𝒀𝒐𝒖 𝑨𝒓𝒆 𝑴𝒚💕: ഭാഗം 35

എഴുത്തുകാരി: വിഷ്ണുപ്രിയ

"കണ്മഷി പടർന്ന കണ്ണുകൾ നിന്നെ സുന്ദരമാക്കും പോലെ നിന്റെ പ്രണയം എന്നിൽ വെണ്മ പകരുന്നു.." ആഹാ.. ജിമ്മൻ പൊളിക്കുവാണല്ലോ.. ഞാൻ ഒന്നൂടെ ആ വരികൾ വായിച്ചു നോക്കി. ഹ്മം കൊള്ളാം..എന്നും മനസ്സിൽ പറഞ്ഞപ്പോ മുഖത്തു ചെറിയൊരു ചിരി വിരിഞ്ഞു.മുഖമുയർത്തി നോക്കിയപ്പോ ആണ് എല്ലാരും അവിടെ ഉള്ള കാര്യം ഓർമ വന്നേ. ആരും കണ്ടില്ലന്നു തോന്നുന്നു. ഞാൻ വെറ്തെ ചുറ്റും കണ്ണോടിച്ചു നോക്ക്യപ്പോ ജിമ്മൻ ഇങ്ങോട്ട് വരുന്നത് കണ്ടു. ആകെ സെഡ് ആയിട്ടാ വരുന്നേ.. നേരത്തെ അങ്ങനൊന്നും പറയണ്ടാരുന്നു..☹️. അപ്പോഴേക്കും അമ്മേം അച്ഛനുമൊക്കെ യാത്ര പറഞ്ഞു ഇറങ്ങിയിരുന്നു. ഏട്ടൻ ജിമ്മനോട് പറഞ്ഞു കാറിൽ കയറി ഇരുന്നു. ഞാൻ ജിമ്മനെ നോക്കിയപ്പോ ഒരു നേർത്ത പുഞ്ചിരി മാത്രം ആരുന്നു മറുപടി. അത് കണ്ടപ്പോ എന്റെ കണ്ണ് നിറഞ്ഞു.. അതാരും കാണാതിരിക്കാൻ വേണ്ടി കാറിൽ കയറി ഇരുന്നു. അപ്പോഴും ജിമ്മൻ എന്നെ തന്നെ നോക്കുവാരുന്നു.. ഞാൻ കാരണം വെറുതെ...😒😞. അച്ഛനും അമ്മയും കാറിന്ന് എന്തൊക്കെയോ പറഞ്ഞു എങ്കിലും ഞാൻ ഒന്നും കേട്ടില്ല..

മനസ്സ് ഫുൾ ജിമ്മന്റെ അടുത്തായിരുന്നു. രണ്ട് ബുക്കും ബാഗും കയ്യിലുള്ളൊണ്ട് ഞാൻ കോളേജിൽ പോകാന്നു വെച്ചു. ഈ അവസ്ഥയിൽ വീട്ടിലിരുന്ന ചിലപ്പോ ഞാൻ ഡിപ്രേഷൻ അടിച്ചു പടമാകും. അതോണ്ട് ഏട്ടൻ എന്നെ കോളേജിൽ ഇറക്കി വിട്ടു. ക്ലസ്സ് തുടങ്ങിയിട്ടുണ്ടാവുന്നോണ്ട് ഞാൻ ലൈബ്രറിയിലേക്ക് പോയി. ഇന്ന് കോളേജിന്റെ പടി പോലും ചവിട്ടൂലന്നും പറഞ്ഞു അനുനോട് തള്ളിയതാ.. വരുന്ന കാര്യം അറിഞ്ഞിരുന്നേൽ അവളും ക്ലാസ്സിൽ കേറില്ലാരുന്നു...ഞാനും വിചാരിച്ചില്ലലോ.. വായിക്കാൻ ഒന്നും ഒരു മൂഡില്ലാത്തോണ്ട് ഞാൻ വെറുതെ ഒരു ബുക്കും എടുത്തു ആരും ഇല്ലാത്ത ടേബിളിൽ പോയിരുന്ന് പേജ് മറിച്ചു കളിച്ചു. പണ്ടുമുതലേ പഠിക്കാനിരുന്നാലുള്ള മെയിൻ പരിപാടിയാ ബുക്കിന്റെ ഒക്കെ പേജിന്റെ എണ്ണം നോക്കുന്നത്. അതില് പേജ് നമ്പർ ഇണ്ടെങ്കിലും ഞാൻ കൂടി ഒന്ന് എണ്ണിനോക്കും 😌. പേജിന്റെ കണക്കെടുപ്പൊക്കെ കഴിഞ്ഞിട്ടും അടുത്തക്ലാസ്സ്‌ തൊടങ്ങാൻ 15മിനിറ്റ് ബാക്കി ☹️. വായിനോക്കാൻ പോലും ഒരുത്തനേം കാണാൻ ഇല്ല. ലൈബ്രറിയിലെ ചേട്ടനെ വരെ എവിടേം കണ്ടില്ല.

എന്നാ പിന്നെ എല്ലാ ആപ്പിലും കേറി പ്രേസേന്റ് പറഞ്ഞിട്ട് വരാം എന്ന് വിചാരിച്ചു ഫോൺ എടുത്തു. ഫസ്റ്റ് തന്നെ വാട്സാപ്പ് ഓപ്പൺ ആക്കി. ആദ്യം നോക്കിയത് അൺനോൺ നമ്പറിന്ന് ജിമ്മന്റെ മെസ്സേജ് വന്നോന്നാണ്.. വന്നിട്ടില്ല... എന്തോ നിരാശ പോലെ തോന്നി. ഞാൻ രാവിലെ അങ്ങനൊക്കെ പറഞ്ഞോണ്ടായിരിക്കിവോ..ജിമ്മനെ വിളിച്ചു നോക്കിയാലോ.. ഈ നമ്പറിൽ തന്നെ വിളിക്കാം.. അല്ലെ വേണ്ടാ.. എനിക്ക് പുള്ളിനോട് ഇഷ്ട്ടം ഇണ്ടായിട്ടാ വിളിക്കുന്നെന്നു വിചാരിക്കും.. "ഹലോ... എന്താണ് മാഡം... ക്ലാസ്സിൽ ഒന്നും കേറണ്ടേ.." ഇതെവിടുന്നാ വന്നേ... ആരേം കാണാനും ഇല്ലല്ലോ.. വല്ല ആശരീരിയും ആരിക്കുവോ 🤔.എഴുന്നേറ്റു ചുറ്റും നോക്കിയപ്പോ പുറകിൽ നിക്കുന്നു നമ്മടെ വരുൺ സാർ. ഇങ്ങേർക്ക് ക്ലാസ്സ്‌ ഒന്നുല്ലേ.. ആഹ് എന്തായാലും കമ്പനിക്ക് ഒരാളായി എന്ന സന്തോഷത്തിൽ സർനോട് ഇരിക്കാൻ പറഞ്ഞു. "കൊറച്ചു ദിവസായല്ലോ കണ്ടിട്ട്..എവിടെയോ പോയിരിക്കുവാണെന്ന് തന്റെ വാനരപട പറഞ്ഞു." ഞാൻ ഒന്ന് ചിരിച്ചു കൊടുത്ത്. ഇങ്ങേരോട് അന്ന് പറഞ്ഞത് ജിമ്മൻ അറിഞ്ഞിട്ടാണോ ഇനി എന്നെ കേറി പ്രേമിച്ചേ.🙄. അല്ലാതെ എന്നെ പ്രേമിക്കാൻ മാത്രം കോഴി ഒന്നുവല്ല ജിമ്മൻ..എന്നാലും എന്ത് കണ്ടിട്ടാണാവോ 🤔.

പെട്ടന്ന് ഫോണിലെ നോട്ടി സൗണ്ട് കേട്ട് ജിമ്മനാവാണെന്നും വിചാരിച്ചു ഓപ്പൺ ആക്കി നോക്കി. ഗ്രൂപ്പിൽ ആരോ മെസ്സേജ് ഇട്ടതാ.. ഇതും ജിമ്മനല്ല 😒. രാവിലെ പറഞ്ഞതൊക്കെ ഓർത്തപ്പോ വീണ്ടും സങ്കടം വരാൻ തൊടങ്ങി. എന്നാലും എന്റെ ജിമ്മാ.. ഞാൻ അറിഞ്ഞോ ഇത്രക്ക് ഫീൽ ആകുംന്ന്.. മസ്സിൽ മാത്രേ ഉള്ളൂ.. അഞ്ചുപൈസേടെ വിവരം ഇല്ല. "അമ്മു...താനിതേത് ലോകത്താ.."(സാർ ) സിറിന്റെ സൗണ്ട് കേട്ടപ്പോഴാ സാർ അവിടെ ഇരിക്കുന്ന കാര്യം ഞാൻ ഓർത്തെ. ഇത്രയും നേരത്തെ എക്സ്പ്രേഷൻ ഒക്കെ കണ്ടിട്ടുണ്ടാവുമല്ലോന്ന് ഓർത്തപ്പോ ചെറിയ ചമ്മൽ തോന്നി. സാർ എന്തോ ചോയ്ക്കാൻ പോയപ്പോ ഞാൻ വേഗം ഇടെല്ല് കേറി വിഷയം മാറ്റി. "സാർ, അനുന്റെ കാര്യം എന്തായി 😁" "എടൊ.. അവളെന്റെ സ്റ്റുഡന്റ് അല്ലെ. നീ അവളെ പറഞ്ഞു മനസ്സിലാക്കു.." "അപ്പൊ ഞാൻ സ്റ്റുഡന്റ് അല്ലെ.." "താൻ എന്റെ സ്റ്റുഡന്റ് ആണെന്ന് അറിയും മുന്നേ ഞാൻ പെണ്ണ് കാണാൻ വന്നിറ്റെ.." "അന്ന് കാണാൻ വന്നത് അവളെ ആണെന്ന് വിചാരിച്ചോ...

അന്ന് അവളെ അവിടെ വെച്ചു കണ്ടില്ലേ.. അത് പെണ്ണ് കാണൽ ആയി കൂട്ടിക്കോ..സോ സിമ്പിൾ..😌" "എടൊ... അത്.." സാർന്റെ ഭാഗ്യത്തിന് അപ്പോഴേക്കും അടുത്ത ക്ലസ്സിനുള്ള സമയം ആയോണ്ട് എന്നെ ക്ലാസ്സിലേക്ക് പറഞ്ഞു വിട്ടു. കൊറച്ചു സമയും കൂടി അവിടെ നിന്നെങ്കി രണ്ടാൾടേം എൻഗേജ്മെന്റ് കൂടെ ഞാൻ നടത്തി കൊടുത്തേനെ 🤭. സാർടെ ക്ലാസ്സ്‌ തന്നെ ആരുന്നത് കൊണ്ട് സിറിന്റെ കൂടെ തന്നെ ക്ലാസ്സിലേക്ക് പോയി. സാർന്റെ കൂടെ ക്ലാസ്സിൽ കേറിയപ്പോ സാർ നെ കണ്ടിട്ട് എല്ലാരും എണീച്ചു നിന്നു.അത് കണ്ട് പുറകിലുണ്ടായ ഞാൻ എല്ലാരോടും ഇരിക്കാൻ ആക്ഷൻ കാണിച്ചതും എല്ലാരും ചിരിക്കാൻ തൊടങ്ങി. അത് കണ്ട് സാർ തിരിഞ്ഞു നോക്കിയപ്പോ എന്നെ കണ്ടതും കാര്യം മനസ്സിലായൊണ്ട് എന്നെ നോക്കി കണ്ണുരുട്ടി പോയി ഇരിക്കാൻ പറഞ്ഞു.ഞാൻ ഒരു ക്ലോസപ്പും സമ്മാനിച്ചു ഉത്തരവ് പോലെ പോയിരുന്നു. നമ്മടെ ഗാങ് ഫുൾ ഞാനെന്താ ഇവിടെ എന്നുള്ള ഭാവത്തിൽ നോക്കുന്നുണ്ട്. ഇല്ലെങ്കി എന്തേലും കാരണം ഉണ്ടാക്കി വരാതിരിക്കുന്ന ഞാനാ... എല്ലാം ജിമ്മന്റെ ലിലാവിലാസങ്ങൾ 😌... സാർ ക്ലാസ്സ്‌ എടുത്തോണ്ടിരിക്കുമ്പോ അനുവും അജുവും എല്ലാം കയ്യും കാലും കണ്ണും ഒക്കെ കൊണ്ട് എന്താ കാര്യം എന്നറിയാൻ കഷ്ടപെടുവാ 🤭😂.

(അജു കോളേജിലെ എന്റെ ചങ്ക് ആണുട്ടോ.. ഇത് വരെ പരിചയപ്പെടുത്താൻ ഗ്യാപ് കിട്ടീട്ടില്ല.. ഇപ്പോഴാ ആ ശുഭ മുഹൂർത്തം വന്നേ 😁.എന്നെ പോലെ ഒന്നും അല്ല വൻ ദുരന്തം ആണ് 😌. ഞാനയത് കൊണ്ട് വിവരം ഇല്ലാത്ത അവനെ ഒക്കെ കൂടെ കൊണ്ട് നടക്കുവാ..😇) എന്താ അവര് ചോയ്ക്കുന്നെന്നു അറിയാവെങ്കിലും പാവം ഞാൻ നിഷ്കു ആയി കമ്പിളി പുതപ്പും കളിച്ചിരുന്നു 😇. അവര്ടെ ആംഗ്യഭാഷ ഒക്കെ സാർ കാണുന്ന വിവരം പാവങ്ങൾ അറിഞ്ഞില്ല, അറിഞ്ഞ ഞാൻ വെറുതെ പറഞ്ഞു ചളമാക്കണ്ടാന്ന് വെച്ച് പറഞ്ഞില്ല. "അർജുൻ, ഞാനിവിടെ കഷ്ടപ്പെട്ട് ക്ലാസ്സ്‌ എടുത്തോണ്ടിരിക്കുമ്പോ നീ അവിടെ കഥകളീം കാണിച്ചോണ്ടിരിക്കുവാനോ..🤨" അശരീരി കേട്ടതും അവൻ ഒരു കൂസലും ഇല്ലാണ്ട് എണീറ്റു നിന്നു. "സാർ അയിന് കഥകളീടെ കോസ്ട്യൂമ് ഇതല്ലലോ 🙄" "ആഹ് നിനക്കിനി കോസ്ട്യൂമിന്റെ കൊറവു കൂടിയേ ഉള്ളു ബാക്കി ഒക്കെ ആയി..🤦‍♂️. ഇപ്പൊ എന്താ എടുക്കുന്നെന്നു വല്ല പിടിത്തും ഇണ്ടോ ആവോ.." സത്യം പറഞ്ഞാ എന്താ എടുക്കുന്നെന്നു അറിയാൻ പാടില്ലാത്തോണ്ട് ഞാൻ ഒന്നും മിണ്ടാൻ പോയില്ല.

അനു വേഗം ആരോടൊക്കെയോ ചോതിച്ചു പറഞ്ഞു കൊടുത്തു. സാർ അത് കണ്ടങ്കിലും അനു ആയതോണ്ട് ഒന്നും പറഞ്ഞില്ല 🤭. അങ്ങനെ ചെക്കനും രക്ഷപെട്ടു. അങ്ങനെ സാർന്റെ ക്ലാസ്സൊക്കെ കഴിഞ്ഞു ഫുഡ്‌ അടിക്കാൻ വേണ്ടി കാന്റീനിലേക്ക് വിട്ടു. ഞാൻ ഉടനെ തന്നെ ഫോൺ എടുത്തു വാട്സാപ്പിൽ കേറി ജിമ്മന്റെ മെസ്സേജ് വന്നൊന്ന് നോക്കി. അൺനോൺ നമ്പറിന്ന് മെസ്സേജ് ഒന്നും വന്നിട്ടില്ല. ജിമ്മന്റെ റിയൽ നമ്പറിൽ നിന്ന് മെസ്സേജ് വന്നിട്ടുണ്ട്. എന്തായാലും കൊറച്ചു സന്തോഷം വന്നു. പെട്ടന്ന് മെസ്സേജ് എടുത്തു നോക്കാൻ മനസ്സ് പറഞ്ഞെങ്കിലും എന്തോ ചമ്മൽ തോന്നി. എന്താന്ന് അറിയാനുള്ള ആകാംഷ കാരണം എടുത്തു നോക്കി. മെസ്സേജ് വായിച്ചതും കണ്ണൊക്കെ നിറഞ്ഞു വരാൻ തുടങ്ങി.....തുടരും.......................

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...