𝒀𝒐𝒖 𝑨𝒓𝒆 𝑴𝒚💕: ഭാഗം 12

എഴുത്തുകാരി: വിഷ്ണുപ്രിയ

അങ്ങനെ ഓരോന്നു ആലോചിച്ചു നിക്കുമ്പോ ആണ് ആരോ പുറകിലൂടെ വന്നു എന്നെ കെട്ടിപിടിച്ചെ... ഒരു നിമിഷം എന്റെ ഹൃദയം വരെ സ്റ്റാച്യു ആയി പോയ പോലെ തോന്നി. ഇതാരാ.. 🤔. ജിമ്മനാണോ.... വേറെ ആരും ഇവിടെ എന്റെ കൂടെ വന്നിട്ട് ഇല്ലാലോ... 😠ജിമ്മൻ ഇത്ര വൃത്തികെട്ടവൻ ആണെന്ന് ഞാനറിഞ്ഞില്ല. അവനിട്ടു ഒന്നു പൊട്ടിക്കാൻ തീരുമാനിച്ചു ഞാൻ ആ കൈകളെ വിടുവിക്കാൻ ശ്രമിക്കുംതോറും അത് കൂടുതൽ മുറുകി കൊണ്ട് വന്നു. "എന്നെ വിടടോ...... 😠😠😡😡😡" "പറ്റൂല...... എനിക്ക് വിടനെ തോന്നുന്നില്ല... " ഈശ്വരാ...... ഇത് ജിമ്മന്റെ സൗണ്ട് അല്ലാലോ 😲. നല്ല കേട്ട് പരിചയവും ഇണ്ട്. എന്റെ കൈകൾ മുറുക്കി പിടിച്ചിരിക്കുന്നത് കൊണ്ട് എനിക്കൊന്നും ചെയ്യാനും പറ്റുന്നില്ലാ... ജിമ്മൻ ഇതെവിടെ പോയി കിടക്കുവാ.... 😟 എന്റെ കണ്ണുകൾ ഒക്കെ നിറയാൻ തുടങ്ങി... പിന്നെ നഖം കൊണ്ട് അയാളുടെ കൈയിൽ അമർത്തിയപ്പോ വേദന കൊണ്ട് പിടിത്തം കൊറച്ചു ഒന്ന് അയഞ്ഞു കിട്ടി. അപ്പൊ തന്നേ നമ്മള് ജാക്കിചാനെ മനസ്സിൽ വിചാരിച്ചു അതിൽ നിന്നും പുറത്തു ചാടി അവനിട്ടു രണ്ടെണ്ണം പൊട്ടിച്ചു. അതിനു ശേഷം ആണ് ഞാനാ മുഖത്തു നോക്കുന്നെ.

കണ്ണൊക്കെ നിറഞ്ഞത് കൊണ്ട് മുഖം ക്ലിയർ ആയി കണ്ടില്ലേലും ആളെ മനസ്സിലായി. രോഹിത്. അവൻറെ കൂടെ വേറെ കുറെ പേരും ഇണ്ട്. സത്യം പറഞ്ഞാ ഞാൻ പെട്ടു . ജിമ്മനെ ആ ഏരിയയിൽ പോലും കാണുന്നുമില്ല. "ഡീ.... ഞാനിപ്പോ നിന്നെ തിരിച്ചു അടിക്കാത്തതു നിന്നെ ഞാൻ കെട്ടാൻ പോകുന്നൊണ്ട... അത് കഴിഞ്ഞിട്ട് നിനക്ക് ഞാൻ കാണിച്ചു തരാം 😏.. " "നീ കെട്ടാൻ പോകുമ്പോ ഞാൻ നിന്ന് തരുവല്ലേ.... ഒന്ന് പോടാ 😠" "നിന്നെ ഞാൻ മാത്രേ കേട്ടൂ..... അതിന് വേണ്ട പണി ഒക്കെ ഞാൻ ചെയ്യുന്നുണ്ട്... " എന്നും പറഞ്ഞു അവൻ എന്റെ കൈ പിടിച്ചു വലിച്ചു. *********** [രോഹി =ജിമ്മൻ ] ഞാൻ കടലയും വാങ്ങിച്ചു അവളിരുന്ന സ്ഥലത്തു പോയപ്പോ അവളെ കാണാനില്ല. ഇതെവിടെ പോയി... പണി വിളിച്ചു വരുത്തുന്ന ടൈപ് ആയോണ്ട് എനിക്കിച്ചിരി പേടി ഉണ്ട്. വിളിച്ചിട്ട് ഫോണും എടുക്കുന്നില്ല. ഇതിവിടെ പോയി ആവോ.... ഇവക്കൊന്നു പറഞ്ഞിട്ട് പൊക്കൂടെ ആളെ ടെൻഷൻ അടിപ്പിക്കാനായിട്ട്.. 😤 കടലിന്റെ സൈഡിൽ ഒക്കെ കണ്ണോടിച്ചു നോക്കിയപ്പോ അവള്ടെ അതെ കളർ സാരിയിൽ ഒരാളെ കണ്ടു. ബട്ട് കൂടെ കൊറച്ചു ചെക്കന്മാരും ഇണ്ട്. ഫ്രണ്ട്സ് ആവും...

ഞാനവരുടെ അടുത്തേക്ക് നടക്കുമ്പോഴാണ് അതിലൊരുത്തൻ അവള്ടെ മുഖത്തു അടിച്ചേ... പിന്നെ ഒന്നും നോക്കിയില്ല കയ്യിലുള്ള കടലയൊക്കെ ചാടി അവരുടെ അടുത്തേക്ക് ഓടി. അവിടെ ചെന്ന് അവനിട്ടൊരു ചവിട്ട് കൊടുത്ത്. അവൻ തെറിച്ചു ഒരു മീറ്റർ അപ്പുറത്തു പോയി വീണു. കാര്യായിട്ട് എന്തോ സംഭവിച്ചിട്ടുണ്ട്. അവള്ടെ കണ്ണിന്നു കണ്ണീർ വരുന്നുണ്ട്. അവന്റെ അടി കിട്ടിട്ടാണെന്ന് തോന്നുന്നു ചുണ്ട് പോയിട്ടുണ്ട്. ആരാണ് അടിച്ചെന്ന് നോക്കിയപ്പോ എന്താ കാര്യംഎന്ന് മനസ്സിലായി. അന്ന് ഇവള്മായി അടി ആക്കിയ പയ്യൻ തന്നെ. അവന്റെ മൂക്കിൽ നിന്ന് ചോര വരുന്നുണ്ട്. അപ്പൊ പെണ്ണും കൊടുത്തിട്ടുണ്ട്🔥🔥. അവള്ടെ മുഖത്തേക്ക് നോക്കിയപ്പോ എനിക്ക് ശെരിക്കും സങ്കടായി. പിന്നെ ദേഷ്യം ഒക്കെ എവിടുന്നാ ബസ് പിടിച്ചു വന്നെന്നു അറിയില്ല. അവിടെ ഒരൊന്നൊന്നര അടി നടന്നു. അവരൊക്കെ ഓരോ ഭാഗത്തൂടെ തെറിക്കുവായിരുന്നു. കൂടി നിന്ന ആളോടൊക്കെ കേറി ചൂടായി എല്ലാരേം ഓടിച്ചു വിട്ട്. അവള് ഒരു സൈഡിൽ നിന്ന് അടി ഒക്കെ കണ്ട് നിക്കുന്നുണ്ട്. അവരെയൊക്കെ ഓടിച്ചു വിട്ടശേഷം ഞാൻ അമ്മുന്റെ അടുത്തേക്ക് പോയി. കവിളിൽ വീണു കിടക്കുന്ന കണ്ണീർ ഒരു കൈകൊണ്ടു തുടച്ചു മറ്റേ കൈകൊണ്ട് ഞാനവളെ ചേർത്ത് പിടിച്ചു.

************ [അമ്മു ] അവനെന്നെ അടിച്ചതും എവിടുന്നോ പെട്ടന്ന് ജിമ്മൻ പ്രത്യക്ഷപെട്ടു അവനെ ചവിട്ടി നിലത്തിട്ടു. അവന്റെ അടിയിൽ എന്റെ ചുണ്ട് പൊട്ടി ചോര വന്നു ☹️.പിന്നെ എന്റെ ഇടികൊണ്ടു അവനും കാര്യായിട്ട് പറ്റിയത് കൊണ്ട് കൊയ്യപ്പുല്ല. ജിമ്മൻ ആള് വിചാരിച്ച പോലെ അല്ലാട്ടോ... മാസ്സ് ആണ് 🤩.എല്ലാരേം ഇടിച്ചു പറപ്പിക്കുവാ... അടി ഒക്കെ കഴിഞ്ഞു ജിമ്മൻ അടുത്ത് വന്ന് എന്റെ കണ്ണീർ തുടച്ചു എന്നെ ചേർത്ത് പിടിച്ചപ്പോ എനിക്ക് എന്തോ കരച്ചിൽ വന്നു. "അയ്യേ..... റൗഡി കരയുവാണോ..... നാണക്കേട്.. " എന്നും പറഞ്ഞു എന്നെ ആ നെഞ്ചിൽ ചേർത്ത് പിടിച്ചു. എന്താന്നു അറില്ല... എനിക്കപ്പോ അടർന്നു മാറാൻ തോന്നിയില്ല 😉. അപ്പോഴാണ് അത് വഴി പഞ്ഞിമിട്ടായി വിക്കണ ചേട്ടൻ പോയെ... പിന്നെ ഒന്നും നോക്കിയില്ല... 😁 "ജിമ്മാ..... പഞ്ഞിമിട്ടായി... " "എന്ത്???? 😳" "നോക്ക് പഞ്ഞിമിട്ടായി... എനിക്ക് വാങ്ങിച്ചു താ... " എന്നെ ഒന്ന് അന്തം വിട്ട് നോക്കിയ ശേഷം തലയിൽ കൈ വച്ചു കൊണ്ട് പോയി അത് വാങ്ങി തന്നു. "അമ്മൂ.... " "ആ... " "വേദന ഇണ്ടോ.... "

"കൊറച്ചു.... " "നീ എവിടുന്നാ ഇങ്ങനെ ഇടിക്കാൻ പഠിച്ചേ??? നിനക്കിതു തന്നേ ആണോ പണി?? " "അത് ജാക്കിചാൻ അല്ലെ നമ്മടെ ഗുരു 🔥🔥" "ഏഹ് 🙄?? " "വല്ലപ്പോഴും കൊച്ചു ടീവി കാണണം." "ബെസ്റ്റ് 🙆‍♂️" എന്നും പറഞ്ഞു പുള്ളി ഫോൺ നോക്കാൻ തുടങ്ങി. "ജിമ്മാ.... " "ഹ്മ്മ്???? " "അമ്മയോട് പറയണ്ടാട്ടോ ഇതൊന്നും പിന്നെ ടെൻഷൻ ആവും... ഏട്ടനോടും ഇപ്പൊ പറയണ്ട.... പ്ലീസ്. " "ആ.... പരിഗണിക്കാം... " "ഹ്മ്മ്... പരിഗണിച്ചാ മതി.. " അടികിട്ടിയ കവിളിൽ നല്ല വേദന ഇണ്ട്. ഇവന് കൊറച്ചു പതുക്കെ ഇടിച്ചൂടേ... ജിമ്മന്റെ ഇടി കൊണ്ടിട്ടു രണ്ടു ദിവസം അവൻ കോളേജിൽ വരൂല്ല അതോറപ്പാ.... അമ്മാതിരി ഇടി ആരുന്നല്ലോ 😵.ഇനി കൊറച്ചു സൂക്ഷിച്ചും കണ്ടും ഒക്കെ പെരുമാറാം☺️ ചിലപ്പോ പുള്ളിക്ക് പണി ആയാലോ.... ഈ 😁. ഞാനൊന്ന് ജിമ്മനെ നോക്കി. ഫോണിൽ എന്തോ നോക്കുവാ.. ബീച്ചിലെ കാറ്റിൽ പുള്ളിടെ മുടി ഒക്കെ പാറി കളിക്കുന്നുണ്ട്. പെട്ടന്ന് ഫോണിൽ നിന്ന് കണ്ണെടുത്തു എന്നെ ഒന്ന് നോക്കി. ഞാൻ പെട്ടന്ന് നോട്ടം വെട്ടിച്ചു. "ഡീ.... ഉണ്ടക്കണ്ണി... ഞാൻ നിന്നെ കിട്ടിയാലോ??? "..........തുടരും.......................

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...