𝒀𝒐𝒖 𝑨𝒓𝒆 𝑴𝒚💕: ഭാഗം 26

എഴുത്തുകാരി: വിഷ്ണുപ്രിയ

കരഞ്ഞു കൊണ്ട് ജിമ്മന്റെ നെഞ്ചോട് ചേർന്നു... ജിമ്മൻ എന്നെ ഒന്നുകൂടെ ചേർത്ത് നിർത്തി.. "അയ്യേ.... റൗഡി കരയുവാ... എന്റെ റൗഡിക്ക് എന്താ പറ്റിയെ... " അപ്പൊ എന്തോ എനിക്ക് മറുപടി ഒന്നും പറയാൻ തോന്നിയില്ല. എന്തോ ആ നെഞ്ചിൽ ഒട്ടി ചേർന്നു നിക്കുമ്പോ ഇച്ചിരി ആശ്വസം തോന്നി. എന്നാലും കണ്ണീന്ന് പൈപ്പ് തുറന്നു വിട്ട പോലെ വെള്ളം ഒഴുക്കുന്നുണ്ട്. "എന്താ അമ്മു... എന്താ പറ്റിയെ... " അപ്പോഴാണ് ഞാനും ജിമ്മനും സിമെന്റും വെള്ളവും പോലെ ഒട്ടി നിക്കുവാനെന്ന കാര്യം എന്ക്ക് ഓർമ്മ വന്നേ. അപ്പൊ തന്നെ ഞാൻ ജിമ്മന്റെ കൈ വലയത്തിൽ നിന്നും വിട്ടു മാറി നിന്ന് കണ്ണ് തുടച്ചു ഒന്നും ചിരിക്കാൻ ശ്രമിച്ചു. "ഒന്ന് പറ പെണ്ണെ... നേരത്തെ ആരാ വിളിച്ചേ രോഹിത് ആണോ... " റോഷന്റെ കാര്യം എനിക്ക് അപ്പൊ ജിമ്മനോട് പറയാൻ തോന്നിയില്ല. അതോണ്ട് രോഹിത് അല്ല എന്ന രീതിയിൽ ചുമൽ കൂച്ചി കാണിച്ചു. ജിമ്മൻ പോയി റൂമിന്റെ വാതിൽ ഒന്നു ചെറുതായി ചാരിയിട്ട് ബെഡിൽ ഇരുന്നു. എന്നിട്ടു എന്റെ കൈ രണ്ടും പിടിച്ചു ജിമ്മന്റെ നേരെ മുന്നിലായി നിർത്തി.

ഞാൻ ജിമ്മനെ നോക്കുമ്പോ ജിമ്മൻ എന്റെ മുഖത്തു തന്നെ നോക്കി ഇരിക്കുവാ.. ആ നോട്ടം കാണുമ്പോ വയറ്റിനുള്ളിലൂടെ ട്രെയിൻ പോകുന്ന പോലെ തോന്നുന്നുണ്ടെങ്കിലും എന്തോ നോട്ടം മാറ്റാനും തോന്നുന്നില്ല. "ആമി പറഞ്ഞത് കേട്ടുവല്ലേ..... " "ഹ്മം... 🥺" "നിന്നോട് ഞാനെല്ലം പറഞ്ഞതല്ലേ.. അവക്ക് നിന്നോട് അസൂയ ആണ്.. അതും കേട്ട് എന്റെ കൊച്ചു ഇങ്ങനെ കരഞ്ഞാൽ എങ്ങനാ... " "എന്നാലും.... ഞാൻ നിങ്ങളെ ഒക്കെ പറഞ്ഞു മയക്കിയതൊന്നും അല്ലല്ലോ.... എന്നെ ചീത്ത പെണ്ണായിട്ടാണോ എല്ലാരും കാണുന്നെ.... " "അയ്യേ.... നീ ഇത്രയേ ഉള്ളൂലെ... ഞാൻ വിചാരിച്ചത് കയ്യിലിരിപ്പ് വെച്ച് ഇത്തിരീം കൂടി മനക്കട്ടി ഇണ്ടാവുംന്.. എവിടെ.... " "അത് കേട്ടപ്പോ എനിക്ക് സങ്കടം വന്നു അതോണ്ടല്ലേ... 😞. " "അയ്യേ... നിന്ന് മോങ്ങാതെ അവക്ക് ഒന്ന് പോയി പൊട്ടിച്ചിട്ട് വരാം.. ബാ..." "അയ്യോ... വേണ്ട.... ഇപ്പൊ എന്റേതും കൂടി ജിമ്മന്റെ അടിടെ വേദനയിൽ ആവും... നമ്മക്ക് ഇത് മാറിട്ട് രാവിലെ കൊടുക്കാം 🤩. "

"ആഹാ.. അടിന്നു കേട്ടപ്പോ പെണ്ണ് ഉഷാറായല്ലോ 😆... എന്നാ നാളെ രാവിലെ പൊട്ടിക്കാം.. പക്ഷെ ഇപ്പൊ അവളെ അങ്ങനെ വിട്ടാ പറ്റില്ലല്ലോ " "അതിനു വഴിയുണ്ടാക്കാം എന്റെ കൂടെ കട്ടക്ക് നിക്കുവോ.. " "നിക്കുവുന്നോ... നീ ബാ മുത്തേ... " "വണ്ടിടെ കീ കയ്യിൽ വെക്കോട്ടോ.. ആവശ്യം വരും... " എന്നും പറഞ്ഞു ഞാൻ ജിമ്മനെ നോക്കി ചിരിച്ചു. ജിമ്മൻ ഒരു കുസൃതി ചിരിയോടെ എന്റെ മൂക്കിന് പിച്ചിയിട്ട് കൈ പിടിച്ചു റൂമിൽ നിന്ന് നടന്നു. ഇത്ര നേരവും ഇണ്ടായ സങ്കടോക്കെ ജിമ്മൻ നിമഷം കൊണ്ട് മാറ്റി തന്നു. എന്തോ ജിമ്മനോട് ഇപ്പൊ ഇഷ്ട്ടം കൂടിയ പോലെ തോന്നുവാ 😍. അന്നൊക്കെ ജിമ്മനു പണി കൊടുക്കാൻ നടന്ന ഞാനാ.. 😂. *********** [ രോഹി =ജിമ്മൻ ] ഞാൻ റൂമിൽ പോകുമ്പോ പെണ്ണ് കരയുവാരുന്നു. അത് കണ്ടപ്പോ എനിക്ക് ആമിയെ വലിച്ചു കീറി അടുപ്പിൽ വെക്കാനുള്ള ദേഷ്യം വന്നതാ... 😠. പിന്നെ അവക്ക് പണി കൊടുക്കാംന്നൊക്കെ പറഞ്ഞപ്പോ പെണ്ണ് ഹാപ്പി ആയി ❣️. എന്നാലും നേരത്തെ വിളിച്ചത് രോഹിത് അല്ലെങ്കിൽ പിന്നെ ആരാ?? ഞാൻ പെണ്ണിനേം കൂട്ടി നേരെ ആമിടെ അടുത്തേക്ക് ചെന്ന്.

പെണ്ണ് ആമിനെ കണ്ടതും എന്റെ കയ്യിന്റെ ഇടെലൂടെ കൈ ഇട്ട് അടുത്ത് വന്നു നിന്ന്. ഇതൊക്ക കണ്ടിട്ട് ആമിക്ക് ദേഷ്യം വരുന്നുണ്ടെന്നു മുഖം കണ്ടാലറിയാം.. അമ്മു നല്ല ത്രില്ലിൽ ആണ്.. ആമി നീ തീർന്നേടി നീ തീർന്നു.. 🤣. "നീ എന്താടി നേരത്തെ പറഞ്ഞെ ഞാൻ റോഹിയേട്ടനെ പറഞ്ഞു മയക്കിന്നോ... ആടീ പറഞ്ഞു തന്നെയാ മയക്കിയെ.. അത് നിന്നെ പോലെ പണച്ചാക്കിനെ കാണുമ്പോ ഇട്ടിട്ടു പോകാൻ ഒന്നും അല്ല... നിനക്കൊക്കെ ഒരു വിചാരുണ്ട് ആണ്പിള്ളേര് നിന്റെ ഒക്കെ കയ്യിലെ പാവ ആണെന്ന്... നീ ഒക്കെ ആർടെലും ചൂടറിഞ്ഞിട്ട് വരുമ്പോ രണ്ടു കയ്യും നീട്ടി സ്വീകരിക്കുംന്... എന്റെ ജിമ്മൻ അങ്ങനല്ല... ഇനി ജിമ്മന്റെ പുറകെ നടന്ന മോളൂസേ നിന്റെ കാലിന്റെ ചിരട്ട വെച്ച് ഞാൻ മണ്ണപ്പം ചൂടും... പറഞ്ഞില്ലാന്നു വേണ്ടാ.. 😠😡. പിന്നെ നീ എന്നെ പറഞ്ഞതൊക്കെ ഞാൻ കേട്ടു.. അതൊക്ക ആരാന്നു ഞാൻ ഇനി പ്രത്യേകം പറയണ്ടല്ലോ..

പിന്നെ അത് മാത്രം അല്ലാട്ടോ.. ഞാൻ കൊറച്ചു പേരെ തല്ലിയിട്ടും കൂടി ഇണ്ട്. ഇനി അതും കൂടി പറയണേ.. കേട്ടോടീ തേപ്പ് കടേടെ ഓണറേ.. 😤" ഉഫ്... ഉണ്ടക്കണ്ണി നല്ല ഫോമിൽ ആണല്ലോ.. ഇവളാരു സുരേഷ് ഗോപിടെ മരുമോളോ 🤣അമ്മാതിരി ഡയലോഗ് ആണല്ലോ.. ഞാനിതൊക്കെ കേട്ട് കയ്യും കെട്ടി നോക്കി നിന്നതേ ഉള്ളൂ.. ആമി ആകെ എന്തോ ആയി നിക്കുന്നുണ്ട് 🤣😅.ഒരു പത്തു അടി കിട്ടീത്ക്കും മീതെ ആണ് ഓൾടെ അവസ്ഥ 😆. എനിക്ക് എന്തായാലും അതിഷ്ടയി.. നമ്മക്ക് പറ്റിയ ആള് തന്നെയാ ഇവള് 😍. പെണ്ണ് ഡയലോഗ് ഒക്കെ കയിഞ്ഞു എന്റെ കയ്യും പിടിച്ചു വെല്യ സ്ലോ മോഷനിൽ മുറ്റത്തേക്ക് നടന്നു.. അവളീ രാത്രിക്ക് എവിടെക്കാ 🤔. "ഡീ ഉണ്ടക്കണ്ണി... നീ ഇതെവിടെക്കാ??? " "അമ്മോ...എനിക്കറിയൂല.. സിനിമയിൽ ഒക്കെ ഡയലോഗ് പറഞ്ഞു നടക്കൂലേ അത് പോലെ നടന്നതാ.. ഇപ്പൊ എവിടെക്കാ പോകുവാ.. " "ആഹ് ബെസ്റ്റ്... 🤭നേരെ അങ്ങോട്ട്‌ വിട്ടോ അവിടെ പാമ്പൊക്കെ ഇണ്ടാവും.. ഞാൻ പോയി ഫുഡ്‌ കഴിക്കട്ടെ.. നീ പോയിട്ട് വാ.. " "സാമദ്രോഹി.... എന്നെ നാറ്റിക്കല്ലേ... 🙏.കൂടെ വാ... എനിക്ക് പേടിയാ...

ജിമ്മാ വണ്ടി എടുക്ക് നമ്മക്ക് ഇതേ ഫ്ലോയിൽ പോയിട്ട് ആ പെണ്ണുംപിള്ള അകത്തു പോയിട്ട് വരാം. " "അയിന് കീ നീ എടുത്തിട്ടുണ്ടോ 🤭🤭" പെണ്ണിനെ കളിപ്പിക്കാൻ പറഞ്ഞതും അവള് കിടന്നു ചിണുങ്ങുവാ 😂കാണാൻ നല്ല രസുണ്ട് 😍. "അതും എടുത്തില്ലേ... എന്റെ പറശ്ശിനിക്കടവ് മുത്തപ്പാ.. ഞാനല്ലാതെ ഇങ്ങേർടെ കൂടെ പ്രതികാരം ചെയ്യാൻ ഇറങ്ങി പുറപ്പെടുവോ.. വെറ്തെ കൊറേ ഡയലോഗ് വെസ്റ്റ് ആക്കി 😪." ഞാൻ അവള്ടെ സംസാരം കേട്ട് ചിരിച്ചോണ്ട് കീ എടുത്തു വണ്ടിയിൽ കേറി ഇരുന്നു. "കീ ഇല്ലാതെ ഈ മസിലും വച്ചു പൊക്കി കൊണ്ട് പോവാനാന്നോ പിന്നെ ഇങ്ങോട്ട് വന്നേ... ഹും ആളെ വടി ആകാനായിട്ട് 😐" "വേണേ കേറഡീ..... ഉണ്ടക്കണ്ണി... 😉" "അപ്പൊ കീ ഇണ്ടാർന്നുല്ലേ... എനിക്കറിയാരുന്നു ... ഗൊച്ചു കള്ളാ 🤩.." എന്നും പറഞ്ഞു എന്റെ താടി പിടിച്ചു വലിച്ചിട്ടു പെണ്ണ് വണ്ടിയിൽ കേറി ഇരുന്നു. എന്നാലും ഇവളെന്തിനാ എന്നാലും നേരത്തെ കരഞ്ഞേ 🤔.ആമിടെ കാര്യം മാത്രം അല്ല. വേറെന്തോ കൂടി ഇണ്ട്. നേരത്തെ വന്ന ഫോൺ കാൾൽ എന്തോ ചീഞ്ഞു നാറുന്നുണ്ട്. ആഹ് എന്തായാലും ഊറ്റി എടുത്തോളാം..

ഞാൻ അവളേം കൊണ്ട് ആൽതറയിലേക്ക് വിട്ടു. പെണ്ണ് ഒരു ബന്ധവും ഇല്ലാത്ത കാര്യങ്ങൾ പറഞ്ഞോണ്ടിരിക്കുന്നുണ്ട്. എന്താ പറയുന്നെന്നു അവക്ക് പോലും ഒരു പിടിയും ഇണ്ടാവൂല. എന്നാലും കേക്കാൻ നല്ല രസുണ്ട്. "ജിമ്മാ... ഇതിവിടെയാ പോണേ... " "നീ പ്രേതത്തിന് കണ്ടിട്ടുണ്ടോ.. " "ആഹ് കടിട്ടുണ്ട് 🤩" "നീ കണ്ണാടി നോക്കിട്ടുണ്ടോന്നല്ല ചോയിച്ചേ പ്രേതത്തിനെ കണ്ടിട്ടുണ്ടോന്നു.. " "ആക്കല്ലേ മോനൂസ്.... ഞാൻ മറ്റേ പേപ്പരും കോയിനും ഒക്കെ വച്ചു വിളിച്ചപ്പോ വന്നിനി.. " "ആരാ വന്നേ നിന്നെ തേച്ചിട്ട് പോയ കാമുകനോ... " "അല്ല അന്നേ തേച്ചിട്ട് പോയ ആമി 😊" ശ്ശെ... വേണ്ടാരുന്നു. നമ്മക്കിട്ടു തന്നെ കൊണ്ട്. അപ്പോഴത്തെ പഞ്ചിനു ഇറങ്ങി പോന്നതാ.. വിശന്നിട്ട് വയ്യ... "ജിമ്മാ.. എന്ക്ക് പ്രേതത്തിനെ കാണിച്ചു തരുവോ.. " "മോള് പോയിട്ട് വണ്ടീടെ മിററിൽ നോക്ക് 🤭" "അങ്ങനെ ആണേ ഞാനിപ്പോ ഡ്രാക്കുളയെ കണ്ടോണ്ടിരിക്കുവല്ലേ 😂" അതും നമക്കിട്ടു തന്നെ 🥴. "അല്ല ജിമ്മാ ഈ മരത്തിലല്ലേ പ്രേതത്തിന്റെ വീട്.. " എന്നും പറഞ്ഞു പെണ്ണ് ആൽമരത്തിന്റെ മോളിലോട്ട് നോക്കുവാ.. "ഡീ പൊട്ടി.. അത് പാലമരം.. ഇത് ആൽമരം.. "

"ആഹ് രണ്ടും മരം തന്നല്ലേ 😏" ഇതിനൊക്കെ പറഞ്ഞാ നമ്മക്ക് പ്രാന്താവും. അതോണ്ട് ഞാൻ വിഷയം മാറ്റി. "ബാ നമ്മക്ക് വീട്ടിൽ പോവാ.. എനിക്ക് വിശക്കുന്നു.. " "ആഹ് ഞാൻ പറയാൻ വരുവാ.. വയറ്റീന്ന് കോഴി കൂവാൻ തൊടങ്ങി." അവിടുന്ന് എഴുന്നേക്കുമ്പോഴേക്ക് പവിടെ കാൾ വന്നു. "ഹലോ... എന്താടാ.. " "നിങ്ങള് ഇപ്പൊ എവിടെ ആണേലും ഫുഡ്‌ കായ്ച്ചിട്ട് ഇങ്ങോട്ട് വന്നാ മതിട്ടോ.. നിങ്ങടെ ഫുഡ്‌ തീർന്നു. അപ്പൊ ശെരി " എന്നും പറഞ്ഞു ചെക്കൻ ഫോൺ വെച്ചു. അവിടെ എല്ലാരും യുദ്ധം തൊടങ്ങി. ഇനി പോയിട്ട് വല്യ കാര്യോന്നില്ല 😒.തപ്പി നോക്കിയപ്പോ ഭാഗ്യത്തിന് പേർഴ്സ് കയ്യിലുണ്ട്. അതോണ്ട് നമ്മള് പെണ്ണിനേം വിളിച്ചു വണ്ടിയിൽ കേറി. പെണ്ണ് കേറാതെ നിക്കുവാ.. "എന്താടി വരുന്നില്ലേ... " "ഞാൻ വണ്ടി ഓടിച്ചോട്ടെ.. 😁" "ഒന്നു പോടീ.. 😳.എനിക്ക് ജീവിച്ചിരിക്കാൻ ആഗ്രഹുണ്ട്. " "ജിമ്മാ പ്ലീസ്..... ഒറ്റത്തവണ.. " "ഇപ്പൊ എനിക്ക് വിശക്കുന്നുണ്ട്.

ഫുഡ്‌ കയ്ച്ചിട്ട് നമ്മക്ക് തീരുമാനിക്കാ.. നീ കേറ്. " പെണ്ണിനേം കൊണ്ട് നമ്മള് തട്ട് കടേൽ ചെന്ന് നല്ല ദോശേം ചമ്മന്തിയും കയ്ച്ചു. പെണ്ണിനോട് ആരാ നേരത്തെ വിളിച്ചെന്നു ചോയ്ക്കാൻ കുറെ തവണ ആയി വിചാരിക്കുന്നു. പിന്നെ എന്തോ ചോയിച്ചില്ല. പെണ്ണ് കഴിച്ചു കയിഞ്ഞു എന്റെ കയ്യിൽ ഓൾടെ ഫോൺ തന്നിട്ട് കൈ കഴുകാൻ പോയി. അവള് പോയപ്പോ അതിലേക്ക് ഒരു കാൾ വന്നു. റോഷൻ എന്നാണ് നമ്പർ സേവ് ചെയ്തേക്കുന്നെ. ആരാണേലും അറിയാലോന്നു വെച്ചു ഞാൻ ഫോൺ അറ്റൻഡ് ചെയ്തു. "അമ്മുസേ... ഒന്ന് മിണ്ടടോ.. എത്ര തവണയായി ഞാൻ വിളിക്കുന്നു.. " ഇവനാരാ എന്ന് ചിന്തിച്ചു നിക്കുമ്പോ ആണ് അമ്മു വന്നേ. അതോണ്ട് ഞാൻ കാൾ കട്ട്‌ ചെയ്തു. അവന്റെ സംസാരത്തിൽ എന്തോ സ്പെല്ലിങ് മിസ്റ്റേക്ക് ഉണ്ട്. അറിഞ്ഞിട്ട് തന്നെ കാര്യം എന്നും വെച്ചു ഞാൻ അമ്മുനോട് ചോതിച്ചു. "അമ്മു ആരാ റോഷൻ...??? "......തുടരും.......................

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...