പിണറായി ഏറ്റവും കരുത്തനായ നേതാവ്; അടുത്ത തെരഞ്ഞെടുപ്പിലും അദ്ദേഹം തന്നെ നയിക്കും: എംഎ ബേബി
മുഖ്യമന്ത്രി പിണറായി വിജയന്റെ മകൾ വീണക്കെതിരായ കേസ് വ്യക്തിപരമല്ലെന്ന് സിപിഎം ജനറൽ സെക്രട്ടറി എംഎ ബേബി. പാർട്ടി നേതാവിന്റെ മകൾ ആയതുകൊണ്ട് ഉണ്ടായ കേസാണ്. അതിനാൽ തന്നെ കേസ് നിയമപരമായും രാഷ്ട്രീയമായും നേരിടുമെന്നും എംഎ ബേബി പറഞ്ഞു
വീണയുടെ കമ്പനി നടത്തിയത് സുതാര്യമായ ഇടപാടാണ്. കേരളത്തിലെ സർക്കാരിനെതിരെ രണ്ടാം വിമോചന സമരത്തിന് ശക്തമായ നീക്കം നടത്തുകയാണ്. പല സമരങ്ങളും ഇത്തരം സ്വഭാവമുള്ളതാണ്. മുനമ്പത്തെ സമരവും ക്രൈസ്തവ സഭകളുടെ നീക്കവും ഈ പശ്ചാത്തലത്തിലാണ്
ആശമാരുടെ സമരവും സംസ്ഥാന സർക്കാരിനെ പ്രതിസന്ധിയിലാക്കാനുള്ളതാണ്. ബിഷപുമാർ ആത്മീയ കാര്യങ്ങളിൽ ശ്രദ്ധിക്കണം. പൃഥ്വിരാജിനും മോഹൻലാലിനും ഗോകുലം ഗോപാലുമെതിരെ ഇഡി നീങ്ങുന്നത് ഭയപ്പെടുത്താൻ വേണ്ടിയാണ്.
എകെജിക്കും ഇഎംഎസിനും ശേഷം ഏറ്റവും കരുത്തനായ നേതാവാണ് പിണറായി. ഇത്രയും ജനപ്രീതിയുള്ള നേതാവ് ഇന്ന് കേരളത്തിൽ ഇല്ല. അടുത്ത തെരഞ്ഞെടുപ്പിൽ പിണറായി തന്നെയാണ് എൽഡിഎഫിനെ നയിക്കേണ്ടത്. ജയിച്ചാൽ ആര് മുഖ്യമന്ത്രിയാകും എന്നതൊക്കെയുള്ള കാര്യങ്ങൾ ഇപ്പോഴെ ചർച്ച ചെയ്യേണ്ട കാര്യമില്ലെന്നും എംഎ ബേബി പറഞ്ഞു
