🎶 സോളമന്റെ ഉത്തമഗീതം 🎶❤️: ഭാഗം 47

രചന: റിൻസി പ്രിൻസ്‌

തുടക്കത്തിൽ തന്നെ മാറ്റി നിർത്തുകയാണെങ്കിൽ അത്രയും കുഴപ്പമില്ലല്ലോ. പിന്നെ കണ്ണ് അകന്നാൽ മനസ്സ് അകന്നു എന്നാണ്. പരസ്പരം കാണാതിരിക്കുമ്പോൾ അവർക്ക് ഇടയിലുള്ള ആ ചെറിയ ഇഷ്ടം പെട്ടെന്ന് മാറിക്കോളും.

“ചെറിയ ഇഷ്ടമോ..?
അപ്പോൾ നിനക്ക് ഉറപ്പാണോ അവർക്കിടയിൽ ഇഷ്ടമുണ്ടെന്ന്.

അത്ഭുതത്തോടെ അയാൾ ഭാര്യയുടെ മുഖത്തേക്ക് നോക്കി ചോദിച്ചു

“അങ്ങനെ ചോദിച്ചാൽ വ്യക്തമായിട്ടുള്ള ഒരു മറുപടി പറയാൻ എനിക്ക് അറിയില്ല. പക്ഷേ അവർ തമ്മിൽ സൗഹൃദത്തിന് അപ്പുറം മറ്റ് എന്തോ ഉണ്ടെന്ന് ഇപ്പോൾ എനിക്ക് തോന്നുന്നു. അടുത്തകാലത്തായുള്ള അവരുടെ ഇടപെടലും രീതികളും ഒക്കെ അത് തന്നെയാണ് തീർച്ചപ്പെടുത്തി തരുന്നത്.. ചിലപ്പോൾ ഒന്നും കാണില്ലായിരിക്കും നല്ലൊരു സൗഹൃദം ആയിരിക്കും. ആ സൗഹൃദം അതിര് കിടക്കുന്നതിനു മുൻപ് അവർ രണ്ടുപേരും മാറി താമസിക്കുന്നത് തന്നെയാണ് നല്ലത്..

ഒരു അമ്മയുടെ ആകുലതകൾ മുഴുവൻ ആ വാക്കിൽ ഉണ്ടായിരുന്നുവെന്ന് സണ്ണിക്ക് തോന്നിയിരുന്നു.

ഉച്ചയ്ക്ക് ഭക്ഷണം കഴിക്കാൻ ഇരുന്നിട്ട് പോലും ഭക്ഷണം ഇറങ്ങുന്നുണ്ടായിരുന്നില്ല മരിയയ്ക്ക്. അവൾ വെറുതെ ചോറിൽ വിരലിട്ട് ഇളക്കി കൊണ്ടിരുന്നു. വൈകുന്നേരം ക്ലാസ് കഴിഞ്ഞതും അവളുടെ കാലുകൾക്ക് പതിവിലും വേഗതയുണ്ടായിരുന്നു. സോളമൻ പറഞ്ഞ ടീ ഷോപ്പിലേക്ക് എത്തി അവിടെ മുഴുവൻ നോക്കിയപ്പോഴും അവനെ കണ്ടില്ല. കുറച്ചു നിമിഷങ്ങൾക്ക് ശേഷം അവൻ അവിടേക്ക് കയറി വരുന്നത് കണ്ടപ്പോഴാണ് അവൾക്ക് ആശ്വാസം തോന്നിയത്.

അവളെ കണ്ടപ്പോൾ അവൻ ഇരുകണ്ണുകളും കാണിച്ചു. അതിൽ തന്നെ അവൾക്കൊരു വല്ലാത്ത ആശ്വാസം തോന്നിയിരുന്നു. ഇത്രയും നേരം തന്നെ മൂടിയ ഭയം എവിടെയോ നഷ്ടപ്പെടുന്നതുപോലെ തന്നെ. ഒരു പ്രത്യേക ആത്മവിശ്വാസം വന്നു നിറയുന്നതുപോലെ. ആ സാന്നിധ്യം അത്രമേൽ തന്നെ മറ്റൊരു അവസ്ഥയിലേക്ക് കൊണ്ടുവന്ന് എത്തിക്കുന്നുണ്ടെന്ന് അവൾക്ക് തോന്നിയിരുന്നു.

കുറെ നേരമായോ വന്നിട്ട്.?

അവളുടെ കൈകളിൽ കോർത്ത് പിടിച്ച് അവളുമായി കുറച്ചു മുൻപോട്ട് നടന്ന് ഒരു കോർണറിലേക്ക് കണ്ണു കാണിച്ചുകൊണ്ട് അവൻ ചോദിച്ചു..അവന്റെ ശരീരത്തിൽ നിന്നും ഏതു വില കൂടിയ പെർഫ്യൂമിന്റെ ഗന്ധം വമിക്കുന്നുണ്ടായിരുന്നു. ആദ്യമായി കാണുന്നതു പോലെ അവൾ അവനെ തന്നെ അത്ഭുതത്തോടെ നോക്കി.

” എന്താ ഇതുവരെ കാണാത്ത പോലെ ഒരു നോട്ടം..?

അവൻ അവളുടെ മുഖത്തേക്ക് നോക്കി ചോദിച്ചു. ഒന്നുമില്ല എന്ന് അവള് തല കൊണ്ട് ആംഗ്യം കാണിച്ചു.

“അണൈ 2 ടീ കൊടുങ്കോ

ക്യാഷിൽ ഇരിക്കുന്ന വ്യക്തിയെ നോക്കി അവൻ പറഞ്ഞപ്പോൾ അയാൾ അടുക്കളയിലേക്ക് നോക്കി ചായക്ക് പറയുന്നുണ്ടായിരുന്നു.

അവൾ പരിഭ്രമത്തോടെ അവന്റെ അരികിലേക്ക് ഇരുന്നു. ആ മുഖത്തെ പരിഭ്രമത്തിന് ഒട്ടും കുറവ് വന്നിട്ടില്ല എന്ന് അവൻ ശ്രദ്ധിച്ചു. താൻ ടെൻഷനിലാണോ അവളുടെ മുഖത്തേക്ക് നോക്കിക്കൊണ്ട് അവൻ ചോദിച്ചു.

” പിന്നെ ടെൻഷൻ ഇല്ലാതിരിക്കുമോ.? അമലയാന്റിയുടെ രാവിലത്തെ സംസാരരീതികളും ഒക്കെ ഓർക്കുമ്പോൾ എനിക്ക് വല്ലാത്ത പേടിയാ, എന്തൊക്കെയോ അറിഞ്ഞതു പോലെ. നമ്മൾ അന്ന് ഒരുമിച്ച് ചെല്ലേണ്ടിയിരുന്നില്ല. എല്ലാത്തിന്റെയും തുടക്കം അതാണെന്നാണ് എനിക്ക് തോന്നുന്നത്.

അവന്റെ മുഖത്തേക്ക് നോക്കി അവൾ പറഞ്ഞു.

” അന്ന് നമ്മൾ ഒരുമിച്ച് ചെന്നതിനു ശേഷമാണ് മമ്മയിൽ അങ്ങനെ ഒരു മാറ്റം വന്നത്. അത് സമ്മതിച്ചു. പക്ഷേ അതൊരു തെറ്റായിരുന്നു എന്നൊന്നും എനിക്ക് തോന്നുന്നില്ല. പിന്നെ അമ്മ തിരിച്ചു എന്ത് ചോദിച്ചാലും താൻ സ്ട്രോങ്ങ് ആയിട്ട് നിന്നാൽ മതി. അമ്മയ്ക്കൊരു സംശയം മാത്രമേ ഉള്ളൂ, അത് ഊതി പെരുപ്പിക്കാതിരുന്നാൽ മതി. തന്റെ പരിഭ്രമവും ടെൻഷൻ ഒക്കെ കാണുമ്പോൾ ആ സംശയം ഏകദേശം സത്യമായിരുന്നു എന്ന് അമ്മയ്ക്ക് തോന്നും. അതുകൊണ്ട് വളരെ കൂൾ ആയിട്ട് നിൽക്കുക. ഒരു കാരണം കൊണ്ടും പാനിക്ക് ആവേണ്ട ആവശ്യമില്ല. മനസ്സിലായോ.? അവളുടെ മുഖത്തേക്ക് നോക്കി അവൻ അത് ചോദിച്ചപ്പോഴും ആ മുഖത്ത് പരിഭ്രമം തന്നെയാണ് എന്ന് അവന് തോന്നി. മേശയിൽ ഇരിക്കുന്ന അവളുടെ കൈകൾക്ക് മുകളിലേക്ക് അവൻ അവന്റെ കൈകൾ വച്ചു. ശേഷം നന്നായി ഒന്നു മുറുക്കി പിടിച്ചു അവളുടെ മുഖത്തേക്ക് നോക്കി.

” ഈ ലോകം മുഴുവൻ എതിർത്താലും ഞാൻ നിന്റെ കൂടെയുണ്ട്. ആരൊക്കെ എന്തൊക്കെ പറഞ്ഞാലും ഞാൻ ഇനി നിന്നെ ഒറ്റയ്ക്ക് ആക്കില്ല. ആ ഒരു പേടി വേണ്ട, പിന്നെ എനിക്ക് ഒരു ടെൻഷനും ഇല്ല. നിന്റെ പഠിത്തം ഒന്ന് പൂർത്തിയാക്കിക്കോട്ടെ എന്ന് കരുതി ആണ് മമ്മയുടെ മുൻപിൽ ഇപ്പൊ ഒന്നും പറയണ്ട എന്ന് ഞാൻ പറഞ്ഞത്. അല്ലാതെ പേടിച്ചിട്ടൊന്നുമല്ല. മനസ്സിലായോ..? ഇത് ആലോചിച്ച് ഭക്ഷണം കഴിക്കാതെയും പഠിക്കാതെയും ഒന്നും ഇരിക്കരുത്.

വിനോദ് പറഞ്ഞു.

” ഇന്ന് ക്ലാസ്സിൽ നീ കമ്പ്ലീറ്റ് മൂഡ് ഔട്ട് ആയിരുന്നു എന്ന് വിനോദ് പറഞ്ഞു. നിനക്കൊരു ബുദ്ധിമുട്ട് വരണ്ട എന്ന് കരുതി ഞാൻ ഇന്ന് ക്ലാസ് എടുക്കാൻ പോലും വരാതിരുന്നത്. എന്നിട്ടും ഇതുതന്നെ ആലോചിച്ചിരിക്കേണ്ട കാര്യമുണ്ടോ.? ഞാനുണ്ടൊപ്പം.

അവൾക്ക് വല്ലാത്ത സമാധാനം തോന്നി. അവൾ നല്ലൊരു പുഞ്ചിരി അവന് സമ്മാനിച്ചിരുന്നു.

” ഇനി ഞാനൊരു പ്രധാനപ്പെട്ട കാര്യം പറയാൻ പോവാ. ആ കാര്യം ഇമോഷൻ രീതിയിൽ എടുക്കരുത്. കുറച്ച് സെൻസിബിൾ ആയിട്ട് വേണം ഈ കാര്യത്തെ സമീപിക്കാൻ.

അവൻ പറഞ്ഞപ്പോൾ അത് എന്താണെന്ന് അറിയാൻ വേണ്ടി അവള് അവന്റെ മുഖത്തേക്ക് നോക്കി. എത്രയും പെട്ടെന്ന് നീ വീട്ടിൽ നിന്ന് മാറണം. നമ്മൾ ഒരുമിച്ച് നിൽക്കുമ്പോൾ എത്രയാണെങ്കിലും നമ്മൾ പരസ്പരം സ്നേഹിക്കുന്നവരാണ് നമ്മുടെ പ്രവർത്തികളിൽ നമ്മുടെ സ്നേഹം നമ്മൾ എത്ര ഒളിപ്പിച്ചാലും തെളിഞ്ഞു വരും. അത് അങ്ങനെയാണ്. അതുകൊണ്ട് നീ തന്നെ ഇന്ന് അമ്മയോട് പറയണം, നിനക്ക് ഹോസ്റ്റലിലേക്ക് മാറണമെന്ന്. അപ്പോൾ മമ്മിയുടെ സംശയം മാറിക്കോളും. നമുക്ക് പരസ്പരം കാണാനും സംസാരിക്കാനും ഒക്കെ ഏറ്റവും സെയ്ഫും അതു തന്നെയാണ്. പിന്നെ ഇതുകൂടി കൈയ്യിൽ വച്ചോ.? അവൻ തന്റെ പോക്കറ്റിൽ നിന്നും ഒരു ഫോൺ എടുത്ത് അവളുടെ കൈകളിലേക്ക് കൊടുത്തു. എന്റെ ഫോണ് ആണ്. ഇതിന്റെ ചാർജർ ഞാൻ വൈകുന്നേരം മമ്മ കാണാതെ എങ്ങനെയെങ്കിലും നിന്റെ റൂമിൽ കൊണ്ടു വച്ചേക്കാം. തൽക്കാലം ഇത് കൈയിൽ ഉണ്ടെന്നുള്ള കാര്യം മമ്മ അറിയേണ്ട. ഞാൻ സൈലന്റ് ആക്കി ഇട്ടിരിക്കുവാ. എന്റെ നമ്പർ മാത്രമേ ഉള്ളൂ. ഫോൺ തരണ്ടാന്ന് കരുതിയത് ആണ്. പിന്നെ നിനക്ക് ഒരു വിശ്വാസക്കുറവ് വേണ്ടെന്നു കരുതി തന്നത് ആണ്. വിഷമിക്കാതെ ഞാനില്ലേ കൂടെ?

ആർദ്രമായി അവളുടെ കൈകളിലേക്ക് പിടിച്ചുകൊണ്ട് അവൻ പറഞ്ഞു…കാത്തിരിക്കൂ………

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക…