യുഎസിൽ വെടിവയ്പ്പ്; പൊലീസ് ഉദ്യോഗസ്ഥൻ കൊല്ലപ്പെട്ടു

വാഷിംഗ്ടൺ: അമേരിക്കയിൽ സൗത്ത് കരോളിനയിലെ കൊളംബിയയിലുള്ള പാർക്കിലുണ്ടായ ശക്തമായ വെടിവയ്പ്പിൽ ഡ്യൂട്ടിയിലുണ്ടായിരുന്ന പോലീസ് ഉദ്യോഗസ്ഥൻ കൊല്ലപ്പെട്ടു. ഏറ്റുമുട്ടലിൽ മറ്റൊരു പോലീസുകാരന് ഗുരുതരമായി പരിക്കേൽക്കുകയും ചെയ്തു. 29-കാരനായ ക്രിസ്റ്റഫർ ഡീലോങ് (Christopher DeLong) എന്ന പോലീസ് ഉദ്യോഗസ്ഥനാണ് കൊല്ലപ്പെട്ടത്.

​ഗാർഹിക പീഡനവുമായി ബന്ധപ്പെട്ട പരാതി അന്വേഷിക്കാൻ എത്തിയതായിരുന്നു പോലീസ് സംഘം. തുടർന്ന് പാർക്കിന് സമീപത്തുണ്ടായിരുന്ന പ്രതിയുമായി പോലീസ് ഏറ്റുമുട്ടലിൽ ഏർപ്പെടുകയായിരുന്നു. പോലീസിന്റെ തിരിച്ചടിയിൽ പ്രതിയായ ആഡം ടൈലർ ഡൗഡി (33) കൊല്ലപ്പെട്ടു. നിരവധിയായ ക്രിമിനൽ കേസുകളിൽ പ്രതിയാണ് ഇയാൾ.

​പരിക്കേറ്റ ഡേവിഡ് ഡൈമോക്ക് എന്ന ഉദ്യോഗസ്ഥൻ നിലവിൽ ആശുപത്രിയിൽ ചികിത്സയിലാണ്. സംഭവത്തിൽ പോലീസ് വിശദമായ അന്വേഷണം ആരംഭിച്ചിട്ടുണ്ട്.