വർധനവിന് താത്കാലിക ബ്രേക്കെടുത്ത് സ്വർണവില; പവന് ഇന്ന് 360 രൂപ കുറഞ്ഞു

സംസ്ഥാനത്ത് ദിവസങ്ങൾക്ക് ശേഷം സ്വർണവിലയിൽ ഇടിവ്. പവന് ഇന്ന് 360 രൂപയാണ് കുറഞ്ഞത്. ഇതോടെ ഒരു പവൻ സ്വർണത്തിന്റെ വില 64,200 രൂപയായി. ഗ്രാമിന് 45 രൂപയുടെ കുറവാണ് രേഖപ്പെടുത്തിയത്. 22 കാരറ്റ് സ്വർണം ഗ്രാമിന് 8025 രൂപയിലാണ് വ്യാപാരം നടക്കുന്നത്. വെള്ളിവിലയിൽ മാറ്റമില്ല. ഗ്രാമിന് 108 രൂപയിൽ തുടരുകയാണ് കഴിഞ്ഞ മാസം 22നാണ് പവന്റെ വില ആദ്യമായി 60,000 കടന്നത്. പിന്നീട് ഒരു മാസം കൊണ്ട് നാലായിരത്തിലേറെ രൂപയുടെ വർധനവാണുണ്ടായത്.