🎶 സോളമന്റെ ഉത്തമഗീതം 🎶❤️: ഭാഗം 39

രചന: റിൻസി പ്രിൻസ്‌

വേണ്ട ഞാനിപ്പം നന്നായിട്ട് ചൂടുപിടിച്ചിരിക്കുകയാ. എന്തെങ്കിലും തണുത്തത് മതി. ഇനി ഉള്ളിലേക്കും കൂടി ചൂട് പോയാൽ ശരിയാവില്ല.. അവളെ അടിമുടി നോക്കി മീശ പിരിച്ച് ഒരു കള്ളച്ചിരിയോടെ അവൻ പറഞ്ഞപ്പോൾ അവൾ അവനെ വീണ്ടും ഒന്ന് കൂർപ്പിച്ചു നോക്കി "എന്തുപറഞ്ഞാലും ഇങ്ങനെയുള്ള കാര്യങ്ങളിൽ മാത്രമേ ചെന്ന് നില്ക്കു അല്പം ദേഷ്യത്തോടെ അവന്റെ മുഖത്തേക്ക് നോക്കി അവൾ പറഞ്ഞു... "അല്ല നിന്നെ കാണുമ്പോൾ ഞാൻ പിന്നെ ഇന്ത്യ പാക്ക് യുദ്ധത്തെപ്പറ്റി സംസാരിക്കണോ..? അതൊക്കെ പോട്ടെ എങ്ങനെയുണ്ടായിരുന്നു ഇന്ന് ബീച്ചിൽ വച്ച് തന്ന ഷോക്ക് ട്രീറ്റ്മെന്റ്... അവളുടെ മുഖത്തേക്ക് നോക്കി ഒരു കുസൃതിയോടെ അവൻ ചോദിച്ചപ്പോൾ പെട്ടെന്ന് ആ മുഖത്ത് നാണം വിരിഞ്ഞത് അവൻ കണ്ടിരുന്നു. കണ്ണുകൾ താഴ്ത്തി നിൽക്കുന്ന അവളെ കണ്ടപ്പോൾ അവന് വീണ്ടും സ്നേഹമാണ് തോന്നിയത്. നിന്ന സ്ഥലത്തുനിന്നും അവളെ എടുത്ത് പാതകത്തിന് മുകളിലേക്ക് കയറ്റിയിരുത്തി അവൻ. ശേഷം അവളുടെ മുഖം കൈയിലേക്ക് എടുത്തു, തന്റെ മുഖത്തേക്ക് നോക്കാതിരിക്കുന്നവളെ ബലമായി അവന്റെ മുഖത്തിന് നേരെ തിരിച്ചു പിടിച്ചു, എന്നിട്ട് ഭംഗിയായി ഒന്ന് ചിരിച്ചു കാണിച്ചു... " പറ എങ്ങനെയുണ്ടായിരുന്നു..? "ഒന്ന് പോയെ... എനിക്ക് സമയം വൈകും, ഇത് കഴിഞ്ഞിട്ട് വേണം പഠിക്കാൻ... ഇച്ചായൻ പോകാൻ നോക്കിക്കേ "ഓഹോ... എങ്കിൽ പിന്നെ ഞാൻ കൂടി നിന്നെ ഹെൽപ്പ് ചെയ്യാം... അതും പറഞ്ഞു അവൻ അവളുടെ കയ്യിലിരുന്ന് കത്തിപ്പിടിച്ചു വാങ്ങി ക്യാരറ്റ് അരിയാൻ തുടങ്ങി..... " അയ്യോ അതൊന്നും വേണ്ട ഞാൻ ചെയ്തോളാം, "എന്റെ കൊച്ച് ഇങ്ങനെ ഒറ്റയ്ക്ക് കിടന്ന് കഷ്ടപ്പെടുന്നത് എനിക്ക് സഹിക്കുമോ..? നീ അവിടെ പോയി ചപ്പാത്തി കുഴക്കാൻ നോക്ക്, "ചുമ്മാതിരിക്കു ഇച്ചായ, അറിയാത്ത പണി ചെയ്യേണ്ട, കയ്യോ മറ്റോ മുറിഞ്ഞാൽ ഉണ്ടല്ലോ... " കൈ ഒന്നും മുറിയില്ല, നീ എന്താണ് ഓർത്തെ ഇത് എനിക്ക് പരിചയമില്ലാത്ത പണിയാണെന്നോ..? ഞാൻ നല്ല സൂപ്പറായിട്ട് കുക്ക് ചെയ്യും, നിനക്കറിയാഞ്ഞിട്ടാ.. ഇത് അറിയാത്ത പണിയൊന്നുമല്ല, "അപ്പോൾ എല്ലാ അറിയാത്ത പണിയൊന്നും ഇല്ല അല്ലേ അവൾ ഒന്ന് ആക്കി ചോദിച്ചു.. "അറിയാത്ത പണിയൊക്കെ ഉണ്ട് ഇതുവരെ ചെയ്തു നോക്കാൻ പറ്റാത്ത ചില പണികളൊക്കെ ഉണ്ട്... അതിനൊക്കെ നീയൊരു അവസരം തന്നാലേ പറ്റൂ.. "ദേ എനിക്ക് ദേഷ്യം വരുന്നുണ്ട് അല്പം ദേഷ്യത്തോടെയാണ് അവൾ അവന്റെ മുഖത്തേക്ക് നോക്കിയത്, അത് കണ്ടതും അവന് ചിരി വന്നിരുന്നു, "സോറി... സോറി ഇനി ഇല്ല, നിനക്ക് ഡബിൾ മീനിങ് കോമഡികളോട് അത്ര വലിയ താല്പര്യമില്ലെന്ന് ഞാൻ അറിഞ്ഞില്ല, അതും പറഞ്ഞ് അവൻ ചിരിച്ചു കാണിച്ചപ്പോൾ അവളും ചിരിച്ചു പോയിരുന്നു, അവൾ ചപ്പാത്തി കുഴക്കുന്ന നേരം കൊണ്ട് എല്ലാം അരിഞ്ഞത് അവനാണ്, ചപ്പാത്തി കുഴച്ച് മൂടിവച്ചതിനു ശേഷം അവൻ അരിഞ്ഞ കഷണങ്ങളെല്ലാം ഇട്ട് അവൾ പെട്ടെന്ന് തന്നെ കുറുമ കറി ഉണ്ടാക്കി, അത് ടേസ്റ്റ് ചെയ്യാൻ അവന്റെ ഉള്ളം കയ്യിലേക്ക് ഒഴിച്ചു കൊടുത്തു.. " ഉപ്പില്ലല്ലോ, അവൻ പറഞ്ഞപ്പോൾ അവൾ കുറച്ച് എടുത്ത് അവളുടെ കയ്യിലേക്ക് ഒഴിച്ച് ഒന്ന് ടെസ്റ്റ് ചെയ്തു നോക്കി.. "എനിക്ക് കുഴപ്പമൊന്നും തോന്നുന്നില്ലല്ലോ, ആവശ്യത്തിനുള്ളതായിട്ടാ തോന്നുന്നത്, അവന്റെ മുഖത്തേക്ക് നോക്കി അവൾ പറഞ്ഞപ്പോൾ അവളുടെ കയ്യിലിരുന്ന സ്പൂണിൽ നിന്നും ഒരു ഇത്തിരി കൂടി അവളുടെ കൈകളിലേക്ക് ഒഴിച്ച് അത് തന്റെ നാവുകൊണ്ട് രുചിച്ചു നോക്കി... അവളുടെ മുഖത്തേക്ക് നോക്കി അവൻ പറഞ്ഞു "ഇപ്പൊ കറക്റ്റ് ആയി... വീണ്ടും അവൾ അവനെ ഒന്ന് കൂർപ്പിച്ചു നോക്കിയപ്പോൾ, ഒന്നും മിണ്ടാതെ അവൾക്ക് അരികിലേക്ക് വന്ന് അവൻ തന്റെ നെറ്റി അവളുടെ നെറ്റിയിൽ മുട്ടിച്ചു കഴിഞ്ഞിരുന്നു, ചുമ്മാ ഇതൊക്കെ ഒരു രസം അല്ലെ..? " പിന്നെ മറിയാമേ ഞാൻ ഒരു കാര്യം പറയാൻ ഇരിക്കുകയായിരുന്നു, " എന്താ.... ചപ്പാത്തി മാവ് ഉരുട്ടി ചപ്പാത്തി ഉണ്ടാക്കുന്നതിനിടയിൽ അവള് ചോദിച്ചു, " നമുക്ക് ഇവിടുന്ന് മാറണ്ടേ..? "നമുക്കോ..? മനസ്സിലാവാതെ അവൾ ചോദിച്ചു.. "നമുക്കല്ല നിനക്ക്...? നിനക്ക് ഹോസ്റ്റലിലേക്ക് പോണ്ടേ..? പെട്ടെന്ന് അവളുടെ മുഖത്തെ ഉത്സാഹം കെട്ടടങ്ങുന്നത് അവൻ കണ്ടിരുന്നു.. തന്നെ പിരിയുക അവൾക്ക് അത്രമേൽ വിഷമമുണ്ടാക്കുന്ന കാര്യമാണെന്ന് മറ്റാരെക്കാളും നന്നായി ഇപ്പോൾ അവന് അറിയാം, തന്നെ അവൾ അത്രത്തോളം സ്നേഹിക്കുന്നുണ്ട്. പുറത്ത് കാണിച്ചില്ലെങ്കിൽ പോലും തനിക്കത് മനസ്സിലാക്കാൻ സാധിക്കുന്നുണ്ട്. ഒരു നോട്ടത്തിൽ ഒരു ചിരിയിൽ ഒക്കെ അത് വ്യക്തമാണ്. തന്റെ മുഖം ഒന്ന് വാടിയാൽ പോലും അവൾക്ക് സഹിക്കാൻ പറ്റില്ല. " അപ്പോഴത്തേക്കും മുഖം വാടിയല്ലോ, അവൻ അവളുടെ അരികിലേക്ക് ചെന്ന് അവളെ ഒന്ന് ചേർത്ത് പിടിച്ചു... അവൾ എതിർക്കാൻ പോയിരുന്നില്ല, അവളുടെ കയ്യിലിരുന്ന ചപ്പാത്തി വാങ്ങി അത് പാനിലേക്ക് ഇട്ട് ചുടാൻ തുടങ്ങിയവൻ... "എന്റെ കൊച്ചു വിഷമിക്കൊന്നും വേണ്ട, നിന്നെ ഞാൻ അങ്ങനെ ഹോസ്പിറ്റലിന്റെ ലോക്കൽ ഹോസ്റ്റലിൽ ഒന്നും ആക്കില്ല.. നിനക്ക് നിൽക്കാൻ പറ്റിയ ഒരു പി ജി സെറ്റ് ചെയ്തു തരാം.. അവിടെയാകുമ്പോൾ എനിക്ക് ഒന്ന് വന്നു കാണുകയും ചെയ്യാം. ഹോസ്റ്റലിൽ വന്നു ഞാൻ കണ്ടാൽ ആരെങ്കിലുമൊക്കെ അറിഞ്ഞ് ചിലപ്പോൾ പപ്പയുടെ ചെവിയിലൊക്കെ എത്തും. ഇതാവുമ്പോൾ ആ പ്രശ്നമില്ല.. നിങ്ങളുടെ ക്ലാസ്സിൽ തന്നെയുള്ള ഒന്ന് രണ്ട് കുട്ടികൾ താമസിക്കുന്ന പിജി എനിക്കറിയാം.. അവിടെ ഒരു അക്കോമഡേഷൻ കൂടി നോക്കാം. നാളെയോ മറ്റന്നാളോ ആയിട്ട് ഞാൻ തിരക്കും, അതിനുമുമ്പ് നിന്നോടൊന്നു പറയണ്ടേ..? അതുകൊണ്ട ഇപ്പോൾ പറഞ്ഞത്.. ഏതായാലും മമ്മി ഇല്ലാതിരുന്നത് കാര്യമായി, ഇത്രയും ഫ്രീ ആയിട്ട് നിന്നോട് തുറന്നു സംസാരിക്കാൻ പറ്റിയല്ലോ... പിന്നെ നമ്മൾ തമ്മിൽ കാണില്ല എന്നുള്ള വിഷമം ഒന്നും വേണ്ട. നമുക്ക് എന്നും ഹോസ്പിറ്റലിൽ വച്ച് കാണാൻ പറ്റും, ഇനി അതുപോരാ നിനക്ക് എന്നും എന്നെ കാണണമെങ്കിൽ ഞാൻ എന്നും നിന്റെ ഹോസ്റ്റലിൽ വരാം. അവളുടെ മുഖത്തേക്ക് നോക്കി ചിരിയോടെ അവൻ പറഞ്ഞപ്പോൾ അവൾക്ക് പകുതി ആശ്വാസമായിരുന്നു... " മറ്റൊരു കാര്യം കൂടിയുണ്ട്, അവൾ മനസ്സിലാവാതെ അവന്റെ മുഖത്തേക്ക് നോക്കി. " മമ്മയുടെ അമ്മച്ചി വരുന്നുണ്ട്. ചിലപ്പോൾ ഇവിടെ വരുമ്പോൾ നിന്നെ എന്തെങ്കിലുമൊക്കെ കുത്തി പറയും, പഴയ ആളുകളല്ലേ. അന്ന് ഹോസ്പിറ്റലിൽ വച്ചു പറഞ്ഞത് ഓർമ്മയില്ലേ, അതുപോലെ എന്തെങ്കിലുമൊക്കെ ഡയലോഗ് വരും.. അതിലും നല്ലത് മറ്റൊരിടത്ത് പോയി നിൽക്കുന്നത് തന്നെയാ നീ വിഷമിച്ചാൽ ഞാനും ഡിസ്റ്റർബ് ആകും.. അവളുടെ മുഖത്തേക്ക് നോക്കി ആർദ്രമായി പറഞ്ഞവൻ.. ആ നിമിഷം തന്നെ അവൾ ഒന്നും നോക്കാതെ അവന്റെ നെഞ്ചിലേക്ക് ചാരിയിരുന്നു.. അവൻ അവളെ തന്റെ നെഞ്ചിലേക്ക് ചേർത്തു പിടിച്ചു..കാത്തിരിക്കൂ.........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...