💞ഹൃദയത്തിൽ ഒരിടം💞: ഭാഗം 3

എഴുത്തുകാരി: മിന്നു 

"ഡീ.................." ഞെട്ടി വിറച്ചു കൊണ്ട് ദേവു തിരിഞ്ഞ് നോക്കി. മുറിയിൽ ആദിയെ കണ്ട് അവൾ ആകെ പേടിച്ചു. "ഈശ്വരാ ഇതെപ്പോ വന്നു" ആദി ദേവുവിന്റെ അടുത്തേക്ക് ചെന്നു. "ആരെ വായ്നോക്കി നിൽക്കുവാ നീ" "അത്.......ഞാ........ൻ" "നിന്ന് ബാ......ബാ..... കളിക്കാതെ പോയി കുളിച്ച് റെഡി ആവ്...." അവൻ അലറിയതും ദേവു തോർത്തുമെടുത്ത് ബാത്ത്റൂമിലേക്ക് പാഞ്ഞു. പെട്ടെന്ന് ആദി ദേവുവിന്റെ കൈയിൽ പിടിച്ച് അവനോട് ചേർത്ത് നിർത്തി. അവളുടെ പിടയ്ക്കുന്ന കണ്ണുകളിലേക്കും വിറയ്ക്കുന്ന ചുണ്ടുകളിലേക്കും അവന്റെ നോട്ടം എത്തി. "ഈ പെണ്ണ് എന്റെ കൺട്രോൾ കളയും😍(ആത്മഗതം) ഉടനെ അവൻ നോട്ടം മാറ്റി മുഖത്ത് ഗൗരവം വരുത്തി.

"15 minutes ഞാൻ തരും അതിനുള്ളിൽ കുളിച്ച് റെഡി ആയി വന്നോളണം. ഇല്ലേൽ ഏത് കോലത്തിൽ ആണോ അങ്ങനെ ഞാൻ തൂക്കിയെടുത്ത് കൊണ്ടുപോകും. മനസ്സിലായോ" "മ്മം...്‌്‌........" (ദേവു തലതാഴ്ത്തി നിന്ന് ഒന്ന് മൂളി) "നിനക്ക് മുഖത്ത് നോക്കി സംസാരിക്കാൻ അറിയില്ലേ. എന്ത് ചോദിച്ചാലും ഒരു മുക്കലും മൂളലും നിന്റെ വായിൽ എന്താ പഴം തിരുകി വച്ചിട്ടുണ്ടോ" പേടിച്ച് വിറച്ചാണെങ്കില്ലും ദേവു ആദിയുടെ മുഖത്തേക്ക് നോക്കി പറഞ്ഞു:"ഇ...ഇല്ല" "മ്മം......ശരി, ഇനി ആര് എന്ത് ചോദിച്ചാലും ഇത് പോലെ മുഖത്ത് നോക്കി മറുപടി പറയണം. കേട്ടല്ലോ........"

"ആ........." "എന്നാ ചെല്ല്..... പോയി കുളിച്ചിട്ട് വാ......" (ആദി അവളുടെ കൈയിലെ പിടി വിട്ടു. രക്ഷപ്പെട്ടു ന്ന് വിചാരിച്ച് ഓടി കുളിമുറിയിൽ കയറാൻ നിന്ന ദേവുവിനെ പിറകിൽ നിന്നും വിണ്ടും ആദി വിളിച്ചു. "ഒന്ന് അവിടെ നിന്നേ...." (എന്താന്നുള്ള രീതിയിൽ അവൾ തിരിഞ്ഞു നോക്കി.) "ഇത് നിനക്ക് ഉള്ളതാ"(കൈയിലെ ബോക്സ് കാണിച്ച് ആദി പറഞ്ഞു). "എന്താത്?????" "കുറച്ച് ആഭരണങ്ങൾ ആ.... എന്റെ അമ്മയുടെത് ആണ്.... ഇതൊക്കെ അണിഞ്ഞു വേണം പുറത്തേക്ക് വരാൻ. വേഗം റെഡി ആയി വാ.... ഞാൻ പുറത്ത് വെയ്റ്റ് ചെയ്യാം" ബോക്‌സ് മേശപ്പുറത്ത് വച്ച് ആദി പുറത്തേക്ക് പോയി. ദേവു വേഗം ബാത്ത്‌റൂമിൽ കയറി ഡോർ അടച്ചു.

ശരിക്കും എന്താ ഇപ്പോ ഇവിടെ സംഭവിച്ചത് സാറ് പറയുന്നതൊക്കെ നല്ല കാര്യങ്ങൾ ആണ്. പക്ഷേ അത് പറയുന്ന ടോൺ കേട്ടാൽ തോന്നും ഞാൻ അങ്ങേരുടെ ശത്രു ആണെന്ന്. ഒന്നുമില്ലേലും ഇന്ന് ഞങ്ങളുടെ കല്യാണമല്ലേ കുറച്ചു മയത്തിൽ ഒക്കെ സംസാരിച്ചൂട്ടേ.... എന്റെ വീട്ടുകാർ ഇല്ലാതെ അവരുടെ അനുഗ്രഹം ഇല്ലാതെ ഇന്ന് എന്റെ വിവാഹം. അതിന്റെ സങ്കടത്തിൽ ആണ് രാവിലെ മുതൽ ഞാൻ. അപ്പോഴാ ആ രാക്ഷസന്റെ അലർച്ച. പേടിച്ച് എന്റെ ജീവൻ പോകാഞ്ഞത് ഭാഗ്യം.. അയ്യോ ആലോചിച്ചു നിൽക്കാൻ സമയമില്ല വേഗം റെഡി ആയില്ലെങ്കിൽ ചിലപ്പോൾ തൂക്കിയെടുത്ത് കൊണ്ട് പോകും

കുളി കഴിഞ്ഞ് സാരി ഉടുത്ത് കഴിഞ്ഞപ്പോഴാണ് സുമേച്ചി മുല്ലപ്പുവും കൊണ്ട് മുറിയിലേക്ക് വന്നത്. (സുമേച്ചി അപ്പച്ചിയുടെ മകൻ നിഖിലേട്ടന്റെ ഭാര്യയാണ്. അപ്പച്ചിക്ക് ഒരു മകൻ കൂടിയുണ്ട് കിരൺ രണ്ടുപേരും പുറത്താണ് വർക്ക് ചെയ്യുന്നത്. സുമേച്ചി 6 മാസം ഗർഭിണിയാണ്. ഇതൊക്കെ ഇന്നലെ അപ്പച്ചി പറഞ്ഞു തന്നതാ). "വാ......സുമേച്ചി....." "ആഹാ..... എന്റെ പേരൊക്കെ അറിയുമോ??" "ആഹ്........ ഇന്നലെ അപ്പച്ചി പറഞ്ഞു തന്നു." "ഓ..... ഇന്നലെ നിങ്ങൾ വരുമ്പോൾ ലേറ്റ് ആയില്ലേ... അതാ പരിചയപ്പെടാൻ പറ്റാതിരുന്നത്." സംസാരിക്കുന്നതിന്റെ ഇടയിൽ സുമേച്ചി എനിക്ക് പൂ ചൂടി തന്നു. ആഭരണങ്ങളും അണിയിച്ചു. അപ്പോഴാണ് വാതിലിനടുത്ത് പാദസരകിലുക്കം കേട്ടത്.

നോക്കുമ്പോൾ ചിന്നുട്ടീയാണ്. "ഇതെന്താ ചിന്നൂട്ടി അവിടെ നിന്നേ... ഇങ്ങ് അടുത്ത് വാ"(ദേവു വിളിച്ചപ്പോൾ ചിന്നു വേഗം അകത്തേക്ക് കയറി.) "ആഹാ..... നിങ്ങൾ തമ്മിൽ പരിചയപ്പെട്ടോ??? (സുമേച്ചി ഒരു ചെറു ചിരിയോടെ ചോദിച്ചു. മറുപടിയായി ദേവു വും ചിന്നുവും ചിരിച്ചു.) "എന്നാ..... ചിന്നൂട്ടി പറഞ്ഞേ ഇതാരാ??? സുമേച്ചി കേൾക്കട്ടെ" "ഇതേ.... എന്റെ അമ്മയാ...... എന്റെ ഏടത്തിയമ്മ. (ചിന്നു ചിരിച്ചു കൊണ്ട് പറഞ്ഞു. അത് കേട്ടതും ദേവു അവളെ എടുത്ത് ഇരുകവിളിലും ഉമ്മ വച്ചു. സുമേച്ചി അത് കണ്ട് സന്തോഷിച്ചു. അപ്പോൾ സുമേച്ചി യെ പുറത്ത് നിന്ന് ആരോ വിളിച്ചു.) "ഏട്ടത്തിയമ്മേ........" "എന്താ ചിന്നൂട്ടി???" "ഏട്ടത്തിയമ്മ ഇനി എന്നും എന്റെ കൂടെ ഉണ്ടാവുമോ?????"

"മോളുടെ ഏട്ടൻ പോ.... ന്ന് പറയുന്നത് വരെ എന്നും ഉണ്ടാവും" "ഏയ്യ്...... എന്റെ ഏട്ടൻ അങ്ങനെ ഒന്നും പറയൂല്ല, എന്റെ ഏട്ടൻ പാവാ......" "മ്മം.......... ഭയങ്കര പാവാമാ.... എനിക്ക് അല്ലേ അറിയൂ 🙄" "ഏട്ടത്തിയമ്മയെ പറഞ്ഞു വിട്ടണ്ട ന്ന് ഞാൻ ഏട്ടനോട് പറയാട്ടോ...... ചിന്നൂട്ടി പറഞ്ഞാൽ ഏട്ടൻ കേൾക്കും" മറുപടിയായി ദേവു ചിന്നുവിനെ കെട്ടിപ്പിടിച്ച് ഒരു ഉമ്മ കൊടുത്തു. അപ്പോഴേക്കും പുറത്ത് നിന്ന് വിളി വന്നു. ചിന്നുവിനെയും എടുത്തു കൊണ്ട് ദേവു പുറത്തേക്ക് ഇറങ്ങി. ചുവന്ന പട്ടുസാരിയിൽ ദേവു കൂടുതൽ സുന്ദരി ആയിരുന്നു. അതിനേക്കാൾ ആദിയെ സന്തോഷിപ്പിച്ചത് ദേവുവിന്റെ കൈയിൽ ചിരിച്ചു കളിച്ച് ഇരിക്കുന്ന ചിന്നുവിനെ കണ്ടതാണ്.

അമ്മയുടെ ആഭരണങ്ങൾ ഒക്കെ അണിഞ്ഞ് ദേവു ചിന്നുവിനെ എടുത്തു നിൽക്കുന്നത് കണ്ടപ്പോൾ ഒരു നിമിഷം അമ്മയാണ് ചിന്നുവിനെ എടുത്ത് നിൽക്കുന്നതെന്ന് ആദിക്ക് തോന്നി പോയി. "മതിയേട്ടാ....... വായ്നോക്കിയത്.... അവളെ നിനക്ക് തന്നെ കെട്ടിച്ചു തരും പോരേ....." (മിഥു ആദിയുടെ പുറത്ത് തട്ടിക്കൊണ്ടു പറഞ്ഞു.) "ഒന്ന് പോടാ, ഞാൻ ചിന്നുവിനെയാ നോക്കിയത്. പട്ടുപാവാട ഉടുത്തപ്പോൾ എന്റെ ചിന്നൂട്ടി എന്ത് ഭംഗിയാ അല്ലേ......." "ഉവ്വ്...... ഉവ്വേ........ ഞാൻ അതങ് വിശ്വസിച്ചു" "നീ പോടാ, നീ വിശ്വസിച്ചീല്ലെങ്കിൽ എനിക്ക് വല്ല്യ കാര്യം" ആദി അവനെ പുച്ഛിച്ചു. "മതി മതി എല്ലാവരും പോയി വണ്ടിയിൽ കയറ്" (ശങ്കരൻ മാഷ് പോകാൻ ധൃതി കാണിച്ചു)

ആദിയുടെ ഒപ്പമാണ് ദേവു കാറിൽ കയറിയതെങ്കില്ലും അവൾ അവനെ മൈൻഡ് ആകിയതേയില്ല. ചിന്നുവിനോട് ഓരോന്ന് പറഞ്ഞ് കളിച്ചു ചിരിച്ചു. എന്നാൽ കാവിന്റെ പരിസരത്ത് എത്തിയതോടെ ദേവുവിന് വല്ലാത്ത ഒരു വെപ്രാളം ആയിരുന്നു. പേടിയോ സങ്കടമോ സന്തോഷമാണോ എന്നൊന്നും തിരിച്ചറിയാൻ കഴിയാത്ത ഒരു അവസ്ഥ. ഇന്നലെ രാത്രി വന്ന എല്ലാവരും കൂടിയിട്ടുണ്ട്. ഒപ്പം പോലീസും. കാവിലെ ദേവപ്രതിഷ്ഠ യ്ക്ക്‌ മുന്നിൽ കൈകൂപ്പി നിന്ന് രണ്ടാളും പ്രാർത്ഥിച്ചു. പൂജാരി നീട്ടിയ മഞ്ഞ ചരടിൽ കോർത്ത ആലീല താലി വാങ്ങുമ്പോൾ ചെറുതായി ആദിയുടെ കൈകൾ വിറയ്ക്കുന്നുണ്ടായിരുന്നു. കണ്ണുകൾ അടച്ചു മനമുരുകി പ്രാർത്ഥിക്കുന്ന ദേവുവിന്റെ കഴുത്തിൽ ആദി താലി ചാർത്തി.

ഒരു നുള്ള് സിന്ദൂരം അവളുടെ നെറുകയിൽ ചാർത്തി. അപ്പോഴാണ് ദേവു കണ്ണുകൾ തുറന്നത്. ഈറനണിഞ്ഞു നിൽക്കുന്ന അവളുടെ കണ്ണുകൾ ഇടം കൈയാൽ അവൻ തുടച്ചു. "ഇനി കരയരുത്...... ഇപ്പോൾ മുതൽ നീ ആദിയുടെ പെണ്ണാ.... ഒന്നിന്റെ പേരിലും ഇനി ഈ കണ്ണ് നിറയരുത് മനസ്സിലായോ......." ആദിയുടെ മുഖത്ത് ഉണ്ടായിരുന്ന ചിരി ഒരേസമയം ദേവുവിൽ അൽഭുതവും സന്തോഷവും നിറച്ചു. അവളുടെ കൈയും പിടിച്ച് കാവ് മൂന്ന് തവണ വലംവയ്ക്കുമ്പോൾ ഇന്നലെ അവരെ പറ്റി അപവാദം പറഞ്ഞുണ്ടാക്കിയ എല്ലാ അവൻമാരും ഉണ്ടായിരുന്നു അവിടെ. അത് കണ്ടപ്പോൾ ആദി ദേവുവിന്റെ കൈയിലെ പിടി ഒന്നുകൂടി മുറുകി.

അവൻമാര് കാണുന്ന രീതിയിൽ ദേവുവിനെ ചേർത്ത് പിടിച്ച് നെറ്റിയിൽ ചുംബിച്ചു. "ഇന്നലെ തെറ്റൊന്നും ചെയ്യാത്ത ഞങ്ങളെ നിങ്ങൾ കുറ്റക്കാരാക്കി. ഇപ്പോ നിങ്ങളുടെ മുന്നിൽ വച്ചാ ഞാൻ ഇവളെ ഉമ്മ വച്ചത്. ധൈര്യം ഉണ്ടെങ്കിൽ പോയി കേസ് കൊടുക്ക്.... എന്റെ ഭാര്യയെ കെട്ടിപ്പടുക്കാനും ഉമ്മ വയ്ക്കാനും ഇനി എനിക്ക് ആരുടെയും അനുവാദം വേണ്ട, മനസ്സിലായോ..... കുറേ സദാചാര കമ്മിറ്റിക്കാർ ഇറങ്ങിയിരിക്കുന്നു. തൂ.............ഫ്....... ". അങ്ങനെ ചടങ്ങുകൾ ഒക്കെ കഴിഞ്ഞ് എല്ലാവരും വീട്ടിലേക്ക് മടങ്ങി. അങ്ങനെ അപ്പച്ചി തന്ന നിലവിളക്കുമായി ദേവു ആദിയുടെ വീട്ടിൽ വലതുകാൽ വച്ച് കയറി.

വീട്ടിൽ ചെറിയ രീതിയിൽ ഒരു സദ്യ തന്നെ ചെറിയച്ഛൻ ഏർപ്പാടാക്കിയിരുന്നു. സന്ധ്യ വരെ ആളും ബഹളവുമൊക്കെ ആയിരുന്നു. 8 മണി ആയപ്പോഴേക്കും ദേവുവിന് നല്ല ക്ഷീണം തോന്നി. ഉറക്കം വന്ന് കണ്ണുകൾ അടഞ്ഞു പോവുന്നത് പോലെ. അപ്പോഴാണ് ചിന്നു "ഏടത്തിയമ്മേ...... ചിന്നൂട്ടിക്ക് ഉറക്കം വരുന്നു" ന്ന് പറഞ്ഞ് ചിണുങ്ങിയത്. ഉടനെ ഏടത്തിയമ്മ ഉറക്കിതരാം ന്നും പറഞ്ഞ് ദേവു ചിന്നുവിനെ യും എടുത്ത് മുറിയിലേക്ക് പോയി. ചിന്നുവിനെ ഉറക്കുന്നതിനോടൊപ്പം ദേവുവും ഉറങ്ങിപോയി. മുറിയിൽ എത്തിയ ആദി കണ്ടത് ദേവുവിന്റെ കഴുത്തിൽ ചുറ്റിപ്പിടിച്ചു കിടന്നുറങ്ങുന്ന ചിന്നുവിനെ ആണ്. രണ്ടാളും നല്ല ഉറക്കത്തിലാണ്.

ആ കാഴ്ച അവനെ ഒരുപാട് സന്തോഷിപ്പിച്ചു. ചിന്നുവിന്റെ അടുത്തായി കിടക്കുമ്പോഴും അവന്റെ നോട്ടം ദേവുവിൽ തങ്ങിനിന്നു. രാവിലെ ഉറക്കമുണരുമ്പോൾ എന്റെ അടുത്തായി ചിന്നുവും അതിനപ്പുറം ആദിസാറും കിടക്കുന്നുണ്ടായിരുന്നു. ഏട്ടനും അനിയത്തിയും കെട്ടിപ്പിടിച്ചു നല്ല ഉറക്കമാണ്. ചിന്നുവിന്റെ മേൽ വച്ച എന്റെ കൈക്ക് മുകളിലായി ആദിസാറിന്റെ കൈ ഉണ്ടായിരുന്നു. വേഗം എണീറ്റ് കുളിച്ച് അടുക്കളയിലേക്ക് ചെന്നു. അടുക്കളയിൽ അച്ഛൻ ചായ ഉണ്ടാകാനുള്ള തയ്യാറെടുപ്പിലാണ്. "അയ്യോ .....അച്ഛൻ മാറിക്കോ ഞാൻ ഉണ്ടാകാം ചായ" (ശങ്കരൻ മാഷ് ദേവുനെ തന്നെ നോക്കി. അപ്പോഴാണ് ദേവു ഓർമ്മിച്ചത് ഇതുവരെ അച്ഛൻ എന്നോട് ഒന്നും സംസാരിച്ചിട്ടില്ല. ഇനി അച്ഛാ.. ന്ന് വിളിച്ചത് ഇഷ്ടമായി കാണില്ലേ??? ദേവുവിന് ആകെ ഒരു പരിഭ്രമമായി.) "അത്...... ഞാൻ... എന്താ വിളിക്കേണ്ടത് എന്ന് അറിയില്ല.... അതാ..."

"അതിനെന്താ..... അങനെ തന്നെ വിളിച്ചോളൂ... അല്ല, അങ്ങനെ തന്നെ ആണ് വിളിക്കേണ്ടത്" മാഷ് അങ്ങനെ ദേവുന് വളരെ ആശ്വാസമായി. അടുക്കളയുടെ ചുമതല ദേവുവിനെ ഏൽപ്പിച്ച് മാഷ് വരാന്തയിലെ ചാരുകസേരയിൽ ചെന്ന് ഇരുന്നു. തന്റെ വലിയ ഒരു കടമ നിറവേറ്റിയ നിർവൃതിയിൽ ആയിരുന്നു അദ്ദേഹം. മാഷിനുള്ള ചായ ഇടു കൊടുത്ത് പ്രാതലും തയ്യാറാക്കിയതിന് ശേഷമാണ് ദേവു മുറ്റം തൂക്കാൻ തുടങ്ങിയത്. അത് ഏകദേശം അവസാനിക്കാറായപ്പോഴാണ് ചിന്നു കണ്ണും തിരുമി ഏണീറ്റു വന്നത്. "ആഹാ...... ഏടത്തിയമ്മയുടെ മുത്തുമണി എണീറ്റോ???" "മോളെ അവൾക്ക് എണീറ്റ ഉടനെ ഒരു ചായ വേണം, ആദിയാ വേണ്ടാത്ത ഒരോ ശീലം അവളെ പഠിപ്പിക്കുന്നേ......"

"ഇനി ഞാൻ നോക്കിക്കോളാം അച്ഛാ......." (ചിന്നുവിനെയും എടുത്ത് അകത്തേക്ക് പോവുന്നതിനിടയിൽ ദേവു പറഞ്ഞു. അത് കേട്ടപ്പോൾ ശങ്കരൻ മാഷിന് സന്തോഷമായി. ഒരമ്മ ഇല്ലാത്ത വിഷമം ഇനി ചിന്നുവിന് ഉണ്ടാവില്ല എന്ന് മാഷിന് ഉറപ്പായി ചിന്നുവിനെ പല്ലുതേപ്പിച്ച് ചായ കൊടുത്തപ്പോഴാണ് ആദി എണീറ്റത് ദേവു കണ്ടത് ആദിക്കുള്ള ചായയുമായി ദേവു മുറിയിലേക്ക് ചെന്നു. "സാർ......ചായ......." വാതിൽക്കൽ നിന്ന് ചായക്കപ്പ് നീട്ടിയ ദേവുവിനെ ആദി ഒന്ന് തറപ്പിച്ച് നോക്കി. പെട്ടെന്ന് അവൻ അവളുടെ കൈയിൽ പിടിച്ച് മുറിയലേക്ക് വലിച്ചിട്ട് ഡോർ ലോക്ക് ചെയ്തു. "ഈശ്വരാ...... എന്താണാവോ ഈ രാക്ഷസന്റെ ഉദ്ദേശ്യം... മുഖത്ത് നല്ല ദേഷ്യമുണ്ട്. എന്നെ കാത്തോളണേ ഭഗവാനേ🙏🙏🙏"

(ദേവു പേടിച്ച് വിറച്ച് നിൽക്കുവാണ്. ആദി അവളുടെ അടുത്തേക്ക് ചേർന്ന് നിന്നു. ആദിയുടെ ഇടം കൈ കൊണ്ട് അവൻ അവളെ ചുമരിലേക്ക് ചേർത്തു നിർത്തി. അവന്റെ വലം കൈ ദേവുവിന്റെ കഴുത്തിന് നേരെ വരുന്നത് കണ്ട് അവൾ ആകെ പകച്ചു. "ഈശ്വരാ ഇങ്ങേര് ഇതെന്തിനുള്ള പുറപ്പാടാ... എന്നെ ഞെക്കി കൊല്ലാനോ മറ്റോ ആണോ...."(ആത്മഗതം). ആദി ദേവുവിന്റെ ഡ്രസ്സിനുള്ളിൽ നിന്ന് താലി പുറത്തേക്ക് വലിച്ചിട്ടു. ആ ആലിലതാലി കൈവെള്ളയിൽ എടുത്ത് അവൻ അവളുടെ നേരേ നോക്കി "എന്തായിത്(ആദി കലിപ്പിൽ ചോദിച്ചു). "താ.....താലി.....(ദേവു വിക്കി പറഞ്ഞു) "ഇതാരാ കെട്ടിയത്😡😡???" ആദിയുടെ ചോദ്യം കേട്ട് ദേവുവിന് ആകെ കൺഫ്യൂഷൻ... ഇങ്ങേർക്ക് ഇതെന്തുപറ്റി???

ഇന്നലെ സാർ തന്നെയല്ലേ എന്റെ കഴുത്തിൽ കെട്ടിയത്. ഇത്ര പെട്ടെന്ന് മറന്നു പോയോ??? "ഡീ........ നിന്നോടാ ചോദിച്ചത് ഇതാരാ കെട്ടിയതെന്ന്" "സാറല്ലേ........" അത് കേട്ടതും ആദി അവളുടെ കൈയിലെ പിടി മുറുക്കി ഒന്നുകൂടി അവളോട് ചേർന്ന് നിന്നു. "ഡീ..... താലി കെട്ടിയവനെ സാർ എന്നാണോ നിന്റെ നാട്ടിൽ വിളിക്കുന്നത്" "അല്ല" "പിന്നെ എന്താ വിളിക്കുവ" "ഏട്ടാ. ന്ന്" "മ്മം........ പിന്നെ നിനക്ക് എന്താ എന്നെ അങ്ങനെ വിളിച്ചാൽ....." "ഇനി വിളിച്ചോളാം" "മ്മം......ഏട്ടാ ന്ന് വിളിക്കണ്ട, അങ്ങനെ വിളിക്കാൻ എനിക്ക് ചിന്നു ഉണ്ട്. നീ ആദിയേട്ടാ ന്ന് വിളിച്ചാൽ മതി. അതാ എനിക്ക് ഇഷ്ടം" "മ്മം.....ശരി "എന്നാ പോയ്ക്കോ"... ന്ന് പറഞ്ഞ് അവൻ ദേവുവിന്റെ കൈയിലെ പിടി വിട്ടു.

"ഓഹ്.......ഈ കാര്യം പറയാനാണോ ഇങ്ങേര് ഇത്രയും വലിയ ബിൽഡപ്പ് കൊടുത്തത്. ഞാൻ ഇപ്പോ പേടിച്ചു ചത്തെനേ......"(ആത്മഗതം) ദേവു വേഗം വാതിൽ തുറക്കാൻ നോക്കിയപ്പോൾ ആദി പിറകിൽ നിന്നും വിളിച്ചു. "നീ ഒന്ന് അവിടെ നിന്നേ????" അവൾ എന്താന്നുള്ള ഭാവത്തിൽ അവനെ നോക്കി "നീ എന്തിനാ വന്നത്?????" "ചായ തരാൻ" "എന്നിട്ട് തന്നോ" അപ്പോഴാ ചായ കൊടുത്തില്ല എന്ന ബോധം അവൾക്ക് വന്നത്. അവൾ വേഗം ചായകപ്പ് അവന് നേരേ നീട്ടി. "ആ ടേബിളിൽ വച്ചേക്ക്....." "ഹും.......... എന്തൊരു ജാഡയാ ഈ സാധനത്തിന്.... എന്റെ കൈയിൽ കേറി പിടിക്കാം എന്നാ എന്റെ കൈയിന്ന് ചായ വാങ്ങി കുടിച്ചുടാ.... ഹും....."

പിറുപിറുത്തു കൊണ്ട് അവൾ ചായ ടേബിളിൽ വച്ച് തിരിഞ്ഞതും തൊട്ടു മുന്നിൽ ആദി ഉണ്ടായിരുന്നു. "എന്താ നീ പറഞ്ഞത്????" "ഒന്നൂല്ല..്‌......." (അവൾ പേടിച്ച് പിറകിലേക്ക് നീങ്ങി.അപ്പോൾ മേശയിൽ തട്ടി വീഴാൻ പോയ അവളെ ആദി പിടിച്ചു നേരേ നിർത്തി. "എന്നെ ഇത്രയും പേടിയാണെയങ്കിൽ ചുമ്മാ ഡയലോഗ് അടിക്കാൻ നിൽക്കണോ" ദേവു ഒരു ചമ്മിയ ചിരി ചിരിച്ചു. അപ്പോഴാ പുറത്ത് നിന്നും അപ്പച്ചിയുടെ ദേവൂ.... ന്നുള്ള വിളി വന്നത്. അത് കേട്ടതും ആദിയെ തട്ടിമാറ്റി അവൾ പുറത്തേക്ക് ഓടി. "ആഹാ..... മോള് എവിടെ ആയിരുന്നു അപ്പച്ചി മോളേ അടുക്കളയിൽ കുറച്ചു സഹായിക്കാം എന്ന് കരുതി വന്നതാ" അതും പറഞ്ഞ് അടുക്കളയിൽ കയറിയ അപ്പച്ചി അൽഭുതപ്പെട്ടു.

"ആഹാ...... മോള് എല്ലാം ഉണ്ടാക്കിയോ?? "രാവിലെ നോക്കിയപ്പോൾ മാവ് ഇരിക്കുന്നത് കണ്ടു അപ്പോ പിന്നെ ഇഡ്ഡലി ഉണ്ടാക്കി. "നന്നായി ഇങ്ങനെയാ മിടുക്കി കുട്ടികൾ" അപ്പോഴേക്കും അച്ഛൻ കഴിക്കാൻ വന്നു. അപ്പച്ചി അച്ഛന് വിളമ്പി കൊടുക്കുന്നത് കൊണ്ട് ദേവു ചിന്നുവിന് വാരി കൊടുത്തു. ചിന്നുവിന്റെ പിറകെ നടന്ന് കഴിപ്പിക്കുന്നത് കണ്ട് അപ്പച്ചി പറഞ്ഞു "നല്ല കുട്ടിയാ അവള്. നമ്മുടെ ആദിയുടെ ഭാഗ്യം. ഇപ്പോഴാ ഇത് ഒരു വീടായത്." "ശരിയാ ശാരദേ നീ പറഞ്ഞത്. നമ്മൾ തേടി കണ്ടുപിടിച്ചാൽ പോലും ഇങ്ങനെ ഒരു കുട്ടിയെ കിട്ടണമെന്നില്ല." അച്ഛന്റെയും അപ്പച്ചിയുടെയും സംസാരം അകത്ത് നിന്ന് കേട്ട ആദിക്കും സന്തോഷമായി.

അതേ ഒറ്റ ദിവസം കൊണ്ട് തന്നെ അവൾ എല്ലാവരുടെയും മനസ്സിൽ ഇടം നേടിയിരിക്കുന്നു. ആദിക്കും അവളോട് ആ സ്നേഹമുണ്ട് എന്നാൽ ഇത്ര ദിവസവും ദേഷ്യം കാണിച്ചിട്ട് പെട്ടെന്ന് ഒരു ദിവസം സ്നേഹം പ്രകടിപ്പിക്കാൻ അവന് വല്ലാത്ത ഒരു മടി. ആദി റെഡി ആയി വരുമ്പോഴേക്കും അച്ഛൻ കഴിച്ച് എണീറ്റിരുന്നു. അപ്പച്ചി വീട്ടിലേക്കും പോയീ. ആദി വന്നിരുന്നപ്പോൾ ദേവുവും ചിന്നുവും അകത്തേക്ക് വന്നു. ആദി ഇരിക്കുന്നത് കണ്ടപ്പോൾ ദേവു വേഗം അവന് വിളമ്പി കൊടുത്തു. ചിന്നു മേശയുടെ മുകളിൽ സ്ഥാനം പിടിച്ച് ആദിയോട് എന്തൊക്കെയോ പറയുകയാണ്. "ഏട്ടാ..... ഇഡ്ഡലി തിന്നു നോക്കിയേ......സുപ്പറാ.... ചിന്നൂട്ടിക്ക് ഇന്ന് ഏടത്തിയമ്മയാ വാരി തന്നത്. കണ്ടോ ചിന്നൂന്റെ കുമ്പ വീർത്തിട്ട്...... ചിന്നു ഏട്ടനോട് എന്തോക്കെയോ പറഞ്ഞു കൊഞ്ചുകയാണ്. ദേവു അത് നോക്കി നിന്നു.

അപ്പോഴാ ആദിയുടെ ചോദ്യം "നീ കഴിച്ചോ??????" ദേവു ന് സംശയം തന്നോട് തന്നെയാണോ ചോദിച്ചത്?? ദേവു ഒന്നും മിണ്ടാതെ നിൽക്കുന്നത് കണ്ട് ആദി ഒന്ന് കൂടി ചോദിച്ചു. "ദേവൂ.... നിന്നോടാ ചോദിച്ചത്, കഴിച്ചോ ന്ന്" "ഇ....ഇല്ല" പെട്ടെന്ന് ആദി ദേവുവിന്റെ കൈയിൽ പിടിച്ച് അവന്റെ അടുത്ത് ഇരുത്തി. പ്ലേറ്റ് എടുത്ത് ദേവുവിന് വിളമ്പി കൊടുത്തു. "അയ്യോ.... മതി.. മതി.. ഞാൻ ഇത്രയൊന്നും കഴിക്കില്ല" "മിണ്ടാതെ ഇരുന്ന് അത് മുഴുവൻ കഴിച്ചോളണം, ചുമ്മാതല്ല ഈർക്കിൽ കമ്പ് പോലെ ഇരിക്കുന്നേ" ദേഷ്യത്തോടെ ആണ് പറയുന്നതെങ്കിലും അതിൽ ആദിയുടെ സ്നേഹവും പ്രകടമായിരുന്നു..... ഒരു ചെറുചിരിയോടെ ദേവു ഭക്ഷണം കഴിച്ചു.

ഭക്ഷണം കഴിച്ച് കഴിഞ്ഞ ഉടനെ ആദി അവന്റെ പ്ലേന്റും എടുത്ത് എണീറ്റു. "ഞാൻ കഴുകിക്കോളാം" എന്ന് പറയാൻ ദേവുവും. ദേവു എണീറ്റത് കണ്ട ആദി അവളെ അവിടെ തന്നെ പിടിച്ചിരുത്തി. "അത് മുഴുവൻ കഴിക്കാതെ ഏണീറ്റാൽ വായിൽ ഉന്തി കയറ്റി തരും ഞാൻ ഓർമ്മിച്ചോ" ആദി കലിപ്പിൽ അത് പറഞ്ഞിട്ട് പോയെങ്കിലും ദേവുവിന് അവിടെ ഇരിപ്പ് ഉറച്ചില്ല. എങ്ങനെയോ കഴിച്ചെന്ന് വരുത്തി അവളും അടുക്കളയിലേക്ക് ചെന്നു. ആദി അപ്പോഴേക്കും അവിടെ ഉണ്ടായിരുന്ന എല്ലാ പാത്രങ്ങളും കഴുകിയിരുന്നു. ദേവുവിനെ കണ്ടതും അവളുടെ പ്ലേറ്റും വാങ്ങിച്ച് കഴുകാൻ തുടങ്ങി. "ഇങ്ങ്, മാറ് ഞാൻ കഴുകിക്കോളാം....." "നീ വരുന്നതിനു മുമ്പ് ഇവിടെ കഴുകലും തുടയ്കലും ഒക്കെ ഉണ്ടായിരുന്നു.

അതും പറഞ്ഞ് ആദി അവന്റെ ജോലി തുടർന്നു. സംസാരത്തിൽ ഒട്ടും മയം ഇല്ലെങ്കില്ലും ആ മനസ്സ് നിറയെ സ്നേഹമാണ് എന്ന് ദേവു ന് മനസ്സിലായി. തെല്ലൊരു അൽഭുതത്തോടെ ഒരുപാട് സന്തോഷത്തോടെ ദേവു അവനെ തന്നെ നോക്കി നിന്നു. ഇത് ശ്രദ്ധിച്ച ആദി ടാപ്പിൽ നിന്ന് കുറച്ചു വെള്ളം എടുത്ത് ദേവുവിന്റെ മുഖത്തേക്ക് തെറിപ്പിച്ചു. "വായ്നോക്കി നിൽക്കാതെ ചെന്നു വായ് കഴുക്ക്. എന്നിട്ട് കുറച്ചു വെള്ളമെടുത്ത് കുടിക്ക്. ഇല്ലേൽ ഇഡ്ഡലി തെണ്ട ക്ക് കുടുങ്ങി മരിച്ചു ന്ന് നാളെ ന്യൂസ് വരും" ആദിയെ നോക്കി ചിരിച്ച് തിരിഞ്ഞു നടക്കുമ്പോൾ ഭാവി ജീവിതത്തെ കുറിച്ച് ഉള്ള പ്രതീക്ഷകൾ ദേവുവിൽ നാമ്പിട്ടുകയായിരുന്നു.................തുടരും………

ഹൃദയത്തിൽ ഒരിടം : ഭാഗം 2