🎶 സോളമന്റെ ഉത്തമഗീതം 🎶❤️: ഭാഗം 57

രചന: റിൻസി പ്രിൻസ്‌

അറിയില്ല മോളെ... എന്നോട് പറഞ്ഞില്ല, മോളെ ബെറ്റി വിളിക്കാറില്ലേ.? രണ്ടും കൽപ്പിച്ച് അയാൾ അവളുടെ മുഖത്തേക്ക് നോക്കി ചോദിച്ചു. അവളില്ല എന്ന് തല അനക്കി.. അയാൾ ഒന്നും മിണ്ടാതെ വാൽസല്യത്തോടെ അവളുടെ മുടിയിൽ തഴുകി " മോള് ഇന്ന് വീട്ടിലേക്ക് വരുന്നോ..?ഞാൻ വേണമെങ്കിൽ വാർഡനേ വിളിച്ചു പറയാം. " വേണ്ട അങ്കിൾ, നാളെ വരാം, നാളെ ക്ലാസ്സ് ഉണ്ടല്ലോ അതുകൂടി കഴിഞ്ഞിട്ട് ഞാൻ വരാം. " ശരി മോളെ... ഞാൻ കൊണ്ടു വിടണോ? " വേണ്ട ഞാൻ പൊയ്ക്കോളാം അങ്കിൾ. അവൾ അങ്ങനെ പറഞ്ഞപ്പോൾ പിന്നീട് എതിർക്കാൻ അയാൾക്ക് തോന്നിയില്ല. അയാളോടെ യാത്ര പറഞ്ഞു അവൾ അവിടെ നിന്നും ഇറങ്ങുമ്പോൾ അയാൾ അവളുടെ അവസ്ഥയെ ഓർത്തുള്ള വേദനയിലായിരുന്നു. അയാളുടെ മനസ്സിൽ നിറയെ അവൾ ആയിരുന്നു. അവൾ ഹോസ്റ്റലിൽ എത്തിയതിനു ശേഷം ആണ് സോളമന്റെ ഫോൺകോൾ വരുന്നത്. അവൾ പെട്ടെന്ന് തന്നെ കോൾ എടുത്തു. " ഇതുവരെ കഴിഞ്ഞില്ല ഞാൻ ഇറങ്ങിയില്ല, ഇറങ്ങാൻ പോകുന്നതേയുള്ളൂ, നീ എത്തിയോ..? "എത്തി.... ആണോ ഞാന് സണ്ണി അങ്കിളിനെ കണ്ടിരുന്നു. "ആഹാ... എന്നിട്ട് എന്തു പറഞ്ഞു ഭാവി അമ്മായി അച്ഛൻ മരുമകളോട്.. ഒരു കുസൃതിയോടെ അവൻ ചോദിച്ചു. " എനിക്ക് കോഫി ഒക്കെ വാങ്ങി തന്നു... "ഓഹോ... അതൊക്കെ പുള്ളിയുടെ കടമയല്ലേ..? വേറെ വിശേഷങ്ങൾ എന്തു പറഞ്ഞു എന്ന് പറ, " പപ്പ വന്നിട്ടുണ്ടെന്ന്. " പപ്പയോ...? ആര് അയാളോ..? താല്പര്യമില്ലാതെ സോളമൻ ചോദിച്ചു. " അതെ, ജീനയുടെ അഡ്മിഷൻ സംബന്ധിച്ച് എന്തോ കാര്യത്തിന് ആണ് വന്നത്... "ഓ..!മ്മ് അത് എന്തെങ്കിലും ആവട്ടെ ഞാനിപ്പോൾ വീട്ടിൽ പോവാ, ചെന്നിട്ട് വിളിക്കാം... " ഓക്കേ.... അവൾ ഫോൺ കട്ട് ചെയ്തു സണ്ണി ഹോസ്പിറ്റലിൽ നിന്നും ഇറങ്ങാൻ നിൽക്കുമ്പോഴാണ് ജോണി വിളിച്ചത്. ഹോസ്പിറ്റലിൽ ഉണ്ട് എന്ന് അയാൾ പറഞ്ഞപ്പോൾ പെട്ടെന്ന് തന്നെ സണ്ണി അയാൾ പറഞ്ഞ അയാൾ നിൽക്കുന്ന സ്ഥലം മനസ്സിലാക്കി. അയാൾക്ക് മുൻപിൽ കൊണ്ടുവന്ന് കാർ നിർത്തി. ജോണി പെട്ടെന്ന് തന്നെ കാറിലേക്ക് കയറി. സാധാരണ കാണുന്നതിലും നല്ല രീതിയിൽ തന്നെ ഹൃദ്യമായി അയാളുടെ മുഖത്തേക്ക് നോക്കി ഒന്ന് ചിരിച്ചു ജോണി. " ഒരുപാട് നേരമായോ സണ്ണി വന്നിട്ട്.? " ഇല്ല സണ്ണി, അവിടെ അഡ്മിഷൻ കാര്യങ്ങളൊക്കെ തിരക്കായിരുന്നു. ഹോസ്റ്റലും മറ്റും തിരക്കി നിൽക്കാരുന്നു. " എവിടെയാ ചേർത്തത്..? " എൻജിനീയറിങ് കോളേജിലാ " ആഹാ ഞാൻ വിചാരിച്ചു നേഴ്സിങ് ആണെന്ന്.. " നേഴ്സിങ് എന്നൊക്കെ പറഞ്ഞാൽ വലിയ കഷ്ടപ്പാട് അല്ലേ..? മാത്രമല്ല നല്ല കല്യാണ ആലോചന ഒക്കെ വരണമെങ്കിൽ വല്ല എഞ്ചിനീയറും ഡോക്ടറോക്കെ ആവണ്ടേ..? ഒളി കണിട്ട് സണ്ണിയേ ഒന്ന് നോക്കി അയാൾ പറഞ്ഞപ്പോൾ സണ്ണി ഒന്ന് ചിരിച്ചു. " അങ്ങനെയൊന്നുമില്ല എല്ലാ ജോലിക്കും മര്യാദയുണ്ട്. പിന്നെ ഈ ഡോക്ടർമാർ അല്ല ആശുപത്രിയിലേക്ക് കാര്യങ്ങളൊക്കെ തീരുമാനിക്കുന്നത്. സത്യത്തിൽ നേഴ്സുമാർ ഇല്ലെങ്കിൽ ഇവിടെ പല ആശുപത്രികളും പൂട്ടിക്കെട്ടേണ്ടി വരും. ഡോക്ടർസ് എല്ലാ കാര്യങ്ങളും ശരിയാക്കി കൊടുക്കുന്നതേയുള്ളൂ. എല്ലാം ചെയ്യുന്നത് നേഴ്സുമാരാണ്. ശരിക്കും വലിയ ക്ഷമയുള്ള ഒരു ജോലി ആണ് നഴ്സ് എന്ന് പറയുന്നത്. അത് എല്ലാവർക്കും ഒന്നും ചെയ്യാനും പറ്റത്തില്ല. കല്യാണമാർക്കറ്റിൽ താൻ പറഞ്ഞതുപോലെ വലിയ വിലയൊന്നും കാണില്ല. പക്ഷേ ഇതിലും വലിയൊരു ചാരിറ്റി നടത്താൻ ഇല്ലെന്നാണ് എന്റെ ഇത്രയും വർഷത്തെ എക്സ്പീരിയൻസ് നിന്നും എനിക്ക് മനസ്സിലാക്കാൻ സാധിച്ചിട്ടുള്ളത്. ഒരു രോഗിയോട് അവർ ഇടപെടുന്ന രീതിയും കാര്യങ്ങളൊക്കെ നമ്മൾ നോക്കി പഠിക്കേണ്ടത് ആണ്. പലപ്പോഴും നമ്മുടെ ഡോക്ടർസിന് പോലും ക്ഷമയുടെ നെല്ലിപലക ഇളകും ചില രോഗികളുടെ ആറ്റിട്യൂട് കാണുമ്പോൾ. പക്ഷേ നേഴ്സുമാർ അങ്ങനെയല്ല. അവർക്ക് അങ്ങനെ പറ്റില്ലല്ലോ. പിന്നെ എൻജിനീയറിങ് നല്ല പ്രൊഫഷനാണ് ട്ടോ. മോൾക്ക് ഇഷ്ടമെങ്കിൽ അത് തന്നെ കണ്ടിന്യൂ ചെയ്യുന്നതാണ് നല്ലത്. ഞാൻ ഡോക്ടർ ആയതുകൊണ്ടാണോ സോളമൻ ഡോക്ടർ ആയതെന്ന് എല്ലാരും ചോദിക്കും. പക്ഷേ അങ്ങനെയല്ല അവന്‍റെ ടേസ്റ്റ് നോക്കിയാ ഞാൻ മെഡിസിന് വിട്ടത്. അവനോട് ചോദിച്ചിട്ട് ആണ് എല്ലാം ചെയ്തത്. കുട്ടിക്കാലം മുതൽ എന്റെ സ്റ്റെതസ്സ് കോപ്പ് എടുത്തുവച്ച് അവൻ കളിക്കാറുണ്ടായിരുന്നു. അപ്പോഴും ഞാൻ വിചാരിച്ചില്ല അവൻ ഡോക്ടർ ആകുമെന്ന്. സണ്ണി പറഞ്ഞു, അയാൾ ചിരിച്ചു " സോളമന് വിവാഹ ആലോചിക്കുന്നില്ലേ...? പെട്ടെന്ന് ജോണി സണ്ണിയോട് ചോദിച്ചു " അതും അവൻ ഇങ്ങോട്ട് പറയട്ടെ എന്ന് വിചാരിച്ചിരിക്കുക ആണ്. താൻ വിചാരിക്കുന്നത് പോലെ ഒരച്ഛൻ മകൻ ബന്ധം ഒന്നുമല്ല ഞങ്ങൾ തമ്മിൽ എന്ത് കാര്യവും അവന് എന്നോട് തുറന്നു പറയാൻ പറ്റും. അവന്റെ കാര്യത്തിൽ ഒരു അറേഞ്ച് മാര്യേജ് ഒന്നും നടക്കുമെന്ന് എനിക്ക് തോന്നിയിട്ടില്ല. പിന്നെ അവന് കല്യാണം കഴിക്കണം എന്ന് തോന്നുമ്പോൾ ഇങ്ങോട്ട് പറയട്ടെ. സണ്ണി അങ്ങനെ പറഞ്ഞപ്പോൾ ഇനിയെന്തു പറയണമെന്ന് ആലോചിക്കുകയായിരുന്നു ജോണി.. " മരിയയേ കാണണ്ടേ..? സണ്ണി ചോദിച്ചപ്പോൾ പെട്ടെന്ന് തന്നെ ജോണിയുടെ മുഖം മാറിയിരുന്നു. അത് സണ്ണി കാണാതിരിക്കാൻ അയാൾ നന്നായി ചിരിച്ചുകൊണ്ടാണ് സംസാരിച്ചത്. " പിന്നെ അവളെ കാണണം " ഞാൻ വൈകുന്നേരം മോളെ കണ്ടിരുന്നു, അപ്പൊ അവൾ ചോദിച്ചു അമ്മയുണ്ടോന്ന്. എന്തേ ബെറ്റി വരാതിരുന്നത്..? " എല്ലാവരെയും കൂടെ കൊണ്ടിരുന്നത് വലിയ ചെലവ് അല്ലേ സണ്ണി. പിന്നെ എനിക്ക് ആകുമ്പോൾ ഏതു പാതിരാത്രിയിലും തിരിച്ചു പോകാല്ലോ. കൂടെ സ്ത്രീകളുണ്ടെങ്കിൽ അങ്ങനെ പറ്റില്ല. പിന്നെ വീട്ടിലെ കാര്യങ്ങൾ നടക്കണ്ടേ? അവളും കൂടി എന്റെ കൂടെ വന്നാൽ അത് ശരിയാവില്ല അതുകൊണ്ട് ആണ്... "അതും ശരിയാ..! ഒരു കാര്യം ചെയ്യാം നമുക്ക് ആദ്യം മരിയയെ കണ്ടിട്ട് പോകാം. അവള് ഹോസ്റ്റലിൽ ആയതുകൊണ്ട് ഒരുപാട് ലേറ്റ് ആയ ചിലപ്പോ കാണാൻ പറ്റില്ല. ജോണിയ്ക്ക് താല്പര്യമുണ്ടായിരുന്നില്ലങ്കിലും എതിർക്കാൻ ആ സമയത്ത് ജോണിക്ക് കഴിയുന്നുണ്ടായിരുന്നില്ല. അയാൾ സമ്മതപൂർവ്വം തലയാട്ടി. " എവിടെയെങ്കിലും വണ്ടി നിർത്തണോ...? "എന്തിന്..? സണ്ണി ചോദിച്ചപ്പോൾ മനസ്സിലാവാതെ ജോണി ചോദിച്ചു " എന്തെങ്കിലും വാങ്ങണ്ടേ..,?ഒരുപാട് നാൾ കൂടി വരുന്നതല്ലേ താൻ... സണ്ണി അത്രയും എടുത്ത് ചോദിച്ചപ്പോൾ വാങ്ങാതിരിക്കാൻ ജോണിക്ക് കഴിയില്ലയിരുന്നു. ഒരു നിമിഷം ബെറ്റി പറഞ്ഞതുപോലെ വീട്ടിൽ നിന്നും വല്ലതും എടുത്തുകൊണ്ടു വന്നാൽ മതിയായിരുന്നു എന്ന് പോലും അയാൾക്ക് തോന്നി. എങ്കിലും സണ്ണിയെ വെറുപ്പിക്കാൻ വയ്യാത്തത് കൊണ്ട് അടുത്ത് കണ്ട ഒരു ബേക്കറിയിൽ കയറി എന്തൊക്കെ ചെറുതായി ഒന്ന് വാങ്ങി. കയ്യിലെ പൈസ കുറയും തോറും അയാൾക്ക് ദേഷ്യം കൂടി വന്നു....കാത്തിരിക്കൂ.........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...