🎶 സോളമന്റെ ഉത്തമഗീതം 🎶❤️: ഭാഗം 61

രചന: റിൻസി പ്രിൻസ്‌

ആ റോസാദളങ്ങളിലെ തേൻ ഒരു പൂമ്പാറ്റയുടെ ആവേശത്തോടെ അവൻ നുകർന്നു. അവൾ അവന്റെ തോളിലും കഴുത്തിലും ആയി നഖങ്ങൾ കൊണ്ട് ക്ഷതം ഏൽപ്പിക്കുന്നുണ്ടാരുന്നു. അവളുടെ കൈകളുടെ താളത്തിന് അനുസരിച്ചു അവന്റെ കൈകൾ അവളുടെ ഇടുപ്പിൽ മുറുകി. സോളമന് ഒരു പ്രേത്യേക ആവേശം നിറഞ്ഞു. ആദ്യചുംബനം സമ്മാനിച്ച അനുഭൂതിയിൽ അവളുടെ കണ്ണുകൾ അടഞ്ഞു പോയി..!

ചിരിയോടെ അവളിൽ നിന്നും അവൻ അടർന്നു മാറി. അവളുടെ മുഖം നാണത്താൽ ചുവന്ന് തുടുത്തിട്ടുണ്ട്. അത് കാണെ അവനു വീണ്ടും എന്തൊക്കെയോ തോന്നി..

” എന്റെ മറിയാമ്മ കൊച്ചേ നീ ഇങ്ങനെ ചുവക്കാതെ.. ഞാൻ എന്നെ തന്നെ നിയന്ത്രിച്ച് നിൽക്കുക ആണ്.

അവളുടെ കാതോരം അങ്ങനെ അവൻ പറഞ്ഞപ്പോൾ എന്തു മറുപടി പറയണമെന്ന് അവൾക്കറിയില്ലായിരുന്നു. അവന്റെ മുഖത്തേക്ക് നോക്കാൻ പോലും വല്ലാത്തൊരു നാണവും അവൾക്ക് തോന്നി.

” മര്യാദയ്ക്ക് ഇരുന്ന എന്നെ കാണണമെന്ന് പറഞ്ഞ് വിളിച്ചു വരുത്തിയത് കൊണ്ടല്ലേ ഇപ്പോൾ ഇങ്ങനെയൊക്കെ പറ്റിയത്.?

കുസൃതിയോടെ മീശ തുമ്പ് പിരിച്ച് അവളെ നോക്കി ചിരിച്ചുകൊണ്ട് അവൻ ചോദിച്ചു. അവൾ അപ്പോഴും അവന്റെ മുഖത്ത് നോക്കാൻ മടിച്ചു നിൽക്കുകയാണ്. അവളുടെ താടി തുമ്പിൽ പിടിച്ചുയർത്തി അവൻ ബലമായി തന്റെ മുഖത്തേക്ക് അവളെ നോക്കിപ്പിച്ചു.

” എന്തേ നാണം വന്നോ.?

കുസൃതിയുടെ അവൻ ചോദിക്കുമ്പോൾ അവൾ പെട്ടെന്ന് മുഖം മാറ്റിക്കഴിഞ്ഞു.

” ഇതൊക്കെ ചോട്ടാ ഇനി വലുത് വരാനിരിക്കുന്നേയുള്ളൂ… ഇപ്പോഴേ ഇങ്ങനെയാണെങ്കിൽ അപ്പോഴേക്കും നീ പിന്നെ തലേ മുണ്ടിട്ടു കൊണ്ട് നടക്കുമല്ലോ എന്നെ നോക്കാതെ.

അവൻ പറഞ്ഞപ്പോൾ അവൾക്ക് വീണ്ടും നാണം തോന്നിയിരുന്നു.

” നമുക്ക് എന്തെങ്കിലും കഴിക്കാം, എന്നിട്ട് നിന്നെ ഡ്രോപ്പ് ചെയ്യണ്ടേ.?

അവനുമായുള്ള നിമിഷങ്ങൾ അവസാനിക്കാൻ പോവുകയാണെന്ന് അറിഞ്ഞപ്പോൾ അവളിൽ വല്ലാത്തൊരു സങ്കടം നിറഞ്ഞു നിന്നു. എങ്കിലും കഴിഞ്ഞ നിമിഷങ്ങൾ പകർന്നു തന്ന അനുഭൂതി മാത്രം മതിയായിരുന്നു അവനെ ഓർക്കുവാൻ വേണ്ടി..

ജീവിതത്തിൽ ആദ്യത്തെ അനുഭവമാണ്. അതുകൊണ്ടുതന്നെ ശരീരത്തിൽ ഇതുവരെ അറിയാത്ത എന്തൊക്കെയോ തരിപ്പ്.

“നിന്റെ കോളേജിൽ തന്നെയാണോ അനിയത്തിക്കും അഡ്മിഷൻ ശരിയാക്കിയിരിക്കുന്നത്.

ഡ്രൈവിങ്ങിനിടയിൽ അവൻ ചോദിച്ചു. അല്ല ഏതോ ഒരു എൻജിനീയറിങ് കോളേജിലാ.

” എൻജിനീയറിങ് ആണോ..?

അവൻ എടുത്തു ചോദിച്ചു.

” “അങ്ങനെയാ പറഞ്ഞത്

“മ്മ്മ്
അവൻ ഒന്ന് മൂളി

ശേഷം വണ്ടി നിർത്തിയപ്പോൾ ഒരു തട്ടുകടയാണ്..

” എനിക്കൊന്നും വേണ്ട ഇച്ചായാ
ഫുഡ് കഴിച്ചതായിരുന്നു..

അവള് പറഞ്ഞു

” അത് സാരമില്ല ലൈറ്റ് ആയിട്ട് നമുക്കൊരു കുട്ടി ദോശ കൂടി കഴിക്കാം.. നീ തമിഴ്നാട്ടിലെ തട്ടു ദോശ കഴിച്ചിട്ടില്ലല്ലോ കിടിലൻ ടേസ്റ്റ് ആണ്

അവൻ വിളിച്ചപ്പോൾ അവൾക്ക് ഇറങ്ങാതെ തരം ഉണ്ടായിരുന്നില്ല..

അവൻ തന്നെയാണ് പ്ലേറ്റിൽ ദോശയും വാങ്ങിക്കൊണ്ടുവന്നത്
കുട്ടി ദോശ എന്ന് പറഞ്ഞിട്ട് വലിയ മസാലദോശ പോലെ ഒരു ദോശയുമായി വരുന്നവനേ കണ്ട് അവൾ സൂക്ഷിച്ചു നോക്കി.

” ഇതാണോ കുട്ടി ദോശ.

” എടി നമ്മുടെ നാട്ടിലെ പോലത്തെ ചെറിയ ദോശയൊന്നും ഇവിടെ കിട്ടില്ല.
ഇവിടുത്തെ ദോശ ഇങ്ങനെ ഇരിക്കു. ഇതിന്റെ പല വെറൈറ്റികൾ ഉണ്ട്. തക്കാളി, ഇഡ്ഡലി പൊടി. അങ്ങനെ… ഇത് സാധാ ദോശ

അവൻ ആ പ്ലേറ്റുമായി വണ്ടിയുടെ ഡോർ തുറന്നിട്ട് അവിടേക്ക് ഇരുന്നു. അവളോടും ഇരിക്കാൻ ആവശ്യപ്പെട്ടു. അവൻ തന്നെയാണ് ദോശ ചമ്മന്തിയിൽ മുക്കി അവൾക്ക് നേരെ നീട്ടിയത്.

ഒരു നിമിഷം അവളുടെ കണ്ണുകൾ നിറഞ്ഞു പോയിരുന്നു…

ജീവിതത്തിൽ ആദ്യമായാണ് ഒരാൾ ഇങ്ങനെ ഊട്ടി തരുന്നത്. കുട്ടിക്കാലത്ത് ജീനക്കും ജോമോനും ഒക്കെ അമ്മ ചോറ് വാരി കൊടുക്കുന്നത് കാണുമ്പോൾ വലിയ കൊതിയായിരുന്നു, തനിക്കും ഇങ്ങനെ തന്നിരുന്നുവെങ്കിൽ എന്ന്. പലപ്പോഴും അരികിൽ ചെന്ന് നിന്നിട്ടുണ്ടെങ്കിൽ പോലും അങ്ങനെ തന്നിരുന്നില്ല. തനിക്ക് അരികിലേക്ക് അമ്മ നടന്നു വരുമ്പോൾ തന്നെ എന്തെങ്കിലും ആവശ്യം പറഞ്ഞു പപ്പ വിളിക്കും..

അതിന്റെ അർത്ഥം എനിക്ക് ഒന്നും തരണ്ട എന്നാണ്..

” എന്തുപറ്റി..?

അവളുടെ മുഖം മാറിയത് കണ്ട് സോളമൻ ചോദിച്ചു.

അവൾ ഒന്നുമില്ല എന്ന അർത്ഥത്തിൽ തലയാട്ടി.

അവൾ ഇപ്പോൾ എന്തായിരിക്കും ചിന്തിച്ചത് എന്ന് അവനു വ്യക്തമായി അറിയാമായിരുന്നു.

” വേറെ കാര്യങ്ങൾ ഒന്നും ആലോചിക്കാതെ നീ ഇത് കഴിച്ചേ

അവൻ വീണ്ടും അവൾക്ക് നേരെ ദോശ നീട്ടിക്കൊണ്ട് പറഞ്ഞു..

അവൾ ഏറെ സന്തോഷത്തോടെ വാ തുറന്ന് അത് വാങ്ങി..

ഒരു കാമുകന്റെ പ്രണയത്തിനുമപ്പുറം ആ നിമിഷങ്ങളിൽ ഒക്കെ സോളമൻ അവൾക്ക് വാത്സല്യം നൽകുന്ന ഒരു വ്യക്തിയായിരുന്നു. തന്നെ അവൻ എത്രത്തോളം കരുത്തുന്നുണ്ട് എന്ന് അവൾ ചിന്തിക്കുകയായിരുന്നു. ഒരുപക്ഷേ ഈ സ്നേഹം ലഭിക്കുവാൻ വേണ്ടി ആയിരിക്കാം ഇത്രയും കാലം താൻ സ്നേഹ ശൂന്യത അനുഭവിച്ചത് എന്ന് അവൾക്ക് തോന്നി. ഇത് തന്നിൽ നിന്നും ദൈവം അകറ്റി മാറ്റാതിരുന്നെങ്കിൽ എന്ന് അവൾ ആത്മാർത്ഥമായി ആഗ്രഹിച്ചു..

ദോശ കഴിച്ചു കഴിഞ്ഞതും ഓരോ കട്ടനും കൂടി വാങ്ങിയിട്ടാണ് സോളമൻ എത്തിയത്. ചായകുടിച്ച് തിരികെ പോരാൻ നേരം അവളുടെ മുഖം വല്ലാതിരിക്കുന്നത് കണ്ട് അവനവളുടെ കയ്യിൽ പിടിച്ചു..

ഒരു നിമിഷം അവനെ പോലും ഞെട്ടിച്ചുകൊണ്ട് കരഞ്ഞുകൊണ്ട് അവൾ അവനെ ചേർത്തുപിടിച്ചു അവന്റെ നെഞ്ചിൽ തല വെച്ച് കിടന്നു.

” എന്തുപറ്റി..? എന്തുപറ്റി ഡാ…

അവൻ അലിവോടെ അവളുടെ മുഖത്തേക്ക് നോക്കി ചോദിച്ചു..

” എനിക്ക് ഇച്ചായനെ വിട്ടുപോകണ്ട.. എനിക്ക് പേടിയാവുന്നു,

“എന്തിനാ..?

അവളുടെ മുടിയിൽ തഴുകികൊണ്ട് അവൻ ചോദിച്ചു.

” ഇച്ചായനെ നഷ്ടപ്പെടുമെന്ന് ഓർത്തിട്ട്… അങ്ങനെ സംഭവിച്ചാൽ എനിക്കത് സഹിക്കാൻ പറ്റില്ല. വല്ലാതെ ഞാൻ തകർന്നു പോകും. എനിക്ക് ഭ്രാന്ത്‌ പിടിച്ചു പോകും. അങ്ങനെ എന്തെങ്കിലും സംഭവിച്ചാൽ പിന്നെ ഞാൻ ജീവിച്ചിരിക്കില്ല ഇച്ചായ..

കരഞ്ഞുകൊണ്ട് അവൾ പറഞ്ഞപ്പോൾ അവൻ അവളുടെ മുഖം ബലമായി തന്നെ പിടിച്ചു ഉയർത്തി.

” എന്തിനാ ഇപ്പൊ ഇങ്ങനെ ആവശ്യമില്ലാത്ത കാര്യങ്ങളൊക്കെ ചിന്തിക്കുന്നത്.? ഞാൻ എങ്ങോട്ട് പോകാനാ.? ഞാൻ ജീവനോടെ ഉണ്ടെങ്കിൽ എന്റെ ജീവൻ പോകുന്ന കാലം വരെ നീയും ഒപ്പം ഉണ്ടാവും. ഞാൻ നിന്റെ സ്വന്തമല്ലെ പെണ്ണെ.? അങ്ങനെയല്ലെന്ന് നീ വിചാരിക്കുക പോലും വേണ്ട. അപ്പഴാ നിനക്ക് സങ്കടം വരുന്നത്.. പിന്നെ പപ്പയുടെ മമ്മയുടെയും കാര്യം ഓർത്തിട്ടാണെങ്കിൽ അതൊക്കെ ഞാൻ ശരിയാക്കി കൊള്ളാം. നിനക്ക് ഇപ്പൊൾ എന്നോട് ഒപ്പം പോരണമെങ്കിൽ പോരു, ബാക്കി ഒക്കെ ഞാൻ അവരോട് പറഞ്ഞ സെറ്റാക്കി കൊള്ളാം. നിന്റെ മനസ്സിലെ ആ ടെൻഷൻ കള. ഞാനേന്നും നിന്റെ സ്വന്തം ആണ്..അതല്ല ഇത്രയൊക്കെ ചെയ്തിട്ട് ഞാൻ നിന്നെ ചതിക്കുമെന്ന് നിനക്ക് പേടിയുണ്ടോ.?

സോളമൻ അങ്ങനെ ചോദിച്ചപ്പോൾ അരുതാത്തത് എന്തോ കേട്ടതുപോലെ അവൾ അവന്റെ വായ പൊത്തി കളഞ്ഞു…കാത്തിരിക്കൂ………

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക…