വിശാഖപട്ടണത്ത് ദക്ഷിണാഫ്രിക്കൻ കൂട്ടക്കുരുതി; ഇന്ത്യൻ ജയം രണ്ട് വിക്കറ്റ് അകലെ

വിശാഖപട്ടണം ടെസ്റ്റിൽ ഇന്ത്യ വിജയത്തിലേക്ക്. ഇന്ത്യ ഉയർത്തിയ വിജയലക്ഷ്യമായ 395 റൺസ് പിന്തുടരുന്ന ദക്ഷിണാഫ്രിക്ക അവസാന ദിവസം ലഞ്ചിന് പിരിയുമ്പോൾ 8 വിക്കറ്റ് നഷ്ടത്തിൽ 117 റൺസ് എന്ന നിലയിൽ പതറുകയാണ്. ഇന്ത്യൻ ലീഡിനേക്കാളും 278 റൺസ് പിന്നിലാണ് ദക്ഷിണാഫ്രിക്ക

ഒരു ഘട്ടത്തിൽ പോലും ഇന്ത്യക്ക് വെല്ലുവിളി ഉയർത്താൻ ദക്ഷിണാഫ്രിക്കൻ ബാറ്റ്‌സ്മാൻമാർക്ക് സാധിച്ചില്ല. 70 റൺസിനിടെയാണ് അവർക്ക് 8 വിക്കറ്റുകൾ നഷ്ടപ്പെട്ടത്. 19 റൺസുമായി മുത്തുസ്വാമിയും 32 റൺസുമായി പീഡ്റ്റുമാണ് ചെറുത്തുനിൽപ്പ് നടത്തുന്നത്.

നാല് വിക്കറ്റ് വീഴ്ത്തിയ ജഡേജയും മൂന്ന് വിക്കറ്റുകളെടുത്ത മുഹമ്മദ് ഷമിയുമാണ് ദക്ഷിണാഫ്രിക്കൻ നിരയെ തകർത്തത്. അശ്വിൻ ഒരു വിക്കറ്റൈടുത്തു.