തുലാമഴ : ഭാഗം 12
Jun 29, 2020, 13:10 IST
നോവൽ
എഴുത്തുകാരി: പാർവതി പിള്ള
സൂരജിനൊപ്പം അമ്മു താഴേക്ക് ചെല്ലുന്നത് കണ്ട് സൂരജിന്റെ അമ്മ ചോദിച്ചു ദീപ്തി മോളെവിടെ.
എന്തുപറയണമെന്നറിയാതെ നിന്ന അമ്മുവിന്റെ രക്ഷക്കായി സൂരജ് എത്തി. ഏട്ടൻ എന്തോ ആവശ്യത്തിനു വേണ്ടി വിളിച്ചതാ ഇപ്പോൾ വരും അമ്മേ.
കുറെ നേരം കഴിഞ്ഞ് താഴേക്ക് എത്തിയ ദീപ്തിയുടെ പിറകെ സതീഷും ഉണ്ടായിരുന്നു. സൂരജ് സതീഷിനെ നോക്കി ചിരിച്ചുകൊണ്ട് തലയാട്ടി. ദീപ്തി അവിടെ നിന്നും അടുക്കളയിലേക്ക് വലിഞ്ഞു. എന്താടാ.ഇളിക്കുന്നത് …. സതീഷ് സൂരജിനെ നോക്കി കണ്ണുരുട്ടി കാണിച്ചു.
ഇന്ന് വിവാഹം എന്റെ ആയിരുന്നു. അല്ലാതെ ഏട്ടന്റെ അല്ലായിരുന്നു. സൂരജ് പതിയെ സതീഷിനോട് പറഞ്ഞു. അതെ ആയിരുന്നു.