അനുരാഗം : ഭാഗം 12
Jul 27, 2020, 15:59 IST
എഴുത്തുകാരി: അഞ്ജലി അഞ്ജു
അവധിയൊക്കെ പെട്ടെന്ന് തീർന്നു. ലീവ് കഴിഞ്ഞ് വന്നപ്പോളേക്കും പാറുവും ഞാനും പ്ലാൻ ചെയ്തിരുന്ന പോലെ തന്നെ നിറയെ സീരിയൽ കൊണ്ട് വന്നിരുന്നു. എല്ലാവരും നിറയെ പലഹാരങ്ങളും കൊണ്ട് വന്നു.
അവധി കഴിഞ്ഞു വന്നാൽ പിന്നെ റൂം ബേക്കറി ആവും. ഓ എന്തോരം സാധനങ്ങളാ.. !
പക്ഷെ ഒരാഴ്ചക്കുള്ളിൽ എല്ലാം തീരും പിന്നെയും ദാരിദ്ര്യം ആവും. അതോർക്കുമ്പോളാ സങ്കടം വരണത്.
എത്രയെന്നു വെച്ചാ ക്യാന്റീനിൽ നിന്ന് കഴിക്കുന്നത്. വീട്ടിൽ നിന്ന് വന്നതിന്റെ സങ്കടം ഒരു വശത്തു കുറേ ദിവസം കൂടി കൂട്ടുകാരെ കണ്ട സന്തോഷം മറു വശത്തു.