𝒀𝒐𝒖 𝑨𝒓𝒆 𝑴𝒚💕: ഭാഗം 37

എഴുത്തുകാരി: വിഷ്ണുപ്രിയ

ഏട്ടന്റെ നെഞ്ചിൽ വീണു കരയാൻ തൊടങ്ങി. ഏട്ടൻ എന്നെ ഒന്ന് ചേർത്ത് പിടിക്കുക വരെ ചെയ്തില്ല. അതും കൂടെ ആയപ്പോ സങ്കടം കുറച്ചൂടെ കൂടി. എന്നോട് ദേഷ്യം ആരിക്കും 😭. "ഏട്ടാ.... എനിക്കിഷ്ട്ടാ... ഞാൻ ഇഷ്ടലാഞ്ഞിട്ടല്ല അങ്ങനെ പറഞ്ഞെ... അത് ആഹ് പൊട്ടന് മനസിലാവുംന്നാ വിചാരിച്ചേ.." "അപ്പൊ നിനക്ക് രോഹിനെ ഇഷ്ടാണോ.." "ഒത്തിരി ഇഷ്ടണേട്ടാ.. ഞാൻ ജിമ്മനോട് അങ്ങനൊക്കെ പറഞ്ഞത് ഇഷ്ടല്ലാഞ്ഞിട്ടൊന്നുംല്ലാ.. എന്നെ വിട്ടു പോവൂലാന്ന് ഉറപ്പുളോണ്ട...😭പക്ഷെ ഇപ്പൊ... എന്നെ വേണ്ടന്ന് പറഞ്ഞില്ലേ.... ഇട്ടേച്ചും പോയില്ലേ..." ഏട്ടനെ കെട്ടി പിടിച്ചു പറഞ്ഞു കഴിഞ്ഞപ്പോഴേക്ക് ഏട്ടന്റെ ഷർട്ട്‌ കൊണ്ട് പോയി പിഴിഞ്ഞ് ഉണക്കാൻ ഇടേണ്ട അവസ്ഥ ആയിട്ടുണ്ട്. എന്നെ ചേർത്ത് പിടിച്ച ഏട്ടൻ വൈബ്രെറ്റ് ചെയ്യുന്ന പോലെ തോന്നിയപ്പോ കരയുന്നതാവും എന്ന് വെച്ചു ഞാനൊന്ന് തല ഉയർത്തി നോക്കി. പൊട്ടൻ ചിരിച്ചു മരിക്കുവാ.. എന്താ സംഭവംന്ന് ഒരു പിടിം കിട്ടുന്നില്ല 🙄. "ഡീ ഉണ്ടക്കണ്ണി... ആരാടി നിന്നെ ഇട്ടേച്ചും പോയെ...

അങ്ങനെ വേറെ ആർടെലും കൂടെ പോയി സുഖിക്കാന്നു മോള് വിചാരിക്കണ്ട.. ഞാൻ നിന്നേം കൊണ്ടേ പോവൂ...😉" "ജിമ്മൻ.." എന്നും പറഞ്ഞു തിരിഞ്ഞു നോക്കിയപ്പോ കണ്ടത് എന്റെ റൂമിലെ ടേബിളിന് ചേർന്നു കയ്യും കെട്ടി എന്നെ നോക്കുന്ന ജിമ്മനെ ആണ്. ഞാൻ ഇത് ഒട്ടും പ്രതീക്ഷിച്ചില്ല... ഇതെപ്പോ വന്നു... എന്തായാലും ആഹ് സന്തോഷത്തിൽ ഞാൻ ഏട്ടന്റെ അടുത്തുന്നും ഓടി പോയി ജിമ്മനെ കെട്ടിപിടിച്ചു. ജിമ്മൻ എന്നെ ചേർത്തു പിടിച്ചപ്പോ ഇത്രയും നേരം ഇണ്ടാരുന്ന സങ്കടോക്കെ മെട്രോ ട്രെയിൻ പിടിച്ചു നാട് വിട്ടു. ജിമ്മനെ കെട്ടിപിടിച്ചു നിക്കുമ്പോ എന്ത് സുഖം ആണെന്നോ 😉😍. "ഞാനൊന്നും കണ്ടില്ലേ...🙈. ബൈ ദി ബൈ ഞാൻ കട്ടുറുമ്പു ആവുന്നില്ല.. ഈ വാതിൽ ജസ്റ്റ്‌ ഒന്ന് അടച്ചിട്ടേ ഉള്ളൂന്ന് രണ്ടിനും ഓർമ ഉണ്ടാവണേ..സങ്കടോക്കെ മാറ്റിട്ട് പുറത്തേക്ക് വാ..." എന്നു ഏട്ടൻ കളിയാക്കി പറഞ്ഞപ്പോഴാണ് ഞാൻ ജിമ്മാനേം കെട്ടിപിടിച്ചു നിക്കുവാണെന്ന് ഓർമ വന്നേ അപ്പൊ താന്നെ ഞാൻ ജിമ്മനിൽ നിന്നിം മാറിനിന്നു. കണ്ണൊക്കെ തുടച്ചു. ഏട്ടൻ രണ്ടാളേം നോക്കി നന്നായിട്ട് ആക്കി ചിരിച്ചിട്ട് വാതില് ജസ്റ്റ്‌ ഒന്ന് അടച്ചു പൊറത്തേക്ക് പോയി. ജിമ്മൻ എന്നെ തന്നെ നോക്കി നിക്കുവാ..

മുഖത്തിച്ചിരി സങ്കടോക്കെ ഇണ്ട്. ജിമ്മൻ എന്റെ അടുത്തേക്ക് വന്ന്‌ കൈ പിടിച്ചു. "അമ്മു... സോറി.. നീ ഇങ്ങനെ കരയുംന്നു ഞാനറിലാരുന്നു..നിനക്ക് ഇഷ്ടണ്ടൂന്ന് നോക്കാൻ നിന്റെ ഏട്ടന്റെ പ്ലാൻ ആരുന്നു." "പോടാ പൊട്ടാ... ഞാനെത്ര കരഞ്ഞുന്നു ആറിയുവോ.. മനുഷ്യന് പനി വന്ന്‌..രണ്ട് മണ്ടമാര് കൂടി ഇറങ്ങിയേക്കുന്നു ഇഷ്ട്ടുണ്ടോ നോക്കാൻ... അപ്പൊ തന്നെ വിളിച്ചു എനിക്കും ഇഷ്ടല്ലാന്നു പറയണരുന്നു 😐" "അങ്ങനെ പറയുവോ....😉" ന്നും ചോതിച്ചു ജിമ്മൻ എന്റെ അരക്കെട്ടിലൂടെ കൈ ഇട്ട് കെട്ടിപിടിക്കാൻ നോക്കി. ഞാൻ ഒഴിഞ്ഞു മാറാൻ നോക്കിയെങ്കിലും പറ്റിയില്ല. പേടിച്ചു കയ്യും കാലും വിറക്കുവാ.. ഹാർട്ട്‌ ഒക്കെ നന്നായി ഇടിക്കുന്നുണ്ട്. "എന്താ റൗഡിക്ക് പേടി ആവുന്നുണ്ടോ..." "ജിമ്മാ വിട്... എന്റെ റൂമിന്നു പൊക്കോ..എനിക്ക് കൊറച്ചുനേരം കിടക്കണം...." "അതിനെന്താ നീ കിടന്നോ.. ഞാനിവിടെ ഇരുന്നോളാ..😉" "അയ്യടാ.. പോകാൻ നോക്ക്... കരഞ്ഞു കരഞ്ഞു തല വേദനിച്ചിട്ട് വയ്യ..😒" "നല്ല വേദന ഇണ്ടോ..😟" ഞാൻ ഉണ്ടെന്ന അർത്ഥത്തിൽ തലയാട്ടിയപ്പോ ജിമ്മൻ ഒരു കള്ളച്ചിരിയോടെ മുഖം അടുത്തോട്ടു കൊണ്ട് വന്നു.

എന്റെ കൃഷ്ണ...🙆‍♀️. ഇറങ്ങി ഓടന്നു വെച്ചാ ജിമ്മൻ എന്നെ പിടിച്ചു വച്ചേക്കുവാ.. ജിമ്മന്റെ ചൂട് നിശ്വാസം ഏറ്റതും ഞാൻ കണ്ണുകൾ മുറുക്കെ അടച്ചു. നെറ്റിയിൽ ചെറിയൊരു തണുപ്പ് തോന്നിയതും ഞെട്ടലോടെ ഞാൻ കണ്ണ് തുറന്നു നോക്ക്യപ്പോ ജിമ്മൻ എന്നെ നോക്കി ചിരിക്കുവാ.. "ഇപ്പൊ തലവേദന കുറവുണ്ടോ.." എനിക്കപ്പോ തലവേദന പോയിട്ട് ഇതെവിടയാ നിക്കുന്നെന്നു കൂടെ മനസ്സിലാകാതെ ഫ്യുസ് അടിച്ചു നിക്കുവാരുന്നു. ഈശ്വരാ ഞാൻ ചത്തോ.. അനങ്ങാൻ പറ്റുന്നില്ല. എന്റെ കിളിപ്പോയ നിൽപ്പ് കണ്ടിട്ടാണെന്നു തോന്നുന്നു "എന്നോട് കിടന്നൊന്നും" പറഞ്ഞു കവിളിൽ ഒരു കടിയും തന്ന് ചിരിച്ചോണ്ട് മീശേം പിരിച്ചു റൂമിന്നു പുറത്തേക്ക് പോയി. ഓരോന്നായി തിരിച്ചു വന്ന്‌ തുടങ്ങിയ കിളികൾ ഇതും കൂടെ ആയപ്പോ എല്ലാ കിളിയും കൂടും കുടുക്കേം എടുത്തു പറന്നു പോയി 😵. ഞാൻ ബെഡിൽ ഇരുന്നു എല്ലാം ഒന്ന് റിവേഴ്‌സ് ചെയ്തു ആലോയിച്ചു നോക്കി. ഇപ്പൊ ആലോചിക്കുമ്പോ എന്ക്ക് നാണം വരുവാ...നെറ്റിയിലും കവിളിലും ഒന്ന് തലോടിയപ്പോ മുഖത്തൊരു ചിരി വിരിഞ്ഞു.

ഞാൻ എണീറ്റ് കണ്ണാടിടെ മുന്നില് പോയി നിന്നു. മുഖം തിരിച്ചും മറിച്ചും നോക്കി. ഫസ്റ്റ് കിസ്സ്.....ഇതിങ്ങനെ ഒക്കെ ഷോക്കടിപ്പിക്കുവല്ലേ... നേരത്തെ നടന്നതൊക്കെ ഒന്നൂടെ ആലോചിക്കുമ്പോ ആണ് ഫോൺ റിങ് ചെയ്തേ.. ഇത്തവനാടാ ഈ നേരത്ത്.. സമാധാനായിട്ട് ഒന്നിരിക്കാനും സമ്മയ്ക്കൂലേ..🤦‍♀️🤷. കാൾ ചെയ്യുന്നയാളെ മനസ്സിൽ ചീത്ത വിളിച്ചോണ്ട് ഫോൺ കയ്യിലെടുത്തു. അനു ആണ്. "ഹലോ..." ലവള് "ആഹ് എന്താ..." "എന്താ പരിപാടി കരയുവാണോ.." "ഓണപരിപാടി നടന്നോണ്ടിരിക്കുവാ... എന്തേയ് വരുന്നോ..." "അയിന് ക്രിസ്മസ് ആവാറായെടി 🙄" "നിനക്കിപ്പോ എന്താ വേണ്ടേ... എന്തിനാ വിളിച്ചേ.." "ഇപ്പൊ വിളിച്ച എനിക്കയോ കുറ്റം.. ഒരുത്തി തേപ്പ് കിട്ടിയപോലെ കെടന്നു മോങ്ങുന്നുണ്ടാരുന്നാലോ.. ചത്തോ ഇല്ല്യൊന്നു അറിയാൻ വിളിച്ചതാ..." "ആണോ മൂളുസേ..😁😌" "പെണ്ണിന്റെ മൂഡ് ഒക്കെ ഓകെ ആയല്ലോ.. ജിമ്മൻ വിളിച്ചോ.." "ഇല്ല..." "പിന്നെ..." "ഇവിടെ വന്നിട്ടുണ്ട്..." പെണ്ണിനോട് ഇവിടെ നടന്നതൊക്കെ പറഞ്ഞപ്പോ പെണ്ണ് തള്ള് ആണെന്ന് വിചാരിച്ചു നിക്കുവാ..

"കിസ്സോ... ഒന്ന് പൊടി.. കരഞ്ഞു കരഞ്ഞു വട്ടായോ.." "നീ വേണേ വിശ്വസിക്ക് അണ്ണാച്ചി.. ജിമ്മൻ താഴെ ഉണ്ടെടി.." "ആഹ് താഴെ ഇണ്ടെന്ന് വിശ്വസിച്ചു.. കിസ്സ് ഒക്കെ തള്ളാണ്.." "നീ പോടീ മരപ്പട്ടി.. നീ വിശ്വസിക്കണ്ട.. നിനക്ക് ഞാൻ ജിമ്മന്റെ കൂടെ ഉള്ള പിക് അയച്ചു തേരാ.. അത് കണ്ടിട്ടും വിശ്വസായില്ലേൽ ഇങ് പോര്.." "ഹ്മം ഹ്മം.. മോൾ പിക് അയക്ക് 🤭" ഒരാവേശത്തിന് കേറി പറഞ്ഞതാ.. എങ്ങനാ ഇപ്പൊ പോയി ജിമ്മന്റെ കൂടെ പിക് എടുക്കുവാ 😕. പിക് എടുക്കുന്നത് പോയിട്ട് മുഖത്തു നോക്കുന്ന കാര്യം പോലും ഓർക്കാൻ വയ്യ. അയച്ചു കൊടുത്തിലേൽ നാളെ കോളേജിൽ കേറാൻ പറ്റൂല 😒. അതോണ്ട് ഞാൻ താഴേക്ക് വിട്ടു. എല്ലാരും അവിടെ ഇരുന്നു എന്തൊക്കയോ സംസാരിക്കുന്നുണ്ടാരുന്നു. ഞാൻ ഒന്നും അറിയാത്ത പോലെ ഏട്ടന്റെ അടുത്ത് പോയി ഇരുന്നു. ഏട്ടന്റെ തൊട്ടപ്പുറത്തു ജിമ്മനും ഇരിക്കുന്നുണ്ട്. ജിമ്മൻ എന്നെ നോക്കുന്നുണ്ടേലും ഞാൻ മുഖത്തു നോക്കിയില്ല. "എന്താ അമ്മു.. തലവേദന ഒക്കെ മാറിയോ.." മാറി എന്ന അർത്ഥത്തിൽ ഒന്ന് തലയാട്ടി.

"ഹ്മം മാറുവല്ലോ... അവള്ടെ മെഡിസിൻ അല്ലെ ഇവിടെ ഇരിക്കുന്നെ.." എല്ലാരും നന്നായി ആകുന്നുണ്ട്. ചമ്മൽ കാരണം മുഖത്തു നോക്കാൻ പറ്റുന്നില്ല. ഇല്ലെങ്കി തന്നെ എന്നെ ട്രോളാൻ കാരണത്തിന് കാത്തുനിക്കുവാ എല്ലാരും 😣. ജിമ്മൻ താടിക്ക് കയ്യും കൊടുത്തു എന്നെ നോക്കി നിക്കുവാ. ഞാൻ നോക്കിയത് കണ്ടുന്നറിഞ്ഞപ്പോ ഞാൻ നോട്ടം വെട്ടിച്ചു. ഏട്ടനൊക്കെ ഇൻസ്റ്റയിൽ വല്ല പേജ്ഉം തൊടങ്ങിയാ എന്തായാലും ക്ലച്ച് പിടിക്കും. അമ്മാതിരി ട്രോളൽ ആണെന്നെ 😕. എന്റെ ഭാഗ്യത്തിന് അപ്പൊ തന്നെ ആരുടെയോ കാൾ വന്നു. ട്രോള്ളിൽ നിന്നു രക്ഷപെടാൻ ഞാൻ അവിടുന്ന് സ്കൂട്ടായി ഉമ്മറത്തേക്ക് വിട്ടു. അവിടെ തൂണിനും ചാരി നിന്ന് ഞാൻ കാൾ അറ്റൻഡ് ചെയ്തു. കളിയാക്കൽ ഒക്കെ ഓർത്തു നിന്നപ്പോ ആരാ കാൾ ചെയ്യുന്നെന്ന് നോക്കാൻ മറന്നുപോയിരുന്നു.....തുടരും.......................

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...