അമേരിക്കയിലെ ബ്രൗണ് യൂണിവേഴ്സിറ്റിയില് വെടിവയ്പ്പ്; രണ്ട് മരണം: നിരവധി പേര്ക്ക് പരുക്ക്
അമേരിക്കയില് വെടിവയ്പ്പില് രണ്ടു മരണം. നിരവധി പേര്ക്ക് വെടിയേറ്റതായാണ് റിപ്പോര്ട്ടുകള്. റോഡ് ഐലണ്ടിലെ പ്രൊവിഡന്സിലെ ബ്രൗണ് യൂണിവേഴ്സിറ്റിയില് ശനിയാഴ്ച വൈകിട്ടാണ് വെടിവയ്പ്പപുണ്ടായത്. അക്രമിയെ ഇനിയും കണ്ടെത്തിയിട്ടില്ല.
വെടിവയ്പ്പില് ഗുരുതരമായി പരുക്കേറ്റ എട്ടുപേരെ സമീപത്തുള്ള ആശുപത്രിയിലേക്ക് മാറ്റിയിട്ടുണ്ടെന്ന് പ്രൊവിഡന്സ് മേയര് ബ്രെറ്റ് സ്മൈലി അറിയിച്ചു. ക്യാംപസിലുള്ളവരോട് വാതിലുകള് അടയ്ക്കാനും മൊബൈല് ഫോണ് നിശ്ശബ്ദമാക്കി വയ്ക്കാനും ക്യാംപസ് അധികൃതര് മുന്നറിയിപ്പ് നല്കിയിട്ടുണ്ട്. വെടിവയ്പ്പിനെപ്പറ്റി വിവരം ലഭിച്ചുവെന്നും അക്രമിയെ പിടികൂടാനായിട്ടില്ലെന്നും അമേരിക്കന് പ്രസിഡന്റ് ഡോണള്ഡ് ട്രംപ് സ്ഥിരീകരിച്ചു. അക്രമിക്കായി തിരച്ചില് തുടരുകയാണ്.
അക്രമിയുടെ മുഖം വ്യക്തമാകുന്ന ചിത്രങ്ങള് പൊലീസിന് ഇതുവരെ ലഭ്യമായിട്ടില്ല. കറുത്ത വസ്ത്രം ധരിച്ച പുരുഷനാണ് ആക്രമണം നടത്തിയതെന്നാണ് പരുക്കേറ്റവരില് നിന്ന് ലഭ്യമായിരിക്കുന്ന വിവരം. അക്രമിയുടെ കൈയിലുണ്ടായിരുന്നത് എന്തുതരം തോക്കാണെന്നും പൊലീസിന് കണ്ടെത്താന് കഴിഞ്ഞിട്ടില്ല. ബ്രൗണ് യൂണിവേഴ്സിറ്റിയിലെ എഞ്ചിനീയറിങ്, ഫിസിക്സ് കെട്ടിടങ്ങളിലാണ് ആക്രമണമുണ്ടായത്. വിദ്യാര്ഥികള്ക്കും പൊതുജനങ്ങള്ക്കും കര്ശനമായ സുരക്ഷാ നിര്ദേശങ്ങളാണ് അധികൃതര് നല്കി വരുന്നത്.
ഒറ്റത്തവണയോ എല്ലാ മാസവുമോ ചെറിയൊരു തുക നൽകാം
ബന്ധപ്പെട്ട വാർത്തകൾ

ജെൻസൻ ഹുവാങ്ങിനെ തിരികെ കൊണ്ടുവരണം; എൻവിഡിയയ്ക്ക് തുറന്ന കത്തുമായി ഇലോൺ മസ്കും 1,58,000 പേരും

ആമസോണിന്റെ ഉപഗ്രഹ വിക്ഷേപണ ദൗത്യം പരാജയപ്പെട്ടു; ഉപഗ്രഹങ്ങൾ പൂർണ്ണമായും നശിച്ചു

സ്റ്റാർഷീൽഡ് നിയന്ത്രണത്തിന് പിന്നിൽ രാഷ്ട്രീയ കാരണങ്ങൾ; സ്പേസ് എക്സ് സത്യം മറച്ചുവെക്കുകയാണെന്ന് സെലെൻസ്കി

സ്പേസ് എക്സിന്റെ സ്റ്റാര്ഷിപ്പ് റോക്കറ്റിന്റെ 15-ാം പരീക്ഷണ വിക്ഷേപണം വിജയകരം; സ്റ്റാര്ലിങ്ക് ഉപഗ്രഹങ്ങള് ഭ്രമണപഥത്തില് എത്തിച്ചു

അമേരിക്കയിൽ വിമാനസർവീസുകൾ പുനരാരംഭിച്ചു; നാല് മണിക്കൂർ നീണ്ട സ്തംഭനത്തിന് കാരണം പഴയ ഉപകരണങ്ങളിലെ സാങ്കേതിക തകരാറെന്ന് അധികൃതർ
