🎶 സോളമന്റെ ഉത്തമഗീതം 🎶❤️: ഭാഗം 35

രചന: റിൻസി പ്രിൻസ്‌

ഒരു കൊച്ചു കുട്ടിയുടെ കൗതുകത്തോടെ അവൾ ഓരോ കാഴ്ചകളും നോക്കുകയാണ്. ഇടയിൽ മണ്ണിൽ കാല് പൂഴ്ന്ന് പോകുമ്പോൾ അത്ഭുതപൂർവ്വം നോക്കുന്നു. അവൾക്കൊരു പിൻബലം എന്നതുപോലെ അവൻ അവളുടെ കൈകളിൽ കയറി പിടിച്ചിരുന്നു, ഒരിക്കലും കൈ വിടില്ല എന്ന് അവളോട് പറയുന്നതുപോലെ

ബീച്ചിൽ നിന്നും അത്യാവശ്യം ചില തട്ടുകട പലഹാരങ്ങൾ ഒക്കെ അവൾക്ക് അവൻ വാങ്ങി കൊടുത്തിരുന്നു, ആദ്യം ഒന്നുമടിച്ചെങ്കിലും അവൻ നിർബന്ധിച്ചപ്പോൾ അവൾ അതെല്ലാം വാങ്ങിയിരുന്നു. പിന്നീട് മണലിൽ കാല് പൂഴ്ത്തി അവനൊപ്പം കൈകൾ പിടിച്ചുള്ള നടത്തം അവൾക്ക് ഏറെ ഇഷ്ടപ്പെട്ടു..

തിരയുടെ അരികിലേക്ക് ചെല്ലുമ്പോൾ തന്റെ മനസ്സ് പോലെ വേലിയേറ്റവും വേലിയിറക്കവും നടത്തുന്ന കടൽ അവൾക്കൊരു അത്ഭുതമായിരുന്നു. ഇത്രയും അടുത്ത് നിന്ന് താൻ കടൽ കണ്ടിട്ടില്ല, അതിനുള്ള അവസരം ഇതുവരെയും ഉണ്ടായിട്ടില്ല. അവളുടെ കണ്ണുകളിൽ നിറഞ്ഞു നിൽക്കുന്ന കൗതുകവും സന്തോഷവും അവനെ ലഹരി പിടിപ്പിക്കുന്നുണ്ടായിരുന്നു. അതുതന്നെയാണ് താൻ ആഗ്രഹിച്ചത്. അവൾ അറിയാത്ത സന്തോഷങ്ങൾ തന്നിലൂടെ നൽകണം, അതിൽ കൗതുകത്തോടെ അവൾ നോക്കണം. അത് വല്ലാത്ത ഒരു സന്തോഷമായി അവന് തോന്നി…

” മൂന്ന് വർഷം കഴിയുമ്പോൾ നഴ്സിംഗ് തീരും.. അത് കഴിയുമ്പോൾ ഞാൻ നമ്മുടെ കാര്യം വീട്ടിൽ പറയും. അതുകഴിഞ്ഞ് പോസ്റ്റ് ബിഎസ്സി ഒക്കെ ഞാൻ പഠിപ്പിച്ചോളം.

അവളുടെ മുഖത്തേക്ക് നോക്കി അവൻ പറഞ്ഞപ്പോൾ അവൾ അലിവോടെ അവന്റെ മുഖത്തേക്ക് നോക്കി…

“ആരും സമ്മതിക്കില്ല..! ഇങ്ങനെ ഒന്നും നടക്കുമെന്ന് എനിക്ക് തോന്നുന്നില്ല,

” നേരെ തിരിച്ചൊന്നു ചിന്തിച്ചു നോക്കിക്കേ..? ഞാൻ പറഞ്ഞപ്പോൾ എല്ലാരും സമ്മതിച്ചാലോ…?

സോളമൻ പറഞ്ഞു

“അങ്ങനെ വരാൻ ഒട്ടും സാധ്യതയില്ല, നിനക്ക് സമ്മതമല്ലേ..?

അവളുടെ മുഖത്തിന് അരികിലേക്ക് മുഖം താഴ്ത്തിക്കൊണ്ട് അവൻ ചോദിച്ചു. അവൻ മെല്ലെ തലയാട്ടി

” എനിക്കും സമ്മതമാ. അതിൽ കൂടുതൽ ഇവിടെ മറ്റാരും സമ്മതിക്കേണ്ട കാര്യമില്ല. ബാക്കിയൊക്കെ വെറുമൊരു ഫോർമാലിറ്റി, നിന്നെ മാത്രം കെട്ടുന്നുള്ളൂ എന്ന് ഞാനും എന്നെ മാത്രം കെട്ടുന്നുള്ളൂ എന്ന് നീയും തീരുമാനിച്ചാൽ അതിനപ്പുറത്ത് ഒരു ദേവേന്ദ്രനും മാറ്റി എഴുതാൻ പറ്റില്ല..

ചെറു ചിരിയോടെ അവൻ പറഞ്ഞപ്പോൾ അവൾ അവനെ കൂർപ്പിച്ച് ഒന്ന് നോക്കി.

“നല്ല ഭംഗിയുണ്ട് ഈ ബീച്ച്..! ഞാനിതുവരെ ബീച്ചിൽ ഒന്നും വന്നിട്ടില്ല.

” ഞാനിവിടെ ഇഷ്ടം പോലെ വന്നിട്ടുണ്ട്, ഓരോ വട്ടം വരുമ്പോഴും ഓരോരുത്തരായിരുന്നു കൂടെ…

അവൻ ഒരു കുസൃതിയോടെ പറഞ്ഞപ്പോൾ അവൾ പെട്ടെന്ന് അവന്റെ കൈവിട്ട് നടന്നു. അവൻ ജീൻസ് സ്വല്പം കയറ്റിവെച്ച് അവളുടെ അരികിലേക്ക് ഓടി.

ആ കൈകൾ ഒന്നുകൂടി പിടിച്ച് അവൻ ഒന്ന് ചിരിച്ചു.

” ഇനി ജീവിതാവസാനം വരെ ഇവിടെ ഞാൻ വരുമ്പോൾ നീ ഒരാൾ മാത്രം കാണു,

അവൻ ഏറെ പ്രണയത്തോടെ പറഞ്ഞു

ഇന്നത്തെ കാലത്ത് സത്യസന്ധതക്ക് ഒരു വിലയും ഇല്ലെന്ന് എനിക്ക് മനസ്സിലായി…! ഞാനെന്റെ നിഷ്കളങ്കമായ മനസ്സുകൊണ്ട് ഇത്രയും സത്യം തുറന്നു പറഞ്ഞത്,

അവൻ കുസൃതിയോട് പറഞ്ഞു.

” ശരിക്കും ഒന്ന് ശ്രദ്ധിച്ചുനോക്കൂ, അന്ന് കൂടെ വന്നവരിൽ ആരെങ്കിലുമൊക്കെ ഇപ്പോഴും ഇവിടെ ഉണ്ടാവും.

താല്പര്യം ഇല്ലാതെ മരിയ പറഞ്ഞു

” എങ്കിൽ അവൾമാരൊക്കെ എന്നെ കാണുമ്പോൾ ഓടി പോയിട്ടുണ്ടാവും,

” അതെന്താ അത്രയ്ക്ക് ഭീകരനാണോ..?

“യാ….

ഒരു പ്രത്യേക രീതിയിൽ മീശ കടിച്ച് അവൻ പറഞ്ഞപ്പോൾ അവൾക്ക് ചിരി വന്നു പോയിരുന്നു.

“എങ്കിലും ആരോടും അന്ന് ശരിക്ക് ഒരു ഇഷ്ടം തോന്നിയില്ലേ…?

അവൾ സംശയം വിട്ടുമാറാതെ അവന്റെ മുഖത്തേക്ക് നോക്കി ചോദിച്ചു,

” അതൊന്നും ഒരു ഇഷ്ടമല്ലായിരുന്നു, ഒരു ടൈം പാസ്…!എനിക്കും അവർക്കും, നമുക്ക് ഒരാളോട് യഥാർത്ഥമായിട്ട് ഇഷ്ടം തോന്നുമ്പോൾ നമ്മുടെ മനസ്സിൽ ഇങ്ങനെ ഒരു മണി അടിക്കും, ഈ സ്കൂൾ ബെൽ ഒക്കെ അടിക്കുന്ന പോലെ, ഇതാണ് നിന്റെ ആളെന്ന് നമ്മുടെ മനസ്സിലിരുന്ന് ആരോ പറയുന്ന പോലെ തോന്നും, പിന്നെ ഒരു സ്പാർക്ക് തോന്നും, അതൊക്കെ ആ ഒരു മൊമെന്റില്‍ തന്നെ നമ്മുടെ തലച്ചോറിൽ എത്തും എന്നുള്ളതാണ്. നമ്മുടെ തലച്ചോറിൽ എത്തുന്ന ഓരോ സ്പാർക്കും ഡി കോഡ് ചെയ്ത് നമ്മുടെ മനസ്സിലേക്ക് വരും. അപ്പോൾ നമ്മൾ മനസ്സിലാക്കും ദാറ്റ്സ് മൈ ഗേൾ..! അതായിരുന്നു എനിക്ക് അന്ന് ആദ്യമായിട്ട് നിന്നെ കണ്ട നിമിഷം തോന്നിയത്. പിന്നെ ഞാൻ ഒരുത്തിയെ പറ്റിയും ചിന്തിച്ചിട്ടില്ല. കണ്ണടച്ചാലും തുറന്നാലും നീ മാത്രം…!

“എന്റെ കുറെ ഉടായിപ്പ് ഒക്കെ പപ്പയ്ക്കും അമ്മയ്ക്കും ഒക്കെ അറിയായിരുന്നു, ഇടയ്ക്ക് ഞാൻ ഇവിടെ ഒരു തമിഴ് പെണ്ണുമായിട്ട് ചെറിയൊരു കമ്പനിയിലായി… അവൾ ആണെങ്കിൽ ഞാൻ വിചാരിച്ചതിലും ഉടായിപ്പ്. ലോകം കണ്ട ഉടായിപ്പ് ഞാനാണെന്ന് ഞാൻ വിചാരിച്ചത്, അവള് അതിനെ കവച്ചു വച്ചു. ഇവിടെ ഫാർമസിസ്റ്റ് ആയിട്ട് വന്നതാ, ഒരു രണ്ടു മൂന്നുദിവസം കൊണ്ട് ഞങ്ങൾ തമ്മിൽ കമ്പനിയായി. സത്യം പറഞ്ഞാൽ ഞാൻ അങ്ങോട്ട് അല്ല അവൾ എന്നോട് ഇങ്ങോട്ട് കമ്പനി ആയി എന്ന് പറയുന്നതാണ് സത്യം. പിന്നെ സിനിമ,ചുരിദാർ, മാള്, പാർക്ക് അങ്ങനെ കുറെ പൈസ മുടിപ്പിച്ചു. കുറച്ചു കഴിഞ്ഞപ്പോൾ അവളുടെ വിധമൊക്കെ മാറി. വീട്ടിലെ ഓരോ കാര്യങ്ങൾ പറഞ്ഞ് എന്നോട് കാശ് കടം ചോദിച്ചു തുടങ്ങി. ആദ്യമൊക്കെ ഞാൻ കൊടുക്കുമായിരുന്നു. കാരണം കുറെ സത്യം കൂടിയായിരുന്നു, പിന്നെ പിന്നെ തുകയുടെ വലുപ്പം കൂടി. പിന്നീട് ഒരുതരം ബ്ലാക്ക് മെയിലിങ്ങിലേക്ക് പോയി. ഞങ്ങൾ ഒരുമിച്ച് ചില സെൽഫി എടുത്തിട്ടുണ്ടായിരുന്നു, അതൊക്കെ എല്ലാരേം കാണിക്കും ഈ തുക തരണം അങ്ങനെയൊക്കെയായി. അങ്ങനെ ചെയ്തത് എനിക്കിഷ്ടപ്പെട്ടില്ല, അതുകൊണ്ട് ഞാൻ പിന്നെ അവളെ ബ്ലോക്ക് ചെയ്തു. കുറെ വട്ടം കാണാതെ വന്നപ്പോൾ അവൾ നേരെ വീട്ടിലേക്ക് എത്തിയിരിക്കുന്നു, കൂട്ടത്തിൽ ഒരു ഗർഭകഥയും..

” ഗർഭമോ…?

അവൾ സോളമന്റെ മുഖത്തേക്ക് നോക്കി,

“സത്യായിട്ടും ഞാനല്ല ഉത്തരവാദി..!

അവൻ കൊച്ചു കുട്ടികളെപ്പോലെ പറഞ്ഞു

” അന്ന് അമ്മയുടെ മുന്നിൽ വന്ന് കരഞ്ഞു കാലുപിടിച്ച് അവളെ ഏറ്റെടുക്കണം എന്നൊക്കെ പറഞ്ഞു, അത് ഭയങ്കര സീനായി. അപ്പുറത്തും ഇപ്പുറത്തുള്ള ആരൊക്കെയോ കേട്ടു, പിന്നെ പപ്പയും ഞാനായിട്ട് ഫുൾ ഉടക്കായിരുന്നു അന്ന് മാറിയതാ ഞങ്ങൾ ഫ്ലാറ്റ്. പിന്നെ പപ്പ എന്നെ ഒരുപാട് വഴക്കും പറഞ്ഞു. താൻ വരുന്നതിനു മുന്നേ വരെ ഞങ്ങൾ വലുതായിട്ട് മിണ്ടൊന്നും ഇല്ലായിരുന്നു, ഇപ്പോഴാ ഇത്രയും എത്തിയത്. പിന്നെ എന്റെ മമ്മയ്ക്ക് എന്നെ അറിയാം, അതുകൊണ്ട് ആരു വിശ്വസിച്ചാലും മമ്മ വിശ്വസിക്കില്ലന്ന് ഉറപ്പായിരുന്നു,
മമ്മ തന്നെ അവളോട് പറഞ്ഞു നമുക്ക് ഇപ്പോൾ തന്നെ ഹോസ്പിറ്റലിൽ പോയിട്ട് ഇത് കൺഫോം ചെയ്യാം, പിന്നെ വേണമെങ്കിൽ ഡി എൻ എ പരിശോധന നടത്താം, നിന്റെ വയറ്റിൽ കിടക്കുന്നത് എന്റെ മോന്റെ കുഞ്ഞാണെങ്കിൽ ഉറപ്പായിട്ടും നിന്നെ ഞാൻ സ്വീകരിക്കാം എന്ന്, അതോടെ അവൾ പെട്ടു. ഒന്നാമത്തെ കാര്യം അവൾക്ക് ഗർഭം ഇല്ല രണ്ടാമത്തെ കാര്യം ഹോസ്പിറ്റലിൽ പോയി ഡിഎൻഎ പരിശോധന, അതിന്റെ പുറകെ കേസ്, നൂലാമാല ഒക്കെ വരും എന്ന് അവൾക്ക് നന്നായിട്ട് അറിയാം. അതോടെ അവൾ പ്ലേറ്റ് മാറ്റി. പക്ഷേ എനിക്ക് അത്യാവശ്യം നല്ല ചീത്ത പേരായി. അത് പിന്നെ ആൾറെഡി ഉള്ളതുകൊണ്ട് കുഴപ്പമൊന്നുമില്ല,

അമ്പരപ്പോടെ ഒന്നും മനസ്സിലാവാത്ത രീതിയിൽ സോളമനെ അവൾ നോക്കിയപ്പോൾ അവന് ചിരി വന്നു പോയിരുന്നു.. അവളുടെ കൈകളിൽ മുറുകെപ്പിടിച്ച് അതു തന്റെ ചുണ്ടോടു ചേർത്തുകൊണ്ട് അവൻ പറഞ്ഞു…

” ഞാൻ അന്ന് പറഞ്ഞതുപോലെ ഞാൻ ഫ്രഷാഡോ, ഐ അം വെർജിന്,എന്റെ കന്യകാത്വം ഒന്നും ഇതുവരെ നഷ്ടപ്പെട്ടിട്ടില്ല…..കാത്തിരിക്കൂ………

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക…