ബാലക്കെതിരെ ആഞ്ഞടിച്ച് സായി കൃഷ്ണ; ഇതൊക്കെ കല്യാണമോ അതോ നാടകമോ; ഇപ്പോഴത്തെ ഭാര്യയെ നേരത്തെയും അദ്ദേഹത്തിനൊപ്പം കണ്ടിട്ടുണ്ട്

കൊച്ചി: നാലമാതും വിവാഹം ചെയ്ത നടന്‍ ബാലക്കെതിരെ ആഞ്ഞടിച്ച് യൂട്യൂബര്‍ സായി കൃഷ്ണ. കല്യാണം സംബന്ധിച്ചും വധുവിനെ സംബന്ധിച്ചും ആക്ഷേപങ്ങളും സംശയങ്ങളും ഉന്നയിച്ച സായി മറ്റുള്ളവരുടെ ജീവിതത്തിലേക്ക് ഇടപെടാന്‍ വരരുതെന്ന് ഉപദേശവും നല്‍കുന്നുണ്ട്.

തന്റെ സ്വത്തിന് അവകാശി വേണമെന്നും അതുകൊണ്ട് പുതിയ കല്യാണം കഴിക്കുന്നുവെന്നുമാണ് ബാല മാധ്യമങ്ങള്‍ക്ക് മുന്നില്‍ പറഞ്ഞത്. എന്നാല്‍, നേരത്തേ മാധ്യമങ്ങളോട് കല്യാണം കഴിക്കാന്‍ ആലോചിക്കുന്നുവെന്ന് വ്യക്തമാക്കിയ സമയത്ത് തന്നെ ബാല വിവാഹം ഉറപ്പിച്ചിരുന്നുവെന്നും ബന്ധുവാണെന്ന് പറയുന്ന കോകിലയെന്ന യുവതിയെ നേരത്തേയും ബാലക്കൊപ്പം ഉണ്ടായിരുന്നുവെന്നും സായി ആരോപിക്കുന്നുണ്ട്.
സായിയുടെ വാക്കുകളിലേക്ക് -‘ബാല വീണ്ടും വിവാഹിതനായിരിക്കുകയാണ്. എന്ത് പറയാനാണ് ഇങ്ങേരെ പറ്റി. എന്റെ വീടിന് മുന്‍പില്‍ ഒരു സ്ത്രീയും കുട്ടിയും വന്ന് നില്‍ക്കുന്നുവെന്ന് പറഞ്ഞ് ചെയ്ത വീഡിയോ നാടകത്തിന് തിരശീല വീഴുക ഇങ്ങനെയായിരിക്കും എന്നത് ഏകദേശം എല്ലാ മലയാളികള്‍ക്കും മനസിലായതാണ്. ഈ സംഭവത്തെ കുറിച്ച് പറയാന്‍ മാധ്യമങ്ങളെ വിളിച്ച് ചേര്‍ത്തപ്പോഴാണ് വീണ്ടും കല്ല്യാണം കഴിക്കുമെന്ന് പറഞ്ഞത്. അങ്ങേരുടേത് അട്രോഷ്യസ് ആയിട്ടുള്ള കളിയാണ്. സ്ത്രീയും കുട്ടിയും വീടിന് മുന്‍പില്‍ വന്നുവെന്നൊക്കെ പറഞ്ഞ സംഭവത്തില്‍ കേസ് കൊടുത്തിട്ടുണ്ടെന്നൊക്കെയാണ് ബാല പറയുന്നത്. ഇത്രയും കൃത്യമായ സിസിടിവി ദൃശ്യം ഉണ്ടായിട്ടും ഇന്നേ വരെ അവരെ പോലീസ് പൊക്കിയിട്ടില്ല. അല്ലെങ്കില്‍ അതിനെ കുറിച്ചുള്ള വിവരങ്ങളൊന്നും പുറത്തുവന്നിട്ടില്ല. എന്തായാലും അങ്ങേര് കളിച്ചൊരു നാടകമാണ് അതെന്നാണ് ഞാന്‍ വിശ്വസിക്കുന്നത്. പുതിയ ജീവിതത്തിലെങ്കിലും ഇനി അയാള്‍ സെറ്റിലായി പോകണം. മറ്റുള്ളവരുടെ ജീവിതത്തിലേക്ക് ഇനി വലിഞ്ഞ് കയറി പോകരുതെന്ന സാമാന്യ മര്യാദ അയാള്‍ കാണിക്കണം. വിവാഹം കഴിച്ച സ്ത്രീയെ കുറച്ചുകാലമായി അങ്ങേര്‍ക്കൊപ്പം ഞാന്‍ കണ്ടിട്ടുണ്ടായിരുന്നു. കോകില എന്നോട് പറഞ്ഞത് ബന്ധുവാണെന്നാണ്. എന്തായാലും ആകട്ടെ മറ്റുള്ള ജീവിതത്തില്‍ ഇടപെടാതിരുന്നാല്‍ മതി. പക്ഷെ ഇയാള്‍ പഴയ ഭാര്യ കുട്ടി എന്നീ വിഷയങ്ങളെ കുറിച്ച് വീണ്ടും ഇയാള്‍ പറയും. പറഞ്ഞാല്‍ നാട്ടുകാര് ഇനി വെറുതെ വിടില്ല. ബാലയുടെ വിവാഹത്തിന് പിന്നാലെ വീഡിയോയുമായി എലിസബത്ത്; ‘രണ്ട് കാര്യങ്ങളിലാണ് ഇപ്പോള്‍ സന്തോഷം’ കല്ല്യാണം സെറ്റാക്കിയതിന് ശേഷമാണ് ആള്‍ വിവാഹം കഴിക്കുമെന്ന് വീണ്ടും വന്ന് പറഞ്ഞത്. വിവാഹം കഴിച്ചതില്‍ സന്തോഷമാണെന്നാണ് അയാള്‍ പറയുന്നത്. എന്തായാലും ആ സന്തോഷമായി അയാള്‍ പോകട്ടെ, മറ്റുള്ളവരുടെ സന്തോഷം കെടുത്താതിരിക്കട്ടെ. മാധ്യമങ്ങള്‍ക്ക് മുന്നില്‍ വന്നിരുന്ന് ഗിമ്മിക്കുകള്‍ കാണിക്കാതിരിക്കട്ടെ. അങ്ങനെ ചെയ്താല്‍ സ്വന്തം സമാധാനവും സന്തോഷവും പോകും. അമൃത മറ്റൊരു വിവാഹം കഴിച്ചപ്പോള്‍ പലരും അവരെ വിമര്‍ശിച്ചു. അതൊക്കെ അവരുടെ വ്യക്തിപരമായ താത്പര്യമാണ്. ഇവിടെ ബാല വിവാഹം കഴിച്ചത് നാല് പേരെയാണ്. പുരുഷന്‍ എന്ന നിലയിലുള്ള പ്രിവിലേജൊക്കെ അയാള്‍ നന്നായി ഉപയോഗിച്ചിട്ടുണ്ട്. ഓരോ വിഷയത്തിലും എങ്ങനെ മാധ്യമങ്ങള്‍ക്ക് മുന്‍പില്‍പ്രതികരിക്കണമെന്നൊക്കെ അയാള്‍ക്കറിയാം. എന്തായാലും എല്ലാം സെറ്റാക്കി വെച്ചാണ് ഇയാള്‍ മാധ്യമങ്ങള്‍ക്ക് മുന്‍പില്‍ വന്നത്’, സായ് കൃഷ്ണ പറഞ്ഞു.