𝒀𝒐𝒖 𝑨𝒓𝒆 𝑴𝒚💕: ഭാഗം 1

എഴുത്തുകാരി: വിഷ്ണുപ്രിയ

"ഡീ... ഇനി എന്റെ വണ്ടീടെ ഏഴയലത്തു നിന്നെ കണ്ടു പോകരുത്... 😡" "താൻ പോടോ... ജിമ്മാ...... " "ഡീ... "എന്നും വിളിച്ചു എന്നെ തല്ലാനായി കൈ പൊക്കിയതും ഞാൻ താഴെക്ക് ഓടി... ഹും.. നമ്മളോടാ കളി.. " എന്റെ വണ്ടീടെ അടുത്ത് കൊണ്ട് വെച്ചാ ഇനിം വന്നു ഇടിച്ചെന്ന് ഇരിക്കും.. അല്ല പിന്നെ " അതും പറഞ്ഞു കാലെടുത്തു വച്ചതും എന്തോ സംഭവിചൂന്ന് തോന്നുന്നു. 💥💥💥💥 കണ്ണ് തുറക്കുമ്പോ മോളീന്ന് ഫാൻ കറങ്ങുന്നുണ്ട്. വല്യ സ്പീഡ് ഒന്നൂല്യ... എന്നാ പിന്നെ ഇത് ഓഫ് ചെയ്താ പോരെ?? 🤔. ഇതെന്റെ വീട്ടിലെ ഫാൻ അല്ലാലോ എന്ന് ചിന്തിച്ചു ചുറ്റും നോക്കിയപ്പോ എന്റെ മാതാശ്രീ ബെഡിൽ ഇരുന്നു എൻറെ തലയിൽ തലോടുന്നുണ്ട്. അതിനു അടുത്ത് തന്നെ ആഹ് കോന്തൻ ആരോടോ കാര്യായിട്ട് ഫോണിൽ സംസാരിച്ചു കൊണ്ട് നിക്കുന്നുണ്ട്. അമ്മ ആകെ സെഡ് ആണെല്ലോ. "എന്താ ലക്ഷ്മിക്കുട്ടി മുഖത്തോരു വാട്ടം?

" അമ്മ എന്നെ തറപ്പിച്ചു ഒന്ന് നോക്കി. "എന്റെ കൊച്ചേ നിനക്കെന്തിനാ മുഖത്തു രണ്ട് ഉണ്ടകണ്ണ് തന്നേക്കുന്നെ.. സ്റ്റെയർ ഓടി ഇറങ്ങരുതെന്നു എത്ര പറഞ്ഞാലും കേൾക്കരുത്. എന്തേലും പറ്റിയിരുന്നെങ്കിലോ.. ഭാഗ്യത്തിന് കാലിനു ചെറിയൊരു കേട്ടു മാത്രേ ഉള്ളു. നിന്നോട് പിന്നെ പറഞ്ഞിട്ട് കാര്യുല്ലലോ 🤦‍♀️." എന്റെ കൃഷ്ണ ഇതിനും മാത്രം ഞാനെന്താ ചെയ്തേ.. ഞാൻ ജസ്റ്റ്‌ ഒന്ന് എന്റെ കാലിലേക്ക് നോക്കി. സുഭാഷ്...... വലത്തേ കാലിനു ഒരു കേട്ട് ഇണ്ട്. •°•°•°•°•°•°•°•°•°•°•°•°•°•°°•°°•°•°°•°•°•° നിങ്ങൾക്ക് ഒന്നും പിടി കിട്ടുന്നില്ലല്ലേ.. എനിക്കും ഒന്നും മനസിലായില്ല പിന്നെ ഡോക്ടർനെ കണ്ടപ്പോഴാണ് സംഭവം പിടി കിട്ടിയത് 😁. നേരത്തെ ഒരു മാസ്സ് ഡയലോഗ് ഒക്കെ ഇട്ടു കാലെടുത്തു വച്ചപ്പോ സ്റ്റെപ് മാറി പോയി. നേരെ "ഠോ.. 💥"എന്നും പറഞ്ഞു നിലത്തു എത്തിയിരുന്നു. എന്ത് പറയാനാ അടങ്ങി ഒതുങ്ങി നടക്കുന്നത് കൊണ്ടുള്ള പ്രശ്നം 😌.

കാര്യം ആയിട്ട് ഒന്നും പറ്റിയില്ല. കാലിനു ചെറിയൊരു കെട്ടുണ്ട്. ഓഹ്... ഞാൻ ആരാണെന്നു പറഞ്ഞില്ല അല്ലെ സോറിട്ടോ.. മറന്ന് പോയി ഫുൾ ബിസി ആയിപോയിന്നെ.. ഞാൻ അമുത. എല്ലാരുടേം കുരുത്തം കേട്ട അമ്മു. ഇപ്പൊ ഡിഗ്രി 2 ഇയർ ആണ്. പക്ഷെ അമ്മ പറയണത് 6വയസ്സിന്റെ വിവരം പോലും ഇല്ലാന്നാ.. എന്ത് ചെയ്യാനാ ഇങ്ങനെ ആയിപ്പോയില്ലേ.. അച്ഛൻ ഗൾഫിൽ ആണ്. അമ്മ പാവം ഒരു ഹൗസ് വൈഫ്. പിന്നെ നമ്മക്ക് ഒരു ഏട്ടൻ ഉണ്ട്, അമൽ. ഇപ്പൊ ചെന്നൈ ആണ്. ആരും സംശയിക്കണ്ട ജോബിന് പോയതാ.. എന്റെ ശല്യം സഹിക്കാഞ്ഞിട്ടു പോയതല്ല.. 😁. •°•°•°••°••°°••°•°°••°•••••°°°••°•°•°°•°•°• "അമ്മേ.. എനിക്ക് വിശക്കുന്നു... " "ചായയും എടുത്തു വച്ചു നിന്നെ വിളിക്കാൻ വരുമ്പോ അല്ലെ നീ ചക്ക വെട്ടി ഇട്ട പോലെ നിലത്തു കിടക്കണേ... മനുഷ്യൻ ടെൻഷൻ അടിച്ചു ഒരു വിധം ആയി. പിന്നെ രോഹി ഉള്ളോണ്ട് ഒരു സമാധാനം.. "

ആഹ് രോഹി കാരണാ ഞാൻ ഇപ്പൊ ഇവിടെ കിടക്കുന്നെന്ന് പറയണം എന്നുണ്ടായിരുന്നു. പക്ഷെ അവനിട്ടൊരു പണി കൊടുക്കണം എന്നുള്ളത് കൊണ്ട് ഞാൻ ഒന്നും പറയാതെ അമ്മക് ഒന്ന് ഇളിച്ചു കൊടുത്തു. "നീ ഇളിക്കല്ലേ... അച്ഛൻ വിളിച്ചിട്ടുണ്ടാർന്നു, നിന്നെ ഒക്കെ കൊണ്ട് അവിടെ സമാധാനം ഇല്ലാലോ.. " "എന്റെ മാതാജി...ഞാൻ ജസ്റ്റ്‌ സ്റ്റെയർന്റെ ഹൈറ്റ് നോക്കിയതല്ലേ..😜" "അമ്മു.. നീ എന്റെ കയ്യിന്നു വാങ്ങും.. " "ആ പെട്ടന്ന് താ.. എനിക്ക് വിശന്നിട്ട് വയ്യാ.. " എന്നോട് ഇനി പറഞ്ഞിട്ട് കാര്യുല എന്ന് മനസ്സിലാക്കി, "ഞാൻ ക്യാന്റീനിൽ പോയി ചായ വാങ്ങിച്ചിട്ടു വരാം" എന്നും പറഞ്ഞു അമ്മ പോയി. അപ്പോഴും ആ കോന്തൻറെ ഫോൺ വിളി തീർന്നിലായിരുന്നു. ജനലിൽ കൂടി പുറത്തേക്ക് നോക്കി ഫോണിൽ സംസാരിക്കുന്ന അവന്റെ പുറകിലൂടെ പോയി ഒരു വടി എടുത്തു തലയ്ക്കടിക്കാനാണ് എനിക്ക് തോന്നിയെ. പിന്നെ ഈ കാലും വെച്ച് റിസ്ക് എടുക്കാൻ വയ്യാത്തോണ്ട് കൊറച്ചു ദിവസത്തേക്ക് ക്ഷമിക്കാം എന്ന് ഞാൻ വിചാരിച്ചു. അത്രവരെ എനിക്ക് കണ്ട്രോൾ തരണേ ന്റെ കൃഷ്ണാ...

ഇതിനു വല്ല ലോവറും ഇണ്ടാർന്നേൽ അത് പൊളിച്ചു കയ്യിൽ കൊടുക്കരുന്നു, ഇതിന്റെ സ്വഭാവത്തിന് ആര് പ്രേമിക്കാനാ.... "ഡീ... ഉണ്ടകണ്ണി..... " ജിമ്മന്റെ വിളി കേട്ടാണ് ഞാൻ എന്റെ ഡ്രീമിൽ നിന്ന് ഇറങ്ങി വന്നേ. പണികൊടുക്കുന്നത് ചിന്തിക്കുന്നതിനിടക്ക് ജിമ്മൻ ഫോൺ വിളി നിർത്തിയ കാര്യം ഞാൻ കണ്ടില്ല. "ഉണ്ടകണ്ണി നിന്റെ മറ്റവളെ പോയി വിളിക്കടോ.. ജിമ്മാ... " "ആ ഞാൻ വിളിച്ചോളം നീ പഠിപ്പിക്കണ്ട.. " "ഓ ആയിക്കോട്ടെ... " "വീണപ്പോ നിന്റെ കിളിയും പറന്നു പോയോ... ഓഹ് സോറി അത് നിനക്ക് പണ്ടേ ഇല്ലല്ലോ അല്ലെ.. " "ഡോ.. താൻ അതികം കിടന്ന് കളിക്കണ്ട കുറച്ചുസം കഴിഞ്ഞാ ഞാൻ ഇതിനുള്ളത് തിരിച്ചു തരുന്നുണ്ട്.. താൻ കുറിച്ച് വെച്ചോ.. " അത് പറഞ്ഞതും അങേരുണ്ട് പോക്കറ്റ് ഒക്കെ തപ്പി നോക്കുന്നു. ഞാൻ ഒന്നും വേണംന് പറഞ്ഞില്ലാലോ.. ഇനി കേട്ടത് വല്ലോം മാറി പോയോ.. ഏയ്യ്.. "എന്താ നോക്കുന്നെ?? " "അല്ല, കുറിച്ച് വെക്കാൻ പറഞ്ഞില്ലേ..

പേപ്പറും പേനയും ഉണ്ടോന്ന് നോക്കിയതാ... " ഇതും പറഞ്ഞു ജിമ്മൻ എന്നെ നോക്കി ഒന്ന് ആക്കി ചിരിച്ചു. ഞാൻ ഒന്ന് നോക്കി കണ്ണുരുട്ടി. "അയ്യോ മാഡം ആഹ് കണ്ണ് ഇപ്പൊ തെറിച്ചു പുറത്തു വീഴും.. " "താൻ ഒന്ന് പോടോ.... തനിക്കിപ്പോ എന്താ വേണ്ടേ?? ഒന്ന് പോയി തരാവോ.. " അപ്പോഴേക്കും ഭാഗ്യത്തിന് അമ്മ വന്നു ഇല്ലെങ്കി ഇവിടെ ഒരു യുദ്ധം നടന്നേനെ. ~~~~~~~~ നിങ്ങളിപ്പോ വിചാരിക്കുന്നുണ്ടാവും അല്ലെ ആ ജിമ്മൻ ആരാണെന്ന്. അതൊരു വെല്യ കഥ ആണ്... എന്നാലും ഞാൻ ചുരുക്കി പറഞ്ഞു തരാട്ടോ.. എല്ലാരും എന്റെ കൂടെ പോന്നോളൂ... ഫോള്ളോ മി.. --------------------- കഴിഞ്ഞ മാസം ആണ് ഞാനാ മൊതലിനെ കാണുന്നെ. അതും അമ്മവീട്ടിൽ നിന്ന് ഉത്സവത്തിന് പോയപ്പോ... അവിടെ നമ്മക്ക് രണ്ട് നല്ല കിടക്കച്ചി ഫ്രണ്ട്സ് ഇണ്ട്. ശീതു &തീത്തു. രണ്ടും എന്നെ പോലെ നല്ല KFC ആണ്. അങ്ങനെ നമ്മള് മൂന്നും കൂടി ഉത്സവ പറമ്പിൽ വായിനോക്കിയും കോഴികൾക്കൊക്കെ അല്പംസ്വല്പം തവിടും പിണ്ണാക്കും ഒക്കെ ഇട്ടു കൊടുത്തു അങ്ങനെ എൻജോയ് ചെയ്യുയര്ന്നു.

അതിനിടക്ക് ആണ് ഞാൻ ആഹ് മുതലിനെ കാണുന്നെ. ഫ്രണ്ട്സിനൊപ്പം ഒരു മതിലിന്റെ മുകളിൽ കേറി ഇരിക്കുകയായിരുന്നു. നല്ല അടിപൊളി ലുക്ക്‌ ആയോണ്ട് നമ്മള് ആ പുള്ളിനെ മാത്രം സൂം ചെയ്ത് ഫോക്കസ് ചെയ്തു 😊. നല്ല ലുക്ക്‌, കട്ട താടി നല്ല അടിപൊളി ഒരു ജിമ്മൻ. ഞാനവിടെ ആ പുള്ളിനെ നോക്കി വായും പൊളിച്ചു നിക്കുമ്പോ ആണ് നമ്മടെ ശീതു എന്നെ വിളിച്ചേ.. "ഡീ... ഞാൻ പറഞ്ഞില്ലേ ആ ലൂക്കൻ ചേട്ടനെ പറ്റി.ദേ.. അത് ആ ചേട്ടനാ.. " എന്നും പറഞ്ഞു ഓള് നമ്മടെ ജിമ്മനെ കാണിച്ചു തന്നു.. സത്യം പറഞ്ഞ എന്റെ കയ്യിന്നു ഒരു കോൺഐസ്ക്രീം നിലത്തു വീണപോലെ തോന്നി 😥. പിന്നെ അവിടെ കുറെ ചെക്കന്മാരുണ്ടായൊണ്ട് നമ്മക്ക് സീൻ ഇല്ല, എനിക്ക് ആരായാലും മതി 😁. "എന്നാ നീ പോയി പറ ഇഷ്ടമാണെന്നു " "ഒന്ന് പോടീ അമ്മു... എനിക്ക് പേടിയാ.. " "ഇതൊക്ക സിമ്പിൾ അല്ലെ.. നീ അവിടേക്ക് ചെല്ലുന്നു ആ ചേട്ടനെ വിളിച്ചു നെയിം ചോയ്ക്കുന്നു, നിന്റെ നെയിം പറയുന്നു, നിനക്ക് പുള്ളിനെ ഇഷ്ടാണെന്ന് പറയുന്നു... സൊ സിമ്പിൾ.. "

"ഒന്ന് പോഡീ.. അത്രക്ക് സിമ്പിൾ ആണെങ്കി നീ പോയി പറ... കൂട്ടിനു നമ്മളും വരാം. അല്ലെ തീത്തു?? " "പിന്നല്ല.. നീ മുത്തല്ലേ അമ്മു.. നിന്നുകൊണ്ട് പറ്റും.. നിസ്സാരം " ഞാൻ രണ്ടിനേം ഒന്ന് നോക്കി.രണ്ടിന്റെയും മുഖത്തു നല്ല വളിച്ച ചിരി സെറ്റ് ചെയ്തു വച്ചിട്ടുണ്ട്. അങ്ങോട്ട് കൊടുക്കാൻ നോക്കിയപ്പോ ഇങ്ങോട്ട് കിട്ടിയല്ലോ ഈശ്വരാ... പിന്നെ അവര് കുറച്ചു സുഖിപ്പിച്ചപ്പോ ആവേശം കേറി... സുഖിപ്പിക്കൽ ഈസ്‌ ദി സീക്രെട് ഓഫ് മൈ എനർജി ആയോണ്ട് ചാടിക്കേറി ഏറ്റെടുത്തു. ഞാൻ അവരുടെ അടുത്തേക്ക് രണ്ടെണ്ണത്തിനേം കൂട്ടിട്ട് പോയി. സത്യം പറഞ്ഞാ എന്റെ കയ്യും കാലും വിറക്കുന്നുണ്ട്. പുള്ളിടെ ഒരടിക്ക് ഇല്ല ഞാൻ. പക്ഷെ ഈ കാര്യം ഇവറ്റകളോട് പറഞ്ഞ ഞാൻ ഇത്ര നാളും ഉണ്ടാക്കി വെച്ച എന്റെ ഇമേജ് പോവും. അതോണ്ട് രണ്ടും കല്പ്പിച്ചു ഞാൻ അവരുടെ മുന്നിൽ പോയി നിന്നു.