മെയ് 15 വരെ ഇന്ത്യയിൽ നിന്നുള്ള വിമാനങ്ങൾക്ക് ഓസ്‌ട്രേലിയ വിലക്കേർപ്പെടുത്തി
Apr 27, 2021, 17:19 IST
ഇന്ത്യയിൽ കൊവിഡിന്റെ രണ്ടാം തരംഗം രൂക്ഷമായതോടെ മെയ് 15 വരെ ഇന്ത്യയിൽ നിന്നുള്ള വിമാനങ്ങൾക്ക് വിലക്കേർപ്പെടുത്തി ഓസ്‌ട്രേലിയ. പൗരൻമാരുടെ സുരക്ഷയെ കരുതിയാണ് ഇത്തരമൊരു തീരുമാനമെടുത്തതെന്ന് ഓസ്‌ട്രേലിയൻ പ്രധാനമന്ത്രി സ്‌കോട്ട് മോറിസൺ പ്രതികരിച്ചു
ഇന്ത്യയിൽ നിന്ന് നേരിട്ടല്ലാതെ എത്തുന്ന വിമാനങ്ങൾ ദോഹ, സിംഗപ്പൂർ, ക്വലാലംപൂർ എന്നിവിടങ്ങളിൽ തദ്ദേശ സർക്കാരുമായി ബന്ധപ്പെട്ട് സർവീസ് നിർത്തിവെക്കുമെന്നും ഓസ്‌ട്രേലിയ അറിയിച്ചു.
ഇന്ത്യക്ക് ആവശ്യമായ സഹായങ്ങൾ നൽകുമെന്നും ഓസ്‌ട്രേലിയ വ്യക്തമാക്കിയിട്ടുണ്ട്. ഇപ്പോൾ തന്നെ ആവശ്യമായ മെഡിക്കൽ സാമഗ്രികൾ ഇന്ത്യയിലേക്ക് അയച്ചിട്ടുണ്ട്. 500 വെന്റിലേറ്ററുകൾ, ഒരു മില്യൺ സർജിക്കൽ മാസ്‌ക്, ഒരു ലക്ഷം ഗൂഗിൾസ്, ഒരു ലക്ഷം ജോഡി കയ്യുറകൾ, 20,000 ഫേസ് ഷീൽഡ് എന്നിവയും ഓസ്‌ട്രേലിയ അയക്കും.
