ഇന്തോനേഷ്യയിൽ ശക്തമായ ഭൂചലനം: റിക്ടർ സ്കെയിലിൽ 7.7 തീവ്രത; സുനാമി മുന്നറിയിപ്പ് പുറപ്പെടുവിച്ചു

ജക്കാർത്ത: ഇന്തോനേഷ്യയിലെ ഫ്ലോറസ് ദ്വീപിന് സമീപം ശക്തമായ ഭൂചലനം അനുഭവപ്പെട്ടു. റിക്ടർ സ്കെയിലിൽ 7.7 തീവ്രത രേഖപ്പെടുത്തിയ ഭൂചലനത്തെ തുടർന്ന് തീരദേശ മേഖലകളിൽ അധികൃതർ സുനാമി മുന്നറിയിപ്പ് നൽകി.

​ഭൂമിയുടെ അടിത്തട്ടിൽ 10 കിലോമീറ്റർ ആഴത്തിലാണ് ഭുകമ്പത്തിന്റെ പ്രഭവകേന്ദ്രം എന്ന് യു.എസ്. ജിയോളജിക്കൽ സർവേ (USGS) വ്യക്തമാക്കി. ശക്തമായ പ്രകമ്പനത്തെ തുടർന്ന് ജനങ്ങൾ പരിഭ്രാന്തരായി വീടുകളിൽ നിന്നും കെട്ടിടങ്ങളിൽ നിന്നും പുറത്തേക്ക് ഓടി. ചിലയിടങ്ങളിൽ കെട്ടിടങ്ങൾക്ക് കേടുപാടുകൾ സംഭവിച്ചതായി റിപ്പോർട്ടുകളുണ്ട്.

​തുടർചലനങ്ങൾ ഉണ്ടാകാൻ സാധ്യതയുള്ളതിനാൽ തീരപ്രദേശങ്ങളിൽ താമസിക്കുന്നവർ ഉയർന്ന പ്രദേശങ്ങളിലേക്ക് മാറിത്താമസിക്കണമെന്ന് ദുരന്തനിവാരണ ഏജൻസികൾ നിർദ്ദേശം നൽകിയിട്ടുണ്ട്. പസഫിക് "റിംഗ് ഓഫ് ഫയർ" മേഖലയിൽ സ്ഥിതി ചെയ്യുന്നതിനാൽ ഇന്തോനേഷ്യയിൽ അടിക്കടി ഭൂചലനങ്ങളും അഗ്നിപർവ്വത സ്ഫോടനങ്ങളും ഉണ്ടാകാറുണ്ട്.