താദാത്മ്യം : ഭാഗം 13
Sep 3, 2020, 08:18 IST
നോവൽ
എഴുത്തുകാരി: മാലിനി വാരിയർ
എല്ലാവരും സിദ്ധുവിന്റെ വാക്കുകൾക്ക് വേണ്ടി കാത്തിരുന്നു.
“ആർക്കും അറിയാത്ത കാര്യമൊന്നുമല്ല.. ഈ കല്യാണം നടന്ന സാഹചര്യം ഞാൻ പറയാതെ തന്നെ എല്ലാവർക്കും അറിയാം.. പെട്ടെന്നുള്ള തീരുമാനമായതിനാൽ മിഥൂന് അതിനോട് പെട്ടെന്ന് പൊരുത്തപ്പെടാൻ കഴിഞ്ഞെന്നുവരില്ല.. അത് അവളുടെ ജീവിതത്തെ ബാധിക്കരുതെന്ന് ഞാൻ ആഗ്രഹിക്കുന്നു. ”
സിദ്ധു ഉറച്ച തീരുമാനത്തോടെ പറഞ്ഞു. അവൻ പറഞ്ഞതിലെ പൊരുൾ മനസ്സിലാക്കാൻ കഴിയാതെ മിഥുനയുടെ വീട്ടുകാർ അവളുടെ മുഖത്തേക്ക് സംശയത്തോടെ നോക്കി നിന്നു.