𝒀𝒐𝒖 𝑨𝒓𝒆 𝑴𝒚💕: ഭാഗം 25

എഴുത്തുകാരി: വിഷ്ണുപ്രിയ

"അമുത അല്ലെ... ഞാൻ റോഷൻ ആണ്... " റോഷൻ.......😳 ആഹ് പേര് കേട്ടപ്പോ തന്നെ നെഞ്ചിനകത്ത് എന്തോ പോലെ ഫീൽ ചെയ്തു. നെഞ്ചിൻ കൂടിനു മേലെ 10കെജി എടുത്തു വെച്ച പോലെ തോന്നി. കണ്ണൊക്കെ എന്തിനാന്നു അറിയാതെ നിറഞ്ഞു. എവിടയോ അത്രതന്നെ സന്തോഷവും തോന്നി. "ഹലോ... കേൾക്കുന്നില്ലേ... " "ഹ്മം... " "ഹലോ... അമ്മുസേ...... " ആ വിളി ചങ്കിൽ കൊള്ളും പോലെ തോന്നുവാ... കണ്ണൊക്കെ എന്നെ പോലെ തന്നെ യാതൊരു അനുസരണയും ഇല്ലാതെ നിറഞ്ഞു കവിഞ്ഞു. കണ്ണീരിന്റെ ഒക്കെ സ്പീഡ് കണ്ടാ ഇത് വച്ച് ആണ് കറന്റ്‌ ഇണ്ടാക്കണേന്ന് തോന്നും.... ഹും 😒. എന്താണെന്ന് അറിയില്ല തിരിച്ചു ഒന്നും പറയാൻ തോന്നണില്ല.. "എന്താടോ ഒന്നും മിണ്ടാത്തെ.... ഈ കാൾ ഒട്ടും പ്രതീക്ഷിച്ചില്ല അല്ലെ.... " ************ [ രോഹി = ജിമ്മൻ ] പെണ്ണിന് കളിച്ചോണ്ടിരിക്കുമ്പോ ഒരു കാൾ വന്നിട്ട് മാറി നിന്നതാ.. ഇതിപ്പോ കൊറേ സമയം ആയി..

ഫ്രണ്ട്സ് വല്ലോം ആവും പക്ഷെ കണ്ടിട്ടി അത്ര പന്തി അല്ല. എപ്പോഴും സംസാരിക്കുമ്പോ ഉള്ള ആഹ് കുറുമ്പും ചിരിയും ഒന്നും ആ മുഖത്തു കാണാനില്ല. ഇനി ആ രോഹിത് വല്ലോം ആണോ... ഭീഷണിപ്പെടുത്താനോ മറ്റോ ആവ്വോ.. 🤔. നേരത്തെ കേട്ടതിന്റെ ഷോക്കിൽ ആണ് ദീപുവും പവിയും. രണ്ടിനേം കണ്ടിട്ട് എനിക്ക് ചിരി വരുന്നു 🤭. "എന്തോന്നാടാ.... രണ്ടിന്റേം ഇരിപ്പ് കണ്ടാ ആരോ ചത്തുന്നു തോന്നുവല്ലോ 🤭." "അല്ലടാ... ആമി പോയേപ്പിനെ വേറൊരു പെണ്ണില്ലന് പറഞ്ഞു നടന്നിട്ട് ഇപ്പൊ എന്താ പറ്റിയെ... നീ അതീ പിന്നെ വേറൊരു പെണ്ണിന്റെ മുഖത്തു നോക്കുന്നതും ഞാനിന്നേ വരെ കണ്ടിട്ടില്ല.. "(പവി ) "എന്താ പറ്റിയെന്നു എനിക്കും അറീല്ലടാ.... എന്തോ ആ സാധനത്തിനെ ഇഷ്ട്ടായി പോയി.. അന്ന് കണ്ടപ്പോ മുതൽ തോന്നിയതാ.. അമലിന്റെ അനിയത്തി ആണെന്ന് അറിഞ്ഞപ്പോ അതൊക്ക മറക്കാൻ നോക്കിയതാ... ഫ്രണ്ടിന്റെ അനിയത്തിയെ അങ്ങനെ കാണുന്നത് ശെരിയല്ലല്ലൊ... ഇപ്പൊ പെണ്ണിന് കുറെ പ്രൊപോസൽ ഒക്കെ വര്ണിണ്ട്.. അവളാണേൽ ഓടി നടന്നു എല്ലാം മുടക്കുവാ 😂.വേറെ ആർക്കും വിട്ടു കൊടുക്കാൻ തോന്നുന്നില്ലടാ...

കാണാതിരിക്കുമ്പോ എന്ത് മിസ്സിംഗ്‌ ആണുന്നോ.. " "ഹ്മം..... ഹ്മ്മം.... അസ്ഥിക്ക് പിടിച്ചല്ലേ... 🤭"(ദീപു ) "ഏറക്കുറെ 😌...നീ ഇനി അങ്ങനെ നോക്കിയാ ഞാൻ നിന്റെ കണ്ണ് കുത്തി പൊട്ടിക്കും പറഞ്ഞില്ലാന്നു വേണ്ട... " "ഇനിമുതൽ അമ്മു എന്റെ പെങ്ങളാണ്... 😇 " രണ്ടും നമ്മളെ ഇട്ട് ആകുവാ.. എന്നാലും കേക്കുമ്പോ ഒരു സുഖം ഉണ്ട് 😉. ഞാൻ അമ്മുനെ നോക്കിയപ്പോ നേരത്തെ നിന്ന സ്ഥലത്ത് പെണ്ണിനെ കാണുന്നില്ല. കളിക്കുന്ന പിള്ളേരുടെ കൂട്ടത്തിലും കാണുന്നില്ല. എവിടെ പോയി ആവ്വോ... ഞാൻ പോയി റിതിനോട് ചോയ്ച്ചപ്പോ കാൾ ചെയ്തു കൊണ്ട് അകത്തോട്ടു കേറി പോയി എന്നാ പറഞ്ഞത്. എന്റെ കൂടെ ഉള്ള രണ്ടും എന്നെ ഉന്തി തള്ളി പ്രൊപ്പോസ് ചെയ്യാൻ പറഞ്ഞയക്കാൻ നോക്കുവാ... അവരുടെ ഒടുക്കത്തെ മോട്ടിവേഷനും പോക്കലും കൊണ്ട് ഞാൻ അവളേം തപ്പി നടക്കാൻ തുടങ്ങി. അപ്പൊ ആണ് ആരോ പുറകിന്ന് കൈ പിടിച്ചേ. അമ്മു ആവുംന്ന കരുതിയെ... അതോണ്ട് ഒരു ചിരിയോടെ തിരിഞ്ഞു..

പക്ഷെ അത് ആമി ആരുന്നു. മുഖത്തുണ്ടായ ചിരി ഒക്കെ ഓട്ടോ പിടിച്ചു പോയിട്ട് കലിപ്പ് ഒക്കെ ബുള്ളറ്റ് ട്രെയിൻ പിടിച്ചു വന്നു. കൈ തട്ടി തെറിപ്പിച്ചു പോകാൻ നോക്കിയപ്പോ പെണ്ണ് രണ്ടു കൈകൊണ്ടും പിടിച്ചു. "കൈ വിടെടി 😠" "രോഹീ.. എന്തിനാടാ എന്നോടിത്ര ദേഷ്യം... " "ഇനി ഞാൻ നിനക്കത്തിന്റ റിസോൺ പറഞ്ഞു തരാണോ 😡..." "ഡാ... എത്ര തവണ സോറി പറഞ്ഞതാ ഞാൻ... അത് മറന്നൂടെ.. എനിക്ക് നിന്നെ ശെരിക്കും ഇഷ്ട്ടാ..." "ഒന്ന് നിർത്തിട്ടു പോടീ... അവള്ടെ ഒരു ഇഷ്ട്ടം.... നിന്റെ ഇഷ്ട്ടം ഒക്കെ രണ്ടുമൂന്നു വർഷം മുമ്പ് വരെ ഞാൻ വിശ്വസിച്ചതാ.. ഇനി അതും പറഞ്ഞു വരണ്ടാ... 😡😠" "ഓഹ്... 😏 നീ ആ അഹങ്കരിടെ പുറകെ ആണല്ലോ ല്ലേ... നിങ്ങളെന്തിനാ ആ പെണ്ണിന്റെ പുറകെ നടക്കണേ... " "ഞാൻ നടക്കുന്നേല് നിനക്കെന്തിനാ ഛേദം 🤨🤨😠😠😡" "അഴിഞ്ഞാട്ടക്കാരി... എല്ലാരേം പറഞ്ഞു മയക്കി വെച്ചേക്കുവാ അവള്... അവള്ടെ വിചാരെന്താ.. ഇച്ചിരി തൊലിവെളുപ്പ് ഇണ്ടെന്നു വെച്ച്...

വൃത്തിക്കെട്ടവള്... " അതും കൂടി ആയപ്പോ എന്റെ വലതു കയ്യിലെ അഞ്ചു വിരലുകളും അവള്ടെ മുഖത്തു പതിഞ്ഞിരുന്നു. ഫിംഗർപ്രിന്റിനെകാളും അസ്സലായി കോപ്പി ആയിട്ടുണ്ട്.. 😌 "ഇനി അവളെ പറ്റി ഒരു അക്ഷരം മിണ്ടിയാ ബാക്കി പറയാൻ നീ ഈ ഭൂമിയിൽ ഇണ്ടാവൂല 😡😡.ആരാ അഴിഞ്ഞാട്ടക്കാരിന്നു എന്നെ കൊണ്ട് അതികം പറയിപ്പിക്കണ്ട... 😡😡നിന്റെ സ്വഭാവം ഇവിടെ എല്ലാർക്കും അറിയാം.. അതികം മാലഖ കളിക്കണ്ട നീ 😤🤬." "നീ എന്തിനാ എന്നോട് ചൂടാവാണെ... ഇതിനും മാത്രം നീയും അവളും തമ്മിലെന്താ ബന്ധം.. " "അവളെന്റെ പെണ്ണാ... എന്റെ മാത്രം... ഇനി അവളെ പറ്റി വല്ലോം പറഞ്ഞാ നിനക്കെന്റെ സ്വഭാവം അറിയാലോ..😠" അത്രയും പറഞ്ഞിട്ടും കലി അടങ്ങുന്നില്ല.. വീണ്ടും തല്ലാനായി കൈ പൊക്കിയതും പവിയും ദീപുവുമൊക്കെ എവിടുന്നോ ഓടി വന്നു കൈ പിടിച്ചു വച്ചു. ഭാഗ്യത്തിന് വീട്ടുകാര് ആരും കണ്ടില്ലന്നാ തോന്നണേ.. അവര് എന്നേം കൂട്ടി മുറ്റത്തു കസേര വട്ടത്തിൽ ഇട്ട് ഇരുന്നു. എന്റെ കലിപ്പ് കുറക്കാൻ വേണ്ടി കുറച്ചു മയത്തിലൊക്കെ ചളി അടിക്കാൻ നോക്കുന്നുണ്ട്. എന്നാലും എന്തോ മൂഡ് ശെറിയാവുന്നില്ല.

അവളെ പറഞ്ഞപ്പോ അത് സഹിച്ചില്ല. അതോണ്ടാ കേറി പൊട്ടിച്ചേ.. അന്ന് ബീച്ചിലും അത് തന്നെയാ സംഭവിച്ചേ... അപ്പോഴാണ് അവളെ തപ്പിയിട്ടല്ലേ ഇറങ്ങിയെന്നു ഓർമ വന്നേ.. പെണ്ണിനെ കണ്ടും ഇല്ല.. ഇവളിതു എവിടെ പോയി കിടക്കുവാ.. ********** [ അമ്മു ] കാളിങ് ഒക്കെ കയിഞ്ഞു അതിന്റ ഹാങ്ങ്‌ ഓവറിൽ താഴേക്ക് ഇറങ്ങുമ്പോ ആണ് ആമി ചേച്ചീടേം ജിമ്മന്റേം വഴക്ക് കേള്ക്കുന്നെ.. അങ്ങോട്ട് ചെല്ലാൻ നിന്നതും ആമി ചേച്ചിടെ സംസാരം ഞാൻ അവിടെ നിന്ന് പോയി. "അഴിഞ്ഞാട്ടക്കാരി... എല്ലാരേം പറഞ്ഞു മയക്കി വെച്ചേക്കുവാ അവള്... അവള്ടെ വിചാരെന്താ.. ഇച്ചിരി തൊലിവെളുപ്പ് ഇണ്ടെന്നു വെച്ച്... വൃത്തിക്കെട്ടവള്... " ഇത് പറഞ്ഞതും ആമി ചേച്ചിയെ ജിമ്മൻ അടിച്ചു.പിന്നെ ജിമ്മൻ പറഞ്ഞതോന്നും ഞാൻ കെട്ടില്ലാന്നു തന്നെ പറയാം... ബാക്കി ഒന്നും കേൾക്കാൻ ഉള്ള ശക്തി ഇല്ലാത്തോണ്ട് റൂമിലേക്ക് വിട്ടു.കാണീന്നു കണ്ണീരു അടിപൊളി ആയി ഒഴുകുന്നുണ്ട്.

ഞാൻ അതിനും മാത്രം എന്ത് തെറ്റാ ചെയ്തെന്നു മാത്രം മനസ്സിലാവുന്നില്ല 😢.അവരോടൊക്കെ എന്റെ ഏട്ടന്മാരെ പോലെ അല്ലെ പെരുമാറിയെ.. എനിക്കിപ്പോ അമ്മേനെ കാണണം... ഏട്ടന്റെ കൂടെ പോയ മതിയാരുന്നു. അമ്മേനെ വിളിക്കാന്നു വെച്ച ഈ അവസ്ഥേൽ അമ്മേടെ സൗണ്ട് കേക്കുമ്പോ ഞാൻ കരയും 😭..ഇനി അവരെ കൂടി സങ്കട പെടുത്തണ്ട.. വഴക്കടിച്ചും ചളി അടിച്ചും നടക്കുവെങ്കിലും എന്നെ പറ്റി ആരേലും കുറ്റം പറയണത് കേട്ടാ എനിക്ക് ഒടുക്കത്തെ സങ്കടാ... 😥.അങ്ങനെ ഞാൻ ആർക്കും പറയാൻ മാത്രം ഞാൻ അവസരം കൊടുക്കാറില്ല.. ഇതിപ്പോ.....

"അമ്മു..... " അങ്ങനെ ഓരോന്നു ആലോചിച്ചു ഇരിക്കുമ്പോ ആണ് ജിമ്മൻ ഡോറിനു മുട്ടി വിളിക്കുന്നത് കേട്ടത്. ഞാൻ കണ്ണൊക്കെ തുടച്ചു മുഖത്തു ഒരു ചിരിയും ഫിറ്റ്‌ ചെയ്തു വാതില് തുറന്നു. "നീ ഇത് എവിടാരുന്നു... ഞാൻ കൊറേ തപ്പി... " എന്നും പറഞ്ഞു റൂമിനുള്ളിലേക്ക് കേറി കട്ടിലിൽ ഇരുന്നു. "ഞാൻ ഇവിടുണ്ടാരുന്നല്ലോ... 🙂" അപ്പൊ ആണ് ജിമ്മൻ എന്റെ മുഖത്തു നോക്കിയെന്നാ തോന്നുന്നേ... ഞാൻ കരഞ്ഞ എന്റെ ഉണ്ടക്കണ്ണ് അതെല്ലാരോടും പറഞ്ഞു കൊടുക്കും... ദുഷ്ട്ടത്തി.. 😖😣. ജിമ്മൻ എഴുന്നേറ്റു അടുത്തേക്ക് വന്നു എന്റെ മുഖം ജിമ്മന്റെ കൈക്കുള്ളിൽ ആക്കി. "എന്താടാ..... എന്ത് പറ്റി കരയുവാർന്നോ.... 🥺" അത് കേട്ടതും എന്റെ കയ്യിന്നു പോയി. കരഞ്ഞു കൊണ്ട് ജിമ്മന്റെ നെഞ്ചോട് ചേർന്നു........തുടരും.......................

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...