സിനിമ, സീരിയൽ നടനും നാടക പ്രവർത്തകനുമായ വിപി രാമചന്ദ്രൻ അന്തരിച്ചു

സിനിമ, സീരിയൽ നടനും സംവിധായകനുമായ വിപി രാമചന്ദ്രൻ അന്തരിച്ചു. 81 വയസായിരുന്നു. സംഗീത നാടക അക്കാദമി ജേതാവ് കൂടിയാണ്. റിട്ട. എയർഫോഴ്‌സ് ഉദ്യോഗസ്ഥനും അമേരിക്കൻ കോൺസുലേറ്റ് ഉദ്യോഗസ്ഥനുമായിരുന്നു. സംസ്‌കാരം വ്യാഴാഴ്ച രാവിലെ 9 മണിക്ക് നടക്കും. 19 സിനിമകളിൽ അഭിനയിച്ചിട്ടുള്ള അദ്ദേഹം നിരവധി സിനിമകൾക്ക് വേണ്ടി ശബ്ദം നൽകിയിട്ടുണ്ട്. അടുത്ത കാലം വരെ സീരിയലുകളിലും നാടകത്തിലും സജീവമായിരുന്നു കിളിപ്പാട്ട്, അപ്പു, അയ്യർ ദ ഗ്രേറ്റ്, കഥാനായിക, ഷെവലിയാർ, സദയം, യുവതുർക്കി, ദി റിപ്പോർട്ടർ, ദയ, അതിജീവനം, വർണപ്പകിട്ട്, കുങ്കുമച്ചെപ്പ്, ഗംഗോത്രി തുടങ്ങിയവയാണ് പ്രധാന സിനിമകൾ.