🎶 സോളമന്റെ ഉത്തമഗീതം 🎶❤️: ഭാഗം 60

രചന: റിൻസി പ്രിൻസ്‌

ഇപ്പൊ മനസ്സിലായില്ലേ നീ ആഗ്രഹിക്കുമ്പോൾ ഞാൻ നിന്റെ അരികിൽ ഉണ്ടാവുമെന്ന്.

അവളുടെ മുഖത്തേക്ക് നോക്കി കുസൃതിയോടെ അവൻ ചോദിച്ചു.

” എങ്കിലും ഞാനിത് ഒട്ടും പ്രതീക്ഷിച്ചില്ല ഇച്ചായ…

അത്ഭുത പൂർവ്വം അവൾ പറഞ്ഞു

” നീ പ്രതീക്ഷിക്കുന്നതിലും അപ്പുറമാണ് മോളെ ഈ സോളമൻ

അത്രയും പറഞ്ഞ് അവൻ ഷർട്ടിന്റെ കോളർ ഒന്ന് പൊക്കി വണ്ടി സ്റ്റാർട്ട് ചെയ്തിരുന്നു.

” ഞാൻ വീട്ടിലേക്ക് വന്നപ്പോഴാ നീ പറയുന്നത് കാണാൻ തോന്നുന്നു എന്ന്. പിന്നെ എങ്ങനെയാ കാണുന്നേ എന്ന് ഓർത്തു. അപ്പോൾ ഇതേ ദൈവഭാഗ്യം പോലെ വിനോദിന്റെ ഫോൺ അവന്റെ വൈഫിനെ ഒന്ന് ഹോസ്പിറ്റലിൽ കൊണ്ടുപോയി ഇറക്കാമോ എന്ന്. അവന് ഒട്ടും സമയം ഇല്ല. വേറെന്തോ ഫംഗ്ഷൻ ഉണ്ടെന്ന്.
കേട്ടപാതി ഞാൻ ഓക്കേ പറഞ്ഞില്ലേ, വണ്ടിയിലേക്ക് കയറിയപ്പോൾ അവളോട് ഒരു ഹെൽപ്പ് ചെയ്യാമോ എന്ന് ചോദിച്ചു. ചേദം ഇല്ലാത്ത ഉപകാരമായതുകൊണ്ട് അവൾ ചെയ്തു തന്നു.

” അപ്പോ ഭാഗ്യം കൊണ്ട് നടന്നത് ആണ്

” ഒന്നു പോടീ നിനക്ക് കാണണമെങ്കിൽ ഞാൻ നിന്റെ ഹോസ്റ്റലിന്റെ ടെറസിന്റെ മുകളിൽ വലിഞ്ഞു കയറാനും മടിക്കില്ല… ആദ്യം വിചാരിച്ചത് അങ്ങനെ ചെയ്യാനാ,.

” ഇച്ചായൻ എന്നെ പേടിപ്പിക്കല്ലേ. ആ വാർഡനെങ്ങാനും കണ്ടാൽ എന്നെ കൊല്ലും.

മരിയ പറഞ്ഞു

” നമ്മൾ എങ്ങോട്ടാ പോകുന്നെ..?

” നമ്മളെങ്ങോട്ടും പോകുന്നില്ല. ഈ വണ്ടിയിൽ ഇങ്ങനെ കുറെ ദൂരം ഈ രാത്രിയുടെ ഭംഗിയൊക്കെ കണ്ട്.. അങ്ങനെ….
എന്നെ കാണണമെന്ന് ശരിക്ക് നീ ആഗ്രഹിച്ചോ.?

ഡ്രൈവിങ്ങിനിടയിൽ അവളുടെ കൈകളിൽ പിടിച്ചു കൊണ്ട് ചോദിച്ചു… അവൾ അതേ എന്ന അർഥത്തിൽ തലയാട്ടി..

അവൻ ഗ്ലാസ് താഴ്ത്തി കൊടുത്തപ്പോൾ അവൾ രാത്രിയുടെ സൗന്ദര്യം ആസ്വദിക്കുകയായിരുന്നു.

പണ്ടുമുതലേ രാത്രിയിൽ യാത്ര ചെയ്യാൻ വലിയ ഇഷ്ടമാണ്. പക്ഷേ ഇതുവരെയും സാധിച്ചിട്ടില്ല. ആകെ രാത്രിയിൽ യാത്ര ചെയ്തിട്ടുള്ളത് പെരുന്നാൾ ദിവസം മാത്രമാണ്. എങ്കിലും ആ യാത്രകൾ വളരെ പ്രിയപ്പെട്ടതായിരുന്നു.

” എനിക്ക് ഭയങ്കര ഇഷ്ടാ, രാത്രിയിൽ ഇങ്ങനെ എവിടെയെങ്കിലും ഒക്കെ പോകാൻ.

” കല്യാണം കഴിയട്ടെ നമുക്ക് എന്നും രാത്രി എവിടെയെങ്കിലും ഒക്കെ അങ്ങ് പോകാം..

അവൻ ചിരിയോടെ പറഞ്ഞു.

“സത്യം ആണോ

“പിന്നല്ലേ

കൗതുകത്തോടെ രാത്രി കാഴ്ചകൾ ആസ്വദിക്കുന്ന പെണ്ണിനെ കണ്ടപ്പോൾ അവന് വാത്സല്യമാണ് തോന്നിയത്. അവൻ വണ്ടി ബീച്ചിന്റെ സൈഡിൽ ഒതുക്കിയ ശേഷം അവളോട് ഇറങ്ങാൻ പറഞ്ഞു…

അവൾ വണ്ടിയിൽ നിന്നും ഇറങ്ങിയപ്പോൾ ബീച്ചിൽ നിന്നുമുള്ള തണുത്ത കാറ്റ് അവളുടെ ശരീരത്തെ കുളിർപ്പിക്കുന്നുണ്ടായിരുന്നു. ബീച്ചിൽ ഇപ്പോഴും ആളുകൾ ബാക്കിയാണ്.

” ഈ സമയത്തും ആളുകൾ ഇവിടെ ഇരിക്കുമോ.?

അത്ഭുതത്തോടെ അവന്റെ മുഖത്തേക്ക് നോക്കി അവൾ ചോദിച്ചു.

” കൊള്ളാം, ഇവിടെ വെളുപ്പിനെ വരെ ആളുകൾ കാണും.

കൗതുകത്തോടെ എല്ലാം നോക്കുകയാണ് അവൾ..

അവൻ അവളുടെ കൈകളിൽ പിടിച്ചു കുറച്ചു ദൂരം നടന്നു.
കടൽക്കാറ്റ് ശക്തമായപ്പോൾ അവളോട് കാറിലേക്ക് കയറാൻ അവൻ പറഞ്ഞു. അവൾക്കും അകത്ത് കയറണം എന്നുണ്ടായിരുന്നു. കാറ്റ് ആണെങ്കിൽ പോലും ശരീരത്തിലേക്ക് പതിക്കുമ്പോൾ ചൂടാണ് അനുഭവപ്പെടുന്നത്. ചെന്നൈ അത്രത്തോളം ചൂടുപിടിച്ചു കിടക്കുകയാണ്.

വണ്ടിയിലേക്ക് കയറിയതും അവളുടെ മുഖത്തേക്ക് നോക്കി സോളമൻ ചോദിച്ചു

“സന്തോഷം ആയോ..?

ഒരു നിമിഷം അവനെ അഭിമുഖീകരിക്കാൻ അവൾക്കു മടി തോന്നി, എങ്കിലും അവൾ അതേ എന്ന അർത്ഥത്തിൽ തലയാട്ടി.

” എന്തിനാ കാണണമെന്ന് പറഞ്ഞത്..?

ഒരു പ്രത്യേകതളത്തിൽ അവൻ അവളോട് ചോദിച്ചു..

” വെറുതെ കാണാൻ….

അവന്റെ മുഖത്തേക്ക് നോക്കാതെ അവളും മറുപടി പറഞ്ഞു..

“, വെറുതെ കണ്ടിട്ട്..?

കുസൃതിയോടെ വീണ്ടും അവൻ ചോദിച്ചു.

” കണ്ടിട്ട് എന്താ.?

” ഒന്നൂല്ലേ..?

അവൾക്കരികിലേക്ക് മുഖമടിപ്പിച്ച് അവൻ ചോദിച്ചു..

അവന്റെ ചൂട് നിശ്വാസം അവളുടെ മുഖത്ത് പതിച്ചു.

ഒരു നിമിഷം അവൾ വല്ലാതെ ആയി…

“കണ്ടിട്ട് ഒന്നുമില്ല, കാണാൻ വേണ്ടി മാത്രം…

” ദേ പെണ്ണെ ഈ പാതിരാത്രി പെട്രോളും കത്തിച്ച് നിന്നെ കാണാൻ വന്ന എന്നോട് ഇങ്ങനെ ചങ്ക് തുളയ്ക്കുന്ന വർത്താനം പറയല്ലേ…

” പിന്നെ എന്ത് വേണം എന്നാ പറയുന്നത്..?

അവൾ കുസൃതിയോടെ അവന്റെ മുഖത്തേക്ക് നോക്കി ചോദിച്ചു

” എന്തുവേണമെന്ന് പറഞ്ഞാൽ നീ തരുമോ ,?

അവൻ മീശ ഒന്ന് പിരിച്ച് അവളുടെ മുഖത്തിനരികിലായി നിന്നുകൊണ്ട് ചോദിച്ചു. അവൾ നാണത്തോടെ തലയാട്ടി.

അവൻ ചൂണ്ടുവിരൽ കൊണ്ട് അവളുടെ ചുണ്ടുകളിൽ ഒരു കളം വരച്ചു.

“ഇത്….

ഏറെ പ്രണയത്തോടെ അവളോട് പറഞ്ഞു

” എടുത്തോട്ടെ..?

അവളുടെ മുഖം കൈക്കുമ്പിളിൽ എടുത്ത് അവൻ ചോദിച്ചു.

” നാണത്താൽ അവളുടെ മുഖം ചുവന്നു പോയിരുന്നു.

” ആ ചുണ്ടുകളുടെ മധുരം എനിക്ക് അറിയണം…

അവൻ വീണ്ടും അവളുടെ മുഖത്തേക്ക് നോക്കി പറഞ്ഞു… മറുപടി എന്തു പറയണമെന്ന് അവൾക്ക് അറിയില്ലായിരുന്നു. അവൾ ചുവന്ന മുഖത്തോടെ അവനെ നോക്കി

അവൻ ഒറ്റ അവൾക്ക് അരികിലേക്ക് ചേർന്ന് ഇരുന്നു, അവളുടെ മുഖം കൈകളിൽ എടുത്തു. അവന് വിധേയപെട്ടത് പോലെ അവൾ കണ്ണുകൾ അടച്ചു, അവൻ അവളുടെ കണ്ണുകളിൽ നേർത്ത ഒരു ചുംബനം നൽകി, അവൾക്ക് ശരീരത്തിൽ ഒരു കുളിർ തോന്നി, കണ്ണുകളിൽ നിന്ന് ഒഴുകി ഇറങ്ങിയ അവന്റെ ചുണ്ടുകൾ അവളുടെ മുഖത്ത് ഒരു ഓട്ടപ്രദക്ഷണം നടത്തി, അവളുടെ മുടി വകഞ്ഞു മാറ്റി അവൻ ആ ചെവികളിൽ പതിയെ കടിച്ചു

“സ്സ്…

അവളിൽ നിന്ന് ഒരു നേർത്ത ശബ്ദം പുറത്തു വന്നു…

അതുകൊണ്ടും അവസാനിപ്പിക്കാത്ത അവൻ അവളുടെ താടി തുമ്പിൽ ചുംബിച്ചു. ശേഷം ആ ചുണ്ടുകൾ അവളുടെ ചുണ്ടിനു മുകളിൽ നേർത്ത ഒരു ചുംബനം നൽകി, പിന്നെ പതിയെ ആ അധരദളങ്ങളെ അവൻ സ്വന്തം ആക്കി, ഏറെ മൃദുലമായി, അവളുടെ ശരീരത്തിലൂടെ ഒരു മിന്നൽ കടന്നു പോയി.

ഇതുവരെ പരിചിതമല്ലാത്ത എന്തൊക്കെയോ വികാരങ്ങൾ തനു അറിയുന്നു.

ആ റോസാദളങ്ങളിലെ തേൻ ഒരു പൂമ്പാറ്റയുടെ ആവേശത്തോടെ അവൻ നുകർന്നു. അവൾ അവന്റെ തോളിലും കഴുത്തിലും ആയി നഖങ്ങൾ കൊണ്ട് ക്ഷതം ഏൽപ്പിക്കുന്നുണ്ടാരുന്നു. അവളുടെ കൈകളുടെ താളത്തിന് അനുസരിച്ചു അവന്റെ കൈകൾ അവളുടെ ഇടുപ്പിൽ മുറുകി. സോളമന് ഒരു പ്രേത്യേക ആവേശം നിറഞ്ഞു. ആദ്യചുംബനം സമ്മാനിച്ച അനുഭൂതിയിൽ അവളുടെ കണ്ണുകൾ അടഞ്ഞു പോയി..! …കാത്തിരിക്കൂ………

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക…