സെൻകുമാറിനെ ഡിജിപിയാക്കിയത് ജീവിതത്തിലെ ഏറ്റവും വലിയ തെറ്റ്; പശ്ചാത്തപിക്കുന്നുവെന്നും ചെന്നിത്തല

ടി പി സെൻകുമാറിനെ ഡിജിപിയാക്കിയത് തന്റെ ജീവിത്തിൽ സംഭവിച്ച ഏറ്റവും വലിയ തെറ്റെന്ന് മുൻ ആഭ്യന്തര മന്ത്രിയും പ്രതിപക്ഷ നേതാവുമായ രമേശ് ചെന്നിത്തല. ഇക്കാര്യത്തിൽ പശ്ചാത്തപിക്കുന്നതായും ചെന്നിത്തല പറഞ്ഞു

മറ്റൊരു ഉദ്യോഗസ്ഥനെ മറികടന്നാണ് സെൻകുമാറിനെ ഡിജിപിയാക്കിയത്. ഒരു മലയാളി ഉദ്യോഗസ്ഥൻ വരട്ടെയെന്ന് കരുതി എടുത്ത തീരുമാനമായിരുന്നുവതെന്നും ചെന്നിത്തല പറഞ്ഞു. വലിയ രാഷ്ട്രീയ ചർച്ചകൾക്കാണ് ചെന്നിത്തലയുടെ തുറന്നുപറച്ചിൽ വഴിവെച്ചിരിക്കുന്നത്.

എന്നാൽ രമേശ് ചെന്നിത്തല മുസ്ലീങ്ങളെയും ഹിന്ദുക്കളെയും തമ്മിലടിപ്പിക്കുകയാണെന്നായിരുന്നു ടി പി സെൻകുമാറിന്റെ പ്രതികരണം. പിണറായി വിജയനോളം മോശക്കാരനല്ല ചെന്നിത്തലയെന്നും സെൻകുമാർ പറഞ്ഞു