ബിലീവേഴ്സ് ഈസ്റ്റേണ് ചര്ച്ച് അധ്യക്ഷന് കെ.പി. യോഹന്നാന് അന്തരിച്ചു
May 8, 2024, 20:48 IST
യുഎസ്എ: ബിലീവേഴ്സ് ഈസ്റ്റേണ് ചര്ച്ച് അധ്യക്ഷൻ മാര് അത്തനേഷ്യസ് യോഹാന് മെത്രാപ്പോലീത്ത (കെ.പി. യോഹന്നാന്) അന്തരിച്ചു. അമേരിക്കയിലെ ടെക്സാസില് പ്രഭാത സവാരിക്കിടെ വാഹനാപകടത്തില് പരിക്കേറ്റ യോഹന്നാൻ ചികിത്സയിലായിരുന്നു. ചികിത്സയ്ക്കിടെയുണ്ടായ ഹൃദയാഘാതത്തെ തുടര്ന്ന് ബുധനാഴ്ച വൈകുന്നേരമായിരുന്നു അന്ത്യം.
ചൊവ്വാഴ്ച വൈകീട്ട് ഇന്ത്യന് സമയം 05.25നായിരുന്നു അപകടം. 74 വയസായിരുന്നു. ബിലീവേഴ്സ് ഈസ്റ്റേണ് ചര്ച്ചിന്റെ സ്ഥാപകനും അധ്യക്ഷനുമാണ്. അജ്ഞാതവാഹനം ഇടിക്കുകയായിരുന്നു. തലയ്ക്കും വാരിയെല്ലിനും ഇടുപ്പെല്ലിനും ഗുരുതര പരിക്കേറ്റിരുന്നു. ഗുരുതര പരിക്കേറ്റ ഇദ്ദേഹത്തെ ഡാലസിലെ ആശുപത്രിയില് ശസ്ത്രക്രിയക്കായി വിധേയനാക്കിയെങ്കിലും ജീവന് രക്ഷിക്കാനായില്ല. അഞ്ചു ദിവസംമുന്പാണ് മെത്രാപ്പോലീത്ത അമേരിക്കയില് എത്തിയത്