സ്വർണവിലയിൽ വീണ്ടും കുതിപ്പ്; പവന് 360 രൂപ ഉയർന്നു, സർവകാല റെക്കോർഡിന് അരികെ

സംസ്ഥാനത്ത് സ്വർണവിലയിൽ വീണ്ടും വർധനവ്. പവന് ഇന്ന് 360 രൂപയാണ് വർധിച്ചത്. ഇതോടെ ഒരു പവൻ സ്വർണത്തിന്റെ വിപണിവില 64,520 രൂപയിലെത്തി. നിലവിൽ റെക്കോർഡ് വിലയുടെ അടുത്താണ് ഇന്നത്തെ വില. ഫെബ്രുവരി 25നാണ് സ്വർണവില സർവകാല റെക്കോർഡിൽ എത്തിയത്. അന്ന് 64,600 രൂപയായിരുന്നു പവന്റെ വില ഇന്നത്തെ ട്രെൻഡ് തുടരുകയാണെങ്കിൽ സ്വർണം പുതിയ സർവകാല റെക്കോർഡിലേക്ക് എത്തുമെന്നാണ് ആശങ്ക. ഇന്നലെ സ്വർണവിലയിൽ നേരിയ കുറവ് വന്നിരുന്നു.