വിമാനത്താവളത്തിൽ വൻ സ്ഫോടനം; നിരവധി മരണം
യെമനിലെ ഏദന് വിമാനത്താവളത്തില് ഉഗ്ര സ്ഫോടനം. സംഭവത്തില് രണ്ടു ഡസനിലധികം ആളുകള് കൊല്ലപ്പെട്ടതായാണ് പ്രാഥമിക വിവരങ്ങള്. പുതുതായി രൂപീകരിച്ച സഖ്യ സര്ക്കാര് അംഗങ്ങള് സൗദിയില്നിന്ന് എത്തിയ ഉടന് ആയിരുന്നു ആക്രമണമുണ്ടായത്. അംഗങ്ങള് വിമാനത്തില് നിന്നും പുറത്തിറങ്ങുന്ന സമയത്താണ് അത്യുഗ്ര ശബ്ദത്തോടെ സ്ഫോടനം ഉണ്ടായത്.
مراسل #الحدث في #اليمن ردفان الدبيس: نقل أعضاء الحكومة اليمنية الجديدة لقصر المعاشيق عقب استهداف #مطار_عدن pic.twitter.com/yVh7Ac6nxn
— ا لـ حـ ـد ث (@AlHadath) December 30, 2020
ഏറെ പ്രാധ്യാന്യമര്ഹിക്കുന്ന സംഭവത്തിന് തുടക്കമാകുന്നതിന്റെ ഭാഗമായി സര്ക്കാര് അംഗങ്ങള് സൗദിയില് നിന്നും വന്നിറങ്ങുന്നത് തത്സമയ സംപ്രേഷണം ചെയ്തിരുന്ന ചാനലുകളില് സ്ഫോടനം ലൈവായി പുറം ലോകം കണ്ടു. ഉഗ്ര സ്ഫോടനം നടക്കുന്നതും ആളുകള് ചിതറിയോടുന്നതും കറുത്ത പുക ഉയര്ത്തുന്നതും വീഡിയോയില് കാണുന്നുണ്ട്.