കെകെ രമ എംഎൽഎയുടെ പിതാവും മുൻ സിപിഎം നേതാവുമായ കെ കെ മാധവൻ അന്തരിച്ചു

വടകര എംഎൽഎ കെ.കെ രമയുടെ പിതാവ് കെ.കെ.മാധവൻ അന്തരിച്ചു. വാർധക്യസഹജമായ അസുഖങ്ങളെ തുടർന്ന് ചികിത്സയിലായിരുന്നു. ഇന്ന് പുലർച്ചെ 4 മണിക്ക് സ്വവസതിയിലായിരുന്നു അന്ത്യം.

സംസ്‌കാരം ഇന്ന് വൈകിട്ട് 6 മണിക്ക് കോഴിക്കോട് നടുവണ്ണൂരിലെ വീട്ടുവളപ്പിൽ നടക്കും. സിപിഎം പേരാമ്പ്ര മുൻ ഏരിയാ സെക്രട്ടറിയും കർഷക സംഘം നേതാവുമായിരുന്നു. ടി പി ചന്ദ്രശേഖരൻ വധത്തെത്തുടർന്ന് പാർട്ടി വിടുകയായിരുന്നു.