പരുക്ക് ഗുരുതരം: കെ എൽ രാഹുൽ ഐപിഎല്ലിൽ നിന്നും പുറത്തായി

ലക്‌നൗ സൂപ്പർ ജയന്റ്‌സ് നായകൻ കെ എൽ രാഹുലിന് ഐപിഎല്ലിൽ അവശേഷിക്കുന്ന മത്സരങ്ങൾ നഷ്ടമാകും. ബാംഗ്ലൂരിനെതിരായ മത്സരത്തിനിടെ രാഹുലിന് കാലിന് പരുക്കേറ്റിരുന്നു. രാഹുലിന്റെ പരുക്ക് ഗുരുതരമാണെന്നും മുംബൈയിൽ ബിസിസിഐ മെഡിക്കൽ സംഘം താരത്തെ സ്‌കാനിംഗിന് വിധേയമാക്കുമെന്നുമാണ് റിപ്പോർട്ടുകൾ

പരുക്ക് ഭേദമായാലും അടുത്ത മാസം ലോക ടെസ്റ്റ് ചാമ്പ്യൻഷിപ്പ് നടക്കാനിരിക്കെ രാഹുൽ ഐപിഎല്ലിൽ തുടർന്ന് കളിക്കില്ലെന്നാണ് ബിസിസിഐ നൽകുന്ന സൂചന. നേരത്തെ ജയദേവ് ഉനദ്കട്ടിനും പരുക്കിനെ തുടർന്ന് ഐപിഎൽ മത്സരങ്ങൾ നഷ്ടമായിരുന്നു.