𝒀𝒐𝒖 𝑨𝒓𝒆 𝑴𝒚💕: ഭാഗം 46

എഴുത്തുകാരി: വിഷ്ണുപ്രിയ

"അയ്യേ... കല്യാണപെണ്ണ് കരയുവാണോ...."(അമൽ ) "ഏട്ടനിപ്പോ കരയുവല്ലോ.. ആഹ് കണ്ണ് തുടച്ചിട്ട് പറ.." "ഏയ്യ്.. ഇല്ലെടാ.. ഞാൻ ഒക്കെയാ.. ബ്രയിഡ് ഫോട്ടോ ഷൂട്ട്‌ ഒക്കെ കഴിഞ്ഞോ..." "നിങ്ങളില്ലാതെ ഞാൻ ആർടെ കുടെ ഫോട്ടോ എടുക്കാനാണ്... അതെങ്ങനാ ഇന്നലെത്തോട്ട് ഞാൻ ഓരോന്നിന്റെം പുറകെ നടക്കുവാ.. എന്നിട്ട് ഒരെണ്ണം പോലും തിരിഞ്ഞ് നോക്കിയില്ലലോ.. ഇങ്ങനൊരാള് ഇണ്ടെന്ന് പോലും ആരും ഓർത്തില്ല... എന്റെ ഏട്ടന്മാർക്കൊക്കെ എന്നെ വല്യ കാര്യന്നൊക്കെ പറഞ്ഞു നടന്നിട്ട് ഫ്രണ്ട്‌സൊക്കെ ചോയ്ക്കുമ്പോ കാണിച്ചു കൊടുക്കാൻ പോലും ഒരെണ്ണം ഇല്ല... നാളേം കൂടി അല്ലെ ഞാൻ നിങ്ങളുടെ മാത്രായിട്ട് ഇണ്ടാവൂ.. നിങ്ങൾക്ക് സങ്കടില്ലേലും എനിക്കുണ്ട്..😭😭😭" പറഞ്ഞു കഴിഞ്ഞ് കൈകൾ കൊണ്ട് മുഖം പൊത്തി പിടിച്ചു കരയാൻ തൊടങ്ങി. ആരൊക്കെയോ ആശ്വസിപ്പിക്കാൻ നോക്കിയേലും എനിക്ക് സങ്കടം തീർന്നില്ല.. ഒടുവിൽ ഏട്ടൻ കൈപിടിച്ച് മാറ്റി. അപ്പോഴും ഞാൻ വിതുമ്പികൊണ്ടിരിക്കുവാരുന്നു.

വിച്ചേട്ടൻ എന്റെ കൈയിൽ കൈകൾ കോർത്തു ഏട്ടന്റെ കൈകൾക്കിടയിൽ ഭദ്രമാക്കി വച്ചു. ഞാൻ എല്ലാരടേം മുഖത്തേക്ക് നോക്കിയപ്പോ എല്ലാരും കണ്ണും നിറച്ചു എന്നെ നോക്കി നിക്കുവാ.. ഞാൻ വിച്ചേട്ടനെ നോക്കിയപ്പോ ഏട്ടനും അതെ അവസ്ഥേൽ ആരുന്നു. "അമ്മുവേ...." "ഹ്മം..." "ഡീ... നമ്മള് നിന്റെ മുന്നിലേക്ക് വരാഞ്ഞത് ഇഷ്ടല്ലാഞ്ഞിട്ടല്ല.. നിന്നെ കാണുമ്പോ ഇവന്മാർക്ക് കരച്ചില് വരുന്നോണ്ടാ..നീ നാളെ മുതല് എന്റേം ഇവന്മാരുടേം മാത്രല്ലന്ന് ഓർത്തപ്പോ എല്ലാർക്കും ഇച്ചിരി സങ്കടം.. അതോണ്ട് നിന്നെ ഫേസ് ചെയ്യാൻ തോന്നുന്നില്ല.. ഈ പൊട്ടന്മാർക്ക് എന്റേത്ര വിൽ പവർ ഇല്ലെന്നേ.." "പറയുന്നളുടെ ഡാം ആദ്യം അടക്കാൻ നോക്കി "(അച്വേട്ടൻ ) "നീ പോടാ.. നീ ഫസ്റ്റ് അമലിനോട് ഷട്ടർ ക്ലോസ് ചെയ്യാൻ പറ.. ചെക്കൻ എപ്പോ തൊടങ്ങ്യതാ..."(വിച്ചേട്ടൻ ) ഞാൻ ഏട്ടനെ നോക്കിയപ്പോ മുഖത്തു ഒരു ചിരി വരുത്താൻ ശ്രമിച്ചു. പക്ഷെ അത് നടന്നില്ല. ഇത്രേം സ്നേഹം ഉള്ള എന്റെ ഏട്ടന്മാരെ വിട്ടു എനിക്കെവിടേം പോണ്ടാ 😭. ഞാൻ ഏട്ടനെ കെട്ടിപിടിച്ചു. "ഏട്ടാ.. എന്ക്ക് കല്യാണം കഴിക്കണ്ട.. "

"എങ്കി വാടി നമ്മക്ക് ഒളിച്ചോടാ..😉"(ഉണ്ണിയേട്ടൻ ) "ഡാ.. ഉണ്ണി വെറ്തെ വേണ്ടാട്ടോ.. ഇതിന് തീരെ വിവരം ഇല്ലാത്തതാ.. ഇവള്ടെ ഊള ചെങ്ങായിസ്നേം വിളിച്ചു ചെലപ്പോ പോയെന്നും വരും.."(അച്വേട്ടൻ ) "ഒന്ന് പോടാ.. എന്റെ അമ്മുക്കുട്ടി എവിടേം പോകുല.. നീ നിന്റെ ജിമ്മന്റെ അടുത്തേക്കല്ലേ പോണേ.. അവൻ നിന്നെ പൊന്നു പോലെ നോക്കുലെ.. പിന്നെ പോയാലും നീ എന്നും നമ്മടെ മരംകേറി തന്നെയാ.. അവിടെ പോയാ ഞങ്ങളെ മറക്കരുത്ട്ടോ.."(അമലേട്ടൻ ) "മറക്കാൻ മാത്രം എന്ക്ക് അൽഷിമേഴ്‌സ് ഒന്നുല്ല.." "നിങ്ങളെല്ലാം ഇവിടിരിക്കുവാനോ.. കല്യാണപ്പെണ്ണിനെ അന്വേഷിച്ചു അവിടുന്ന് കയറു പൊട്ടിക്കുവാ.. ഇവള്ടെ സ്വഭാവം വെച്ചു എല്ലാരും ഒറ്റക്ക് ഒളിച്ചോടിന്നെ വിചാരിക്കു.. വേം അങ്ങോട്ട് ചെല്ല്.."(അജു ) നമ്മളിവിടെ സെന്റി അടിച്ചിരിക്കുമ്പോ ആണ് അജുന്റെ കമന്റ്‌. തിരിഞ്ഞു നോക്കിയപ്പോ അനുവും തീത്തുവും ശീതുവും അജുവും നമ്മളെ നോക്കി നിക്കുവാ.. "ഡേയ്... നമ്മള പെണ്ണിനെ വല്ലോം പറഞ്ഞാലിണ്ടല്ലോ..."(ഷിജി ) "നിങ്ങളും കൂടെ പറയും എന്നല്ലേ 😁😌

"(അജു ) "അതെ 😁"(ഷിജി ) ഞാൻ ഏട്ടനെ നോക്കി കണ്ണുരുട്ടി. ഏട്ടൻ നന്നായൊന്നു ഇളിച്ചു തന്നു. "അല്ലെ പെണ്ണിനും ചേട്ടന്മാർക്കും ഒന്നും ഉള്ളിലോട്ടു കേറ്റണ്ടേ.."(തീത്തു ) "നീ ഒന്നും കഴിച്ചില്ല്യോടി..."(വിച്ചേട്ടൻ) ഞാൻ ഇല്ലെന്ന് ചുമൽ കൂച്ചി കാണിച്ചു. "അനും കയ്ച്ചില്ല.. നിങ്ങലും കയ്ച്ചില്ലലോ..ബാ നമ്മക്ക് ഒരുമിച്ചു കയ്ക്കാം.." എന്നും പറഞ്ഞു ഞാൻ എണീച്ചു. തീത്തു വന്നു ദവാണിയിൽ ഇണ്ടായ ഇല ഒക്കെ തട്ടി കളഞ്ഞു തന്നു.ഞാൻ കണ്ണൊക്കെ തുടച്ചു ഒക്കെ ആക്കി. "ഇവളെന്താ കഴിക്കാഞ്ഞേ 🙄"(ഷിജി ) ആരോടാ ചോയ്ച്ചെന്നു നോക്കുമ്പോ നമ്മടെ ഷിജിയേട്ടൻ അനുനെ നോക്കിയാണ് ചോയ്ക്കുന്നത്. കൊറച്ചു നാളായി ഇവളെ കാണുമ്പോ ചെക്കനോരിളക്കം.. പിന്നെ ഇവര് സെറ്റായ പെണ്ണ് എന്റെ ഫാമിലിലെക്ക് വരുന്നോണ്ട് ഞാൻ കേറി കുളമാക്കാൻ നിന്നില്ല. അവള് ഞാൻ കഴിക്കാത്തൊണ്ടാണെന്ന് പറഞ്ഞു എന്നെ നോക്കി. ഞാൻ ഷിജിഏട്ടന്നെ നോക്കി കളിയാക്കി 😌. "വിച്ചേട്ടാ.. നിങ്ങള് എന്റെ കല്യാണത്തിനും വന്നു ഇത് പോലെ കരയണേ.. കാണുമ്പോ കൊതി ആകുവാ..☹️"(തീത്തു )

"അതിനു നീ വായിനോക്കിയ കോഴികളു ഇണ്ടാവും മുത്തേ നീ പേടിക്കണ്ട..😂"(അജു ) "നീ പോടാ.. നിന്റെ വായിനോട്ടം അല്ല എന്റെ വായിനോട്ടം.. ഓക്കെ..😌" അങ്ങനെ നമ്മൾ ഫുഡ്‌ അടിക്കാൻ പോയി. നമ്മള് കഴിക്കുന്ന കണ്ടപ്പോ ആവേശം കേറി തൊട്ട് മുമ്പേ ഫുഡ്‌ കഴിച്ച അജുവും തീത്തും ശീതും ഒന്നുടെ ഞങ്ങടെ കൂടെ കഴിക്കാനിരുന്നു. അത് കഴിഞ്ഞു നമ്മടെ വക പാട്ടും ഡാൻസും ഫോട്ടോ എടുപ്പും ഒക്കെ ആയി സമയം പോയി. ഉറങ്ങാൻ കിടന്നപ്പോഴേക്കും മൂന്ന് മണി ആകാറായി.ഞാനും കൂടെ ഉള്ള മൂന്നും എന്റെ റൂമിൽ ആണ് കിടന്നേ.. ബാക്കി ഉള്ളോരൊക്കെ ഉറങ്ങിയോന്ന് വരെ നമ്മള് നോക്കിയില്ല 😌. [അമൽ ] അമ്മു എന്നെ വിട്ടു പോവാന്ന് ഓർത്തപ്പോ വല്ലാത്ത സങ്കടം തോന്നുവാ.. അവക്കും നല്ല സങ്കടുണ്ട്. അതോണ്ട് അവള്ടെ മുന്നിൽ ചിരിച്ചു കളിച്ചു നിന്നെങ്കിലും ഹൃദയം നുറുങ്ങുന്ന വേദന ആണ് ഞാൻ സഹിച്ചോണ്ടിരിക്കുന്നെ. അച്ഛനും അമ്മയ്ക്കും എന്നെ പോലെ തന്നെ നല്ല വെഷമം ഇണ്ടേലും പുറത്തു കാണിക്കാതെ നിക്കുവാ രണ്ടാളും. കല്യാണത്തിന് പെണ്ണ് ചെക്കന്റെ വീട്ടില്ലേക്ക് പോകുമ്പോ കരയുന്നത് എന്തോണ്ടാണെന്നു എനിക്കിപ്പോഴാ മനസ്സിലായെ.

ഉറക്കം വരാതെ തിരിഞ്ഞും മറിഞ്ഞും കിടക്കുമ്പോഴാണ് ഫോൺ റിങ് ചെയ്തേ.. ആരാ ഈ നട്ടപ്പാതിരക്ക്. ഫോൺ സ്‌ക്രീനിൽ നോക്കിയപ്പോ രോഹി ആണ്. ഇവനെന്തിനാ ഇപ്പൊ വിളിക്കുന്നെ.. ഈശ്വരാ ഇനി വല്ല പ്രശ്നും ഇണ്ടോ 😳. "എന്താടാ ഈ നേരത്ത് വല്ല പ്രശ്നും ഇണ്ടോ.." "കിടന്നിട്ട് ഉറക്കം വരുന്നില്ലെടാ.. ആകെ ഫുൾ ടെൻഷൻ.. ആഹ് അജ്ഞാതൻ നാളെ വല്ലോം ഒപ്പിക്കുവോ..അവള്ടെ കാര്യം ഓർത്തിട്ട് എനിക്കൊരു സമാധാനും ഇല്ലെടാ.. എന്തിനാ അയാള് അമ്മുനെ ഫോളോ ചെയ്യുന്നേ.." "എനിക്കറിയില്ലേടാ... നീ ടെൻഷൻ ആവണ്ട. ഞാൻ കസിൻസ് നോടൊക്കെ പറഞ്ഞു സെറ്റക്കിട്ടുണ്ട്. നമ്മടെ ഒക്കെ മുന്നിന്ന് അവളെ ഒന്ന് തൊടൻ പോലും ആർക്കും പറ്റില്ല.നീ പോയി കെടന്നു ഉറങ്ങാൻ നോക്ക് " "ഹ്മം..എന്ന ശെരി അളിയാ.. നാളെ കാണാം.." കാൾ കട്ട്‌ ചെയ്തു ഞാൻ ഉറങ്ങാൻ ശ്രമിച്ചു. [അമ്മു ] ഉറങ്ങാൻ കഴിയതോണ്ട് ഞാൻ വളരെ നേരത്തെ തന്നെ എഴുന്നേറ്റു കുളിച്ചു. കുളി ഒക്കെ കഴിഞ്ഞു പിള്ളേരേം നമ്മടെ പടെയെയും കൂട്ടി അമ്പലത്തിൽ പോയി.

കണ്ണന്റെ മുന്നിൽ കൈകൾ കുപ്പി പ്രാർത്ഥിക്കുമ്പോ മനസ്സിൽ മുഴുവൻ ജിമ്മന്റേം എട്ടന്റേം അച്ഛന്റേം അമ്മേടേം മുഖം ആരുന്നു.അവിടെ വെച്ച് എന്തിനെന്നു അറിയാതെ കണ്ണുകൾ നിറഞ്ഞു. നല്ലൊരു ഭാര്യയും മകളും ആവാൻ കഴിയണേ എന്ന് മനസ്സുരുകി പ്രാർത്ഥിച്ചു ഞാൻ വീട്ടിലേക്ക് വിട്ടു. വീട്ടിൽ എത്തുമ്പോഴേക്ക് ബ്യൂട്ടീഷ്യൻ വന്നിരുന്നു. പിന്നെ ഫുൾ ഒരു യുദ്ധം ആരുന്നു 🥴. എന്റെ ഡെക്കറേഷൻ പരിപാടി ഒക്കെ കഴിയാറായപ്പോ തൊട്ട് എനിക്ക് ടെൻഷൻ തൊടങ്ങി. കയ്യും കാലും വിറച്ചിട്ട് പാടില്ല. റൂമിന്ന് എല്ലാത്തിനേം ഇറക്കി വിട്ട് ഇപ്പൊ ഞാനും അനുവും ശീതും തീത്തും മാത്രേ ഉള്ളൂ. ഞാൻ ടെൻഷൻ അടിച്ചു നിക്കുമ്പോ അവര് സെൽഫി എടുത്തു സ്റ്റാറ്റസും സ്റ്റോറിയും ഇടുന്ന തിരക്കിൽ ആണ് 🤦‍♀️.എന്റെ ഫോണും എടുത്തു അവര് എന്തെക്കെയോ ചെയ്യുന്നുണ്ട്. കൊറച്ചു സമയം കഴിഞ്ഞപ്പോ ഏട്ടന്മാര് ഫുൾ കേറി വന്നു. ഇവര് ഫുൾ ഡ്രസ്സ്‌ കോഡ് ആണ്. എന്റെ സാരിടെ സെയിം കളർ.

അമ്മലേട്ടൻ സെയിം കളർ ബട്ട് ഇച്ചിരി ഡിഫറെൻറ് ആയി എനിക്ക് മാച്ച് ചെയ്യുന്ന ഡ്രെസ്സും.അവര് വന്നിട്ടും കൊറെ സെൽഫി തന്നെ. എനിക്കാണേൽ ടെൻഷൻ ആയിട്ട് നീക്കാനും ഇരിക്കാനും വയ്യാത്ത അവസ്ഥയും. ഫോണിൽ എടുത്തത് പോരാഞ്ഞിട്ട് ക്യാമറ ചേട്ടനെ വിളിച്ചു വരുത്തി കുറെ ഫോട്ടോസ് എടുത്തു. എല്ലാരും ഇപ്പൊ എന്റെ മുന്നിൽ ചിരിച്ചു കളിക്കുവാണേലും എല്ലാർക്കും സങ്കടുള്ള പോലെയാ എനിക്ക് ഫീൽ ചെയ്യുന്നേ. ഞാൻ ഏട്ടനെ നോക്കിയപ്പോ എന്നെ തന്നെ നോക്കി നിക്കുവാ..ഞാൻ നോക്കുന്നത് കണ്ടപ്പോ ചിരിച്ചോണ്ട് കണ്ണ് തുടച്ചു. ഞാൻ ഏട്ടന്റെ അടുത്ത് പോയി നിന്നു. എന്താ പറ്റിയെന്നു പുരികം പൊക്കി ചോതിച്ചു. "ഏയ്യ് ഒന്നുല്ലടാ.. എന്റെ അമ്മുസ് ഇത്ര വലുതായല്ലെന്നു നോക്കിയതാ.. സുന്ദരി കുട്ടി ആയിട്ടുണ്ട് 😍" "അച്ഛന്റ്റെ ഡയലോഗ് ഒക്കെ ഏട്ടൻ പറയുവാണോ.. അച്ഛനു പറയാൻ ബാക്കി വെക്കണേ.." "നീ പോടീ.." അപ്പോഴേക്കും അച്ഛനും അമ്മേം റൂമിലേക്ക് വന്നു. ഏട്ടനൊഴികെ ബാക്കി എല്ലാരും റൂമിന്ന് പുറത്തേക്കും പോയി.

അമ്മേടേം അച്ഛന്റേം എട്ടന്റേം ഉപദേശവും ട്രോളും ഒക്കെ കേട്ടപ്പോ ഇച്ചിരി ആശ്വസം തോന്നി. അപ്പൊ തന്നെ ആരോ വന്നു ചെറുക്കനും കൂട്ടരും എത്തിയെന്നും പറഞ്ഞു വന്നു വിളിച്ചു. മുഹൂർത്തം ആകാറായത് കൊണ്ട് വിളക്കും താലവും ഒക്കെ ആയി മണ്ഡപത്തിലേക്ക് പോയി. ഓരോ അടി വയ്ക്കുമ്പോഴും എന്റെ കാല് വിറക്കുന്നത് ഞാൻ നന്നായിട്ട് അറിഞ്ഞു. മണ്ഡപത്തിന് വലം വെച്ച് ജിമ്മന്റെ തൊട്ടടുത്തായി ഇരുന്നപ്പോ ജിമ്മൻ എന്നെ നോക്കി നിറപുഞ്ചിരി സമ്മാനിച്ചു.ആഹ് കണ്ണുകളിൽ നിറഞ്ഞ പ്രണയം എന്റെ ടെൻഷൻ ഇച്ചിരി കുറച്ചെങ്കിലും നാഥസ്വാരം മുഴങ്ങിയപ്പോ വീണ്ടും അത് പീക്ക് ലെവലിൽ എത്തി. ഞാൻ പോലും അറിയാതെ എന്റെ കൈകൾ കൂപ്പി കണ്ണുകൾ അടച്ചു സകല ദൈവങ്ങളെയും മനസ്സിൽ വിചാരിച്ചു ജിമ്മന്റെ താലിയേറ്റുവാങ്ങി....തുടരും.......................

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...