്തത് പോലെ...

ടേബിളിൽ ഇരുന്ന ജഗ്ഗിലെ വെള്ളം എടുത്തു കുടിച്ചു... പിന്നെ കിടന്നിട്ടും ഉറക്കം വന്നില്ല... ഫോണും എടുത്തവൾ ബാൽക്കണിയിലേക്ക് ചെന്നു.... ഫോൺ എടുത്ത് ആരെയോ വിളിച്ചു... അൽപനേരം ബെൽ അടിച്ചതിന് ശേഷമാണ് അപ്പുറത്ത് കാൾ കണക്ട് ആയത്.. "ഹ... ഹലോ..." അവളുടെ ശബ്ദം വിറച്ചു പോയിരുന്നു... "മുന്ന മോളാണോ...??" "അതേ.. രാഖവേട്ട....ഞാൻ.. വാപ്പച്ചിയേ ഒന്ന്... കുഴപ്പമൊന്നുമില്ലല്ലോ അല്ലേ..." "ഇല്ല മോളെ.. രണ്ട് ദിവസമായിട്ട് ആള് സൈലന്റ് ആണ്... മിനിഞ്ഞാന്ന് വലിയ ബഹളമായിരുന്നു..." "മ്മ്... രണ്ട് ദിവസം കഴിഞ്ഞ് ഞാൻ വരാം രാഖവേട്ട.... എന്നാ ശെരി.." കൂടുതൽ ഒന്നും ചോദിക്കാനും പറയാനും നിൽക്കാതെ അവൾ കാൾ കട്ടാക്കി... ദീർഘമായി നിശ്വസിച്ചു കൊണ്ട് ഇരുട്ടിന്റെ നിഗൂഢതയിലേക്ക് നോക്കി നിന്നു.... "അമ്മേ ദേവി..." പൂജമുറിയിലെ ഭഗവാനെ നോക്കി ഗൗരിയമ്മ മന്ത്രിച്ചു..... ചന്ദനതിരി എരിയിച്ചു കൊണ്ട് തട്ടിൽ കുത്തി വെച്ചു... അവിടെയാകെ മനം മയക്കുന്ന ഗന്ധം പടർന്നു... നെറ്റിയിലേക്ക് കളഭം നീട്ടി വരച്ചു കൊണ്ട് അവർ അവിടെന്ന് ഇറങ്ങി.....

ധീരവിന് വേണ്ടി ചായയും എടുത്ത് റൂമിലേക്കു ചെന്നു... ധീരൻ കുളിച് ഇറങ്ങിയതെ ഉണ്ടായിരുന്നുള്ളൂ.. "ഞാൻ അങ്ങോട്ട്‌ വരുമായിരുന്നല്ലോ അമ്മേ....." "തല നന്നായി തുവർത്തിയൊ.. നോക്കട്ടെ.." അവൻ പറയുന്നതിന് ചെവി കൊടുക്കാതെ തോർത്ത്‌ എടുത്ത് അവന്റെ തല തുവർത്താൻ തുടങ്ങി... അവൻ പുഞ്ചിരിയോടെ കുനിഞ്ഞു കൊടുത്തു.... പെട്ടെന്ന് അവന്റെ ഫോൺ റിങ് ചെയ്തു.... അവൻ അതിലേക്ക് ഒന്ന് നോക്കി... "ശ്രീയാണ് അമ്മേ......" അവൻ പറഞ്ഞത് കേട്ടതും ഗൗരിയമ്മയുടെ മുഖം വിടർന്നു... "ശ്രീകുട്ടനോ... എവിടെ... എവിടെ...." ആവേശത്തോടെ അവർ ധീരനെ നോക്കി.... ധീരൻ കാൾ അറ്റൻഡ് ചെയ്ത് അമ്മക്ക് നീട്ടി... "ഹലോ... ഹലോ... ശ്രീക്കുട്ടാ....." ഫോൺ വിറക്കുന്ന കൈകൾ കൊണ്ട് ചെവിയോട് ചേർത്ത് കൊണ്ട് വിളിച്ചു.... "അമ്മേ...." "മോനെ.... സുഖണോ നിന്റെ ശബ്ദം എന്താ വല്ലാതെ ഇരിക്കുന്നെ..." "വയ്യമ്മേ...രണ്ട് ദിവസായി പനിയും ജലദോഷവുമുണ്ട്.... അമ്മക് സുഖല്ലേ ഞാൻ കത്തയചിട്ടുണ്ട്..അവിടെ എത്താൻ ആവുന്നതേ ഒള്ളൂ.. അമ്മയോട് സംസാരിക്കാൻ കൊതി തോന്നിയപ്പോൾ വിളിച്ചത..."

ധീരവ് റൂമിൽ നിന്ന് മെല്ലെ പുറത്തേക്ക് ഇറങ്ങി..... അവർ സംസാരിക്കട്ടെ എന്ന് കരുതി...  "ലൈല... ടേബിൾ നമ്പർ 8 ഇൽ കസ്റ്റമർ വന്നിട്ടുണ്ട് ഒന്ന് അറ്റൻഡ് ചെയ്...." ടീന വന്ന് പറഞ്ഞത് കേട്ട്.... മുന്ന ഡ്രസിങ് റൂമിലെ കണ്ണാടിയിലേക്ക് നോക്കി... തലയിൽ വെച്ച റെഡ് ക്യാപ് ഒന്നൂടെ അമർത്തി വെച്ച് കൊണ്ട് അവൾ പുറത്തേക്ക് നടന്നു... ഇവിടെ ജോലിക്ക് കയറി ഫസ്റ്റ് ഡേയിലെ ആദ്യത്തെ കസ്റ്റ്മർ.... അവൾ ഒന്ന് നിശ്വസിച്ചു കൊണ്ട്.. മെനു കാർഡും... ഒരു ചെറിയ നോട്ട് പാഡും എടുത്ത് ടേബിളിനടുത്തേക്ക് നടന്നു.... "എക്സ്ക്യൂസ് മി സർ...." അവൾ സൗമ്യമായി വിളിച്ചു... അതുവരെ ഏതോ മാഗസിനിൽ മുഖം പൂഴ്ത്തിയിരുന്നവൻ മുഖം ഉയർത്തി.. "ധീരവ്.....!!" അവൾ അവനെ നോക്കി... അവൻ സീറ്റിലേക് ചാരി ഇരുന്ന് അവളെ നോക്കി... "One coffee..... Please..."................. (തുടരും).................

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...