ഹോം › ദേശീയം

നാഗർകോവിലിൽ ട്രെയിൻ ബോഗിയിൽ യുവതിയെ ബലാത്സംഗം ചെയ്ത് കൊലപ്പെടുത്തിയ കേസ്; പ്രതി പിടിയിൽ

By Metro Journal Team · 21 Nov 2026, 11:33 AM

തമിഴ്‌നാട്ടിലെ നാഗര്‍കോവിലില്‍ ട്രെയിനില്‍ യുവതിയെ ബലാത്സംഗം ചെയ്ത് കൊന്നു. നാഗര്‍കോവില്‍ റെയില്‍വേ സ്റ്റേഷന്‍ യാര്‍ഡില്‍ നിര്‍ത്തിയിട്ട കോച്ചിനുള്ളില്‍ ആണ് മൃതദേഹം കണ്ടെത്തിയത്. കേരളത്തില്‍ നിന്നു പോയ ട്രെയിനാണിത്. കൊല്ലപ്പെട്ട യുവതിയെ തിരിച്ചറിയാനായിട്ടില്ല. സംഭവത്തില്‍ പ്രതി കന്യാകുമാരി സ്വദേശി അയ്യപ്പന്‍ (31) അറസ്റ്റിലായി.

18ന് രാവിലെ എട്ടുമണിയോടെ ആണ് നാഗര്‍കോവില്‍ ജംഗ്ഷന്‍ റെയില്‍വേ സ്റ്റേഷനിലെ 13-ാം നമ്പര്‍ യാര്‍ഡില്‍ നിര്‍ത്തിയിട്ടിരുന്ന നാഗര്‍കോവില്‍ – കോട്ടയം ട്രെയിനിന്റെ കോച്ചിനുള്ളില്‍ അഴുകിയ നിലയില്‍ മൃതദേഹം കണ്ടെത്തിയത്. നാല് ദിവസം മുമ്പാണ് കൊലപാതകം നടന്നത്. രാത്രി 12.30ന് അഞ്ചാമത്തെ പ്ലാറ്റ്‌ഫോമില്‍ നിന്ന് പ്രതി യുവതിയെ ബലംപ്രയോഗിച്ച് വലിച്ചിഴച്ച് യാര്‍ഡിലേക്ക് കൊണ്ടുപോകുകയായിരുന്നുവെന്നാണ് കരുതുന്നത്. യുവതി അഞ്ചാം നമ്പര്‍ പ്ലാറ്റ്‌ഫോമില്‍ നില്‍ക്കുന്ന ദൃശ്യങ്ങള്‍ റെയില്‍വേ പൊലീസിന് ലഭിച്ചു.

യുവതിയെ ആളില്ലാത്ത കോച്ചില്‍ എത്തിച്ചു ബലാത്സംഗം ചെയ്ത് കൊലപ്പെടുത്തുകയായിരുന്നു. യുവതി ക്രൂര മര്‍ദനത്തിനും ഇരയായി. ഏതാനും മണിക്കൂറുകള്‍ക്ക് ശേഷം പ്രതി കോച്ചില്‍ നിന്ന് പുറത്തിറങ്ങുന്ന ദൃശ്യങ്ങളും പോലീസില്‍ ലഭിച്ചു.

അഴുകിയ മൃതദേഹം കണ്ടെത്തിയ ശേഷം അസ്വാഭാവിക മരണത്തിന് കേസെടുത്ത റെയില്‍വേ പോലീസ്, സിസി ടി വി ദൃശ്യങ്ങള്‍ അടക്കം കേന്ദ്രീകരിച്ചു നടത്തിയ അന്വേഷണത്തിലാണ് പ്രതിയെ പിടികൂടിയത്. കഴിഞ്ഞ മൂന്നു നാല് മാസമായി ഇയാള്‍ റെയില്‍വേ സ്റ്റേഷന്‍ പരിസരത്ത് കറങ്ങി നടന്നിരുന്നായി ആളുകള്‍ പറയുന്നുണ്ടെന്ന് പോലീസ് അറിയിച്ചു.

📲 വാർത്തകൾ WhatsApp-ൽ ലഭിക്കാൻ ചാനലിൽ ജോയിൻ ചെയ്യൂJoin
#killed#murder#police#കോട്ടയം#നാഗര്‍കോവില്‍#പോലീസ്

ബന്ധപ്പെട്ട വാർത്തകൾ

​’1962-ൽ എന്റെ ഗ്രാമം ചൈന കൈയടക്കി’: രാഹുൽ ഗാന്ധിയുടെ പരിഹാസത്തിന് 1962 യുദ്ധം ചൂണ്ടിക്കാട്ടി കിരൺ റിജിജുവിന്റെ മറുപടിടിവികെ എംഎൽഎ വി.എസ്. ബാബുവിന്റെ മരണത്തിൽ ദുരൂഹത; ഗൂഢാലോചന ആരോപിച്ച് പൊലീസിൽ പരാതിമണിപ്പൂരിൽ വൻ വ്യാജമദ്യ ദുരന്തം; 11 പേർക്ക് ദാരുണാന്ത്യം, 300ലേറെ പേർ ചികിത്സയിൽമുംബൈയിൽ പടക്കങ്ങള്‍ നിരോധിക്കുന്നത് പരിഗണിക്കുമെന്ന് ബോംബെ ഹൈക്കോടതിഡൽഹി യൂട്യൂബറുടെ വിവാഹം മുടക്കാൻ 2,000 കിലോമീറ്റർ സഞ്ചരിച്ചെത്തിയ യുവാവ് മർദ്ദനമേറ്റ് മരിച്ചു; പിതാവും വാടകക്കാരനും അറസ്റ്റിൽഇ.ഡി അപ്പീൽ ലിസ്റ്റ് ചെയ്യുന്നതിൽ മൂന്ന് വർഷത്തെ വീഴ്ച; രജിസ്ട്രിക്കെതിരെ അന്വേഷണത്തിന് ഉത്തരവിട്ട് സുപ്രീം കോടതി
പൂർണ്ണ പേജ് കാണുക ›