പ്രീമിയം, ലക്ഷ്വറി കാർ വിഭാഗത്തിൽ ഇലക്ട്രിക് (EV), ഹൈബ്രിഡ് വാഹനങ്ങൾക്ക് പ്രിയമേറുന്നതായി റിപ്പോർട്ട്. ഉയർന്ന ലാഭവിഹിതം (High Margin) നൽകുന്ന ഈ വാഹന സെഗ്‌മെന്റിൽ ഉപഭോക്താക്കൾ പരമ്പരാഗത ഇന്ധന കാറുകളിൽ നിന്ന് ഇവി, ഹൈബ്രിഡ് മോഡലുകളിലേക്ക് അതിവേഗം മാറുകയാണെന്ന് വാഹന വ്യവസായ മേഖലയിലെ കണക്കുകൾ സൂചിപ്പിക്കുന്നു.
ആഡംബര കാർ നിർമ്മാതാക്കൾ കൂടുതൽ ഇവി, ഹൈബ്രിഡ് മോഡലുകൾ വിപണിയിൽ എത്തിക്കാൻ തുടങ്ങിയതോടെയാണ് ഈ മാറ്റം ശക്തമായത്. ഉയർന്ന സാങ്കേതികവിദ്യ, പരിസ്ഥിതി സൗഹൃദപരമായ ഡ്രൈവിംഗ്, മികച്ച മൈലേജ്, ഉയർന്ന പെർഫോമൻസ് എന്നിവയാണ് പ്രീമിയം കാർ ഉപഭോക്താക്കളെ ഈ വാഹനങ്ങളിലേക്ക് ആകർഷിക്കുന്ന പ്രധാന ഘടകങ്ങൾ.