യുഡിഎഫിൽ ചേരാനുള്ള ശ്രമങ്ങൾക്കിടെ പാണക്കാട് എത്തി മുസ്ലിം ലീഗ് സംസ്ഥാന പ്രസിഡന്റ് സാദിഖലി ശിഹാബ് തങ്ങളുമായി കൂടിക്കാഴ്ച നടത്തി പിവി അൻവർ. നിലമ്പൂർ ഫോറസ്റ്റ് ആക്രമണക്കേസിൽ ജയിൽ മോചിതനായതിന് പിന്നാലെയാണ് അൻവർ പാണക്കാട് എത്തിയത്.
നിങ്ങൾ ഒരു ഫെഡറൽ ബാങ്ക് ഉപഭോക്താവ് ആണോ...? നിങ്ങൾക്ക് ലഭിക്കും ബാങ്കിൽ പോകാതെ പേർസണൽ ലോൺ...! >>> ഇവിടെ ക്ലിക്ക് ചെയ്യുക
പാണക്കാട് എല്ലാവരുടെയും അത്താണിയാണെന്ന് പിവി അൻവർ പറഞ്ഞു. മലയോര മേഖലയുടെ പ്രശ്‌നങ്ങളിൽ ലീഗ് പിന്തുണ അറിയിച്ചു. യുഡിഎഫ് പ്രവേശനത്തെ കുറിച്ച് സ്വഭാവികമായും അവർ ചർച്ച ചെയ്യും. അടുത്ത തവണ ജയിക്കുക എന്നതിലുപരി പിണറായിയെ തോൽപ്പിക്കുക എന്നതിലാണ് കാര്യം. ചർച്ചയിൽ പൂർണ തൃപ്തനാണെന്നും പിവി അൻവർ പറഞ്ഞു
യുഡിഎഫിനെ ശക്തിപ്പെടുത്താൻ വേണ്ട നടപടികൾ സ്വീകരിക്കുമെന്ന് കൂടിക്കാഴ്ചക്ക് ശേഷം സാദിഖലി തങ്ങൾ പറഞ്ഞു. അൻവർ ഉയർത്തുന്ന പ്രശ്‌നങ്ങളിൽ യുഡിഎഫിന് അഭിപ്രായവ്യത്യാസമില്ല. രാഷ്ട്രീയ കാര്യങ്ങൾ യുഡിഎഫ് ചർച്ച ചെയ്യുമെന്നും സാദിഖലി തങ്ങൾ പറഞ്ഞു
അൻവർ ഉയർത്തിപ്പിടിച്ച കാര്യങ്ങളിൽ യുഡിഫിനു എതിർപ്പില്ല. അത് ചർച്ച ചെയ്യപ്പെടേണ്ട കാര്യം തന്നെ. വനനിയമ ഭേദഗതി ബിൽ സങ്കീർണ്ണമാണ്. കേരളത്തിലെ ജനങ്ങൾ മുഴുവൻ ആഗ്രഹിക്കുന്ന കാര്യമാണ് യുഡിഎഫ് ഭരണത്തിൽ വരണമെന്നത്. അധികാരത്തിൽ വരാനുള്ള രാഷ്ട്രീയപരമായ എല്ലാ കാര്യങ്ങളും യുഡിഎഫ് തീരുമാനിക്കും. യുഡിഎഫിനെ ശക്തിപ്പെടുത്താനുള്ള എല്ലാ ഘടകങ്ങളും യുഡിഎഫ് ചർച്ച ചെയ്ത് തീരുമാനിക്കും. അടുത്ത ഇലക്ഷനിൽ യുഡിഎഫിന് ശക്തിപ്പെടേണ്ടതുണ്ട് അതിനു വേണ്ട കാര്യങ്ങൾ എല്ലാം യുഡിഎഫ് ചെയ്യുമെന്നു സാദിഖലി പറഞ്ഞു
-
-
-
-
-
-
-
-
-
-
-
-
