പ്രിയനുരാഗം – ഭാഗം 21
Aug 1, 2020, 13:02 IST
നോവൽ
എഴുത്തുകാരി: ഐഷണി മഹാദേവ്
പ്രിയയെ അകത്തേക്ക് വലിച്ചതിനോടൊപ്പം തന്നെ ഡോർ അടഞ്ഞു താഴ് വീണിരുന്നു .
“കൈ വിടെടോ ” ഒച്ച വെച്ചുകൊണ്ട് പ്രിയ നോക്കിയപ്പോൾ ഗൗതം അതാ ചിരിച്ചോണ്ട് അവളെ നോക്കി നിൽക്കുന്നു .
“ശൂ … മിണ്ടല്ലേ പെണ്ണെ ” അവൻ അവളെ ഒന്ന് കൂടെ അടുത്തേക്ക് അടുപ്പിച്ചു അവളുടെ ചുണ്ടിന്മേൽ വിരൽ വെച്ച് കൊണ്ട് പറഞ്ഞു .
പ്രിയ കണ്ണും തള്ളി അവനെ നോക്കുന്നുണ്ട് . ഗൗതം ആണെങ്കിൽ നല്ല അസ്സലായി ചിരിച്ചോണ്ട് നിൽക്കുന്നുണ്ട് . അവന്റെ ഒരു കൈ അവളുടെ വലത്തേ കൈ തണ്ടയിലും മറ്റേത് ചുണ്ടിലും ആയിരുന്നു പ്രിയ കണ്ണുകൊണ്ട് അവനോട് കൈ എടുക്കാൻ പറഞ്ഞു .