𝒀𝒐𝒖 𝑨𝒓𝒆 𝑴𝒚💕: ഭാഗം 36

എഴുത്തുകാരി: വിഷ്ണുപ്രിയ

മെസ്സേജ് വായിച്ചതും കണ്ണൊക്കെ നിറഞ്ഞു വരാൻ തുടങ്ങി. ഫോണിലെ മെസ്സേജ് ഒക്കെ ബ്ലർ ആകുന്ന പോലെ... കരച്ചിൽ തൊണ്ടയിൽ കുടുങ്ങിയ പോലെ എനിക്കൊരു വീർപ്പുമുട്ടൽ അനുഭവപ്പെട്ടു. അത്രയും സമയം അവരുടെ കത്തിയടിയിൽ കേറി കമന്റ്റിക്കൊണ്ടിരുന്നിട്ട് പെട്ടന്ന് സൈലന്റ് ആയതോണ്ടാണെന്ന് തോന്നുന്നു അവരെന്നെ ഒന്ന് നോക്കി. അവര് നോക്കുമ്പോഴേക്ക് കണ്ണ് നിറഞ്ഞു തുളുമ്പിയിരുന്നു. അത് കണ്ട് രണ്ടാൾടേം കിളി പോയി എന്ന് പിന്നെ പ്രേത്യേകിച്ചു പറയണ്ടല്ലോ.. എന്താ കാര്യം എന്ന് മാറി മാറി ചോയ്ച്ചെങ്കിലും എന്ക്ക് പറയാൻ പറ്റിയില്ല. കരഞ്ഞു സീൻ ആക്കി കുളമാക്കണ്ട എന്ന് വെച്ച് അവരും ഫുഡ്‌ കയ്ക്കൽ മതിയാക്കി ലൈബ്രയിലേക്ക് വിട്ടു. അവിടെ ഇപ്പൊ ആരും ഉണ്ടാവില്ല. ഒരു പ്രൈവസി ഒക്കെ കിട്ടും. അവര് കുറെ സമയം സമാദാനത്തിന്റെ ഭാഷയിൽ കാര്യം എന്താന്ന് ചോയ്ച്ചിട്ടും എനിക്ക് ഒന്നും പറയാൻ പറ്റിയില്ല.

കരച്ചിൽ ഒക്കെ ഒന്ന് കുറയുന്ന വരെ രണ്ടും എന്നെ മൈൻഡ് ചെയ്യാണ്ട് ഏതോ ബുക്കും എടുത്തു അതിൽ നോക്കി ഇരുന്നു. ഞാൻ കരച്ചിൽ ഒക്കെ നിർത്തി രണ്ടിനേം നോക്കിയപ്പോ എന്നെ അറിയുക വരെ ഇല്ല എന്നാ രണ്ടിന്റേം ഭാവം.. "അനു..." അവള് ഒന്ന് നോക്കുന്നു പോലും ഇല്ല.. അതും കൂടി ആയപ്പോ സങ്കടം ഇച്ചിരി കൂടെ കൂടി.. "ഡീ..." എന്നും വിളിച്ചു അവളെ ചെന്ന് കെട്ടിപിടിച്ചു വീണ്ടും അണക്കെട്ടിന്റെ ഷട്ടർ തുറന്നു.. എന്നെ അവളും ചേർത്ത് പിടിച്ചു. അവള്ടെ സ്നേഹം അതിലുണ്ടാരുന്നു.. "എന്താടാ... എന്താ എന്റെ അമ്മുസിന് പറ്റിയേ.. ഇത്രേം നേരം ഒന്നുണ്ടാരുന്നില്ലലോ.. ചുമ്മാ എന്നേം കൂടി കരയിപ്പിക്കല്ലേ അണ്ണാച്ചി.." "ജിമ്മൻ... ജിമ്മൻ കല്യാണത്തിന് സമ്മതല്ലന്ന് പറഞ്ഞു..." പറഞ്ഞതും കരച്ചിലിന്റെ സ്ട്രോങ്ങ്‌ കൂടി. അവളെന്നെ അടർത്തി മാറ്റി, കൊണ്ട് തുറിച്ചു നോക്കുന്നുണ്ട്. "നീ എന്താ പറയുന്നേ.. നീ അല്ലെ പറഞ്ഞെ നിന്നെ പുള്ളിക്ക് ഇഷ്ടാണെന്നും വീട്ടിൽ എല്ലാരും കല്യാണത്തിന് തീരുമാനിച്ചുന്നൊക്കെ..

പിന്നെ ഇപ്പൊ എന്താ.." അനുവിനു ഇന്ന് രാവിലെ നടന്നതൊഴികെ എല്ലാ കാര്യവും അറിയായിരുന്നു. അവളത് അജുനോടും പറഞ്ഞിട്ടുണ്ടാകും . ഇന്ന് രാവിലെ നടന്നതൊക്കെ കഷ്ടിച്ച് കരച്ചിലിനിടയിൽ പറഞ്ഞൊപ്പിച്ചു. വീണ്ടും കരച്ചിൽ സ്റ്റാർട്ട്‌ ചെയ്തു. "നീ അല്ലെ ഇത്രേം ദിവസം ജിമ്മനെ ഇഷ്ട്ടല്ല.. കല്യാണത്തിന് സമ്മതല്ലന്നൊക്കെ പറഞ്ഞു നടന്നെ.. പിന്നെ ഇപ്പൊ എന്തിനാ കെടന്ന് കരയുന്നെ.." ഞാൻ അവളെ ഒന്ന് രൂഷമായി നോക്കി കരച്ചിൽ കണ്ടിന്യൂ ചെയ്തു. അവക്ക് കൊടുക്കാൻ മറുപടി എന്റെ കയ്യിൽ ഇല്ലാരുന്നു. സത്യം പറഞ്ഞാ ഞാൻ എന്തിനാ കരയുന്നെന്ന് തന്നെ ഞാനിപ്പൊഴാ ആലോയിക്കുന്നെ.. ശ്ശെ വെറുതെ കണ്ണീരു വേസ്റ്റ് ആക്കി. കരച്ചിൽ നിർത്താനും ഇപ്പൊ പറ്റുന്നില്ല. "ഡീ... മരപ്പട്ടി അപ്പൊ നിനക്ക് ജിമ്മനെ ഇഷ്ടാണല്ലേ... ഇത് നിന്റെ വായ്യിന്ന് കേക്കാൻ ഞാൻ എത്ര നാളായി വെയിറ്റ് ചെയ്യുന്നുന്നോ.. ഒന്നും അങ്ങനെ തുറന്നു പറയാൻ പാടില്ല കുരിപ്പേ 😐" "അയിന് ഞാൻ പറഞ്ഞോ എന്ക്ക് ജിമ്മനെ ഇഷ്ടാണെന്ന്.. എനിക്ക് ഇഷ്ടോന്നുല്ല.. ഏട്ടന്റെ ഫ്രണ്ട് എന്ന രീതില് ഇഷ്ട്ടാ.. അല്ലാതെ ഒന്നുല്ലാ.." "പിന്നെ എന്ത് തേങ്ങക്കാടി നീ കെടന്നു കരയുന്നെ.. നിനക്ക് പുള്ളിനെ ഇഷ്ടാണ്ണെന്നു നമ്മക്ക് രണ്ടാക്കും അറിയാം..അതിതുവരെ നിനക്ക് മനസ്സിലായിട്ടില്ല..

ഡീ കോപ്പേ നിനക്കിപ്പോ പുള്ളിനോട് തോന്നുന്നത് തന്നെയാ ഈ പ്രേമം.."(അജു ). "എടാ..." "നീ ഇനി അല്ലെന്നൊന്നും പറയണ്ട.. ഇനി നീ അല്ലെന്ന് വല്ലോം പറഞ്ഞ പൊന്നു മോളെ ഞാൻ നിന്നെ അടിക്കും 🤨😡" "ഞാനും അടിക്കും..😠" രണ്ടാളും നല്ല കലിപ്പിൽ ആയോണ്ട് ഇനി വല്ലോം പറഞ്ഞാ എന്നെ ബാക്കി വെക്കൂലാന്ന് ഉറപ്പാ.. അതോണ്ട് ഒന്നും മിണ്ടിയില്ല. സത്യം പറഞ്ഞാ എന്ക്ക് പുള്ളിനോട് പ്രേമം തന്നെ ആരുന്നോ..🤔. ഏയ്യ്... എന്നാലും ജിമ്മൻ എന്നെ കെട്ടാൻ പോണെന്നു കേട്ടപ്പോ ഇച്ചിരി സന്തോഷം ഒക്കെ ഇണ്ടായതാ.. ബട്ട് ഏട്ടന്റെ ഫ്രണ്ടല്ലേ.. എന്നാലും എന്നെ വേണ്ടന്ന് പറഞ്ഞില്ലേ ദുഷ്ടൻ 😪😢. എന്നെ വേണ്ടെങ്കി എനിക്കും വേണ്ടാ.. അല്ല പിന്നെ.. കോപ്പ്..ഈ കരച്ചില് മാത്രം നിക്കുന്നില്ല. തലയൊക്ക വേദനിക്കുന്നു. രാവിലെ അങ്ങനൊക്കെ പറഞ്ഞോണ്ടാരിക്കുവോ ജിമ്മൻ അങ്ങനെ പറഞ്ഞെ.. എല്ലാം ഞാൻ കരണാ 😭. ഞാൻ അനുന്റെ തൊളില് തല ചെയ്ച് കിടന്നു. "അടിപൊളി ആയിട്ടുണ്ട്.. ഇത്രേം ദിവസും പുള്ളി നിന്റെ പുറകെ വന്നു. അപ്പൊ അവക്ക് ഒടുക്കത്തെ ജാഡ..

ഇപ്പൊ വേണ്ടന്ന് പറഞ്ഞപ്പോ കെടന്നു മോങ്ങുന്നു....നിനക്ക് അന്ന് തന്നെ മര്യാദക്ക് ഇഷ്ട്ടന്ന് പറഞ്ഞിരുന്നെലോ..എനിക്ക് നല്ല ദേഷ്യം വരുന്നുണ്ട്.. നീ കൊറച്ചു അങ്ങോട്ട്‌ മാറി നിന്നോ.. ഞാൻ ചിലപ്പോ പിടിച്ചു അടിക്കും.. നാണുല്ലല്ലോ ഇപ്പൊ കെടന്നു കരയാൻ 😠"(അജു ) "എടാ.. എനിക്കിഷ്ടാണ്.. അത് പുള്ളിക്കും മനസ്സിലാകുംന്ന വിചാരിച്ചേ.. ചോയ്ക്കുമ്പോ അങ്ങ് സമ്മയിച്ചു കൊടുക്കാൻ തോന്നിലാ.. അത് എന്നെ വിട്ടു പോവൂല്ലന്ന് ഉറപ്പുളൊണ്ടായിരുന്നു.. അല്ലാതെ...." എന്നും പറഞ്ഞു ഞാൻ മുഖം കൈകൊണ്ടു മറച്ചു നേരത്തിനേക്കാളും സ്ട്രോങ്ങിൽ കലാപരിപാടി റെസ്റ്റാർട്ട് ചെയ്തു. അത് കണ്ടിട്ട് രണ്ടിനും സഹിച്ചില്ല..എത്ര കലിപ്പായലും രണ്ടിനും ഒടുക്കത്തെ സ്നേഹാണ് 😍. രണ്ടും വന്നെന്നെ കെട്ടിപിടിച്ചു. "അയ്യേ... ഗുണ്ടത്തലവൻ കരയാൻ പാടില്ല... അയ്യയ്യേ.. നാണക്കേട്.. ഇത് നിന്റെ ഫാൻസ്‌ക്കാര് വല്ലോം കണ്ടാ നാണക്കേട് ആണുട്ടോ.. കണ്ണ് തൊടക്കടി പൊട്ടിക്കാളി.."(അനു ) "എന്റെ അമ്മുസേ.. നിന്റെ വായ്യിന്ന് ഇഷ്ട്ടാണെന്ന് കേക്കാൻ വേണ്ടി മാത്രാ ഞാൻ കഷ്ടപ്പെട്ട് ഇത്രേം ഡയലോഗ് അടിച്ചേ.. നിനക്ക് പുള്ളിനെ ഇഷ്ടാണെൽ ആരെ തട്ടിയിട്ടാണെലും നിന്നെ പുള്ളിടെ തലേൽ കെട്ടി വെക്കും.."(അജു ) "എന്തോ.. എങ്ങനെ.. ആരെയോ തട്ടുന്ന കാര്യോമറ്റോ പറയുന്ന കേട്ടല്ലോ.."

"ഈ 😁. കരഞ്ഞു കാലുപിടിച്ചിട്ടാണേലും കെട്ടിച്ചി തരും 😁😌..." "അങ്ങനെ പറ.." ഞാൻ രണ്ടിനേം കെട്ടിപിടിച്ചു.. ക്ലാസ്സിൽ ഒന്നും കേറാൻ മൂഡില്ലാത്തോണ്ട് ലൈബ്രറിയിലും കാന്റീനിലും ഒക്കെ ആയി ചുറ്റി തിരിഞ്ഞു നടന്നു. എന്തോ ഭാഗ്യത്തിന് അന്നെന്തോ പരിപാടി ഉണ്ടായൊണ്ട് കോളേജിന്ന് മുങ്ങി. കരഞ്ഞു കരഞ്ഞു എന്റെ ഉണ്ടാക്കണ്ണൊക്കെ ഇടുങ്ങി ചെറുതായി. വീട്ടിൽ കേറുമ്പോ എന്ത് പറയും എന്നോർത്തിട്ട് ഒരു പിടിത്തവും ഇല്ല. എല്ലാവരും കല്യാണം മുടങ്ങിയതറിഞ്ഞു സങ്കടത്തിൽ ആരിക്കും.. എല്ലാം ഞാൻ കരണാ..😭. വീട്ടിൽ എത്യപ്പോ മുന്നില് തന്നെ അമ്മേം അച്ഛനും ഇരിക്കുന്നുണ്ടാരുന്നു. എന്റെ മുഖം കണ്ടിട്ടാണെന്ന് തോന്നുന്നു രണ്ടാൾടേം മുഖത്തു പരിഭ്രമം കാണാനിണ്ട്. കണ്ട ഉടനെ അമ്മ ഓടി അടുത്തേക്ക് വന്ന്‌. "എന്താ മോളെ പറ്റിയെ.. മുഖം ഒക്കെ വല്ലാതെ ആയിട്ടുണ്ടല്ലോ.. വല്ല പ്രശ്നും ഇണ്ടായോ.." "ഇല്ലമ്മേ.. തലവേദന.. അതോണ്ടാവും.. കൊറച്ചുസയിട്ട് ഉറക്കം ഒന്നും ശേരിയായില്ലല്ലോ അതോണ്ടാവും.." "എന്താടാ.. എന്റെ അമ്മുക്കുട്ടിക്ക് എന്താ പറ്റിയെ..നല്ല തലവേദന ഇണ്ടോ.. ഹോസ്പിറ്റലിൽ പോണോ.."

(അച്ഛൻ ) "ഇല്ലച്ചേ.. എന്ക്ക് കൊയപ്പൊന്നുല്ല.. ഒന്ന് ഉറങ്ങിയാ ശെരിയാകുംന്നെ.. ലക്ഷിക്കുട്ടി പോയി ബാലേട്ടന് ചായ എടുക്ക്.. രണ്ടാമത്തെ ചായക്കുള്ള ടൈം ആയി.." 'നീ പോടീ.. മരംകേറി.. "എന്നും പറഞ്ഞു അച്ഛൻ എന്റെ കവിളിൽ സ്നേഹത്തോടെ പിച്ചി.. ഇത് വരെ ഇവരൊന്നും അറിഞ്ഞിട്ടില്ല.. എനി അറിയുമ്പോ.. ഞാൻ കാരണം എല്ലാർക്കും ഒത്തിരി സങ്കടവുംല്ലോ ഭഗവാനെ.. അതൊക്ക ഓർത്തപ്പോ കരച്ചിൽ തൊണ്ടയിൽ കുടുങ്ങി എങ്കിലും റൂമിൽ എത്തും വരെ കടിച്ചു പിടിച്ചു നിന്നു. റൂമിൽ എത്തിയതും ബെഡിൽ കിടന്നു ഓരോന്നു ഓർത്തു കരയാൻ തുടങ്ങി. തലക്കൊക്കെ ഭാരം തോന്നും പോലെ ഇണ്ട്. ഫോൺ എടുത്തു ജിമ്മൻ അൺനോൺ നമ്പറിൽ നിന്നയച്ച മെസ്സേജ് എടുത്തു വായിച്ചു നോക്ക്യപ്പോ കരച്ചിലിനിടേലും ഒരു ചെറിയ പുഞ്ചിരി ചുണ്ടിൽ വിരിഞ്ഞു. പിന്നെ ഗാലറിയിൽ ഇണ്ടാരുന്ന ഞാനും ജിമ്മനും കൂടി നിക്കുന്ന pic എടുത്തു ജിമ്മനെ സൂം ചെയ്തു നോക്കി നിന്നു. "എന്നാലും എന്നെ വേണ്ടന്ന് പറഞ്ഞില്ലേ... എന്നോട് അത്രയേ ഇഷ്ട്ടുണ്ടാരുന്നുള്ളുല്ലേ..

ഞാൻ വല്ലോം പറഞ്ഞെന്ന് വച്ചു അത് അപ്പൊ തന്നെ അങ്ങ് സീരിയസ് ആയി എടുത്തേക്കുവാ പൊട്ടൻ.. എന്നെ വേണ്ടന്ന് പറഞ്ഞിട്ട് ആമിനെ കെട്ടാനാണോ.. അങ്ങനെ വല്ലോം ആണേൽ കല്യാണപ്പന്തലിൽ പാണ്ടിലോറി കേറ്റി രണ്ടിനേം കൊല്ലും നോക്കിക്കോ.." തലയൊക്കെ പൊട്ടും പോലെ തോന്നുന്നു. ഇനിം ഇരുന്നു കരഞ്ഞ ശെരിയാവൂല്ല.. അതോണ്ട് ഫ്രഷ് ആവാൻ പോയി. ഫ്രഷ് ആയി ഓരോന്നു ആലോചിച്ചു ഇരിക്കുമ്പോ ആണ് ആരോ ഡോറിന് തട്ടി വിളിച്ചേ. ഞാൻ വേഗം മുഖം കണ്ണാടിയിൽ നോക്കി. കണ്ണൊക്കെ തുടച്ചു ക്ലിയർ ആക്കി. കണ്ണും മുഖവുമൊക്കെ കരഞ്ഞു കരഞ്ഞു ചുവന്നിട്ടുണ്ട്. ഞാൻ വേഗം പോയി ഡോർ തുറന്നു. അമലേട്ടൻ ആരുന്നു. ഇച്ചിരി ഗൗരവത്തിൽ ആണ്. ഏട്ടൻ റൂമിലോട്ട് കേറി വാതിലടച്ചു. ഏട്ടൻ എന്റെ മുഖത്തു നോക്കാതെ കലിപ്പിൽ നിക്കുവാ..ഞാൻ കണ്ണും നിറച്ചു ഏട്ടന്റെ മുഖത്തു നോക്കി നിന്നു.

"അറിഞ്ഞു കാണുവല്ലോ.. നിന്റെ ആഗ്രഹം പോലെ കല്യാണം മുടങ്ങിയിട്ടുണ്ട്...." ഞാൻ കല്യാണം മുടങ്ങണെന്നു ആഗ്രഹിച്ചിട്ടില്ല ഏട്ടാ... എനിക്ക് ജിമ്മനെ ഇഷ്ട്ടാരുന്നു... എന്ന് പറയണമെന്ന് ഇണ്ടായിരുന്നെങ്കിലും അതിനു കഴിഞ്ഞില്ല. "നിനക്ക് ഇഷ്ടല്ലേൽ അത് അവനോട് ആദ്യം തന്നെ പറഞ്ഞൂടാരുന്നോ.. അവനിപ്പോ എന്ത് സങ്കടയിന്ന് നിനക്കറിയുവോ.. അവക്കിഷ്ട്ടല്ല .. അവക്കിഷ്ടല്ലാതെ കല്യാണം വേണ്ടാ അവള്ടെ ഇഷ്ട്ടം മാത്രം നോക്കിയ മതിന്നും പറഞ്ഞിട്ടാ അവൻ കല്യാണം വേണ്ടെന്ന് പറഞ്ഞെ..നിനക്ക് വല്ലോം ആറിയുവോ.." അതൊക്ക കേട്ടപ്പോ എന്റെ ചങ്ക് പൊട്ടും പോലെ തോന്നി. ഏട്ടന്റെ നെഞ്ചിൽ വീണു കരയാൻ തൊടങ്ങി....തുടരും.......................

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...