𝒀𝒐𝒖 𝑨𝒓𝒆 𝑴𝒚💕: ഭാഗം 27

എഴുത്തുകാരി: വിഷ്ണുപ്രിയ

"അമ്മു ആരാ റോഷൻ...??? " ആ പേര് കേട്ടപ്പോ തന്നെ പെണ്ണ് ഒന്ന് ഞെട്ടിട്ടുണ്ട്. "ഏത്.... റോഷൻ.. 😳" "നിന്നെ കൊറച്ചു മുമ്പ് വിളിച്ച റോഷൻ.. " പെണ്ണ് മുഖത്തു നോക്കാതെ നിക്കുവാ.. സംഭവം എന്തോ സീരിയസ് ആണെന്നാ തോന്നണേ.. പെണ്ണ് ആകെ ഓഫ്‌ ആയി. ഞാൻ ഇച്ചിരി കലിപ്പിൽ ഒക്കെയാ നിക്കണേ.. പേടിച്ചിട്ടെലും കാര്യം പറയട്ടെ.. പെണ്ണ് അവിടുന്ന് കരയും എന്ന് തോന്നിയപ്പോ ഞാൻ അവളേം വിളിച്ചു ആൽത്തറയിലേക്ക് വിട്ടു. "അമ്മു... നീ കാര്യം പറ.. ആരാ ഈ റോഷൻ??? " "അത്... അതെന്റെ... ഫ്രണ്ട് ആണ്.. " "അമ്മു..... നിന്നോട് സത്യം പറയാനാ പറഞ്ഞെ.. 😡" പെണ്ണ് കൊറച്ചു പേടിച്ചു. അതോണ്ട് സംഗതി തത്ത പറയണ പോലെ വരാൻ തൊടങ്ങി... ----------(ഫ്ലാഷ് ബാക്ക് )---------- പത്തിൽ എങ്ങനെയോ A+ വാരികൂട്ടിയപ്പോ ആണ് നമ്മടെ കസിന്സും ബന്ധുക്കളും കൂടി +1 സയൻസ് റെക്കമെന്റ് ചെയ്തത്.. വെല്യ ഡ്രീം ഒന്നും ഇല്ലാത്തതു കൊണ്ടും അനു ബോദോദയം വന്നു സയൻസ് എടുക്കാൻ തീരുമാനിച്ചത് കൊണ്ടും വെല്യ താല്പര്യം ഒന്നും ഇല്ലാതെ ഞാനും സയൻസ് എന്ന മഹാസാഗരത്തിൽ എടുത്തു ചാടി..🥴.

ഫസ്റ്റ് ഡേ അനുന്റെ പഠിക്കാനുള്ള ത്വര കാരണം എന്നേം വലിച്ചു ഫ്രെണ്ട് ബെഞ്ചിൽ പോയി ഇരുന്നു.പലതവണ മുങ്ങാൻ നോക്കിയെങ്കിലും അനു നൈസ് ആയി പൊക്കി കൂടെ തന്നെ പിടിച്ചിരുത്തി. അതും ഞാൻ സൈഡിൽ. എനിക്ക് വളരെ നല്ല ദിവസം ആയോണ്ട് നമ്മളെ പിടിച്ചു ലീഡറും ആക്കി 😕.ഫസ്റ്റ് ക്ലാസ്സ്‌ കേട്ടപ്പോഴേ പെണ്ണിന്റെ നന്നാവാൻ ഉള്ള ആഗ്രഹം ഒക്കെ ഓടി പോയി.ലാസ്റ്റ് ബെഞ്ച് നമ്മള് ഇങ്ട് എടുത്തു. ലാസ്റ്റ് നമ്മള് ലീഡർ ആയതു മിച്ചം. ഞാൻ ലീഡർ ആയോണ്ട് എല്ലാരിക്കും ഒടുക്കത്തെ സന്തോഷം.. പ്രത്യേകിച്ച് അനുന്. ഫ്രീ ആണേൽ ക്ലസ്സിൽ ഗാനമേളേം ഡാൻസും ഒക്കെ ആവും. സാർ ചീത്ത പറഞ്ഞാലും നമ്മക്ക് സീൻ ഇല്ല 😌ഒന്നിലുടെ കേട്ട് മറ്റേതിലുടെ അതങ്ങ് വിടും. അങ്ങനെ അത്യാവശ്യം കൊയപ്പൊന്നുല്ലാതെ പോയി കൊണ്ടിരിക്കുമ്പോ ആണ് കലോത്സവം ഓടിപാഞ്ഞു വന്നേ.. കലാപരമായി വെല്യ കഴിവ് ഒന്നുല്ലാത്തോണ്ട് നമ്മള് പ്രാക്ടീസ് ടൈംയിൽ ഗ്രൗണ്ടിൽ തേരാപാരാ നടക്കാറാണ് പതിവ്. അങ്ങനെ എപ്പോഴതെയിം പോലെ വൈകുന്നേരം പ്രാക്ടീസ്ന് വിട്ടപ്പോ ഞാനും മ്മടെ അനുവും ഗ്രൗണ്ടിലേക്ക് വിട്ടു.

അവിടെ +2വിലെ ഏട്ടന്മാർ ഫുട്ബോൾ കളിക്കുന്നുണ്ടാരുന്നു. ഫുട്ബോൾ എന്റെ വെൿനെസ്സ് ആയോണ്ട് ഞാൻ അവിടുള്ള മതിലിന്റെ മോളിൽ ഇരുന്നു കളി കാണാൻ തൊടങ്ങി. കളി നല്ല ത്രില്ലിൽ ആയപ്പോ കംമെന്ടറി ഉം ങ്ട് സ്റ്റാർട്ട്‌ ആയി. പേര് അറിയാവുന്നവരുടെ ഒക്കെ പേര് പറഞ്ഞു. അറിയാത്തവർക്ക് നമ്മള് നല്ല നല്ല പേരുകള് ഇട്ട് കൊടുക്കാൻ തൊടങ്ങി. ചില കോമഡി പേര് ആവുമ്പോ ഏട്ടന്മാര് എന്നെ നോക്കി കണ്ണുരുട്ടുന്നുന്ടെലും മൈൻഡ് ആക്കിയില്ല. അങ്ങനെ കളി നല്ല ത്രില്ലിൽ നടന്നു കൊണ്ടിരിക്കുവാ.. കംമെന്ടറിയും😜. അപ്പോഴാണ് പ്യൂണേട്ടൻ ബെൽ അടിക്കാൻ പോണത് കണ്ടത്. പ്യൂണേട്ടൻ ലോങ്ങ്‌ ബെൽ അടിക്കാൻ പോകുമ്പോ ഇവിടെ വിധി നിർണയിക്കുന്ന പെനാൽറ്റി അടിക്കാൻ പോകുവാരുന്നു.. ഇപ്പൊ സമനില ആണ് പെനാൽറ്റി കിട്ടിയാ ജയിക്കും. എല്ലാരും ആകാംക്ഷയുടെ മുൾമുനയിൽ നിൽക്കുവാ.. അത്യാവശ്യം നീളം ഒക്കെ ഉള്ള കാണാൻ നല്ല ലുക്ക്‌ ഉള്ള ചേട്ടനാണ് അടിക്കാൻ നിക്കണേ. ചേട്ടാ അടിച്ചോണേ... എന്ന് ആഹ് ചേട്ടനോട് വിളിച്ചു കൂവി പറഞ്ഞോണ്ടിരിന്നപ്പോ ആഹ് ഏട്ടൻ എന്നെ നോക്കി നൈസ് ആയോന്ന് ചിരിച്ചു തന്നതേ ഉള്ളു.

ആഹ് ചേട്ടൻ തന്റെ നെറ്റിയിലേക്ക് വീണു കിടക്കുന്ന മുടി ഒരു കൈകൊണ്ട് ഒതുക്കി ബോളിനെ ലക്ഷ്യം വച്ചു വന്നു..... ഒറ്റ അടി..... ഗോളിയേട്ടന് അത് പിടിക്കാൻ കൈഞ്ഞില്ല... ഗോൾ... 🤩💃💃💥💥 സന്തോഷം കൊണ്ട് ഞാൻ തുള്ളി ചാടുവാരുന്നു. മതിലിന്റെ മോളീന് ഒറ്റ തുള്ളിനു താഴെ എത്തി.. അവിടെ കിടന്നു ഒരേ ഡാൻസ്. അനു പിടിച്ചു വെക്കാൻ നോക്കിട്ടും ഞാൻ ഓളെ തട്ടി മാറ്റി. ആ സന്തോഷത്തിനു നേരെ ഗോൾ അടിച്ച ചേട്ടന്റെ അടുത്തേക്ക് ഓടി പോയി ആഹ് ചേട്ടന്റെ കൈപിടിച്ച് രണ്ടു തുള്ളൊക്കെ തുള്ളി അറിയാതെ ഒന്ന് കെട്ടിപിടിച്ചു പോയി.. ആഹ് സന്തോഷത്തിനു ചുറ്റും ആളുള്ളതും ഒന്നും പെട്ടന്ന് അങ്ങ് കത്തിയില്ല 🙂. അത്ര നേരവും ഉണ്ടാരുന്ന ഒച്ചയും ബഹളവും ഒക്കെ പെട്ടന്ന് നിന്നപ്പോൾ ആണ് ഞാൻ ചുറ്റും നോക്കിയേ.. എല്ലാരും എന്നേം ആഹ് ചേട്ടനേം മാറി മാറി നോക്കുവാ.. ആഹ് ചേട്ടനാണേൽ എന്നെ എന്തോ വിചിത്ര ജീവിയെ പോലെ നോക്കുവാ..,

ഞാൻ ആഹ് ചേട്ടനും ചുറ്റും നിക്കുന്നവർക്കും ഒന്ന് ഇളിച്ചു കൊടുത്തു 😁. അനു എന്നെ നോക്കി കണ്ണുരുട്ടുന്നുണ്ട്. ആകെ പണി പാളി എന്ന് അവള്ടെ നോട്ടത്തിൽ നിന്ന് നോട്ടീസ് അടിച്ച പോലെ മനസ്സിലാവുന്നുണ്ട്. എങ്ങനെ അവിടുന്ന് സ്കൂട്ട് ആവും എന്ന് ആലോയിച്ചു നിക്കുമ്പോ ആണ് പ്യൂണേട്ടൻ ലോങ്ങ്‌ ബെൽ അടിക്കണത്. പിന്നെ ഒന്നും നോക്കിയില്ല.. അടുത്ത സെക്കൻഡിൽ വീട്ടിൽ എത്തിയിരുന്നു 😇. പിറ്റേ ദിവസം എല്ലാരും അത് മറന്നിട്ടുണ്ടാവും എന്ന ഒറ്റ വിശ്വസത്തിൽ ഞാൻ സ്കൂളിലേക്ക് പോയെ... (ലീവ് ആക്കാൻ നോക്കിയതാ അമ്മ കണ്ടു പിടിച്ചു 🙈) രാവിലത്തെ ഇന്റെർവെല്ലിനു നോട്ട്സ് ഒക്കെ കോളേക്ട് ചെയ്തു സ്റ്റാഫ്‌ റൂമിൽ കൊണ്ട് വച്ചു തിരിച്ചു ക്ലസ്സിലോട്ടു പോകാൻ നിക്കുമ്പോ ക്ലസ്സിന്റെ മുന്നില് ദേണ്ടെ നിക്കണ് ഇന്നലെ ഫുട്ബോൾ കളിച്ച ചേട്ടന്മാര്........തുടരും.......................

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...