🎶 സോളമന്റെ ഉത്തമഗീതം 🎶❤️: ഭാഗം 40

രചന: റിൻസി പ്രിൻസ്‌

അതിലും നല്ലത് മറ്റൊരിടത്ത് പോയി നിൽക്കുന്നത് തന്നെയാ നീ വിഷമിച്ചാൽ ഞാനും ഡിസ്റ്റർബ് ആകും..

അവളുടെ മുഖത്തേക്ക് നോക്കി ആർദ്രമായി പറഞ്ഞവൻ.. ആ നിമിഷം തന്നെ അവൾ ഒന്നും നോക്കാതെ അവന്റെ നെഞ്ചിലേക്ക് ചാരിയിരുന്നു.. അവൻ അവളെ തന്റെ നെഞ്ചിലേക്ക് ചേർത്തു പിടിച്ചു

” സത്യം പറഞ്ഞാൽ എനിക്ക് ഓർക്കുമ്പോൾ ഭയങ്കര പേടി തോന്നി, നമ്മൾ തമ്മിലുള്ള ഇഷ്ടം അങ്കിളോ ആന്റിയോ അറിയുമ്പോൾ എന്തായിരിക്കും സംഭവിക്കാൻ പോകുന്നത് എന്ന് എനിക്ക് പേടിയുണ്ട്.. എന്താണെങ്കിലും അവരുടെ ഭാഗത്തു നിന്നും ഒരിക്കലും പോസിറ്റീവ് ആയിട്ടുള്ള ഒരു മറുപടി ഉണ്ടാകുമെന്ന് എനിക്ക് തോന്നുന്നില്ല,

” നിനക്ക് മാത്രമല്ല ആ ഒരു തോന്നൽ എനിക്കും ഇല്ല, പ്രശ്നങ്ങളുണ്ടാവും. ഒരുപാടുണ്ടാവും. അതിനെയൊക്കെ തരണം ചെയ്യുക എന്നത് മാത്രമാണ് നമുക്ക് ചെയ്യാൻ പറ്റുന്നത്.

” അത്രയ്ക്ക് ധൈര്യം ഒന്നും എനിക്ക് ഇല്ല ഇച്ചായ, ഒരു പക്ഷേ ഞാൻ തളർന്നു പോകും…

” സാരമില്ല ഞാൻ ചേർത്ത് പിടിച്ചോളാം, ധൈര്യം പകർന്നോളാം…

” ഞാനൊരു കാര്യം ചോദിച്ചോട്ടെ, ഒരുപാട് വട്ടം ചോദിച്ചപ്പോഴും ഇച്ചായൻ ഒരു തമാശയുടെ മേമ്പടിയോടെ മാറ്റിക്കളഞ്ഞതാ ഇത്… പക്ഷേ ഇന്ന് എനിക്ക് മറുപടി വേണം… പറയാൻ ഒരു പ്രത്യേകതകളും ഇല്ലാത്ത എന്നെ പോലൊരു പെൺകുട്ടിയെ എന്ത് കാര്യത്തിന്റെ പുറത്താണ് ഇങ്ങനെ ഇഷ്ടപ്പെടുന്നത്, ഇച്ചായന്റെ പൊസിഷനോ സൗന്ദര്യത്തിനോ ഒപ്പം നിൽക്കാൻ എനിക്ക് സാധിച്ചിട്ടില്ല.. പിന്നെ എന്തിനാ എന്നോട് ഇങ്ങനെ, ഒരു സഹതാപത്തിന്റെ പുറത്ത് തോന്നിയ ഇഷ്ടമാണെങ്കിൽ പോലും ഇതിനോടകം ആ ഇഷ്ടം ഇല്ലാതാവും, പക്ഷേ സ്വന്തം അച്ഛനെയും അമ്മയെയും പോലും വേണ്ടെന്നുവച്ച് എന്നെ സ്നേഹിക്കാനും മാത്രമുള്ള പ്രത്യേകതകൾ എനിക്കുണ്ടെന്ന് എനിക്ക് തോന്നുന്നില്ല…

” നിന്നോട് എപ്പോഴും പറയുന്ന മറുപടി തന്നെയാണ് ഈ ഒരു കാര്യത്തിൽ ഇപ്പോഴും എനിക്ക് പറയാനുള്ളത്, നിന്റെ ചോദ്യത്തിന് എന്റെ കൈയ്യിൽ മറുപടിയില്ല, നിന്നെ എനിക്ക് ഒരുപാട് ഇഷ്ടമാണ്. നിന്റെ മനസ്സിൽ നീ എനിക്ക് തരുന്ന സ്ഥാനം ആ സ്നേഹത്തിന്റെ ആഴം അതൊന്നും മറ്റൊരു പെൺകുട്ടിയെ ഞാൻ എന്റെ ജീവിതത്തിലേക്ക് ക്ഷണിച്ചാൽ എനിക്ക് കിട്ടില്ല. ആരുമില്ലാത്തവരെ സ്നേഹിക്കുമ്പോൾ അവർ നമുക്ക് ഇങ്ങോട്ട് തരുന്ന സ്നേഹത്തിന് അളവ് ഉണ്ടാവില്ല, ഒരു ഉപാധികളും ഇല്ലാതെ സ്നേഹിക്കപ്പെടാൻ കഴിയുക എന്ന് പറയുന്നത് വലിയ കാര്യമാണ്, സഹതാപത്തിന്റെ പുറത്ത് തോന്നിയതല്ല, ആദ്യം നിന്നെ കണ്ടപ്പോൾ എനിക്ക് നിന്നെക്കുറിച്ച് ഒന്നും അറിയില്ലായിരുന്നു, അമ്മയുടെ കൂട്ടുകാരിയുടെ മോളാണ് നീയെന്ന് പോലും… പക്ഷേ ആ നിമിഷം തന്നെ എന്റെ മനസ്സിൽ നിന്നോട് തോന്നിയത് ഒരു പ്രത്യേകതയായിരുന്നു, നിന്റെ അവസ്ഥ എന്റെ ഇഷ്ടത്തെ സ്വാധീനിച്ചിട്ടുണ്ട് അതൊക്കെ ശരിയാണ് എന്നിലൂടെ നീ സന്തോഷം അനുഭവിക്കണം എന്ന് ഞാൻ ആഗ്രഹിച്ചു. നിനക്ക് കിട്ടാതെ പോയ സ്നേഹം മുഴുവൻ എനിക്ക് നൽകണമെന്ന് തോന്നി, അതിനപ്പുറം മറ്റൊന്നും എന്റെ മനസ്സിൽ നിന്നോടു തോന്നിയിരുന്നില്ല. ഇപ്പൊൾ തോന്നുന്നത് മരണം വരെ നിന്നെ ഇങ്ങനെ ചേർത്തുപിടിക്കണം എന്ന് ആണ്.. മരണത്തിനു പോലും വിട്ടുകൊടുക്കാതെ,

നിറഞ്ഞു തുളുമ്പിയ അവളുടെ കണ്ണുകൾ അവൻ വിരലുകളാൽ തൂത്തുകൊടുത്തു… അവൾ ഒന്നും മിണ്ടാതെ അവനെ കെട്ടിപ്പിടിച്ചു, ഏറെ നേരം അങ്ങനെ നിന്നു… അവൻ അവളുടെ മുടിയിൽ ആർദ്രമായി തഴുകുന്നുണ്ടായിരുന്നു..

“പിന്നെ കുറെ നേരം ഇങ്ങനെ നിന്നാൽ ഞാൻ അങ്ങ് എപ്പോഴും ഡീസന്റ് ആകും എന്ന് നീ വിചാരിക്കണ്ട, ചിലപ്പോൾ എന്റെ സ്വഭാവമൊക്കെ പുറത്തു വരും, അന്നേരം പിന്നെ എന്നെ കണ്ണുരുട്ടി പേടിപ്പിക്കാൻ നിൽക്കരുത്..

ആ വാക്ക് കേൾക്ക് അവൾക്ക് ചിരി വന്നുപോയിരുന്നു.. അവനിൽ നിന്നും അവൾ അകലാൻ തുടങ്ങി, അവൻ വീണ്ടും അവളെ തന്നിലേക്ക് ചേർത്തുപിടിച്ചു..

” പറഞ്ഞപ്പോഴേക്കും ഓടി പോകാതെ, ഞാൻ വെറുതെ പറഞ്ഞതാടി, എനിക്ക് കൺട്രോൾ ഇല്ലെങ്കിൽ നീ ഇങ്ങനെ നിൽക്കുമോ.? ഞാൻ എന്നെ തന്നെ കണ്ട്രോൾ ചെയ്തു നിൽക്കുന്നുണ്ട് കൊണ്ടാണ് നീ ഇവിടെ സേഫ് ആയിട്ട് നിൽക്കുന്നത് ഇല്ലെങ്കിൽ നീ ഇപ്പോൾ ഇവിടെ രണ്ട് പെറ്റേനെ..

” ഓഹോ ഞാനെന്താ പട്ടിയോ പൂച്ചയോ ആണോ ഇത്രയ്ക്ക് ഇത്ര നാളല്ലേ ആയുള്ളൂ ഞാൻ ഇവിടെ വന്നിട്ട് അതിനിടയിൽ രണ്ട് പ്രസവമോ..?

അവൾ ചോദിച്ചപ്പോൾ അവൻ പൊട്ടിച്ചിരുന്നു,

” ഈ ഡയലോഗിലെ നീ തന്നെയാ സ്കോർ ചെയ്തത്… ഏതായാലും എന്റെ കൂടെ നടന്ന് നിനക്ക് കുറച്ച് ഹ്യൂമർ സെൻസൊക്കെ കിട്ടിയിട്ടുണ്ട്, കണ്ടോ മുല്ല പൂമ്പൊടിയേറ്റ് കിടക്കും കല്ലിനുമുണ്ടാ സൗരഭ്യം…

അവൻ തന്റെ ടീ ഷർട്ട്‌ കോളർ ഒന്ന് ഉയർത്തിപ്പിടിച്ച് അവളുടെ മുഖത്തേക്ക് നോക്കി പറഞ്ഞപ്പോൾ അവൾ ചിരിച്ചിരുന്നു… അവൾ കുസൃതിയോടെ അവന്റെ മീശയിൽ വേദനിപ്പിക്കാത്ത രീതിയിൽ ഒന്ന് പിടിച്ചു വലിക്കുകയും ചെയ്തു

“ആഹ്….. പെണ്ണ് ഉപദ്രവം തുടങ്ങിയല്ലോ…

അവളെ ചേർത്തുപിടിച്ച് ചിരിയോടെ അവൻ പറഞ്ഞു..

” ഞാൻ ഇങ്ങനെയൊക്കെ ഇതാദ്യമാ ഇച്ചായ… ഇതുവരെ ഞാൻ ഇങ്ങനെ ഒരു പുരുഷനോട് ഇത്ര സ്വാതന്ത്ര്യത്തിൽ ഇങ്ങനെ അടുത്തു ഇടപെട്ടിട്ട് പോലുമില്ല… സത്യം പറഞ്ഞാൽ ചിലപ്പോൾ എനിക്ക് കയ്യും കാലും ഒക്കെ വിറയ്ക്കും…

“സാരമില്ല ഞാനല്ലേ, എന്റെ അടുത്ത് എന്തിനും നിനക്ക് പൂർണ്ണ സ്വാതന്ത്ര്യം ഉണ്ട്, ഇനി നീ എന്നെ റേപ്പ് ചെയ്താലും ഞാൻ അങ്ങ് സഹിക്കും….

ഒരു കുസൃതിയോടെ അവൻ പറഞ്ഞപ്പോൾ അവൾ കൂർപ്പിച്ച് ഒന്ന് നോക്കിയിരുന്നു

” ഞാനും ഇങ്ങനെയൊക്കെ ആദ്യമാ….

അവളുടെ കൈവിരലുകൾക്ക് മുകളിൽ തന്റെ വിരലുകൾ കൊണ്ട് ഇക്കിളിയിട്ട് അവളെ തന്നോട് ചേർത്തുപിടിച്ച് ആ പുറം കഴുത്തിൽ തന്റെ മീശ ഉരസി കൊണ്ട് ഏറെ പ്രണയത്തോടെ അവളുടെ മുഖത്തേക്ക് നോക്കി അവൻ പറഞ്ഞു…

അവൾക്ക് ഇക്കിളിയും നാണവും ഒക്കെ തോന്നിയിരുന്നു… കുറച്ച് സമയം അവൾ അവന്റെ മുഖത്തേക്ക് തന്നെ നോക്കി നിന്നു… ഏറെ പ്രണയത്തോടെ ശേഷം അവന്റെ മുഖം താഴ്ത്തി ചുണ്ടുകളിൽ നേർത്ത ഒരു ചുംബനം നൽകി… ആ നിമിഷം അവൾക്ക് അവനോട് അത്രമേൽ പ്രണയം തോന്നിപ്പോയിരുന്നു…

അപ്പോൾ തന്നെയാണ് കോളിംഗ് ബെൽ അടിച്ചത്. അവൾ നൽകിയ പ്രണയത്തിന്റെ മുദ്രണത്തിൽ ഞെട്ടി നിൽക്കുകയാണ് സോളമൻ, പുറത്ത് നടന്നതൊന്നും അവൻ അറിഞ്ഞില്ലെന്ന് തോന്നി.. അത്രത്തോളം അത്ഭുതം അവന്റെ മുഖത്ത് ഉണ്ട്..

” ഇച്ചായാ

അവൾ വിളിച്ചപ്പോഴാണ് സ്ഥലകാല ബോധം വീണ്ടെടുത്ത് അവൻ അവളെ നോക്കിയത്.. തന്നെ അഭിമുഖീകരിക്കാൻ ഉള്ള മടിയായി നിൽക്കുകയാണ് അവൾ.

പുറത്ത് വീണ്ടും കോളിംഗ് ബെൽ അടിക്കുന്നുണ്ട്.. അത് കേട്ടതും അവൻ ചിരിയോടെ അവളുടെ മുഖത്തേക്ക് ഒന്ന് നോക്കി തലയാട്ടി കണ്ണിറുക്കി കാണിച്ച് പുറത്തേക്ക് നടന്നിരുന്നു.. അവൾ അപ്പോഴേക്കും നാണത്തിൽ കുതിർന്ന് അങ്ങനെ നിന്നു..കാത്തിരിക്കൂ………

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക…